کراچی: حکومت کی اتحادی جماعت ایم کیو ایم پاکستان نے بلاول پر لسانی فسادات کروانے کا الزام عاید کر دیا.
تفصیلات کے مطابق بلاول کے سندھ دیش سے متعلق متنازع بیان پر ردعمل دیتے ہوئے ایم کیو ایم پاکستان نے کہا ہے کہ بلاول اپنے پیشرؤں کی طرح سندھ کارڈ استعمال کر رہے ہیں.
ایم کیوایم پاکستان کے مطابق آرٹیکل 149 کی ذیلی شق 4 آئین سے ماورا نہیں، آرٹیکل 149 اس آئین کا حصہ ہے، جو پاکستان میں نافذ ہے.
محب وطن سیاسی جماعتیں بلاول کی گفتگو کا نوٹس لیں، جب بھی تبدیلی کی بات آتی ہے، پی پی پریشان ہوجاتی ہے. ایم کیوایم پاکستان نے کہا کہ اختیار جوآئین نے دیا وہ استعمال کیا جائے، اسی میں کراچی کی بہتری ہے.
مزید پڑھیں: بلاول بھٹو حکومت کی مخالفت میں ملک توڑنے کی باتیں کرنے لگے
خیال رہے کہ ایم کیو ایم پاکستان اور پی پی پی 2008 سے 2013 تک سندھ میں اتحادی رہی تھیں، اس عرصے میں صوبے میں بدترین لسانی فسادات ہوئے. آنے والے پانچ برس ایم کیو ایم حکومت سے دور رہی.
2018 کے انتخابات میں ایم کیو ایم کو اپنے گڑھ میں شدت مشکلات کا سامنا کرنا پڑا. پی ٹی آئی نے بیش تر سیٹوں پر کامیاب حاصل کی تھی.
