اے آر وائی فلمز کے بینر تلے بننے والی فلم ’لاہور سے آگے‘ امریکا میں بھی ریلیز کردی گئی۔ فلم کو دیکھنے کے لیے امریکا میں مقیم پاکستانیوں اور غیر ملکیوں کا ہجوم امڈ آیا۔
اے آر وائی فلمز کے زیر اہتمام بننے والی فلم لاہور سے آگے پاکستانی سینما کی کامیاب فلم ثابت ہوئی جس نے پاکستان میں ریلیز کے بعد کھڑکی توڑ بزنس کیا۔ اب اس فلم کو امریکا میں بھی ریلیز کردیا گیا ہے۔
امریکی ریاست ٹیکسس کے شہر ڈیلاس میں فلم کو ریلیز کیا گیا جہاں فلم کو دیکھنے کے لیے پاکستانیوں اور غیر ملکی عوام کا ہجوم امڈ آیا۔
فلم کو شائقین کی جانب سے بے حد پسند کیا گیا۔ ایک پاکستانی کا کہنا تھا کہ فلم نے لاہور کی یاد دلا دی۔
ڈیلاس کے سینما کے پاکستانی مالکان نے پاکستانی فلموں کی ریلیز پر خوشی کا اظہار کرتے ہوئے کہا کہ اپنی فلمیں دیکھ کر بے حد خوشی ہوتی ہے۔ پاکستانی فلموں کا معیار بڑھ رہا ہے یہی وجہ ہے کہ پاکستانی فلمیں نہ صرف پاکستان بلکہ بیرون ملک بھی پسند کی جارہی ہیں۔
فلم لاہور سے آگے کی کہانی مرکزی کرداروں کے سفر پر مشتمل ہے جس کے دوران انہیں مختلف سنگین و رنگین حادثات و واقعات کا سامنا کرنا پڑتا ہے۔ فلم میں لاہور کے ساتھ ساتھ پاکستان کے مختلف خوبصورت مقامات کو بھی دکھایا گیا ہے۔
فلم کے مرکزی کرداروں میں صبا قمر اور یاسر حسین موجود ہیں جبکہ فلم کی ہدایت کاری کے فرائض وجاہت رؤف نے انجام دیے ہیں۔
فلم کی نمائش پاکستان بھر کے سینما گھروں میں کامیابی سے جاری ہے۔
نیویارک: امریکا میں 2 دسمبر سے پہلے پاکستانی فلم فیسٹیول کا انعقاد ہونے جارہا ہے۔ یہ فیسٹیول اقوام متحدہ میں تعینات پاکستان کے مستقل مشن کے زیر اہتمام منعقد کیا جارہا ہے۔
تفصیلات کے مطابق امریکا میں اقوام متحدہ پاکستان مشن کے زیر اہتمام پہلا فلم فیسٹیول منعقد کیا جا رہا ہے جس میں اے آر وائی فلمز کے تحت بنائی گئی فلمیں بھی پیش کی جائیں گی۔
نیویارک میں پاکستانی فلم فیسٹول کا آغاز 2 دسمبر سے ہوگا جہاں 3 سے 4 دسمبر تک نمائش میں شامل اے آر وائی کی فلمیں دوبارہ پھر سے، لاہور سے آگے، 3 بہادر اور ہو من جہاں دکھائی جائیں گی۔
اس موقع پر اقوام متحدہ میں پاکستان کی مستقل مندوب ملیحہ لودھی کا کہنا تھا کہ اس فیسٹیول کا انعقاد پاکستان کا روشن چہرہ پیش کرنے کی کوششوں کا ایک حصہ ہے۔ ’پاکستان کے نوجوان فلم ساز ناقابل یقین حد تک بہترین فلمیں تیار کر رہے ہیں جو ملک میں جاری ثقافتی ترقی میں مددگار ثابت ہو رہی ہیں‘۔
انہوں نے کہا کہ ہم پاکستان میں بنائی گئی چند فلموں کو امریکا لا رہے ہیں تاکہ 193 ممالک کے سفیروں کو یہ دیکھنے کا موقع ملے کہ پاکستان کی شوبز انڈسٹری کیا بنا رہی ہے۔
فیسٹیول میں اے آر وائی فلمز کے علاوہ ایکٹر ان لا اور آسکر ایوارڈ کے لیے نامزد کردہ ماہ میر بھی پیش کی جائے گی۔
دو روزہ فلم فیسٹول نیویارک کی ایشیا سوسائٹی میں منعقد کیا جائے گا۔ فیسٹیول کا ریڈ کارپٹ اقوام متحدہ کے ہیڈ کوارٹر میں ہوگا جہاں مختلف ممالک کے نمائندوں سمیت پاکستانی تارکین وطن، میڈیا اور فلموں کے شائقین افراد شریک ہوں گے۔
لاہور: اے آر وائی فلمز کے زیر اہتمام بننے والی فلم ’لاہور سے آگے‘ پاکستان بھر کے سینما گھروں کی زینت بن چکی ہے اور شائقین کی جانب سے اسے خاصی پذیرائی حاصل ہو رہی ہے۔
لاہور میں فلم ’لاہور سے آگے‘ کا شاندار پریمیئر منعقد ہوا جس میں بڑی تعداد میں فلمی ستاروں نے شرکت کر کے تقریب کو چار چاند لگا دیے۔ اس موقع پر فنکاروں نے نہایت ہی دیدہ زیب لباس زیب تن کیے۔
آئیے دیکھتے ہیں پریمیئر میں مختلف فنکاروں نے کیا زیب تن کیا۔
فلم ’لاہور سے آگے‘ کی مرکزی کردار صبا قمر نے فلم کی تشہیری مہم کے تمام عرصہ میں بہترین اور جدید ملبوسات زیب تن کیے اور اس تقریب میں بھی وہی سب سے عمدہ نظر آئیں۔ البتہ ان کا میک اپ ان کی ساڑھی کے لحاظ سے مزید بہتر کیا جاسکتا تھا۔
اے آر وائی فلمز کی ایک اور کاوش ’دوبارہ پھر سے‘ کی کاسٹ میں شامل عدیل حسین اور طوبیٰ صدیقی نے بھی تقریب میں نہایت عمدہ لباس میں شرکت کی اور سب کی توجہ کا مرکز بنے رہے۔
حریم فاروق اپنی فلم ’دوبارہ پھر سے‘ کی تشہیری مہم میں مصروف ہیں اور فلم ’جانان‘ سے لے کر ہر موقع پر وہ نہایت بہترین انداز میں نظر آئیں۔ اس تقریب میں بھی ان کا سیاہ اور سفید لباس مشرقی اور مغربی امتزاج کا نمونہ تھا تاہم ان کے میرون رنگ کے جوتے لباس کے ساتھ ہم آہنگ نہیں ہوسکے۔
کراچی: اے آر وائی فلمز کے بینر تلے بننے والی فلم ’لاہور سے آگے‘ کا ایک اور گانا ’بے فکریاں‘ جاری کردیا گیا۔
کراچی میں ایک تقریب کے دوران گانے کی لانچنگ کی گئی۔ گانے کو آئمہ بیگ نے گایا ہے جبکہ موسیقی شیراز اوپل نے دی ہے۔ گانے کی شاعری شکیل سہیل کی تخلیق کردہ ہے۔ یہ گانا محمد جرجیس سیجا اور اسفند فاروق کی مشترکہ کاوش ہے۔
گانا ’ بے فکریاں‘ صبا قمر پر فلمایا گیا ہے۔ صبا قمر فلم میں ایک موسیقار کا کردار ادا کر رہی ہیں جو اپنے اس شوق کی مستقل تکمیل کے لیے نہایت جنونی ہے۔
فلم ’لاہور سے آگے‘ اے آر وائی فلمز اور شوکیس فلمز کے مشترکہ تعاون سے بنائی جانے والی فلم ہے جس کے مرکزی کرداروں میں صبا قمر اور یاسر حسین شامل ہیں۔ فلم کے ڈائریکٹر وجاہت رؤف ہیں جبکہ یاسر حسین ہی فلم کے مصنف بھی ہیں۔
فلم مرکزی کرداروں کے سفر پر مشتمل ہے جس کے دوران انہیں مختلف سنگین و رنگین حادثات و واقعات کا سامنا کرنا پڑتا ہے۔ فلم میں پانچ گانے شامل کیے گئے ہیں۔ ایکآئٹم سانگ بھی شامل ہے جسے صبا قمر اور یاسر حسین پر فلمایا گیا ہے۔ فلم کی موسیقی شیراز اوپل نے ترتیب دی ہے۔
دیگر کرداروں میں بہروز سبزواری، روبینہ اشرف، عتیقہ اوڈھو، عبد اللہ فرحت اللہ اور عمر سلطان بھی شامل ہیں۔
اے آر وائی فلمز کی پیشکش ’لاہور سے آگے‘ رواں سال 11 نومبر کو سینما گھروں میں نمائش کے لیے پیش کردی جائے گی۔
کیا آپ جانتے ہیں معروف اداکارہ صبا قمر کی فٹنس کا راز کیا ہے؟
صبا قمر پاکستانی ڈراموں کی ایک معروف اداکارہ ہیں اور وہ متعدد ٹی وی ڈراموں اور ٹیلی فلمز میں اپنی اداکاری کے جوہر دکھا چکی ہیں۔
اب وہ ایک فلم لاہور سے آگے میں جلوہ گر ہونے جارہی ہیں جو اے آر وائی فلمز کے بینر تلے بنائی گئی ہے۔
فلم کی کاسٹ نے اے آر وائی نیوز کی ٹیم کو خصوصی انٹرویو دیا جس میں انہوں نے اپنی ذاتی و عملی زندگی کے بارے میں کئی دلچسپ راز بتائے۔
صبا قمر نے بتایا کہ لوگوں کو لگتا ہے وہ بہت نخریلی اور مغرور ہیں لیکن حقیقی زندگی میں وہ بہت عاجز شخصیت ہیں۔
وہ ڈرامہ سیریل ’مات‘ کو اپنی زندگی بدل دینے والا تجربہ قرار دیتی ہیں۔ ڈرامہ سیریل مات دو بہنوں کی چپقلش پر مبنی ڈرامہ تھا جس میں مرکزی کرداروں میں اداکارہ آمنہ شیخ اور صبا قمر شامل تھیں۔
بقول صبا کے، یہ ان کی عملی زندگی کا پہلا منفی کردار تھا جو دیکھنے والوں نے بے حد پسند کیا۔ بعد ازاں فلم کے ڈائریکٹر وجاہت رؤف اور مصنف یاسر حسین نے بتایا کہ انہوں نے صبا کو فلم میں لینے کا فیصلہ اسی ڈرامے میں صبا کی اداکاری کو دیکھنے کے بعد کیا تھا۔
اپنی فٹنس کا راز بتاتے ہوئے صبا قمر کا کہنا تھا کہ وہ بہت زیادہ محنتی ہیں اور کسی بھی لمحہ فارغ بیٹھنا پسند نہیں کرتیں۔ ہر لمحہ وہ کسی نہ کسی جسمانی حرکت میں مصروف رہتی ہیں۔
انہوں نے بتایا کہ وہ جم نہیں جاتیں البتہ جب کبھی گھر میں انہیں فراغت ملتی ہے وہ میوزک لگا کر رقص کرنا پسند کرتی ہیں۔ یہ ان کا شوق بھی ہے اور اس بہانے ان کی ورزش بھی ہوجاتی ہے۔
فلم کے مصنف اور ہیرو یاسر حسین نے گفتگو کرتے ہوئے بتایا کہ ان کے والد انہیں ہمیشہ نصیحت کرتے تھے کہ اپنے اندر کبھی کسی قسم کا کوئی خوف مت رکھنا، حتیٰ کہ میرا بھی نہیں۔
اس نصیحت کا یاسر پر اتنا اثر ہوا کہ وہ اپنے والد سمیت واقعی ہر چیز سے بے خوف ہوگئے، ’بعد میں والد صاحب اپنی اس نصیحت پر بہت پچھتائے‘۔
یاسر کا کہنا تھا کہ اس نصیحت نے انہیں زندگی میں بڑے بڑے چیلنجز قبول کرنے کی ہمت دی یہاں تک کہ اب موت کا خوف بھی ان کے دل سے نکل گیا، ’موت کوئی ڈرنے والی چیز نہیں، یہ جب آئے گی تو آپ بہتر جگہ پر پہنچ جائیں گے‘۔
انہوں نے انکشاف کیا کہ وہ فیس بک استعمال نہیں کرتے۔
صبا نے بتایا کہ ایک بار انہوں نے اپنے بارے میں منی لانڈرنگ کی افواہ سنی۔ ’میں نہیں جانتی یہ افواہ کس طرح اور کیوں نکلی لیکن یہ بہت حیرت انگیز تھی‘۔ بقول ان کے اس افواہ نے انہیں بے حد دکھ بھی پہنچایا۔
فلم کے ڈائریکٹر وجاہت رؤف نے گفتگو کرتے ہوئے بتایا کہ انہوں نے ہمیشہ اس مقولے پر عمل کیا کہ اپنے باس خود بنو، ’بی یور اون باس‘۔ یہی وجہ ہے کہ آج وہ اس مقام پر ہیں اور انہیں کسی کی ملازمت کرنے کی ضرورت نہیں۔
اے آر وائی فلمز اور شوکیس فلمز کے مشترکہ تعاون سے بننے والی فلم لاہور سے آگے رواں برس 11 نومبر کو سینما گھروں میں نمائش کے لیے پیش کردی جائے گی۔
پاکستانی فلم ’لاہور سے آگے‘ کے ڈائریکٹر وجاہت رؤف کا کہنا ہے کہ یہ فلم ’کراچی سے لاہور‘ کا سیکوئل ہرگز نہیں ہے۔ اس فلم میں آپ کو ہر چیز مختلف نظر آئے گی۔
اے آر وائی فلمز اور شوکیس فلمز کے مشترکہ تعاون سے بننے والی فلم لاہور سے آگے بہت جلد سینما گھروں کی زینت بننے والی ہے۔ فلم کے مرکزی کرداروں میں صبا قمر اور یاسر حسین شامل ہیں۔ فلم کے ڈائریکٹر وجاہت رؤف ہیں جبکہ یاسر حسین ہی فلم کے مصنف بھی ہیں۔
اے آر وائی نیوز سے خصوصی گفتگو کرتے ہوئے فلم کی مرکزی کاسٹ صبا قمر، یاسر حسین اور ڈائریکٹر وجاہت رؤف نے فلم کے بارے میں بتایا۔ اس موقع پر ڈائریکٹر وجاہت رؤف نے بتایا کہ اس فلم کو کراچی سے لاہور کا سیکوئل نہیں کہا جاسکتا۔ یہ دونوں فلمیں ایک دوسرے سے بالکل مختلف ہیں۔
اس سے قبل کراچی سے لاہور میں مرکزی کردار عائشہ عمر اور شہزاد شیخ نے ادا کیا تھا۔
اس بار فلم کے مرکزی کردار کے لیے صبا قمر کا انتخاب کیوں کیا گیا؟ اس بارے میں ڈائریکٹر وجاہت رؤف نے بتایا کہ ایک تو اس کردار کے لیے لمبی لڑکی چاہیئے تھی، دوسری وجہ یہ تھی کہ انہوں نے اور یاسر نے صبا کے بے شمار ڈرامے دیکھے تو ان کے کرداروں کے تنوع سے انہیں اندازہ ہوا کہ صبا ایک ورسٹائل اداکارہ ہیں۔
انہیں محسوس ہوا کہ صبا اس کردار کو بخوبی نبھا سکتی ہیں اور وہ ان کی توقعات پر پورا اتریں۔ یاسر نے یہ بھی بتایا کہ صبا کا تعلق لاہور سے ہے اور فلم میں ایک لاہوری لڑکی ہی کی ضرورت تھی جس کے لہجے سے لاہور کی پہچان جھلکے۔ ان تمام چیزوں کو ذہن میں رکھتے ہوئے قرعہ فال صبا قمر کے نام نکلا۔
اپنے کردار کے بارے میں گفتگو کرتے ہوئے صبا قمر نے بتایا کہ وہ فلم میں ایک موسیقار کا کردار ادا کر رہی ہیں اور وہ اپنے اس شوق کی مستقل تکمیل کے لیے نہایت جنونی ہے۔
انہوں نے انکشاف کیا کہ فلم میں ایک اور کردار موجود ہے جو اس راک اسٹار کا بوائے فرینڈ ہے لیکن وہ کردار کون ادا کر رہا ہے، یہ فلم بینوں کے لیے ایک سرپرائز ہوگا۔
صبا قمر پاکستانی ڈرامہ انڈسٹری کی معروف اداکارہ ہیں اور وہ متعدد ٹیلی فلمز اور ڈراموں میں اپنی اداکاری کے جوہر دکھا چکی ہیں، تاہم ڈرامہ اور فلم میں اداکاری کے درمیان انہیں کیا فرق محسوس ہوا؟
اس سوال کا جواب دیتے ہوئے صبا نے بتایا کہ فلم کا کینوس اور اس میں اداکاری کا دائرہ وسیع ہے۔ انہوں نے فلم اور ڈرامہ دونوں میں اداکاری کے لیے بہت محنت کی اور دونوں میں کام کر کے وہ بہت لطف اندوز ہوئیں۔
فلم کی شوٹنگ پاکستان کے شمالی علاقہ جات میں کی گئی ہے۔ اس بارے میں یاسر نے ایک دلچسپ واقعہ سناتے ہوئے (جگہ اور افراد کے نام صیغہ راز میں رکھتے ہوئے) بتایا کہ ایک مقام پر ٹراؤٹ مچھلی بے حد مشہور تھی اور وہاں باقاعدہ ایک وزیر صاحب بھی تھے جن کا خود ساختہ شعبہ ٹراؤٹ مچھلی کی افزائش تھا۔
انہوں نے فلم کی کاسٹ کے لیے کئی ڈبوں میں بھر کر ٹراؤٹ مچھلی بھجوا دی۔ وہ مچھلی مقدار میں اس قدر زیادہ تھی کہ اس دن وہاں آس پاس موجود تمام ہوٹلوں کے چوکیداروں تک نے ٹراؤٹ مچھلی کھائی۔ بقول یاسر وہاں سے گزرتے لوگوں کو روک کر ٹراؤٹ مچھلی کھلائی گئی تاکہ وہ ضائع نہ ہو۔
فلم لاہور سے آگے مرکزی کرداروں کے سفر پر مشتمل ہے جس کے دوران انہیں مختلف سنگین و رنگین حادثات و واقعات کا سامنا کرنا پڑتا ہے۔ فلم میں پانچ گانے شامل کیے گئے ہیں۔ ایک آئٹم سانگ بھی شامل ہے جسے صبا قمر اور یاسر حسین پر فلمایا گیا ہے۔ فلم کی موسیقی شیراز اوپل نے ترتیب دی ہے۔
دیگر کرداروں میں بہروز سبزواری، روبینہ اشرف، عتیقہ اوڈھو، عبد اللہ فرحت اللہ اور عمر سلطان بھی شامل ہیں۔
فلم بنیادی طور پر مزاحیہ اسکرپٹ پر مشتمل ہے اور فلم کی کاسٹ کا کہنا ہے کہ یہ 2 گھنٹے فلم بینوں کی زندگی کے پر مزاح ترین اور بہترین 2 گھنٹے ثابت ہوں گے۔
اے آر وائی فلمز کی پیشکش لاہور سے آگے رواں سال 11 نومبر کو سینما گھروں میں نمائش کے لیے پیش کردی جائے گی۔
اے آر وائی فلمز کے بینر تلے بننے والی فلم ’لاہور سے آگے‘ کا پہلا گانا ’قلاباز‘ جاری کردیا گیا۔ گانے میں صبا قمر نے بہترین رقص کر کے ثابت کردیا کہ وہ صلاحیتوں میں کسی سے کم نہیں۔
فلم ’لاہور سے آگے‘ ڈائریکٹر وجاہت رؤف کی پہلی فلم ’کراچی سے لاہور‘ کا دوسرا حصہ ہے۔ فلم کے ایگزیکیٹو پروڈیوسر سلمان اقبال ہیں۔
سیکوئل ’لاہور سے آگے‘ میں کئی تبدیلیاں کی گئی ہیں۔ فلم میں شہزاد شیخ کی جگہ یاسر حسین جبکہ عائشہ عمر کی جگہ صبا قمر کو مرکزی کردار کے لیے منتخب کیا گیا ہے۔ دیگر فنکاروں میں بہروز سبزواری، روبینہ اشرف، عتیقہ اوڈھو، عبد اللہ فرحت اللہ اور عمر سلطان شامل ہیں۔
صبا قمر، یاسر حسین اور عتیقہ اوڈھو پر فلمایا گیا یہ گانا دراصل آئٹم سانگ ہے جس میں تمام لوازمات شامل ہیں۔ گانے میں عتیقہ اوڈھو نے بھی رقص کے جوہر دکھائے جو ایک طوائف کے روپ میں دکھائی دے رہی ہیں۔
آئٹم سانگ سمیت فلم کی موسیقی شیراز اوپل نے ترتیب دی ہے جبکہ گانے کو آئمہ بیگ نے گایا ہے۔
بہترین رقص، موسیقی اور منظر نگاری کے باعث اس گانے کو مجموعی طور پر اچھا کہا جاسکتا ہے۔
فلم ’لاہور سے آگے‘ کی کہانی مرکزی کرداروں کے سفر پر مشتمل ہے جس کے دوران انہیں مختلف سنگین و رنگین حادثات و واقعات کا سامنا کرنا پڑتا ہے۔ اس سے قبل جاری کیے جانے والے ٹریلر میں پاکستان کے مختلف خوبصورت مقامات کو دکھایا گیا ہے۔ صبا قمر فلم میں راک اسٹار کے روپ میں نظر آئیں گی۔
فلم رواں برس 11 نومبر کو سینما گھروں میں نمائش کے لیے پیش کردی جائے گی۔
سیکوئل ’لاہور سے آگے‘ میں کئی تبدیلیاں کی گئی ہیں۔ فلم میں شہزاد شیخ کی جگہ یاسر حسین جبکہ عائشہ عمر کی جگہ صبا قمر کو مرکزی کردار کے لیے منتخب کیا گیا ہے۔ دیگر فنکاروں میں بہروز سبزواری، روبینہ اشرف، عتیقہ اوڈھو، عبد اللہ فرحت اللہ اور عمر سلطان شامل ہیں۔
جاری کیے جانے والے ٹریلر میں پاکستان کے مختلف خوبصورت مقامات کو دکھایا گیا ہے۔
دراصل یہ فلم مرکزی کرداروں کے سفر پر مشتمل ہے جس کے دوران انہیں مختلف سنگین و رنگین حادثات و واقعات کا سامنا کرنا پڑتا ہے۔
فلم میں مزاح کا عنصر بھی شامل کیا گیا ہے۔
عبداللہ فرحت اللہ ایک کم عقل بدمعاش جبکہ عتیقہ اوڈھو طوائف کے روپ میں نظر آئیں۔
صبا قمر فلم میں راک اسٹار کے روپ میں نظر آئیں گی۔ وہ اس سے قبل کئی پاکستانی ڈراموں میں مختلف نوعیت کے گھریلو کردار ادا کر چکی ہیں لہٰذا ان کا یہ روپ ان کی اداکاری کا امتحان اور ان کے مداحوں کے لیے دلچسپی کا باعث ہوگا۔
فلم کے ٹریلر سے اندازہ ہو رہا ہے کہ وہ اپنے اس نئے کردار کو خوبصورتی سے نبھانے میں کافی حد تک کامیاب رہی ہیں۔
فلم میں پانچ گانے شامل کیے گئے ہیں۔ ایک آئٹم سانگ بھی شامل ہے جسے صبا قمر اور یاسر حسین پر فلمایا گیا ہے۔ فلم کی موسیقی شیراز اوپل نے ترتیب دی ہے۔
فلم ’لاہور سے آگے‘ رواں سال 11 نومبر کو سینما گھروں میں نمائش کے لیے پیش کردی جائے گی۔
مشہور بھارتی اداکار اوم پوری نے مزاحیہ انداز میں اپنے پرستاروں کو پیغام دیا ہے کہ وہ اے آر وائی فلمز کے بینر تلے ریلیز ہونے والی فلم ’لاہور سے آگے‘ ضرور دیکھیں اور ان کی زندگی بچائیں۔
فلم ’لاہور سے آگے‘ جولائی 2015 میں آنے والی فلم ’کراچی سے لاہور‘ کا سیکوئل ہے۔ اس کے ڈائریکٹر وجاہت رؤف ہیں جبکہ مصنف یاسر حسین ہیں۔ یہ فلم ’شوکیس فلمز‘ اور اے آر وائی فلمز کی مشترکہ کاوش ہے۔
فلم کے ڈائریکٹر وجاہت حسین نے سوشل میڈیا پر ایک ویڈیو جاری کی جس میں بھارتی اداکار اوم پوری مزاحیہ انداز میں اپنے پرستاروں کو فلم دیکھنے کا پیغام دے رہے ہیں۔
ویڈیو میں وہ کہہ رہے ہیں، ’یہ یاسر صاحب اپنے ساتھ دو غنڈے لائے ہیں اور کہا کہ آپ کو میری فلم کی تعریف کرنی ہے۔ اب آپ 11 نومبر کو ’لاہور سے آگے‘ دیکھنے چلے جائیں تاکہ میری جان بچ سکے۔ یوں سمجھیئے اس کیمرے کے دونوں طرف غنڈے کھڑے ہیں اور میری جان سخت خطرے میں ہے‘۔
فلم ’لاہور سے آگے‘ 11 نومبر کو سنیما گھروں کی زینت بنے گی۔
