ARYNews.tv | Urdu – Har Lamha Bakhabar

Tag: لبنان

  • ایران کا لبنان دھماکوں پر ردِعمل سامنے آگیا

    ایران کا لبنان دھماکوں پر ردِعمل سامنے آگیا

    ایران نے لبنان میں پیجر دھماکوں پر رد عمل دیتے ہوئے اس کی شدید مذمت کی ہے، جبکہ اسے اسرائیل کی دہشت گردانہ کارروائی قرار دیا ہے۔

    بین الاقوامی خبر رساں ادارے کی رپورٹ کے مطابق ایرانی وزیر خارجہ عباس اراقچی نے پیجر دھماکوں کے بعد لبنانی وزیر خارجہ کو ٹیلیفون کیا اور دہشتگرد حملے کی شدید مذمت کی۔

    ایران کے وزیر خارجہ نے ایرانی سفیر کو فوری طبی امداد فراہم کرنے پر لبنان حکومت کا شکریہ بھی ادا کیا۔

    وزیر خارجہ عباس اراقچی نے دھماکوں میں جاں بحق افراد کے اہل خانہ سے تعزیت کی اور زخمیوں کو ضروری طبی امداد فراہم کرنے کا وعدہ کیا۔

    دوسری جانب لبنان میں پیجرز ڈیوائس میں دھماکوں کے بعد حزب اللہ نے اسرائیل کو ذمہ قرار دیتے ہوئے بدلہ لینے کا اعلان کردیا۔

    حزب اللہ نے رد عمل دیتے ہوئے کہا ہے کہ اسرائیل کو غیر متوقع ایسا جواب دیا جائیگا ممکن ہے ان کو اندازہ تک نہ ہو۔

    لبنانی میڈیا کا کہنا ہے کہ پیجرز ڈیوائس میں دھماکے بیٹری پھٹنے سے نہیں ہوئے، دھماکے بم کی وجہ سے ہوئے ہیں، پیجرز ڈیوائس امریکی کمپنی کے ہیں،مزیدتحقیقات شروع کردی گئی ہیں۔

    اسرائیل کا لبنان میں حزب اللہ کیخلاف سائبر حملہ، 8 شہید، ہزاروں زخمی

    شامی مانیٹرنگ گروپ کے مطابق شام میں بھی پیجرز ڈیوائس میں دھماکوں کے باعث 14 حزب اللہ ارکان زخمی ہوئے ہیں، شام میں پیجرز ڈیوائس حزب اللہ ارکان کے کنٹرول میں تھے جن میں دھماکے ہوئے۔

  • لبنان پر اسرائیلی حملے کے جواب میں حزب اللہ کا جوابی وار

    لبنان پر اسرائیلی حملے کے جواب میں حزب اللہ کا جوابی وار

    اسرائیل کی جانب سے یہ دعویٰ کیا گیا ہے کہ جنوبی لبنان میں حزب اللہ کے ٹھکانوں پر بمباری کی گئی ہے۔

    عرب میڈیا کا اس حوالے سے کہنا ہے کہ اسرائیل کی جانب سے جنوبی لبنان میں کئے گئے حملے کے نتیجے میں طبی عملے کے 3 اہلکار ہلاک ہوگئے، جس کے بعد صورتِ حال کشیدہ ہو گئی۔

    عرب میڈیا کی رپورٹ کے مطابق حزب اللہ نے جوابی کارروائی کرتے ہوئے اسرائیل کے علاقے کریات شمعون کی 2 بستیوں کو نشانہ بنایا۔

    حزب اللہ کے مطابق اسرائیلی بستیوں پر حملہ جنوبی لبنان میں حملے کے جواب میں کیا گیا ہے۔

    اس سے قبل اسرائیلی حملوں میں گزشتہ 24 گھنٹوں کے دوران غزہ کے رہائشی علاقوں کو نشانہ بنایا گیا، جس کے نتیجے میں 31 فلسطینی شہید اور متعدد زخمی ہوگئے۔

    غزہ میں قریباً 70 فیصد بچوں کو پولیو کے قطرے پلا دیے گئے

    عرب میڈیا کا کہنا ہے کہ بوریج پناہ گزیں کیمپ پر اسرائیل کی جانب سے کئے گئے حملے کے نتیجے میں ماں بچے سمیت شہید ہوگئی جبکہ جبالیہ پناہ گزیں کیمپ میں اسرائیلی لڑاکا طیاروں نے ایک اسکول کو بھی نشانہ بنایا۔

  • لبنان سے اسرائیل پر 6 ہزار 611 راکٹ فائر ہوئے، اسرائیلی فوج

    لبنان سے اسرائیل پر 6 ہزار 611 راکٹ فائر ہوئے، اسرائیلی فوج

    اسرائیلی فوج کا کہنا ہے کہ لبنانی علاقوں سے گزشتہ 8 ماہ کے دوران اسرائیل پر 6 ہزار 611 راکٹ داغے گئے، لبنان سے اسرائیلی علاقوں پر کم سے کم راکٹ جنوری میں اور زیادہ تر اگست کے ماہ کے دوران فائر کئے گئے۔

    غیر ملکی ذرائع ابلاغ کے مطابق اسرائیلی فوج کے اعداد و شمار میں کہا گیا ہے کہ لبنان سے اسرائیل پر جنوری 2024 میں 334 راکٹ داغے گئے۔

    اسرائیلی فوج کے مطابق فروری میں 534، مارچ 746، اپریل میں 744، مئی 1000، جون 855 اور جولائی میں ایک ہزار 90 راکٹ حملے کئے گئے۔

    برطانیہ میں رائل نیوی کا ہیلی کاپٹر سمندر میں گرکر تباہ

    اسرائیلی فوج کا کہنا ہے کہ ماہ اگست کے دوران لبنان سے 40 راکٹ یومیہ کے تناسب سے داغے گئے، یہ تعداد ایک ماہ میں 1 ہزار 307 بنتی ہے۔

  • لبنان سے اسرائیل پر درجنوں میزائل برسا دیئے گئے

    لبنان سے اسرائیل پر درجنوں میزائل برسا دیئے گئے

    غزہ میں اسرائیلی فوج کی جانب سے مظلوم فلسطینیوں کے قتل عام کا سلسلہ جاری ہے، ایسے میں لبنان سے اسرائیل کے جنوب میں 40 سے زائد میزائل اور بڑی تعداد میں ڈرون حملے کئے گئے ہیں۔

    غیر ملکی ذرائع ابلاغ کے مطابق اسرائیلی فوج کا اپنے بیان میں کہنا ہے کہ لبنان کے جنوب سے اسرائیل کے شمالی حصے پر 40 میزائل فائر کئے گئے ہیں۔

    بیان میں کہا گیا ہے کہ شام کے وقت بھی اسرائیل کے شمال میں ڈرون طیاروں سے حملہ کیا گیا ہے، اسرائیل کے فضائی دفاعی سسٹموں نے بعض ڈرونز طیاروں کو گرا دیا اور بعض گولان پہاڑیوں پر گر گئے۔

    حزب اللہ کے جاری کردہ تحریری بیان میں کہا گیا ہے کہ فضائی حملوں میں اسرائیلی فوج کے 2 فوجی ہیڈ کوارٹروں پر بھی میزائل فائر کئے گئے ہیں۔

    حملوں میں کتنا جانی یا مالی نقصان ہوا، اس حوالے سے معلومات سامنے نہیں آئی ہیں۔

    دوسری جانب حماس کا کہنا ہے کہ غزہ پر اسرائیل کے حملے میں شہید ہونے والوں میں سیاسی بیورو کے سربراہ اسماعیل ہنیہ کے دفتر میں کام کرنے والے افراد کچھ محافظ اور دیگر ملازمین شہید ہوگئے۔

    رپورٹ کے مطابق حماس کے تحریری بیان میں کہا گیا ہے کہ اسماعیل ہنیہ کے بعض محافظ اور ان کے دفتر ملازمین شاطی پناہ گزین کیمپ پر اسرائیلی حملے میں جام شہادت نوش کرگئے۔

    اسرائیلی فوج نے غزہ میں اسکول، بازار، مکانات اور فون چارجنگ پوائنٹ پر بمباری کر دی

    حماس کے بیان میں کہا گیا کہ یہ حملہ اسرائیل کی ہر اس شخص سے نفرت کی عکاسی کرتا ہے جس کا حماس رہنماء سے قریبی یا دور کا تعلق ہے۔

  • پاکستان نے اپنے شہریوں کو لبنان چھوڑنے کی ہدایت کردی

    پاکستان نے اپنے شہریوں کو لبنان چھوڑنے کی ہدایت کردی

    پاکستانی دفترخارجہ کے ترجمان نے کہا ہے کہ لبنان میں مقیم تمام پاکستانی شہریوں کو مشورہ دیا جاتا ہے کہ وہ لبنان چھوڑ دیں۔

    لبنان میں پاکستانی شہریوں کے لیے دفترخارجہ کی جانب سے ایڈوائزری جاری کی گئی ہے، حکومت پاکستان نے شہریوں کو لبنان کے سفر سے گریز کا مشورہ دے دیا ہے، پاکستانی حکومت نے اپنے شہریوں کو لبنان چھوڑنے کا بھی مشورہ دیا ہے۔

    دفترخارجہ کا کہنا تھا کہ خطے کی صورتحال کے پیش نظر پاکستانی لبنان کے سفر سے گریز کریں، لبنان میں رہنے والوں کو خاص طور پر انتہائی احتیاط برتنے کا مشورہ دیا جاتا ہے۔

    ترجمان دفترخارجہ نے کہا کہ لبنان میں مقیم پاکستانی بیروت میں سفارتخانے سے رابطے میں رہیں، پاکستانی سفارتخانہ بیروت کے رابطہ نمبرز اور ای میل ایڈریس بھی جاری کیے گئے ہیں۔

    خیال رہے کہ اسرائیل اور لبنانی حزب اللہ گروپ کے درمیان بڑھتی ہوئی کشیدگی کو مدنظر رکھتے ہوئے امریکا نے بھی اپنے شہریوں کو لبنان کا سفر نہ کرنے کی ہدایت جاری کی ہے۔

    امریکی محکمہ خارجہ نے لبنان کے لیے اپنی ٹریول ایڈوائزری کو چار درجے تک بڑھا دیا، جس میں واضح طور پر کہا گیا ہے کہ لبنان کا سفر کرنے سے گریز کریں۔

    حزب اللہ کی جانب سے چند دن پہلے پارٹی کے سینئر رہنما فواد شکر کے قتل پر سوگ منایا گیا تھا، بیروت کے جنوبی مضافات میں اسرائیل نے ایک عمارت پر میزائل داغا تھا جس کے نتیجے میں فواد شکر شہید ہوگئے تھے۔

    تہران میں بھی ایک حملے میں حماس کے پولیٹیکل بیورو کے سربراہ اسماعیل ہنیہ نے جام شہادت نوش کیا تھا، دو رہنماؤں کے قتل کے بعد خطے میں کشیدگی میں اضافہ ہوگیا ہے۔

  • سعودی عرب کی اپنے شہریوں کو اہم ہدایت

    سعودی عرب کی اپنے شہریوں کو اہم ہدایت

    لبنان اور اسرائیل کے ایک دوسرے پر راکٹ حملوں کے بعد مشرق وسطیٰ میں صورت حال مزید کشیدہ ہو گئی ہے۔ سعودی عرب نے بھی اپنے شہریوں کو لبنان چھوڑنے کی ہدایت کر دی۔

    بین الاقوامی خبر رساں ادارے کی رپورٹ کے مطابق ریاض سے سعودی وزارت خارجہ نے اپنے اعلامیہ میں کہا ہے کہ سعودی شہری لبنان کا سفر کرنے سے گریز کریں۔

    سعودی وزارت خارجہ نے کہا کہ لبنان میں سعودی سفارتخانہ جنوبی علاقے کی پیشرفت پر گہری نظر رکھے ہوئے ہے۔

    اس سے قبل امریکا، برطانیہ اور سوئیڈن نے اپنے شہریوں کو لبنان چھوڑنے کی ہدایت کر دی ہے، بیروت میں امریکی سفارت خانے سے جاری بیان میں کہا گیا ہے کہ شہری کسی بھی دستیاب پرواز سے لبنان سے فوری نکلنے کی کوشش کریں۔

    برطانوی وزیر خارجہ ڈیوڈ لیمی نے کہا ہے کہ خطے میں تناو بہت زیادہ ہے، صورت حال تیزی سے بگڑ سکتی ہے، شہریوں کو پیغام ہے کہ وہ لبنان سے فوراً نکل جائیں۔

    سوئیڈن نے بیروت میں سفارت خانہ بند کر دیا ہے، سوئڈش وزیر خارجہ کا کہنا ہے کہ مشرقی وسطیٰ میں تنازع پھیل سکتا ہے، اس لیے شہریوں کو جلد از جلد لبنان چھوڑنے کی ہدایت کی جاتی ہے۔ کینیڈا، آسٹریلیا، بھارت اور فرانس نے بھی اپنے شہریوں کو لبنان چھوڑنے کی ہدایت کر دی ہے۔

  • امریکا، برطانیہ اور سوئیڈن نے اپنے شہریوں کو لبنان چھوڑنے کی ہدایت کر دی

    امریکا، برطانیہ اور سوئیڈن نے اپنے شہریوں کو لبنان چھوڑنے کی ہدایت کر دی

    لبنان اور اسرائیل کے ایک دوسرے پر راکٹ حملوں کے بعد مشرق وسطیٰ میں صورت حال مزید کشیدہ ہو گئی ہے۔

    غیر ملکی میڈیا رپورٹس کے مطابق امریکا، برطانیہ اور سوئیڈن نے اپنے شہریوں کو لبنان چھوڑنے کی ہدایت کر دی ہے، بیروت میں امریکی سفارت خانے سے جاری بیان میں کہا گیا ہے کہ شہری کسی بھی دستیاب پرواز سے لبنان سے فوری نکلنے کی کوشش کریں۔

    برطانوی وزیر خارجہ ڈیوڈ لیمی نے کہا ہے کہ خطے میں تناؤ بہت زیادہ ہے، صورت حال تیزی سے بگڑ سکتی ہے، شہریوں کو پیغام ہے کہ وہ لبنان سے فوراً نکل جائیں۔

    سوئیڈن نے بیروت میں سفارت خانہ بند کر دیا ہے، سوئڈش وزیر خارجہ کا کہنا ہے کہ مشرقی وسطیٰ میں تنازع پھیل سکتا ہے، اس لیے شہریوں کو جلد از جلد لبنان چھوڑنے کی ہدایت کی جاتی ہے۔ کینیڈا، آسٹریلیا، بھارت اور فرانس نے بھی اپنے شہریوں کو لبنان چھوڑنے کی ہدایت کر دی ہے۔

    حزب اللہ نے اسرائیل کے قصبے بیت الہلیل پر درجنوں راکٹ داغ دیے

    دوسری طرف امریکی اور اسرائیلی حکام نے خبردار کرتے ہوئے کہا ہے کہ ایران کل تک اسرائیل پر حملہ کر سکتا ہے، امریکی میڈیا کے مطابق امریکی اور اسرائیلی حکام کا کہنا ہے کہ کل صبح سے پہلے ایران اسرائیل کو نشانہ بنا سکتا ہے، ایران اور حزب اللہ دونوں اپنے فوجی منصوبوں کو حتمی شکل دینے اور سیاسی سطح پر ان کی منظوری پر کام کر رہے ہیں۔

    سربراہ امریکی سینٹرل کمانڈ جنرل کوریلا مشرقی وسطیٰ کے دورے پر ہیں، جہاں وہ خطے میں کشیدگی کے خاتمے پر بات کریں گے، امریکی صدر جو بائیڈن سے جب اس بارے میں سوال پوچھا گیا کہ کیا ایران جوابی حملے سے دست بردار ہو جائے گا تو ان کا کہنا تھا کہ انھیں اس بارے میں علم نہیں ہے۔

  • لبنان کا سفر نہ کریں، امریکہ نے اپنے شہریوں کو خبردار کردیا

    لبنان کا سفر نہ کریں، امریکہ نے اپنے شہریوں کو خبردار کردیا

    اسرائیل اور لبنانی حزب اللہ گروپ کے درمیان بڑھتی ہوئی کشیدگی کو مدنظر رکھتے ہوئے امریکا نے اپنے شہریوں کو لبنان کا سفر نہ کرنے کی ہدایت جاری کی ہے۔

    بین الاقوامی خبر رساں ادارے کی رپورٹ کے مطابق امریکی محکمہ خارجہ نے لبنان کے لیے اپنی ٹریول ایڈوائزری کو چار درجے تک بڑھا دیا۔ جس میں واضح طور پر کہا گیا ہے کہ لبنان کا سفر کرنے سے گریز کریں۔

    حزب اللہ کی جانب سے تازہ ترین پیش رفت میں گزشتہ روز پارٹی کے سینئر رہنما فواد شکر کے قتل پر سوگ منایا گیا، گزشتہ روز اسرائیلی حملے میں بیروت کے جنوبی مضافات میں ایک عمارت پر میزائل داغا گیا تھا جس کے نتیجے میں فواد شکر شہید ہوگئے تھے۔

    بدھ کی علی الصبح تہران میں ایک حملے میں حماس کے پولٹ بیورو کے سربراہ اسماعیل ھنیہ نے جام شہادت نوش کیا، دو رہنماؤں کے قتل کے بعد خطے میں کشیدگی میں اضافہ ہوگیا ہے۔

    حزب اللہ نے ایک بیان میں کہا ہے فواد شک نے القدس کی راہ میں ایک عظیم شہید کے طور پر قربانی دی ہے۔ وہ مزاحمت کی عظیم علامتوں میں سے ایک تھے۔ ان کی فتوحات ہی ان کی صلاحتیوں کا بتا رہی ہیں۔ وہ میدان کے ایسے رہنما تھے جنہوں نے آخری سانس تک جہاد کو نہیں چھوڑا۔

    ایران میں انتقام کی علامت ’سرخ پرچم‘ لہرا دیا گیا

    حزب اللہ کے قریبی ذرائع کے مطابق فواد شکر کا جسد خاکی ہدف بنائی گئی عمارت کے ملبے کے نیچے سے ملا ہے، بیان کے مطابق حزب اللہ کے سکریٹری جنرل حسن نصر اللہ آج جمعرات کو جلوس جنازہ سے خطاب کرتے ہوئے اس مذموم حملے اور بڑے جرم کے بارے میں سیاسی موقف کا اظہار کریں گے۔

  • اگر لبنان پر حملہ ہوا تو۔۔۔ ایران کا اسرائیل کو دو ٹوک پیغام

    اگر لبنان پر حملہ ہوا تو۔۔۔ ایران کا اسرائیل کو دو ٹوک پیغام

    اسرائیل کی جانب سے لبنان پر حملے کی تیاریاں جارہی ہیں، ایسے میں ایرانی صدر مسعود پزشکیان نے اسرائیل کو واضح پیغام دے دیا ہے۔

    بین الاقوامی خبر رساں ادارے کی رپورٹ کے مطابق ایران کے نئے صدر مسعود پزشکیان کا اسرائیل کو خبردار کرتے ہوئے کہنا ہے کہ اسرائیل کی طرف سے گولان کی مقبوضہ پہاڑیوں کے نزدیک حملے کی آڑ میں حزب اللہ پر حملہ کیا گیا تو یہ صہیونی اقتدار کی بڑی غلطی ہو گی۔

    ایرانی صدر مسعود پزشکیان نے یہ انتباہ فرانس کے صدر امانویل ماکروں سے فون پر گفتگو کے دوران دیا۔

    ایران کے نئے صدر نے ایرانی رہبر اعلی علی خامنہ ای کی طرف ان کے بطور صدر منتخب ہونے کی توثیق کے بعد اپنی ذمہ داریاں اتوار کے روز باضابطہ سنبھال لی ہیں۔

    ایرانی صدر نے گزشتہ روز فرانسیسی صدر امانویل ماکروں سے ٹیلی فون پر رابطہ کیا اور کہا کہ ان کا ملک فرانس کے ساتھ باہمی اعتماد و احترام کے تحت تعلقات کو فروغ دینے کیلیے تیار ہے۔

    ایرانی صدر مسعود پزشکیان نے اسرائیل کو خبردار کیا کہ اگر صیہونی اقتدار نے لبنان پر حملے کی کوشش کی تو اُسے اس کے سنگین نتائج بھگتنا ہونگے۔

    دوسری جانب اسرائیل اور ترکی کے درمیان لفظی جنگ مزید تیز ہو گئی ہے، کشیدگی بڑھنے پر ترکی نے نیتن یاہو کا ہٹلر سے موازنہ کر دیا ہے۔

    ترک وزارت خارجہ نے اسرائیل کے تبصرے کے بعد کہا ہے کہ ”نسل کشی نیتن یاہو“ کا انجام ایڈولف ہٹلر کی طرح ہی ہوگا۔

    ترک وزارت خارجہ نے ایک بیان جاری کیا جس میں کہا گیا ہے کہ ”جس طرح نسل کشی کرنے والے ہٹلر کا خاتمہ ہوا تھا، اسی طرح نسل کشی کرنے والے نیتن یاہو کا بھی خاتمہ ہوگا۔“

    غزہ میں پولیو کو روکنے کے لیے فوری جنگ بندی کی ضرورت ہے، ڈبلیو ایچ او

    تازہ ترین کشیدگی اس وقت پیدا ہوئی ہے، جب رجب طیب اردوان نے کہا کہ ترکیہ فلسطینیوں کی مدد کے لیے اسرائیل میں داخل ہو سکتا ہے۔ اس پر اسرائیلی وزیر خارجہ کاٹز نے بیان جاری کیا کہ ”اردوان صدام حسین کے نقش قدم پر چل رہے ہیں، بس یہ یاد کریں کہ وہاں کیا ہوا اور کیسے ختم ہوا۔“

  • امریکہ، روس اور جرمنی نے شہریوں کو وارننگ جاری کردی

    امریکہ، روس اور جرمنی نے شہریوں کو وارننگ جاری کردی

    امریکہ، روس اور جرمنی کی جانب سے اپنے شہریوں کو لبنان کا سفر نہ کرنے کی تنبیہہ جاری کی گئی ہے۔

    بین الاقوامی خبر رساں ادارے کی رپورٹ کے مطابق بیروت میں امریکی سفارت خانے کے بیان میں لبنان کے لیے موجودہ سفری انتباہ پر نظرثانی کا مطالبہ کیا گیا۔

    جاری کئے گئے بیان میں لبنان میں امریکی شہریوں کو تنبیہہ کی گئی ہے کہ وہ لبنان کے جنوب اور لبنان شام سرحدی لائن یا پناہ گزین کیمپوں کی جانب نہ جائیں۔

    رشیا 24 ٹیلی ویژن چینل کو اپنے بیان میں بیروت میں روس کے سفیر الیگزینڈر روداکوف نے مشورہ دیا کہ اگر ممکن ہو تو روسی شہریوں کو لبنان کا سفر ملتوی کر دینا چاہیے۔

    بیروت میں روس کے سفیر الیگزینڈر روداکوف نے کہا کہ وہ لبنان میں رہنے والے روسیوں سے مسلسل رابطہ کررہے ہیں۔

    الیگزینڈر روداکوف کا کہنا تھا کہ ہم صورتحال پر گہری نظر رکھتے ہیں اور اپنے تمام شہریوں کو مندرجہ ذیل مشورے دیتے ہیں کہ اگر وہ کسی چیز سے پریشان یا خوفزدہ ہیں تو یہ وقت ہے کہ دستیاب مواقعوں سے پورا فائدہ اُٹھائیں۔

    واضح رہے کہ گزشتہ سال 8 اکتوبر سے لبنان-اسرائیل سرحد پر اسرائیل اور حزب اللہ کے درمیان جھڑپوں میں حالیہ شدت اور اسرائیل کے حالیہ اعلان کے بعد اس نے لبنان کے خلاف بڑے حملے کے آپریشنل منصوبوں کی منظوری دے دی ہے

    بائیڈن اور ٹرمپ کے درمیان صدارتی مباحثہ، سنگین الزامات کا تبادلہ

    لبنان کے خلاف بڑے حملے کے آپریشنل منصوبوں کی منظوری کے بعد خطے میں تنازعات میں اضافے کے خدشات میں اضافہ ہورہا ہے۔