Tag: لاہور ٹریفک پولیس

سٹی ٹریفک پولیس نے ڈرائیونگ لائسنس کے فیس اسٹرکچر کے حوالے سے نئی معلومات شیئر کی ہیں جس میں کار/ جیپ کی لائسنس فیس سے متعلق آگاہ کیا گیا ہے۔

لاہور کے ٹریفک پولیس ڈیپارٹمنٹ کی جانب سے درست فیس اسٹرکچر کے حوالے سے بتایا گیا ہے اور شہریوں پر زور دیا گیا ہے کہ وہ لازمی ڈرائیونگ لائسنس بنوائیں بصورت دیگر لائسنس کے بنا گاڑی چلانے پر ان کے خلافف سخت ایکشن لیا جائے گا۔

ٹریفک پولیس کے مطابق ڈرائیور حضرات سے کسی بھی وقت لائسنس طلب کیا جاسکتا ہے اور لائسنس پیش کرنے میں ناکامی کی صورت میں چالان کیا جائے گا۔

کار، جیپ کے ڈرائیونگ لائسنس فیس کے حوالے سے ٹریفک پولیس نے بتایا کہ ٹیسٹ فیس کے طور پر 150 روپے چارج کیے جائیں گے جبکہ ایک سال کے لیے ڈرائیونگ لائسنس فیس 1980 روپے ہے۔

دو سالوں کے لیے ڈرائیونگ لائسنس فیس 3330 روپے ہوگی، اسی طرح تین سالوں کے لیے 4680، چار سالوں کے لیے 6030 اور پانچ سالوں کی معیاد کے لیے درست ڈرائیونگ لائسنس فیس7380 روپے ہوگی۔

پنجاب کے شہریوں کو مطلع کیا گیا ہے کہ وہ ویب سائٹ http://dlims.punjab.gov.pk کا وزٹ کریں جہاں انھیں ای لائسنس بنوانے کے حوالے سے بھی آپشن ملے گا۔

لاہور: ٹریفک پولیس نے 24 گھنٹے کے دوران248 کم عمرڈرائیورزگرفتار کرکے مقدمات درج کرلئے، سی ٹی او لاہور نے والدین کو خبردار کیا کم عمربچوں کوڈرائیونگ کی اجازت ہرگز نہ دیں۔

تفصیلات کے مطابق لاہورمیں ٹریفک پولیس نے کم عمرڈرائیوروں کےخلاف کریک ڈاؤن کرتے ہوئے دوسواڑتالیس کم عمرڈرائیوروں کو گرفتار کرکے مقدمات درج کرلئے۔

سی ٹی اونےخبردارکیا ہےکہ اب کم عمرڈرائیوروں کا چالان کی بجائےمقدمہ درج کیا جائےگا،والدین اپنی ذمہ داری نبھائیں،کم عمربچوں کوڈرائیونگ کی اجازت ہرگز نہ دیں۔

ٹریفک پولیس کے مطابق رواں سال کم عمر ڈرائیوروں کےخلاف بائیس ہزار چالان کاٹے گئے۔

یاد رہے لاہور کے علاقے ڈیفنس میں کچھ دن پہلے ٹریفک حادثہ ایک ہی خاندان کے چھے افراد کی جان لے گیا تھا، اس حادثے کا سبب بننے والی گاڑی کا ڈرائیور صرف چودہ برس کا ہے۔

پولیس نے لڑکے کو حراست میں لیکر عدالت میں بھی پیش کیا تھا، پولیس کے مطابق ملزم گاڑی کو تیز رفتاری کے ساتھ زگ زیگ کرتے ہوئے چلارہا تھا۔

اس المناک حادثے کے بعد پولیس نے سخت ایکشن کا فیصلہ کیا اور مستقبل میں ایسے واقعات سے بچنے کیلئے کم عمر ڈرائیوروں کیخلاف بھی مقدمات درج کرنے کا اعلان کیا ہے۔

اس کے نتیجے میں وہ سرکاری نوکری کے اہل نہیں ہوں گے، انہیں ویزہ کے حصول میں مشکلات ہوں گی، اور تعلیم کا سلسلہ بھی جاری رکھنا مشکل ہوجائے گا۔

لاہور: ہیلمٹ نہ پہننے والوں پر جرمانہ 2000 روپے کرنے کا فیصلہ کرلیا گیا، دو ہفتوں کے دوران 2 لاکھ 23 ہزارسے زائد شہریوں کے چالان کئے گئے۔

تفصیلات کے مطابق لاہور ٹریفک پولیس نےہیلمٹ نہ پہننے والوں کے خلاف جرمانے میں اضافہ کرتے ہوئے ایکشن مزید سخت کردیا۔

شہر بھر میں بغیر ہیلمٹ موٹرسائیکل چلانے والوں کے خلاف کریک ڈاؤن میں تیزی آگئی، دو ہفتوں کے دوران دو لاکھ تئیس ہزارسے زائد شہریوں کو چالان تھمائے گئے جبکہ تقریباً پچاس ہزار موٹرسائیکلیں ضبط کی گئیں۔

ٹریفک پولیس حکام نے چالان کی مد میں جرمانہ بڑھانے کا بھی عندیہ دے دیا ہے ، آئندہ چند روز میں ہیلمٹ نہ پہننے پر دو ہزارروپے کا چالان ہوگا۔

دوسری جانب پابندی کے دوران ہیلمٹ کی قیمتوں بھی اضافہ دیکھنے میں آرہا ہے، ہیلمٹ کم ازکم سات سو سے تین ہزار روپے میں فروخت ہونے لگا ہے، چیف ٹریفک آفیسرکا کہنا ہے ہیلمٹ کی قیمتیں کنٹرول کرنے کےلیےاقدامات کیے جا رہے ہیں۔