ARYNews.tv | Urdu – Har Lamha Bakhabar

Tag: لاہور جلسہ

  • 21 ستمبر کو ہرحال میں جلسہ ہوگا، پی ٹی آئی کا دو ٹوک اعلان

    21 ستمبر کو ہرحال میں جلسہ ہوگا، پی ٹی آئی کا دو ٹوک اعلان

    لاہور : پاکستان تحریک انصاف (پی ٹی آئی) نے 21 ستمبر کو لاہور میں ہر حال میں جلسہ کرنے کا اعلان کردیا اور کہا عوام زیادہ سے زیادہ تعداد میں پُر امن طریقے سے نکلیں۔

    تفصیلات کے مطابق پاکستان تحریک انصاف (پی ٹی آئی) کا اعلیٰ سطح کا اعلان ہوا ، جس میں فیصلہ کیا گیا کہ 21ستمبرکوہرحال میں جلسہ ہوگا۔

    جنرل سیکرٹری پاکستان تحریک انصاف لاہور اویس یونس نے کہا کہ پارٹی عہدیداران کو ٹاسک دے دیے گئے ہیں، زندہ دلان لاہور ایک بار پھر ثابت کرینگےلاہور با نی کےساتھ کھڑا ہے۔

    اویس یونس کا کہنا تھا کہ وزیراعلیٰ علی امین گنڈاپور خیبر پختونخوا کے قافلوں اور پنجاب کےریجنل اورضلعی صدوراپنےاپنےعلاقوں کےقافلوں کی قیادت کریں گے جبکہ دیگر ممبران اسمبلی و ٹکٹ ہولڈرزبھی قافلوں کولیڈ کریں گے۔

    دوسری جانب چیئرمین پاکستان تحریک انصاف بیرسٹرگوہر نے لاہور جلسےسےمتعلق ویڈیوپیغام میں کہا ہے کہ ایک عرصےبعد ہم مینار پاکستان پر جلسہ کرنے جا رہے ہیں، عوام زیادہ سے زیادہ تعداد میں پُر امن طریقے سے نکلیں، بانی پی ٹی آئی کی رہائی اور عدلیہ کی آزادی کیلئےجلسے میں آئیں۔

    خیال رہے جلسے کو ایک روز باقی ضلعی انتظامیہ اجازت کےحوالے سےفیصلہ نہ کرسکی،ذرائع نے بتایا کہ ڈی جی کی جانب سےپولیس سےاجازت کیلئے مانگی گئی رپورٹ کو2 روز گزر گئے، ضلعی انتظامیہ لاہور کو پاکستان تحریک انصاف کی طرف سے اب تک 3درخواستیں موصول ہوئی ہیں۔

  • لاہور جلسہ، بجلی لوڈ شیڈنگ کا منصوبہ الٹا پڑنے لگا

    لاہور جلسہ، بجلی لوڈ شیڈنگ کا منصوبہ الٹا پڑنے لگا

    ڈسکہ: لاہور کے جلسے میں رکاوٹ ڈالنے کے غرض سے بجلی لوڈ شیڈنگ کا منصوبہ مخالفین کو الٹا پڑنے لگا ہے۔

    تفصیلات کے مطابق پی ٹی آئی کے لاہور جلسے کے موقع پر بجلی لوڈ شیڈنگ منصوبہ الٹا پڑنے لگا، گھروں میں ٹی وی پر جلسہ دیکھنے والے اب لوڈ شیڈنگ شیڈول کی وجہ سے جلسے میں شرکت کی تیاری کرنے لگ گئے ہیں۔

    موبائل دکانوں پر انٹر نیٹ پیکجز کرانے والوں کا بھی رش بڑھ گیا، شہریوں کا کہنا ہے کہ بجلی کی لوڈ شیڈنگ ہوئی تو موبائل فون پر خان کی تقریر سنیں گے۔

    اسلام آباد میں تحریک انصاف کو جلسے کیلئے اسکرین لگانے کی اجازت مل گئی

    شہری رائے کا اظہار کر رہے ہیں کہ غیرت مند پاکستانیوں کو عمران خان سے الگ نہیں کیا جا سکتا۔

    لاہور میں گریٹر اقبال پارک مینار پاکستان پر تحریک انصاف ایک بار پھر پاور شو کرنے جا رہی ہے، عمران خان کی آمد سے متعلق شیڈول اے آر وائی نیوز نے حاصل کر لیا ہے، چیئرمین اسلام آباد سے خصوصی طیارے پر شام 6 بجے لاہور روانہ ہوں گے۔

    شاہ محمود قریشی اور شہباز گل عمران خان کے ہمراہ ہوں گے، پی ٹی آئی لاہور کی قیادت عمران خان کا استقبال کرے گی، علامہ اقبال انٹرنیشنل ایئر پورٹ پر سیکیورٹی سے متعلق انتظامات مکمل کر لیے گئے ہیں، پی ٹی آئی کے چیئرمین عمران خان حج لاؤنج سے روانہ ہوں گے۔

  • لاہور جلسہ : اسلام آباد میں بڑی اسکرین کی اجازت نہ دینے پر پی ٹی آئی ہائی کورٹ پہنچ گئی

    لاہور جلسہ : اسلام آباد میں بڑی اسکرین کی اجازت نہ دینے پر پی ٹی آئی ہائی کورٹ پہنچ گئی

    اسلام آباد : لاہور جلسے کیلئے اسلام آباد میں اسکرین کی اجازت نہ دینے پر تحریک انصاف ہائی کورٹ پہنچ گئی۔

    تفصیلات کے مطابق اسلام آباد میں اسکرین کی اجازت نہ دینے پر تحریک انصاف نے ہائی کورٹ میں درخواست دائر کردی۔

    پی ٹی آئی رہنما علی نوازاعوان نے درخواست اسلام آباد ہائی کورٹ میں دائر کی، جس میں کہا گیا کہ انتظامیہ نے غیرقانونی طور پر اسکرین اور پارک بند کردیا ، عدالت پرامن جلسہ کرنےکی اجازت دے۔

    درخواست میں استدعا کی لاہور جلسے کیلئے اسلام آباد میں بڑی اسکرین لگانے کی اجازت دی جائے۔

    تحریک انصاف درخواست میں ڈی سی اورآئی جی اسلام آبادکوفریق بنایا گیا اور کہا گیا کہ آج ہی درخواست پر سماعت کرکے اسلام آباد میں ویڈیو جلسے کی اجازت دیں۔

    اسلام آباد میں بڑی اسکرین کی اجازت نہ دینے پر پی ٹی آئی کی درخواست سماعت کیلئے مقرر کردی ، اسلام آباد ہائی کورٹ کے چیف جسٹس اطہر من اللہ کچھ دیر بعد سماعت کریں گے۔

  • 10 اپریل: ملکی سیاست کی تاریخ کا ایک نہایت اہم اور یادگار دن

    10 اپریل: ملکی سیاست کی تاریخ کا ایک نہایت اہم اور یادگار دن

    مارشل لاء 31 دسمبر 1985 کو اٹھا لیا گیا تھا اور اس کے اگلے ہی سال اپریل میں بے نظیر بھٹو بھی وطن واپس آگئیں جسے ملکی سیاست کی تاریخ میں نہایت اہم اور یادگار دن قرار دیا جاتا ہے۔

    لاہور میں سیاسی کارکنوں اور عوام نے بے نظیر بھٹو کا فقیدُ المثال استقبال کیا۔ پاکستان میں سیاسی جماعتوں کے راہ نماؤں، طلبہ اور مختلف شہری تنظیموں کی قیادت اور کارکنوں کے ساتھ ملک بھر میں صحافیوں اور دانشوروں کے لیے ضیاءُ‌ الحق کا دورِ آمریت پھانسی کے پھندوں، کوڑوں کی سزاؤں، احتجاجی مظاہروں‌ کے دوران بدترین تشدد سہتے ہوئے اور جیل یا پھر عدالتوں میں‌ اپنے خلاف مختلف جھوٹے مقدمات لڑتے ہوئے گزرا تھا اور 1986ء میں انھیں نوجوان سیاسی لیڈر نے اپنی جانب متوجہ کرلیا۔ اعلان کیا گیا تھا کہ 10 اپریل کو پیپلز پارٹی کی شریک چیئر پرسن بے نظیر بھٹو تین سالہ جلا وطنی ختم کرکے پاکستان واپس آ رہی ہیں۔

    بے نظیر بھٹو اس جلاوطنی سے قبل کئی سال اپنے وطن میں نظر بند رہی تھیں۔ اس روز صبح کے وقت وہ بذریعہ ہوائی جہاز لاہور پہنچیں جہاں سیاسی جماعت کی اس قائد اور عوامی راہ نما کو مینارِ پاکستان پر جلسۂ عام سے خطاب کرنا تھا۔ بے نظیر بھٹو کی آمد پر ان کا استقبال ملک کی تاریخ کا ایک اہم اور نہایت منفرد و شان دار واقعہ ثابت ہوا۔ اس روز لاکھوں لوگ لاہور کی سڑکوں پر موجود تھے۔ محترمہ مینارِ پاکستان پہنچیں، لیکن عوام کے جلوس کی وجہ سے صرف 9 میل کا فاصلہ لگ بھگ دس گھنٹے میں طے ہوا۔ اس موقع پر کئی جذباتی مناظر دیکھنے میں آئے اور جیالے اپنی قائد کی آمد کی خوشی کے ساتھ بھٹو خاندان کے حق میں نعرے لگاتے رہے۔ لاہور کے بعد بے نظیر بھٹو نے گوجرانوالہ، فیصل آباد، سرگودھا، جہلم اور راولپنڈی کے بھی دورے کیے اور ہر جگہ عوام کا سمندر تھا اور لوگوں نے ان کا والہانہ استقبال کیا۔

    محترمہ بے نظیر بھٹو 3 مئی 1986ء کو کراچی پہنچیں جہاں شاہراہِ قائدین پر پارٹی کی جانب سے ایک جلسے کا اہتمام کیا گیا تھا۔ خطاب کے لیے جلسہ گاہ پہنچنے کے لیے بھی انھیں کئی گھنٹے سفر کرنا پڑا تھا۔

  • اب لانگ مارچ ہوگا، اسلام آباد آ رہے ہیں: بلاول بھٹو

    اب لانگ مارچ ہوگا، اسلام آباد آ رہے ہیں: بلاول بھٹو

    لاہور: پاکستان پیپلز پارٹی کے چیئرمین بلاول بھٹو زرداری نے پی ڈی ایم مینار پاکستان جلسے میں خطاب کرتے ہوئے کہا ہے کہ جمہوریت میں ہمارا خون شامل ہے، اس کا دفاع کریں گے، مذاکرات کا وقت گزر چکا اب اسلام آباد کی طرف لانگ مارچ کریں گے۔

    بلاول بھٹو کا کہنا تھا کہ ہمارے درمیان دراڑ نہیں آئے گی، کوششیں بند کی جائیں، عوام نے اپنا فیصلہ سنا دیا، ہم اسلام آباد آ رہے ہیں اور پہنچ کر وزیر اعظم سے استعفیٰ چھین لیں گے۔

    انھوں نے کہا ہم اپنے سیاسی اختلافات بھلا کر پی ڈی ایم کے پلیٹ فارم پر متحد ہوئے ہیں، یہ اقتدار کی نہیں عوام کی حق حکمرانی کی جنگ ہے، عوام کے خلاف ہمیشہ سازش کی گئی اب یہ سلسلہ بند ہونا چاہیے۔

    پنڈال میں لوگ اس لیے نہیں آ سکے کہ پنڈال میں جگہ باقی نہیں: مریم نواز

    بلاول نے کہا پاکستان کے سب سے بڑے صوبے کے ساتھ مذاق کیا جا رہا ہے، وزیر اعظم نے پنجاب کا تاج کٹھ پتلی کے سر پر رکھا، لاہور کے لوگ بے سہارا نہیں، پی ڈی ایم ان کے ساتھ کھڑی ہے، ان شاء اللہ حکمران گھر جانے والے ہیں۔

    انھوں نے خطاب میں کہا ہم کشتیاں جلا کر میدان میں اترے ہیں، لاہور کی گلیاں اور محلے ہماری قربانیوں کی داستانوں کےگواہ ہیں، عوام تحریک کا ساتھ دیتے ہیں تو ظلم کی زنجیریں ٹوٹ جایا کرتی ہیں۔

  • پنڈال میں لوگ اس لیے نہیں آ سکے کہ پنڈال میں جگہ باقی نہیں: مریم نواز

    پنڈال میں لوگ اس لیے نہیں آ سکے کہ پنڈال میں جگہ باقی نہیں: مریم نواز

    لاہور: پاکستان مسلم لیگ ن کی مرکزی نائب صدر مریم نواز نے کہا ہے کہ آج زندہ دلان لاہور نے مجھے خوش کر دیا ہے، پنڈال میں لوگ اس لیے نہیں آ سکے کیوں کہ پنڈال میں جگہ باقی نہیں بچی۔

    مریم نواز آج لاہور میں مینار پاکستان پر پاکستان ڈیموکریٹک موومنٹ کے جلسے سے خطاب کر رہی تھیں، انھوں نے کہا یہ کون کہتا تھا کہ ن لیگ کو کہو گراؤنڈ بھر کر دکھائے، آج دیکھ لیں مینار پاکستان کے آس پاس کی سڑکیں بھر چکی ہیں۔

    انھوں نے کہا جلسہ منتظمین نے بتایا تھا کہ پنڈال میں ہزاروں کرسیاں لگی ہوئی ہیں، پنڈال میں مجھے ایک بھی کرسی نظر نہیں آ رہی، لوگ ہی اتنے ہیں، لاہور سگے بھائی کا مظاہرہ کرتے ہوئے سندھ کا بھی ویلکم کرتا ہے، ہزاروں لوگ جگہ نہ ہونے کی وجہ سے نہیں آ سکے۔

    مریم نواز نے کہا لاہوریوں نے آج عوام دشمن حکومت کو مینار پاکستان سے نیچے پھینک دیا ہے، نواز شریف اب عوام کی روٹی چوری کرنے اور پاکستان کی ترقی روکنے والوں کو این آر او نہیں دے گا۔

    انھوں نے جلسے کے شرکا کو مخاطب کرتے ہوئے کہا جلسوں میں ماسک پہن کر آئیں کیوں کہ مجھے آپ کی زندگی کی فکر ہے، لیکن کرونا سے زیادہ خطرناک کو وِڈ 18 ہے، لاہوریوں نے مینار پاکستان کے سائے میں نئی تاریخ رقم کی ہے، لاہور پاکستان کے چاروں صوبوں کو جوڑے گا۔

    مریم نواز نے کہا پاکستان میں ترقی قرنطینہ ہوگئی ہے، گندم، آٹا، چینی، بجلی قرنطینہ ہوگئی ہے، میڈیا اور عوام کا روزگار قرنطینہ میں چلا گیا ہے، لاہوریوں کو اس کا مقابلہ کرنے کے لیے تیار ہونا ہوگا۔

  • پی ڈی ایم لاہور جلسے کا مین آف دی میچ کون؟ بابر اعوان نے بتا دیا

    پی ڈی ایم لاہور جلسے کا مین آف دی میچ کون؟ بابر اعوان نے بتا دیا

    اسلام آباد: مشیر پارلیمانی امور ڈاکٹر بابر اعوان نے کہا ہے کہ صرف پاکستان کا کپتان ’کراؤڈ پُلر ہے‘ 24 گھنٹے میں جنھوں نے اسلام آباد کا پریڈ گراؤنڈ بھر دیا تھا، آج پی ڈی ایم لاہور جلسے کا مین آف دی میچ ’ڈرون کیمرہ‘ ہے۔

    اپنے ایک ٹویٹ میں بابر اعوان نے کہا کہ پاکستان کا کپتان 2 دن کی کال پر گریٹر اقبال پارک میں آزادی مارچ کا سونامی لایا تھا، تحریکیں جنون سے بنتی ہیں، کرپشن کے مال سے نہیں۔

    مشیر پارلیمانی امور کا کہنا تھا 2 بجے سے کاؤنٹ ڈاؤن جاری ہے، لیکن عوام کا سمندر تو کیا، کوئی لہر بھی نظر نہ آئی، دو ماہ تیاری کی گئی اور 2 ہفتے مریم نے لاہوریوں کے ترلے اور منتیں کیں، لیکن لاہور تو کیا کارکن بھی باہر نہ نکلے۔

    ڈاکٹر بابر اعوان نے کہا کہ مینار پاکستان میں چند ہزار کرسیوں کی کارنر میٹنگ کا پنڈال بھی خالی ہے، پنجاب نے اپنا فیصلہ دے دیا، پی ڈی ایم ریجیکٹ ہے۔

    واضح رہے کہ جلسے کی تعداد کے حوالے سے مختلف آرا سامنے آ رہی ہیں، پولیس ذرائع کے مطابق جلسے میں 8 ہزار سے ساڑھے 8 ہزار لوگ موجود ہیں، اسپیشل برانچ کے مطابق ساڑھے 9 ہزار سے 10 ہزار لوگ موجود ہیں، جب کہ آزاد ذرائع کے مطابق جلسے میں 9 ہزار سے 10 ہزار افراد موجود ہیں۔

    پی ڈی ایم کا مینار پاکستان کا جلسہ تمام تر بدنظمیوں کے ساتھ شروع ہو چکا ہے، پنڈال میں اس وقت اندازوں سے بھی کم لوگ جمع ہوئے ہیں، جس کے بارے میں شیخ رشید نے کہا کہ پی ڈی ایم نے اپنی سیاسی قبر خود کھود دی ہے۔

    پی ڈی ایم جلسے میں شدید بدنظمی، متعدد اہم رہنماؤں کو اسٹیج پر جانے سے روک دیا گیا

    شدید بدنظمی کا یہ عالم رہا کہ متعدد اہم رہنماؤں کو بھی اسٹیج پر جانے سے روک دیا گیا، سابق وزیر اعلیٰ بلوچستان عبدالمالک بلوچ کو اسٹیج پر جانے سے روکا گیا، تو وہ ناراض ہو کر واپس جانے لگے، پھر رضاکاروں نے ان سے معافی مانگی لیکن ڈاکٹرعبد المالک بلوچ نے اسٹیج پر جانے سے ہی انکار کر دیا، ان کا کہنا تھا 3 بار پنڈال میں جانے کی کوشش کی لیکن اندر نہ جا سکا، اب تقاریر پنڈال پر نہیں بلکہ نیچے کھڑے ہو کر سنوں گا۔

    ادھر پی پی سینئر رہنما ثمینہ خالدگھرکی کو بھی اسٹیج پر جانے نہیں دیاگیا، جس پر وہ بھی ناراض ہو کر واپس روانہ ہو گئیں، ان کا کہنا تھا اس قدر بدنظمی اور بد تمیزی ہے کہ اوپر بھی نہیں جا سکی، بلاول اسٹیج پر ہیں اس لیے بدنظمی پر بات نہیں کرنا چاہتی۔

  • پی ڈی ایم جلسے میں شدید بدنظمی، متعدد اہم رہنماؤں کو اسٹیج پر جانے سے روک دیا گیا

    پی ڈی ایم جلسے میں شدید بدنظمی، متعدد اہم رہنماؤں کو اسٹیج پر جانے سے روک دیا گیا

    لاہور: مینار پاکستان میں جاری پی ڈی ایم جلسے میں شدید بدنظمی دیکھنے میں آ رہی ہے، متعدد اہم رہنماؤں کو اسٹیج پر جانے سے روک دیا گیا۔

    تفصیلات کے مطابق سابق وزیر اعلیٰ بلوچستان عبدالمالک بلوچ کو اسٹیج پر جانے سے روک دیا گیا، جس پر وہ ناراض ہو کر واپس جانے لگے تو رضاکاروں نے ان سے معافی مانگی۔

    روکے جانے کے بعد ڈاکٹرعبد المالک بلوچ نے اسٹیج پر جانے سے ہی انکار کر دیا، ان کا کہنا تھا 3 بار پنڈال میں جانے کی کوشش کی لیکن اندر نہ جا سکا، اب تقاریر پنڈال پر نہیں بلکہ نیچے کھڑے ہو کر سنوں گا۔

    ادھر پی پی سینئر رہنما ثمینہ خالدگھرکی کو بھی اسٹیج پر جانے نہیں دیاگیا، جس پر وہ بھی ناراض ہو کر واپس روانہ ہو گئیں، ان کا کہنا تھا اس قدر بدنظمی اور بد تمیزی ہے کہ اوپر بھی نہیں جا سکی، بلاول اسٹیج پر ہیں اس لیے بدنظمی پر بات نہیں کرنا چاہتی۔

    پی ڈی ایم جلسے میں کتنے لوگ شریک؟

    دوسری طرف پی ڈی ایم جلسہ شروع ہو چکا ہے، میاں افتخار حسین خطاب کرتے ہوئے جلسے میں قراردادیں پیش کیں، قرارداد میں کہا گیا تھا کہ اٹھارویں ترمیم کسی صورت نہ چھیڑی جائے، صوبائی خودمختاری کو یقینی بنایا جائے، دوبارہ الیکشن ہوں جو مداخلت سے پاک ہو، لاپتا افراد کو عدالت کے سامنے پیش کیا جائے۔

    قرارداد کے مطابق پی ڈی ایم وفاقی اور صوبائی نظام پر کمپرومائز نہیں کرے گا، پمز اسلام آباد کے ملازمین کی برطرفی کی مذمت کرتے ہیں، گوادر شہر میں لگائی گئی باڑھ کی مذمت کرتے ہیں اسے فوراً ہٹایا جائے۔

    واضح رہے کہ جلسے کی تعداد کے حوالے سے مختلف آرا سامنے آ رہی ہیں، پولیس ذرائع کے مطابق جلسے میں 8 ہزار سے ساڑھے 8 ہزار لوگ موجود ہیں، اسپیشل برانچ کے مطابق ساڑھے 9 ہزار سے 10 ہزار لوگ موجود ہیں، جب کہ آزاد ذرائع کے مطابق جلسے میں 9 ہزار سے 10 ہزار افراد موجود ہیں۔

  • سیاسی مداری اکھٹے ہو گئے، لوٹ مار کی سیاست کے خاتمے کا وقت آ گیا: شاہ محمود

    سیاسی مداری اکھٹے ہو گئے، لوٹ مار کی سیاست کے خاتمے کا وقت آ گیا: شاہ محمود

    ملتان: وزیر خارجہ شاہ محمود قریشی نے پی ڈی ایم کے لاہور جلسے پر تبصرہ کرتے ہوئے کہا ہے کہ مینار پاکستان میں سیاسی مداری جمع ہو گئے ہیں لیکن لوٹ مار کی سیاست کے خاتمے کا وقت آ گیا ہے۔

    ملتان میں میڈیا سے گفتگو کرتے ہوئے وزیر خارجہ نے کہا کہ عوام کو لوٹنے والے سیاسی مداری ایک بار پھر اکٹھے ہو گئے، یہ عوام کو جھوٹے نعروں سے دھوکا دینے نکلے ہیں، لیکن عوام ان کھوکھلے اور جھوٹے نعروں کی حقیقت جان چکے ہیں۔

    انھوں نے کہا عوام ان چوروں لٹیروں کے ہاتھوں بے وقوف بننے کے لیے تیار نہیں، 70 سال بعد قوم کو عمران خان کی شکل میں ایمان دار قیادت میسر آئی، لیکن اپوزیشن سے ملکی ترقی ہضم نہیں ہو رہی، تمام تر رکاوٹوں کے باوجود ترقی کا یہ سفر جاری رہےگا۔

    پی ڈی ایم نے اپنی قبر خود کھود دی: شیخ رشید

    شاہ محمود قریشی کا کہنا تھا کرونا کی شدید لہر میں جلسے منعقد کرنے والے عوام کے کیسے خیر خواہ ہو سکتے ہیں، پی ڈی ایم جلسے کر کے قیمتی انسانی جانوں سے کھیل رہی ہے، ماضی میں باریوں کی سیاست نے ملک کو نقصان پہنچایا۔

    انھوں نے مزید کہا چوروں کا ٹولہ اپنے لوٹ کے مال کو بچانے کے لیے عوام کو استعمال کرنا چاہتا ہے، لیکن لوٹ مار کی سیاست کے خاتمے کا وقت آ گیا ہے۔

    واضح رہے کہ مینار پاکستان میں پاکستان ڈیموکریٹک موومنٹ کا جلسہ جاری ہے، حکومت مخالف اتحاد کے مینارِ پاکستان میں جلسے کو تاریخ ساز قرار دینے کے دعوے دھرے کے دھرے رہ گئے، ہزاروں کی گنجائش والے یادگارِ پاکستان پر 11 جماعتوں پر مشتمل پی ڈی ایم جلسے میں 10 ہزار افراد بھی شرکت نہ کر سکے۔

  • آج پی ڈی ایم نے اپنی قبر خود کھود دی: شیخ رشید

    آج پی ڈی ایم نے اپنی قبر خود کھود دی: شیخ رشید

    اسلام آباد: وفاقی وزیر ریلوے شیخ رشید احمد نے کہا ہے کہ پی ڈیم ایم والوں نے خود اپنی سیاسی قبر کھود دی ہے، ان کے ارمان دھرے کے دھرے رہ گئے، فضل الرحمان مدرسے کے بچوں کو نہ لاتے تو یہاں کرکٹ کھیلی جا سکتی تھی۔

    ان خیالات کا اظہار وہ میڈیا سے گفتگو کرتے ہوئے کر رہے تھے، انھوں نے مینار پاکستان میں جاری پاکستان ڈیموکریٹک موومنٹ کے جلسے کی صورت حال پر تبصرہ کرتے ہوئے کہا کہ مینار پاکستان پر تاریخ میں اتنا ناکام جلسہ کبھی نہیں ہوا۔

    شیخ رشید نے کہا اس سے پہلے ایک دن کے نوٹس پر مینار پاکستان پر لاکھوں لوگوں کا جلسہ ہوا تھا، اب یہاں چند ہزار لوگ جلسے میں ہیں، یہ میری پریس کانفرنس کے بھی قابل نہیں، عام سے جلسے سے بھی کم لوگ ہیں، یہ پاکستان کی تاریخ کا ناکام ترین جلسہ ہے۔

    وفاقی وزیر کا کہنا تھا فضل الرحمان کا چہرہ دیکھیں تو ہوائیاں اڑی ہوئی ہیں، جو سچا تھا اس کے الٹ ہو رہا ہے، جلسوں کی جگہ کا دو ماہ پہلے اعلان کیا گیا تھا پھر بھی لوگ نہیں آئے، ایسا لگ رہا ہے پارٹی نہیں ن لیگ کے ایم این ایز بھی غیر مقبول ہو گئے ہیں۔

    پی ڈی ایم جلسے میں کتنے لوگ شریک؟

    انھوں نے کہا میں نے جلسے کی وجہ سے اپنی پریس کانفرنس ملتوی کی، اقتدار کے بھوکوں نے آج اتوار بازار لگایا اس میں بھی لوگ نہیں آئے، فضل الرحمان ان کو پیچھے نہیں ہٹنے دے گا انھیں لڑوائے گا مروائے گا، فضل الرحمان نے جو علاقہ غیر میں خطاب کیا وہ بھی دیکھ لیں، وہ غیر پارلیمانی زبان استعمال کر رہے ہیں۔

    اپوزیشن سے رابطوں کے حوالے سے ان کا کا کہنا تھا کہ رابطوں کا ابھی وقت نہیں آیا، جب وقت آئے گا رابطے بھی ہو جائیں گے، فضل الرحمان کا ایجنڈا کچھ اور ہے، آخری کارڈ آصف زرداری کھیلے گا، لیکن عمران خان 5 سال پورے کریں گے۔