Tag: لاہور

پاکستان مسلم لیگ ق کے صدر چوھدی شجاعت حسین نے کہا ہے کہ حکومت نے مہنگائی کے ڈرون نہ روکے تو بحران بے قابو ہو جائیگا، ملک میں حکومت نام کی کوئی چیز نہیں خود کچھ کرتے ہیں نہ کسی کو کرنے دیتے ہیں فوری طور پر اے پی سی بلائی جائے۔

لاہور میں میڈیا سے گفتگو کرتے ہوئے چودھری شجاعت حسین نے کہا کہ اگر حکومت ڈرون حملے نہیں روک سکتی تو مہنگائی کے ڈرون کو ہی روک لے، انہوں نے کہا کہ مہنگائی کو کنٹرول کر لیاجائے تو سارے معاملات کنٹرول ہو جائیں گے، اس سلسلے میں ہم حکومت کو ایک بار پھر مشورہ دیتے ہیں کہ وہ مہنگائی کے مسئلہ پر آل پارٹیز کانفرنس بلائیں.

اس سے قبل پاکستان سول سوسائٹی آف پیس کی دعوت پر یہاں آنے والے سول سوسائٹی آف امریکہ کے وفد نے چودھری شجاعت حسین اور چودھری پرویزالٰہی سے ملاقات کی، پاکستان مسلم لیگ کے سیکرٹری جنرل مشاہد حسین سید، سینیٹر کامل علی آغا، ایس ایم ظفر اور چودھری سالک حسین نے معزز مہمانوں کو خوش آمدید کہا۔

علامہ ڈاکٹر طاہرالقادری نے شفاف نجکاری کے لئے پندرہ نکاتی فارمولا پیش کردیا، علامہ ڈاکٹر طاہرالقادری کا کہنا ہے کہ قوم کو مسلم لیگ ن کا کمیشن قبول ہوگا نہ منشا گروپ کو نوازنے کی پالیسی قبول ہوگی۔

لاہور میں وڈیو لنک سے نیوز کانفرنس سے خطاب کرتے ہوئے ڈاکٹر طاہرالقادری نے حکومت کی طرف سے قومی اداروں کی نجکاری کو خوب آڑے ہاتھوں لیا، انہوں نے کہا کہ 1997 میں مسلم لیگ ن کی حکومت نے بینظیر بھٹو کے سابقہ دور حکومت میں پی ٹی سی ایل کی نجکاری کو شفاف بنانے والے حسین لوائی کو سزا دی اور اب بھی ان سے اچھائی کی توقع نہیں۔ 

  پاکستان عوامی تحریک کے سربراہ نے کہا کہ قومی ادارے ملک کا اثاثہ ہیں، نجکاری کے عمل اور ممکنہ خریداروں کو میڈیا کے ذریعے زیر بحث لایا جائے، منشا گروپ کو خفیہ طریقے سے نہ نوازا جائے، ڈاکٹر طاہرالقادری نے نجکاری کمیشن کے ارکان کی اہلیت کو چیلنج کرتے ہوئے غیر متنازع ججوں اور ایماندار ماہرین پر مشتمل کمیشن کی تشکیل کا مطالبہ کیا۔
   

وفاقی وزیر ترقی و منصوبہ بندی احسن اقبال نے کہا ہے کہ اگر پرویز مشرف عدالت میں پیش نہ ہوں تو پھر تمام وی آئی پیز کو پیشی سے استثنٰی ملناچاہیے۔

لاہور میں وفاقی وزیر ترقی ومنصوبہ بندی احسن اقبال کاکہنا تھا کہ موجودہ حکومت پر پرویز مشرف سے انتقام لینےکا الزام غلط ہے، مشرف کے وکلاء فوج جیسے مقدس ادارے کو ایک شخص کے گناہوں میں نہ گھسیٹیں۔

احسن اقبال نے کہا کہ ذوالفقار علی بھٹو، نواز شریف، آصف علی زرداری اور یوسف رضا گیلانی عدالت میں پیش ہو سکتے ہیں تو پرویز مشرف کیوں نہیں، وفاقی وزیر کا کہنا تھا کہ طالبان سے مذاکرات حکومت کی اولین ترجیح ہیں، لیکن مذاکراتی عمل ناکام ہوا تو پوری قوم مل کر دہشتگردی کا مقابلہ کریگی۔