Tag: لاہور سروسز اسپتال

لاہور: سروسز اسپتال کی لاکھوں کی دوائیں گاڑی میں لوڈ کرتے وقت چور پکڑے گئے، پولیس گرفتار کرنے پہنچ گئی۔

تفصیلات کے مطابق سروسز اسپتال لاہور میں لاکھوں روپے کی دواؤں کی چوری پکڑی گئی ہے، ایم ایس اسپتال ڈاکٹر افتخار کا کہنا تھا کہ امراض قلب اور گردوں کی دوائیں چوری کر کے فروخت کی جاتی تھیں۔

ڈاکٹر افتخار نے میڈیا کو بتایا کہ امجد اور زاہد نامی ملزمان کو دوائیاں چوری کرتے رنگے ہاتھوں پکڑا گیا ہے، امجد نامی ملزم 7 سال سے اسپتال کا ملازم ہے، ملزمان 50 سے 60 لاکھ کی دوائیں گاڑی میں لاد چکے تھے۔

ایم ایس سروسز اسپتال نے بتایا کہ دونوں ملزمان سرکاری اسپتال کو کروڑوں کا نقصان پہنچا چکے ہیں۔ ملزمان کو رنگے ہاتھوں پکڑنے کے بعد پولیس کو بھی بلا لیا گیا۔

واضح رہے کہ پنجاب اور سندھ کے سرکاری اسپتالوں سے ادویات کی چوری منظم طریقوں سے ایک عرصے سے جاری ہے، گزشتہ برس جنوری میں کراچی سے پولیس نے ایسے تین ملزمان کو گرفتار کیا تھا جو سرکاری اسپتالوں میں مفت فراہم کی جانے والی دوائیں سرکاری لیبل مٹا کر فروخت کرتے تھے۔

لاہور: ترجمان پنجاب حکومت نے سابق وزیرِ اعظم نواز شریف کے واپس جیل بھجوائے جانے کے سلسلے میں خاموشی توڑ دی ہے۔

تفصیلات کے مطابق پنجاب حکومت کے ترجمان شہباز گل نے کہا ہے کہ نواز شریف کے واپس جیل بھجوائے جانے کا ابھی فیصلہ نہیں ہوا۔

[bs-quote quote=”نواز شریف کو اسپتال سے کسی بھی جگہ منتقل کرنے کا حکم نہیں ملا۔” style=”style-7″ align=”left” color=”#dd3333″ author_name=”سربراہ میڈیکل بورڈ”][/bs-quote]

شہباز گل نے بتایا کہ نواز شریف کے حالیہ ٹیسٹوں کی رپورٹ موصول ہو گئی ہے، سابق وزیرِ اعظم کے مستقبل کا فیصلہ ٹیسٹ رپورٹس کو مدِ نظر رکھتے ہوئے ہوگا۔

دوسری طرف نواز شریف کی علاج کے لیے قائم کیے گئے میڈیکل بورڈ کے سربراہ نے بھی کہا ہے کہ نواز شریف کو اسپتال سے کسی بھی جگہ منتقل کرنے کا انھیں کوئی حکم نہیں ملا ہے۔

سربراہ میڈیکل بورڈ پروفیسر محمود ایاز نے بتایا کہ نواز شریف کو منتقل کرنے سے قبل ڈسچارج سلپ بنائی جائے گی، جیسے ہی جیل حکام کی جانب سے نوٹس ملتا ہے، ڈسچارج سلپ بنادی جائے گی۔

[bs-quote quote=”گیٹ بند ہونا معمول کی بات ہے۔” style=”style-7″ align=”right” color=”#dd3333″ author_job=”ایم ایس سروسز اسپتال”][/bs-quote]

پروفیسر محمود ایاز کا کہنا تھا کہ نواز شریف کو منتقل کرنے سے پہلے ڈاکٹرز کو بھی آگاہ کیا جائے گا، سروسز اسپتال میں تا حال سیکورٹی کے سخت انتظامات ہیں۔

ادھر سروسز اسپتال کے دروازے بند کرنے سے متعلق اسپتال کے ایم ایس نے مؤقف دیا ہے کہ چھٹی کی وجہ سے گیٹ نمبر 2 بند کیا گیا ہے۔

ایم ایس سروسز اسپتال نے کہا کہ ایمرجنسی کا گیٹ ہی کھلا ہوا ہے، گیٹ بند ہونا معمول کی بات ہے۔