ARYNews.tv | Urdu – Har Lamha Bakhabar

Tag: لاہور چڑیا گھر

  • 11 اگست: اگر آپ شیر خریدنا چاہتے ہیں تو اس سے اچھا موقع شاید ہی ملے

    11 اگست: اگر آپ شیر خریدنا چاہتے ہیں تو اس سے اچھا موقع شاید ہی ملے

    لاہور: 11 اگست کو لاہور کے چڑیا گھر کے 12 شیر نیلام کر دیے جائیں گے۔

    تفصیلات کے مطابق لاہور کے چڑیا گھر میں شیروں کی آبادی گنجائش سے بڑھ گئی ہے، 2 سے 5 سال عمر کے ان شیروں کے لیے پاکستان کے سب سے بڑے چڑیا گھر میں جگہ کم پڑ گئی۔

    چڑیا گھر کی انتظامیہ کو شیروں کے لیے گوشت کی فراہمی بھی مہنگی پڑنے لگی ہے، جس کی وجہ سے فروری میں فیصلہ کیا گیا تھا کہ 29 میں سے 12 شیر نیلام کر دیے جائیں گے۔

    اب نیلامی کی تاریخ کا اعلان بھی کر دیا گیا ہے، اگر آپ شیر خریدنا چاہتے ہیں تو گیارہ اگست کو آپ کی خواہش پوری ہو سکتی ہے۔

    رپورٹ کے مطابق فروخت کیے جانے والے افریقی شیروں میں 2 نر اور 10 مادہ شیر شامل ہیں۔

    کراچی میں وائلڈ لائف ٹیم کی کارروائی ،75 بڑی چھپکلیاں اور 4 سانپ برآمد

    صوبائی محکمہ جنگلی حیات نے 15 فروری کو شیروں کی فروخت کے لیے ٹینڈر کی درخواستیں طلب کی تھیں، شیروں کی قیمتوں کا تعین بھی نہیں کیا جا سکا ہے۔

    یاد رہے کہ اس سے قبل چڑیا گھر انتظامیہ نے لاہور کے سفاری زو میں 14 شیر محض 21 لاکھ میں فروخت کر دیے تھے، اور ایک شیر کی قیمت صرف ڈیڑھ لاکھ روپے وصول کی گئی تھی، جس پر وہ تنقید کا نشانہ بن گئے تھے۔

  • لا علاج بیماریوں میں مبتلا شیر اور شیرنی کو آسان موت دینے کا فیصلہ

    لا علاج بیماریوں میں مبتلا شیر اور شیرنی کو آسان موت دینے کا فیصلہ

    لاہور: لاہور چڑیا گھر میں لا علاج بیماریوں میں مبتلا بوڑھے شیر اور شیرنی کو آسان موت دینے کا فیصلہ کر لیا گیا۔

    تفصیلات کے مطابق لاہور چڑیا گھر میں لاعلاج بیماریوں میں مبتلا شیر اور شیرنی کو مارنے کا فیصلہ کیا گیا ہے، انتظامیہ کا کہنا ہے کہ دونوں لاعلاج بیماریوں میں مبتلا ہیں اور طبعی عمر پوری کر چکے ہیں۔

    چڑیا گھر انتظامیہ کا کہنا ہے کہ ایکسرے اور الٹرا ساؤنڈ رپورٹس کے مطابق نر شیر کے گردے خراب ہو چکے ہیں، جب کہ مادہ شیر میں بھی انفیکشن بڑھ رہا ہے۔

    چڑیا گھر انتظامیہ نے کہا ہے کہ دونوں کافی عرصے سے بیمار ہیں اور ان کا علاج نہیں ہو سکا۔

    حکام نے مزید کہا ہے کہ شیروں کے ساتھ ایک ٹائیگر، زیبرا اور ریچھ بھی معذوری کا شکار ہیں، آئندہ اجلاس میں ان جانوروں کو بھی مارنے کا فیصلہ کیا جائے گا۔

    دوسری طرف لاہور چڑیا گھر میں ایک شیرنی نے نوزائیدہ کو دودھ پلانے سے انکار کر دیا ہے، نوزائیدہ کو اس کی ماں نے قبول نہیں کیا، چڑیا گھر انتظامیہ نے بتایا کہ سفید شیرنی کے بچے کو مصنوعی دودھ پلایا جا رہا ہے۔

    بچے کی آمد سے چڑیا گھر میں سفید شیروں کی تعداد 6 ہوگئی ہے جن میں 3 نر، 2 مادہ ہیں جب کہ نوزائیدہ کی جنس سے متعلق معلوم نہیں ہو سکا ہے۔

  • لاہور چڑیا گھر کے ٹائیگر، ریچھ اور مادہ زیبرا کو پُر سکون موت دینے کا فیصلہ

    لاہور چڑیا گھر کے ٹائیگر، ریچھ اور مادہ زیبرا کو پُر سکون موت دینے کا فیصلہ

    لاہور: چڑیا گھر کے ٹائیگر، ریچھ اور مادہ زیبرا کو پُر سکون موت دینے کا فیصلہ کرلیا گیا ، ٹائیگر صیام معذوری کا شکار ہے اور ریچھ بڑھاپے کے باعث اپنی بینائی کھو چکا ہے۔

    تفصیلات کے مطابق لاہورچڑیا گھر میں پیدائشی معذوراورناقابل علاج جانوروں کو ابدی نیندسلانے کا فیصلہ کرلیا ، جس میں چڑیا گھرکا ٹائیگر، ریچھ اورمادہ زیبرا شامل ہیں۔

    ڈپٹی ڈائریکٹر کرن سلیم نے کہا ہے کہ چڑیا گھر کا ٹائیگر صیام معذوری کا شکار ہے اور بڑھتی عمر کیساتھ اسکی تکلیف میں اضافہ ہو رہا ہے۔

    کرن سلیم کا کہنا تھا کہ بھورا ریچھ بڑھاپے کے باعث اپنی بینائی کھو چکا ہے اور مادہ زیبرا کا بھی پاؤں پر دوبارہ کھڑا ہونا ناممکن ہے۔

    ڈپٹی ڈائریکٹر چڑیا گھر نے کہا کہ جانوروں کےعلاج کی ہرکوشش ناکام ہوئی ، ڈپٹی ڈائریکٹر لاہور چڑقانون معذوری کےباعث جانوروں کوپرسکون موت دینے کی اجازت دیتا ہے۔

    اس سے قبل سفاری زومیں 4جانوروں کو پرسکون موت دی جا چکی ہے جبکہ لاہورچڑیا گھر میں پہلی بار کسی جانور کوموت دی جائے گی۔

  • وائٹ ٹائیگر کے مرنے والے بچوں کی پوسٹ مارٹم رپورٹ آ گئی

    وائٹ ٹائیگر کے مرنے والے بچوں کی پوسٹ مارٹم رپورٹ آ گئی

    لاہور: چڑیاگھر میں وائٹ ٹائیگر کے 2 بچوں کی اچانک ہلاکت کی وجہ معلوم کرنے کے لیے لاشوں کا پوسٹ مارٹم کیا گیا تھا جس کی رپورٹ آ گئی۔

    تفصیلات کے مطابق لاہور چڑیا گھر میں ہلاک ہونے والے سفید ٹائیگر کے دونوں بچوں میں کرونا کا شبہ ظاہر کیا گیا ہے، پوسٹ مارٹم رپورٹ میں کہا گیا ہے کہ ٹائیگر کے بچوں کی آنتوں میں سوزش تھی۔

    پوسٹ مارٹم رپورٹ کے مطابق ٹائیگر کے بچوں کے پھیپھڑوں میں انفیکشن سے بایاں پھیپھڑا سکڑ چکا تھا، جب کہ دائیں پھیپھڑے میں پانی بھر چکا تھا، وائٹ ٹائیگرز کے دل میں ہیمبرج کے باعث خون کے دھبے بھی پائے گئے۔

    رپورٹ میں کہا گیا ہے کہ شیر کے بچوں کو سانس لینے میں بھی دشواری کا سامنا تھا، واضح رہے کہ چڑیا گھر کی انتظامیہ نے کہا ہے کہ زو کے 6 ملازمین میں بھی کرونا کی تشخیص ہو چکی ہے۔

    یاد رہے کہ جمعرات کو لاہور چڑیا گھر میں نایاب سفید ٹائیگر کے دو بچے تین ماہ کی عمر میں وائرل انفیکشن کی وجہ سے مر گئے تھے، چڑیا گھر کی جانب سے کہا گیا تھا کہ دونوں بچوں کی ماں ان کی ٹھیک طریقے سے دیکھ بھال نہیں کر رہی تھی جس کی وجہ سے وہ ہلاک ہوئے۔

    سفید ٹائیگر کے ہاں تین ماہ قبل 4 بچے پیدا ہوئے تھے، ایک بچہ کمزوری کے باعث پیدائش کے وقت ہی مر گیا تھا، ایک بچہ پیدائش کے ایک ماہ بعد ہلاک ہوا جب کہ دو جمعرات کو ہلاک ہوگئے۔

  • لاہور چڑیا گھر میں جانوروں کی پراسرار اموات

    لاہور چڑیا گھر میں جانوروں کی پراسرار اموات

    لاہور: صوبہ پنجاب کے دارالحکومت لاہور کے چڑیا گھر میں تیندوے کا بچہ بغیر کسی بیماری کے اچانک ہلاک ہوگیا۔ ایک ماہ میں لاہور چڑیا گھر میں ہونے والی یہ تیسری موت ہے۔

    تفصیلات کے مطابق لاہور کے چڑیا گھر میں جانوروں کی پراسرار اموات کا سلسلہ جاری ہے۔

    آج صبح ایک تیندوے کا بچہ اپنے پنجرے میں مردہ حالت میں پایا گیا۔ چڑیا گھر انتظامیہ کے مطابق تیندوے کی عمر 4 ماہ تھی۔

    ان کا کہنا ہے کہ تیندوے کا بچہ صحت مند تھا اچانک اس کی موت واقع ہوئی ہے۔ بچے کا پوسٹ مارٹم بھی کیا جا رہا ہے۔

    یاد رہے کہ چڑیا گھر میں اس سے قبل بھی چیتے کا جوڑا ہلاک ہوچکا ہے۔ اب ایک ماہ کے دوران تیندوے کے بچے کی یہ تیسری ہلاکت ہے جو پراسرار حالات میں واقع ہوئی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • لاہور چڑیا گھر کی ہتھنی سوزی چل بسی، بچے افسردہ

    لاہور چڑیا گھر کی ہتھنی سوزی چل بسی، بچے افسردہ

    لاہور: لاہور چڑیا گھر میں سب کی ہر دلعزیز ہتھنی سوزی بیمار رہنے کے بعد چل بسی، اس کی عمر 35 سال تھی۔

    تفصیلات کے مطابق چار دن بیمار رہنے کے بعد گزشتہ رات 35 سالہ ہتھنی سوزی اپنی زندگی ہار گئی۔


    ڈائریکٹر چڑیا گھر کا کہنا ہے کہ سوزی کا وزن بہت زیادہ ہوگیا تھا، موٹاپے کے سبب وہ انتقال کرگئی، انہوں نے بتایا کہ ہاتھیوں کودو مسئلے پیش آتے ہیں جو جان لیوا ثابت ہوتے ہیں اول موٹاپا اور دوم اسٹریس یعنی غم یا ذہنی دباؤجو ان کی موت کا سبب بن جاتا ہے۔

    کچھ بچے سوزی کی سواری کے لیے چڑیا گھر پہنچے جہاں انہیں پتا چلا کہ وہ اس دنیا میں نہیں رہی تو بچے افسردہ ہوگئے۔

    بچے تو بچے بڑے بھی سوزی کے بچھڑنے پر افسردہ ہوگئے۔ ایک شخص نے اے آر وائی سے بات کرتے ہوئے کہا کہ افسوس ناک خبر ہے، یہ ہتھنی اس چڑیا گھر کی رونق تھی۔

    ایک خاتون نے کہا کہ بچوں کو اچھا نہیں لگا کہ سوزی چلی گئی، بچوں نے جب دیکھا کہ سوزی چلی گئی تو وہ افسردہ ہوگئے ہیں۔

    خیال رہے کہ جنگل میں رہنے والی ہاتھی کی عمر 60 سے 70 برس تک ہوتی ہے لیکن دنیا گھر کے چڑیا گھر میں رہنے والے ہاتھیوں کی عمر 17 سے 20 برس تک ہوتی ہے لیکن لاہور کے چڑیا گھر میں سوزی 35 سال تک حیات رہی۔