Tag: لاہور ہائی کورٹ

لاہور : سپریم کورٹ کے بعد لاہورہائی کورٹ کے ججز کو دھمکی آمیزخط بھیجنے پر مقدمہ درج کرلیا گیا ، مقدمے میں دفعہ 7اےٹی اے،507 شامل کی گئی ہیں۔

تفصیلات کے مطابق لاہورہائی کورٹ کے ججز کو دھمکی آمیزخط بھیجنے پر مقدمہ درج کر لیا گیا ، دہشت گردوں کےخلاف تھانہ سی ٹی ڈی لاہور میں مقدمہ درج کیا گیا۔

پولیس نے مقدمہ ڈی ایس پی سیکیورٹی ہائیکورٹ کی مدعیت میں درج کیا ، سی ٹی ڈی حکام نے بتایا کہ مقدمےمیں دفعہ 7اےٹی اے،507 شامل کی گئی ہیں۔

حکام کا کہنا تھا کہ دھمکی آمیزخطوط کوتجزیے کےلیے پنجاب فرانزک سائنس ایجنسی بھجوادیا گیا ہے اور ملزمان کی گرفتاری کےلیےشواہدجمع کئےجارہےہیں۔

گذشتہ روز لاہورہائی کورٹ کے چار ججوں جسٹس عالیہ نیلم، جسٹس شاہد بلال حسن، جسٹس شجاعت علی خان، جسٹس عابد علی شیخ کے بعد چیف جسٹس لاہورہائی کورٹ ملک شہزاد احمد خان کے نام بھی خط آیا تھا۔

عدالتی عملے نے خط کھولے بغیرپولیس کواطلاع دی اور لاہورہائیکورٹ کوملنے والےخط بھی سی ٹی ڈی ٹیم کےحوالےکر دیے گئے۔

حکام کا کہنا تھا کہ جو ڈاکیہ خط لےکرآیا اس سے تفتیش کی جارہی ہے۔

خیال رہے دھمکی آمیرخطوط کا سلسلہ اسلام آبادہائی کورٹ سے شروع ہوا تھا، جب اسلام آباد ہائیکورٹ کے چیف جسٹس عامر فاروق سمیت آٹھ ججوں کومشکوک خطوط موصول ہوئے تھے، عدالتی ذرائع کا کہنا ہے خط میں موجود سفوف کوانتھریکس بتایا گیا ہے، جس کا فرانزک کرایا جارہا ہے۔

لاہور : لاہور ہائی کورٹ نے تاحیات نااہلی کی مدت 5 سال کرنے کیخلاف درخواست مسترد کردی۔

تفصیلات کے مطابق لاہور ہائی کورٹ میں جسٹس شاہد بلال حسن نے شہری شبیر اسماعیل اورمشکور حسین کی تاحیات نااہلی کی مدت 5 سال کرنے کیخلاف درخواستوں پر فیصلہ سنادیا۔

فیصلے میں عدالت نے نااہلی کی مدت 5 سال کرنے کیخلاف درخواست ناقابل سماعت قرار دے دی۔

الیکشن ایکٹ میں ترمیم کےذریعےنا اہلی کی معیاد5سال کرنےکااقدام چیلنج کیا گیا تھا ، جس میں کہا تھا کہ آرٹیکل 62 ون ایف کے تحت نااہلی کی مدت 5 سال مقرر کی گئی، سپریم کورٹ پہلے ہی 62 ون ایف کی تشریح کر چکی۔

درخواست گزار کا کہنا تھا کہ ترمیم سپریم کورٹ کے فیصلوں کی خلاف ورزی ہے ، استدعا ہے نااہلی کی مدت 5 سال کرنے کی ترمیم کو کالعدم قرار دیا جائے۔

لاہور : لاہور ہائی کورٹ نے عید تک مارکیٹس رات12 بجےتک کھلارکھنے کی اجازت دے دی جبکہ ہفتے اور اتوار کو رات 1 بجے تک کھلیں گی۔

تفصیلات کے مطابق لاہور ہائی کورٹ میں اسموگ ، ماحولیاتی آلودگی کے تدارک کیس کی ہائیکورٹ میں سماعت ہوئی، عدالت نےعید تک مارکیٹس رات12 بجےتک کھلارکھنے کی اجازت دے دی۔

عدالت نےہفتے اور اتوار کو مارکیٹس رات 1بجے تک کھلا رکھنےکی اجازت دیتے ہوئے کہا کہ عدالتی احکامات نہ ماننے والےریسٹورنٹس کےخلاف سخت کارروائی ہوگی۔

ممبرواٹر کمیشن نے بتایا کہ ریسٹورنٹس والےچیکنگ کرنیوالےعملےکو اندر نہیں جانے دیتے، ایک ریسٹورنٹ والے نے عملے کی دستاویزات پھاڑ دیں، جس پر جسٹس شاہد کریم نے کہا کہ اس طرح کا رویہ تو قابل برداشت نہیں،بدتمیزی کرنیوالے شخص کو ڈھونڈ کر پیش کریں۔

ممبر واٹر کمیشن کا کہنا تھا کہ ٹولنٹن مارکیٹ میں متعلقہ محکموں کی سب کمیٹیز بنائی ہیں، صبح مرغیاں لانے والے ٹرکوں کو چیک کریں گے، کوشش ہے ٹولنٹن مارکیٹ میں مردہ مرغیاں فروخت نہ ہوں۔

جس پر عدالت نے کہا کہ ایس او پیز بن گئیں،اطلاق سے معاملات مزید بہتر ہونگے، پارکس میں پودوں، درختوں کو نہری پانی لگایا جائے، پی ایچ اے بنائے گئے زیر زمین واٹر ٹینکس کا پانی بھی استعمال کرے۔

لاہور : لاہور ہائی کورٹ نے عورت مارچ کو رکوانے کیلئے درخواست ناقابل سماعت ہونے کی بنیاد پر خارج کر دی۔

تفصیلات کے مطابق لاہور ہائی کورٹ کے جسٹس شاہد کریم نے شہری اعظم بٹ کی عورت مارچ کو رکوانے کیلئے درخواست پر محفوظ فیصلہ سنا دیا۔

عدالت نے گزشتہ سماعت پر درخواست کے قابل سماعت ہونے پر فیصلہ محفوظ کیا تھا، عدالت نے درخواست کو ناقابل سماعت قرار دے کر خارج کر دیا۔

درخواست میں عورت مارچ کے انعقاد کو چیلنج کیا گیا، درخواست گزار کے مطابق عورت مارچ سے امن وامان خراب ہونے کا خدشہ ہے، گزشتہ برس بھی عورت مارچ کی امن و امان کے خدشہ کی وجہ سے اجازت نہیں دی گئی۔

درخواست میں کہنا تھا کہ کسی بھی ایسی تقریب یا مارچ کو روکا جاسکتا ہے جس میں بے راروی اور غیر شائسگتی کا عنصر غالب ہو، وکیل نے استدعا کی تھی کہ عورت مارچ کو روکنے کا حکم دیا جائے۔

لاہور : لاہور ہائی کورٹ نے اسموگ تدارک کیس میں ریسٹورینٹ کا وقت بڑھانے کی درخواست مسترد کر دی اور غلط پارکنگ کرنے والوں کو جرمانہ کرنے کا حکم دیا۔

تفصیلات کے مطابق لاہور ہائی کورٹ کے جسٹس شاہد کریم نے اسموگ تدارک کیس کی سماعت کی ، ہارون فاروق سمیت دیگر کی درخواستوں پر سماعت ہوئی۔

درخواست گزار اظہر صدیق ایڈووکیٹ نے بتایا کہ پی ایس ایل میچز شروع ہوگئے اور عدالتی احکامات پر عملدرآمد نہیں ہو رہا، عدالتی احکامات پر معاملات بڑی مشکل سے ٹھیک ہوئے تھے۔

عدالت نے ریمارکس دئیے کہ آپ درخواست لائیں پی ایس ایل کے خلاف حکم امتناعی جاری کر دیتے ہیں، ٹریفک جام اور ماحول کی بہتری کیلئے بڑی کوششیں کیں۔

ریسٹورینٹس کے وکیل نے عدالت سے استدعا کی کہ ریسٹورینٹس کا ایک گھنٹہ وقت بڑھا دیا جائے، جس پر عدالت نے ریمارکس دئیے کہ ریسٹورینٹس والوں نے بہت تنگ کیا ہوا ہے، وقت میں رعایت بالکل نہیں دی جا سکتی۔

پی ایچ اے کے وکیل نے بتایا کہ شاہدرہ کے قریب پی ایچ اے نے 16 ہزار درخت لگائے ہیں، ایریگیشن سے ایک درخت کاٹنے پر تین درخت لگانا طے پایا تھا ، اب تک ایرگیشن والوں نے 3 سو درخت لگا دئیے ہیں۔

جس پر ممبر کمیشن نے کہا کہ کمیشن کے لوگوں کے تبادلے کیے جارہے ہیں تو سرکاری وکیل نے بتایا کہ الیکشن کی وجہ سے لوگوں کے تبادلے ہوئے ہیں۔

درخواست گزار کے وکیل نے بتایا کہ سوشل میڈیا کو بھی ایکٹویٹ کرنے کی ضرورت ہے، گھروں میں پودے لگائے جانے چاہیے، ہیٹ ویو اسموگ کی روک تھام کے لیے میڈیا کو بھی اشتہار چلانے چاہیے، اسکول و کالجز میں ایک پیریڈ ہونا چاہیے جس میں بچوں کو درختوں کی اہمیت کی آگاہی دینی چاہیے۔

جس پر عدالت نے ریمارکس دئیے کہ ایسا ضروری ہے ایسا ہونا چاہیے عدالت نے غلط پارکنگ کرنے والوں کو بھاری جرمانے کرنے کی ہدایت کی اور کیس کی سماعت 23 فروری تک ملتوی کردی۔