دبئی: پاکستان سپر لیگ (پی ایس ایل) کے دوسرے مییچ میں کراچی کنگز نے لاہور قلندر کو باآسانی سات وکٹوں سے شکست دے دی۔
میچ کی خاص بات شکیب الحسن کی جاندار بیٹنگ اورمحمد عامر کی شاندار ہیٹ ٹرک تھی، شکیب الحسن کو مین آف دی میچ قرار دیا گیا۔
انہوں نے اکیاون رنز بنائے اور ایک کھلاڑی کو آؤٹ کیا،جبکہ محمد عامر نے پی ایس ایل میں آتے ہی ریکارڈ بنادیا۔
لاہور قلندر کے کھلاڑی عامر کے آگے بے بس دکھائی دیئے۔ دبئی کرکٹ گراﺅنڈ میں کھیلے گئے میچ میں کراچی کنگز نے لاہور قلندرز کی جانب سے دیا گیا 126رنز کاٹارگٹ 15.5 اوورز میں 3وکٹوں کے نقصان پر با آسانی حاصل کرلیا۔
شکیب الحسن اور لینڈن سیمنز نے دھواں دار بلے بازی کرتے ہوئے گراﺅنڈ کے چاروں جانب دلکش اسٹروکس کھیلے اور میچ میں کراچی کنگز کی کامیابی کو یقینی بنا دیا۔
اس سے قبل پاکستان سپرلیگ کے دوسرے میچ میں کراچی کنگز کے کپتان شعیب ملک نے لاہورقلندر کیخلاف ٹاس جیت پہلے فیلڈنگ کا فیصلہ کیا۔
کراچی کنگز الیون : نعمان انور، لینڈل سمنز، جیمز ونس، شعیب ملک، شکیب الحسن، روی بوپارا، عماد وسیم، افتخار احمد، سہیل تنویر، سیف اللہ بنگش اور محمد عامر.
لاہور قلندر الیون : اظہر علی، کرس گیل، کیمرون ڈیلپرٹ، محمد رضوان، صہیب مقصود، ڈوائن براوو، نوید یاسین، کیون کوپر، ظفر گوہر، زوہیب خان اور ضیاء الحق.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
براہ راست اپ ڈیٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی کنگز اننگز
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجموعی اسکور: 131/3
اوورز : 15.5
سولہواں اوور : کراچی کنگز نے 15.5 اوورز میں 131 رنز بنا کر لاہور قلندر کو سات وکٹوں سے شکست دے دی،
چودہواں اوور : کراچی کنگز کے اسکور میں 5 رنز کا اضافہ، اسکور 118 رنز تین کھلاڑی آؤٹ ،
تیرہواں اوور : شکیب احسن 51 رنز بنا کر کیمرون ڈیلپرٹ کی بال پر کیچ آؤٹ ہوگئے، اسکور میں بارہ رنز کے اضافے سے اسکور 111 رنز تین وکٹوں کے نقصان پر
بارہواں اوور : لینڈل سمنز نے نصف سینچری اسکور کرلی، اسکور 99 رنز ہوگیا،
گیارہواں اوور : 9 رنز کے اضافے سے کراچی کنگز کا اسکور 91 دو کلھلاڑیوں کے نقصان پر
دسواں اوور : چار رنز کے اضافے سے اسکور دو کھلاڑیوں کے نقصان پر 88 رنز ہوگیا۔
نواں اوور : اس اوور میں صرف ایک رن بن سکا
آٹھواں اوور : ایک چھکا اور دو چوکوں کی مدد سے اسکور میں 15 رنز کا شاندار اضافہ، اسکور 77 تک جاپہنچا۔
ساتواں اوور : اس اوور میں صرف پانچ رنز کا اضافہ ہو سکا ،
چھٹااوور : 14 رنز کے اضافے سے 57 رنز دو کھلاڑی آؤٹ
پانچواں اوور : 12 رنز کے اضافے سے کراچی کنگز کا اسکور 43 ہوگیا، اور اس کی دو وکٹیں گر چکی ہیں۔
چوتھا اوور : اسکور میں 21 رنز کا شاندار اضافہ ہوا ، جس میں دو چھکے اور دو چوکے شامل ہیں ۔ اسکور 31 رنز دو کھلاڑی آؤٹ ہے،
تیسرا اوور : پانچ رنز کے اضافے سے اسکور دس رنز دو کھلاڑی آؤٹ ہے۔
دوسرا اوور : جیمز ونس تین رنز بنا کر ظفر گوہر کی بال پر ایل بی ڈبلیو ہوگئے، اس اوور میں کراچی کنگز کے تین رنز کے اضافے سے 5 رنز دو وکٹوں کے نقصان پر ہے۔
پہلا اوور : کراچی کنگز کے اوپنرز نعمان انور اورلینڈل سمنز نے کھیل کا آغاز کیا، لیکن نعمان انور بغیر کوئی رن بنائے ہی آؤٹ ہوگئے، کراچی کنگز کا اسکور صرف دو رنز ایک کھلاڑی آؤٹ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور قلندر اننگز
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجموعی اسکور: 125/8
اوورز : 20
بیسواں اوور : لاہور قلندر نے آخری اوور میں چھ رنز کے اضافے سے 125 اسکور کرلیا۔ اور اس کے 8 کھلاڑی آؤٹ ہوئے۔
اس طرح لاہورقلندر نے کراچی کنگز کو 126 رنز کا ٹارگٹ دیا ہے،
انیسواں اوور : محمد عامر کی شاندار بولنگ نے تین بال پر تین کھلاڑیوں کو پویلین بھیج دیا،
اس خوبصورت ہیٹ ٹرک کے بعد لاہور قلندر کے سات کھلاڑی آؤٹ ہوگئے، اور اسکور صرف چار رنز کے اضافے سے 119 ہے۔
محمد عامر نے ڈوائن براوو کو 14 رنز پر آؤٹ کیا، جبکہ زوہیب خان اور کیون کوپر بغیر کوئی رن بنائے پویلین لوٹ گئے۔
اٹھارہواں اوور : اسکور 115 رنز چار وکٹوں کے نقصان پر۔ رضوان 34 رنز کے ساتھ ناٹ آؤٹ ہیں
سترہواں اوور : نو رنز کے اضافے سے لاہور قلندر کا اسکور 107 ہوگیا، اور اسکے چار کھلاڑی آؤٹ ہیں۔
سولہواں اوور : اس اوور میں نو رنز کا اضافہ ہوا جس میں ایک چھکا بھی شامل ہے،اسکور 98 ہوگیا۔
پندرہواں اوور : لاہور قلندرکا اسکور چار وکٹوں کے نقصان پر 89 رنز ہے۔
چودہواں اوور : صہیب مقصود 22 رنز بنا کر عماد وسیم کی بال پر بوپارہ کے ہاتھوں کیچ آؤٹ ہوگئے۔ لاہور قلندر کا اسکور 80 رنز چار کھلاڑی آؤٹ ہے۔
تیرہواں اوور : چھ رنز کے اضافے سے لاہور قلندر نے 75 رنز بنا لئے اور اس کے تین کھلاڑی آؤٹ ہیں۔
بارہواں اوور : اس اوور میں بھی چھ رنز بن سکے اسکور 69 رنز تک جا پہنچا۔
گیارہواں اوور : لاہور قلندر کے چھ رنز کے اضافے کے ساتھ 63 رنز 3 کھلاڑی آؤٹ
دسواں اوور : کیمرون ڈیلپرٹ 17 رنز بنا کر رن آؤٹ ہوگئے۔ اسکور 57 رنز تین وکٹوں کے نقصان پر
نواں اوور : آٹھ رنز کے اضافے سے لاہور قلندر کا اسکور 55 رنز دو کھلاڑی آؤٹ ہے۔
آٹھواں اوور : پانچ رنز کے اضافے سے اسکور دو کھلاڑیوں کے نقصان پر 47 رنز ہوگیا،
ساتواں اوور : لاہور قلندر کے چار رنز کے اضافے کے ساتھ 42 رنز اس کے دو کھلاڑی آؤٹ ہوئے ہیں۔
چھٹا اوور : اس وقت صہیب مقصود اور کیمرون ڈیلپرٹ کریز پر موجود ہیں۔ اسکور میں صرف ایک رن کا ااضافہ ہوسکا۔
پانچواں اوور : بولنگ اٹیک میں شکیب الحسن نے شعیب ملک کی جگہ لے لی اور شکیب الحسن کی بال پر اظہر علی اٹھارہ رنز بنانے کے بعد آؤٹ ہوگئے۔
چوتھا اوور : بارہ رنز کے اضافے سے اسکور 30 رنز ہوگیا۔ جس میں دو چوکے بھی شامل ہیں۔
تیسرا اوور : اٹھارہ رنز پر ایک کھلاڑی آؤٹ ہے، اس اوور میں سات رنز کا اضافہ ہوا۔
دوسرا اوور : عامر علی کی بال پر اظہر علی نے چوکا لگا کر چار رنز کا اضافہ کیا۔
پہلا اوور : لاہورقلندر کے اوپنراظہرعلی اور کرس گیل نے کھیل کا آغاز کیا، میچ کے پہلے اوور میں چوتھی بال پر کرس گیل ایک چھکا لگانے کے بعد کیچ آؤٹ ہوگئے۔ کرس گیل کا کیچ جیمز ونز نے لیا۔ نئے آنے والے کھلا ڑی کیمرون ڈیلپرٹ ہیں،
