اسلام آباد: وفاقی وزیر سائنس اینڈ ٹیکنالوجی فواد چوہدری نے کہا ہے کہ لاہور میں آلودگی کی بڑی وجہ سرحد پار کی صورتحال ہے ، بھارت میں فصل کاٹنے کے بعد آگ لگانا بڑا ماحولیاتی مسئلہ ہے، مودی سرکار ہر معاملے میں ناکام ہے۔
تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے فضائی آلودگی کے حوالےسے سماجی رابطے کی ویب سائٹ ٹوئٹر پر کہا کل وزارت ماحولیات نے کابینہ کو آلودگی سے آگاہ کیا،لاہور میں آلودگی کی بڑی وجہ سرحد پار کی صورتحال ہے، لاہور میں آلودگی کا تناسب واہگہ بارڈر پر آلودگی کے تناسب سے آدھا ہے، دہلی سے امرتسر تک فصل کاٹنے کے بعد آگ لگائی جاتی ہے، بھارت میں فصل کاٹنے کے بعد آگ لگانا بڑا ماحولیاتی مسئلہ ہے، مودی سرکار ہر معاملے میں ناکام ہے۔
Min of Climate Change informed the Cabinet that Pollution in Lahore is caused by cross border field fires and abysmal environmental conditions in India level of pollution at Wagha is double than Lahore city, #Modi Govt is failing is every aspect irresponsible Govts are a curse
— Ch Fawad Hussain (@fawadchaudhry) October 30, 2019
خیال رہے دنیا میں فضائی آلودگی کے اعتبار سے لاہور دوسرے نمبر پر آگیا، امریکی ائیر کوالٹی انڈیکس کے مطابق فضاء میں گرد کے ذرات (پی ایم 2.5) کی تعداد 35 مائیکرو گرام فی مکعب میٹرسے زیادہ نہیں ہونی چاہیے جبکہ 28ایک موقع پر اکتوبر کو لاہور کی فضاء میں ان ذرات کی تعداد 10 گنا زیادہ پائی گئی۔
یاد رہے موسم سرما میں پنجاب میں گرد آلود دھند کا سلسلہ جاری رہتا ہے ، ماہر ماحولیات کا کہنا تھا گرد آلود دھند کی بڑی وجہ بھارتی پنجاب بڑی مقدار میں فصلوں کا جلانا اور صنعتوں میں اضافہ ہے۔