Tag: لاہور

لاہور : صوبائی دارلحکومت لاہور میں 10 ہزار کلو مضر صحت گوشت برآمد کر کے 4 افراد کو گرفتار کرلیا گیا۔

تفصیلات کے مطابق لاہور میں پنجاب فوڈ اتھارٹی نے ڈی جی فوڈ اتھارٹی عاصم جاوید کی سربراہی میں بکر منڈی لاہور میں بڑی کارروائی کرتے ہوئے 10 ہزار کلو زائد المیعاد اور مضر صحت گوشت برآمد کر لیا۔

کارروائی کے دوران 4 ملزمان کو گرفتار کر کے قانونی کارروائی شروع کر دی گئی۔

ترجمان فوڈ اتھارٹی نے بتایا کہ یہ گوشت بیمار اور مردہ جانوروں کا تھا، جسے لاہور کے نواحی علاقوں سے لا کر پراسیس کیا جا رہا تھا۔

ایکسپائر شدہ گوشت کولڈ اسٹوریج میں ذخیرہ کیا گیا تھا، جہاں بدبو اور تعفن کی شکایات پر چھاپہ مارا گیا۔

ڈی جی فوڈ اتھارٹی عاصم جاوید کا کہنا تھا کہ خراب گوشت مختلف ہوٹلز کو سپلائی کیا جانا تھا، تاہم بروقت کارروائی سے ایک بڑے انسانی المیے کو روک لیا گیا۔ برآمد شدہ تمام گوشت کو موقع پر ہی تلف کر دیا گیا۔

عوام سے اپیل کی گئی ہے کہ کسی بھی مشکوک گوشت کی فروخت یا سپلائی کی اطلاع فوری طور پر فوڈ اتھارٹی کو دی جائے تاکہ شہریوں کی صحت کا تحفظ یقینی بنایا جا سکے

لاہور : آن لائن ٹیکسی ایپ کے ذریعے شہریوں سے لوٹ مار کرنے والے گینگ کو گرفتار کرلیا گیا، ایپ کا ہی سافٹ ویئر آپریٹر ہی مختلف جعلی اکاؤنٹس بنا کر لوٹ مار کی وارداتیں کرواتا تھا۔

تفصیلات کے مطابق پنجاب کے دارلحکومت لاہور میں آن لائن ٹیکسی سروس ایپ کے ذریعے لوٹ مار کرنے والا گینگ پکڑا گیا۔

پولیس نے شہریوں کو لوٹنے والے گینگ کے 4 ارکان کو گرفتار کر لیا ہے، گینگ کا ماسٹر مائنڈ ایپ کا ہی سافٹ ویئر آپریٹر نکلا، جو مختلف جعلی اکاؤنٹس بنا کر لوٹ مار کی وارداتیں کرواتا تھا۔

ایس پی ماڈل ٹاؤن اخلاق اللہ تارڑ نے بتایا کہ گرفتار مرکزی ملزم فرحان آن لائن ٹیکسی سروس کے ایپ آفس میں ملازم تھا اور وہ اپنے تین ساتھیوں کو جعلی اکاؤنٹس بنا کر دیتا تھا، جن کے ذریعے یہ گروہ شہریوں کی کوریئر کی گئی قیمتی اشیاء چوری کرتا اور فرار ہو جاتا۔

ایس ایچ او گلبرگ تیمور عباس نے پولیس ٹیم کے ہمراہ کارروائی کی، جس میں ملزمان کو گرفتار کیا گیا، پولیس کے مطابق یہ گروہ اب تک لاکھوں روپے مالیت کی اشیاء لوٹ چکا ہے۔

کارروائی کے دوران پولیس نے ملزمان کے قبضے سے چوری شدہ الیکٹرانک اشیاء، کپڑے، دو پستول اور دیگر سامان بھی برآمد کر لیا ہے۔

ایس پی ماڈل ٹاؤن نے کہا ہے کہ گرفتار ملزمان کے خلاف مقدمہ درج کر کے مزید تفتیش جاری ہے، جبکہ آن لائن پلیٹ فارمز پر شہریوں کی حفاظت یقینی بنانے کے لیے سیکیورٹی اقدامات مزید سخت کیے جا رہے ہیں۔

لاہور : جنوبی ایشیا کی پہلی اے آر ٹی لاہور پہنچ گئی، اے آر ٹی جدید ترین ٹریک لیس سسٹم پر مبنی ہے جو ربڑ کے ٹائروں پر چلتی ہے۔

تفصیلات کے مطابق وزیر اعلیٰ پنجاب مریم نواز نے سماجی رابطے کی ویب سائٹ ایکس پر جنوبی ایشیا کی پہلی آٹو میٹڈ ریپڈ ٹرانزٹ (ART) بس لاہور پہنچنے پر خوشی کا اظہار کرتے ہوئے اسے عوام کے لیے جدید، مؤثر اور ماحول دوست سفری سہولت قرار دیا ہے۔

وزیر اعلیٰ نے کہا کہ اے آر ٹی جدید ترین ٹریک لیس سسٹم پر مبنی ہے جو ربڑ کے ٹائروں پر چلتی ہے اور ایک وقت میں 300 مسافروں کو لے جا سکتی ہے۔ یہ روایت سے ہٹ کر ایک نیا ماڈل ہے جو سرمایہ کاری کے مؤثر استعمال اور ماحولیاتی تحفظ کو یقینی بناتا ہے۔

انہوں نے بتایا کہ اے آر ٹی بس کو جلد کینال روڈ پر ٹیسٹ رن کے لیے چلایا جائے گا تاکہ اس کی فعالیت اور کارکردگی کا جائزہ لیا جا سکے۔

South Asia’s first ART (Autonomous Rail Rapid Transit) has arrived in Lahore. It is track-less, runs on rubber tires & carries 300 passengers. It is a modern, cost-effective & environment-friendly alternative to conventional transport. Test run on canal road soon Insha’Allah! pic.twitter.com/NNMJAB9qXS

— Maryam Nawaz Sharif (@MaryamNSharif) July 29, 2025

وزیر اعلیٰ مریم نواز نے مزید بتایا کہ چین میں پنجاب کے لیے 1,100 الیکٹرک بسیں تیار کی جا رہی ہیں، جن میں سے 240 بسوں پر مشتمل پہلا بیڑا 22 اگست کو پاکستان پہنچے گا۔ یہ بسیں ان اضلاع میں بھجوائی جائیں گی جہاں پبلک ٹرانسپورٹ کی سہولت موجود نہیں۔

انہوں نے کہا کہ ان بسوں کا کرایہ صرف 20 روپے ہوگا، تاکہ عام شہری بآسانی اس سہولت سے مستفید ہو سکیں۔ ہر بس میں اے سی، سی سی ٹی وی کیمروں کے ذریعے نگرانی کا نظام، اور معذور افراد کے لیے بلٹ اِن وہیل چیئر ریمپ کی سہولت بھی موجود ہوگی۔

وزیر اعلیٰ نے کہا کہ ان جدید منصوبوں کا مقصد عوام کو باوقار، محفوظ اور ماحول دوست سفر کی سہولت دینا ہے اور پنجاب میں پبلک ٹرانسپورٹ کے ایک نئے دور کا آغاز کرنا ہے۔

لاہور(28 جولائی 2025): پنجاب فوڈ اتھارٹی نے استعمال شدہ گھی آئل دوبارہ پیک کرنے والے مافیا کو رنگے ہاتھوں گرفتار کرلیا۔

تفصیلات کے مطابق پنجاب فوڈ اتھارٹی کی فوڈ سیفٹی ٹیموں نے حسن ٹاؤن میں چھاپہ مار کارروائی کی اس دوران استعمال شدہ گھی آئل دوبارہ پیک کرنے والے مافیا کو گرفتار کرلیا گیا۔

ڈی جی فوڈ اتھارٹی کا کہنا ہے کہ 2 ہزار لیٹر استعمال شدہ آئل تلف کردیا گیا جبکہ ایک ملزم کو گرفتار کرکے مقدمہ درج کرلیا گیا ہے، کارروائی کے دوران یونٹ میں استعمال شدہ آئل کو دوبارہ پیک کیا جارہا تھا۔

یہ بھی پڑھیں: اسلام آباد فوڈ اتھارٹی کا چھاپہ، 50 گدھے اور 25 من گوشت برآمد

ڈی جی فوڈ عاصم جاوید کا کہنا ہے کہ بغیر اجازت اور فوڈ اتھارٹی لائسنس کے بغیر خوراک کا کاروبار کیا جارہا تھا، یونٹ میں صفائی کے ناقص انتظامات، حشرات کی بھرمار پائی گئی تھی۔

 ڈی جی فوڈ اتھارٹی کا مزید کہنا تھا کہ کھلا آئل ڈرموں اور زنگ آلود برتنوں میں رکھا گیا تھا، شہری اشیا کی خرید سے قبل  شکایت کی صورت میں 1223 پر اطلاع دیں۔

لاہور : فیصل ٹاؤن میں ڈلیوری بوائے سے 1 لاکھ 21 ہزارکی ڈکیتی کا ڈراپ سین ہوگیا ، ملزمان نے نجی کوریئر کمپنی کی رقم ہتھیانے کیلئے ڈرامہ رچایا۔

تفصیلات کے مطابق فیصل ٹاؤن میں ڈلیوری بوائے سے 1 لاکھ 21 ہزارکی ڈکیتی کی اصل حقیقت سامنے آگئی، ایس پی ماڈل ٹاؤن اخلاق اللہ نے بتایا کہ ڈلیوری بوئےہی واردات کا ماسٹر مائنڈ نکلا۔

ایس پی ماڈل ٹاؤن کا کہنا تھا کہ ملزمان نے نجی کوریئر کمپنی کی رقم ہتھیانے کیلئے ڈرامہ رچایا، فوٹیج کی مدد سے 3ملزمان کو گرفتار کرلیا ہے۔

اخلاق اللہ نے کہا کہ ڈلیوری بوئے زین، محسن اور احسن پر مقدمہ درج کرلیا ہے ، بوائے نجی کوریئر کمپنی کا کیش لے جارہا تھا۔

ملزمان رشتہ دار ہیں اور چندروز قبل واردات کا منصبوبہ بنایا تھا تاہم نقدی ،2پستول اورموبائل فون برآمد کرلیے ہیں۔

لاہور : پیسوں کا مطالبہ پورا نہ ہونے پر سسرالیوں نے بہو کو بدترین تشدد کا نشانہ بنایا ، بالوں سے پکڑا اور سردیوارمیں دے مارا۔

تفصیلات کے مطابق لاہور کے علاقے شفیق آباد میں سسرالیوں کا بہو پر تشدد کا واقعہ سامنے آیا، شوہر نے اپنی بیوی سے پیسوں کا مطالبہ کیا، پورا نہ ہونے پر تشدد کیا۔

شوہر نے تشدد سے بیوی کو لہو لوہان کردیا اور قریب بیٹھے سسر نے بھی نابچایا تاہم واقع کا مقدمہ متاثرہ خاتون کے چچا کی مدعیت میں تھانہ شفیق آباد میں درج کرلیا گیا ہے۔

مقدمہ متن میں کہا گہا کہ شوہر انور محمود اور سسر غلام حسین جوئے کے پیسے ہارنے پر بہو کو اس کے والد سے پیسے منگوانے کا مطالبہ کرتے رہے بہو نے اپنےوالد سے پیسے نا منگوائے تو شوہر تشدد کرنے لگا۔

مدعی مقدمے کا کہنا تھا کہ شوہر انور محمود نے اپنی بیوی کوبالوں سے پکڑا اور سردیوارمیں دے مارا، جس سے سر پر گہری چوٹ آئی۔

شوہرنے طیش میں آکر لاتوں اور گھوسوں اور بیلٹ سے بھی تشدد کیا، بعد ازاں شوہراورسسر کے تشدد کے بعد موقع سے فرار ہوگئے تھے۔

متاثرہ خاتون کے مطابق ملزمان عبوری ضمانت پرہیں اور مقدمہ خارج کروانے کے لئے مختلف لوگوں سےدباؤکی کوششیں کر رہے ہیں۔

لاہور : 5 سال سے مفرور انتہائی خطرناک اشتہاری کو گرفتار کرلیا گیا، ملزم محمد وقار نے رائے ونڈ سٹی میں میاں، بیوی کو قتل کیا تھا۔

تفصیلات کے مطابق لاہور میں کرائم کنٹرول ڈیپارٹمنٹ چوہنگ نے دو مختلف کارروائیاں کیں اور کارروائیوں میں 5 سال سے مفرور انتہائی خطرناک اشتہاری کو گرفتار کرلیا۔

سی سی ڈی ترجمان نے بتایا کہ ملزم محمد وقار نے رائے ونڈ سٹی میں میاں، بیوی کو قتل کیا تھا۔

ترجمان کا کہنا تھا کہ ملزم محمد وقار نے اپنے ساتھیوں کے ساتھ ملکر واردات کی تھی اور واردات کےبعدفرار ہوگیا تھا۔

مجرم کے سر پر ایک لاکھ انعام مقرر تھا، اس کے ساتھ رہزنی،موٹرسائیکل چھیننےکی وارداتوں میں مطلوب عمر نامی اشتہاری کو بھی گرفتار کرلیا گیا۔