Tag: لاہور پولیس

لاہور: پولیس کا منشیات فروشوں کے خلاف کریک ڈاﺅ ن جاری ہے، رواں سال کے دوران شہر بھر سے 1858 ملزمان گرفتار کیا گیا، ملزموں کے خلاف متعلقہ تھانوں میں ایک ہزار 833 مقدمات درج کیے گئے۔

پولیس رپورٹ کے مطابق گرفتار ملزمان کے قبضے سے 4 کلو گرام آئس، 22 کلو گرام ہیروئن، 756 کلو گرام چرس، 80 کلو گرام افیون بر آمد کیا گیا۔

ملزمان سے 60 کلو گرام بھنگ، 19 ہزار 149 بوتلیں شراب، 1300 نشہ آور گولیاں بھی برآمد کی گئیں، گرفتار ملزموں میں تعلیمی اداروں میں منشیات سپلائی کرنے والے بھی شامل ہیں۔

پولیس نے تعلیمی اداروں میں بھی نوجوان نسل کو آئس نشے کا شکار بنانے والے مختلف عناصر کے خلاف کارروائیوں کے دوران 138 ملزم گرفتار کیے۔

رواں سال 8 ملزمان کے قبضے سے 4 کلو گرام سے زائد آئس برآمد کی گئی، ترجمان لاہور پولیس کے مطابق آئس فروخت کرنے والے ملزمان سے 17 کلو گرام سے زائد چرس برآمد کی گئی۔

یہ بھی پڑھیں:  کراچی : آن لائن منشیات فروشی میں ملوث ملزم گرفتار، مقدمہ درج

تعلیمی اداروں میں منشیات کا دھندہ کرنے والے مجموعی طور پر 138 منشیات فروش گرفتار کیے گئے، جن کے خلاف 136 مقدمات درج کیے گئے۔

بین الاقوامی منشیات فروش گروہ کا سرغنہ نائجیرین باشندہ مکاوا، فیمی اور پال کو دورانِ کارروائی رنگے ہاتھوں گرفتارکیا گیا۔ تیار شدہ کرسٹل (میتھ ایمفیٹامین) فروخت کرنے والے غیر ملکی منشیات فروش روجر، مارٹن اور اس کی مقامی بیوی کو بھی گرفتار کیا گیا۔

ڈی آئی جی آپریشنز لاہور محمد وقاص نذیر نے کہا کہ تعلیمی اداروں میں منشیات فروشوں کے خلاف بھرپور اقدامات عمل میں لا رہے ہیں، نئی نسل کو منشیات سے محفوظ رکھنا لاہور پولیس سمیت ہر شہری کی ذمہ داری ہے۔

لاہور: پولیس کی جانب سے گداگری ایکٹ کی خلاف ورزی پر لاہور میں کریک ڈاﺅن جاری ہے، پولیس نے کارروائی کرتے ہوئے 42 بھکاری گرفتار کر لیے۔

تفصیلات کے مطابق لاہور میں گداگری ایکٹ کی خلاف ورزی پر کریک ڈاؤن جاری ہے، پولیس نے گزشتہ روز بھکاری مافیا کے خلاف کارروائیاں کرتے ہوئے مختلف مقامات سے 42 گداگروں کو حراست میں لے لیا۔

پولیس کا کہنا ہے کہ بھکاریوں کے خلاف متعلقہ تھانوں میں 42 مقدمات درج کر لیے گئے ہیں۔

ترجمان پولیس کے مطابق صدر ڈویژن سے 16، سٹی سے 06، اقبال ٹاؤن سے 02، کینٹ سے 06، سول لائنز سے 01 جب کہ ماڈل ٹاؤن ڈویژن سے 11 گداگروں کو گرفتار کیا گیا۔

یہ بھی پڑھیں:  چابی گم ہونے پر پولیس کو ہتھکڑی کھلوانے کے لیے ملزم کو لاک ماسٹر کے پاس لے جانا پڑا

مقدمات تھانہ رنگ محل، لوہاری گیٹ، داتا دربار، لاری اڈہ، شمالی چھاؤنی، ہیئر، قلعہ گجر سنگھ، وحدت کالونی، گلشنِ راوی میں درج کیے گئے۔

دیگر تھانوں میں تھانہ سبزہ زار، چوہنگ، مانگا منڈی، سندر، ٹاؤن شپ، گرین ٹاؤن، تھانہ اچھرہ، غالب مارکیٹ ،گارڈن ٹاؤن، فیصل ٹاؤن اور تھانہ نشتر کالونی شامل ہیں۔

واضح رہے کہ لاہور میں بھکاریوں کی بڑھتی تعداد ماضی میں بھی ایک مسئلہ رہا ہے، جس کے تدارک کے لیے انتظامیہ متعدد بار کارروائی کر چکی ہے تاہم خاطرِ خواہ نتائج بر آمد نہیں ہوئے۔

بھکاریوں میں خواتین کی بہت بڑی تعداد بھی شامل ہے، جن کے بارے میں کہا جاتا ہے کہ یہ خواتین بچوں کے اغوا میں بھی ملوث رہی ہیں۔

لاہور: سابق وزیرِ اعظم نواز شریف کی اسپتال منتقلی کے سلسلے میں لاہور پولیس نے مکمل سیکورٹی پلان تشکیل دے دیا ہے۔

تفصیلات کے مطابق نواز شریف کو اسپتال منتقل کیے جانے کے لیے لاہور پولیس نے سیکورٹی پلان ترتیب دے دیا، نواز شریف کے کمرے کو سب جیل ڈکلیئر کر دیا جائے گا۔

[bs-quote quote=”تمام ڈاکٹرز اور رشتہ داروں کی 3 جگہ چیکنگ کی جائے گی۔” style=”style-7″ align=”left” color=”#dd3333″ author_job=”پولیس سیکورٹی پلان”][/bs-quote]

پولیس کے مطابق نواز شریف کے وارڈ کے باہر جیل عملہ تعینات ہوگا، صرف حکومت کے معین کردہ ڈاکٹرز کے بورڈ کو کمرے تک رسائی ہوگی۔

پولیس کا کہنا ہے کہ تمام ڈاکٹرز اور رشتہ داروں کی 3 جگہ چیکنگ کی جائے گی، سیکورٹی کے سربراہ ایس پی ماڈل ٹاؤن علی وسیم ہوں گے۔

پولیس کے مطابق اسپتال میں 3 شفٹوں میں اہل کار تعینات کیے جائیں گے، ایک ڈی ایس پی، 2 انسپکٹر اور 80 اہل کار ایک شفٹ میں ہوں گے۔

یہ بھی پڑھیں:  نوازشریف کوامراض قلب کےاسپتال میں منتقل کیا جائے: میڈیکل بورڈ

خیال رہے کہ 8 فروری کو میاں نواز شریف کا معائنہ کرنے والے خصوصی میڈیکل بورڈ نے سفارش کی تھی کہ نواز شریف عارضہ قلب میں مبتلا ہیں، انھیں ہمہ وقت ماہرامراض قلب کی ضرورت ہے، اس لیے انھیں امراض قلب کے اسپتال منتقل کیا جائے۔

میڈیکل بورڈ نے تجویز دی تھی کہ نواز شریف کے بلڈ پریشر اور شوگر کے باقاعدہ چارٹ بنائے جائیں، ان کو کم نمک، کم چکنائی، کم پروٹین والی غذا استعمال کرنی چاہیے۔

لاہور: سانحہ ساہیوال کے بعد پولیس ناکوں پر کھڑے اہل کاروں کے لیے نیا ایس او پی (اسٹینڈرڈ آپریٹنگ پروسیجر) جاری کر دیا گیا ہے۔

تفصیلات کے مطابق ساہیوال میں سی ٹی ڈی اہل کاروں کے ہاتھوں بے گناہ افراد کے قتل کے بعد لاہور میں ناکوں پر کھڑے اہل کاروں کے لیے نیا معیاری طریقہ کار جاری کر دیا گیا۔

[bs-quote quote=”صرف مشکوک گاڑی کو روکا جائے، شہریوں کو غیر ضروری تنگ نہ کیا جائے۔” style=”style-7″ align=”left” color=”#dd3333″ author_name=”ایس او پی”][/bs-quote]

مراسلے میں کہا گیا ہے کہ ایس او پی ایس پی موبائلز لاہور نے جاری کیا۔

مراسلے کے مطابق ناکے پر نہ رکنے والی گاڑی پر فائرنگ نہیں کی جائے گی، وائرلیس پر پیغام دے کر اسے روکا جائے گا۔

مراسلے کے متن میں کہا گیا ہے کہ تلاشی کے دوران مزاحمت نہ کی جائے، اہل کار شہریوں سے خوش اخلاقی سے پیش آئیں، صرف مشکوک گاڑی کو روکا جائے، شہریوں کو غیر ضروری تنگ نہ کیا جائے۔

یہ بھی پڑھیں:  ساہیوال واقعہ: سندھ حکومت کا نئے پولیس قوانین بنانے کا فیصلہ

مراسلے میں یہ بھی کہا گیا ہے کہ دوران ڈیوٹی گاڑیوں کے کاغذات چیک نہ کیے جائیں، مشکوک گاڑیوں، پیدل افراد کی چیکنگ انڈرائیڈ فون سے کی جائے۔

یاد رہے کہ پانچ دن قبل ساہیوال میں ایک گاڑی کو روک کر کاؤنٹر ٹیرر ازم ڈیپارٹمنٹ کے اہل کاروں نے ایک خاندان کے تین افراد اور گاڑی کے ڈرائیور کو گولیوں سے بھون دیا تھا۔