Tag: لطیف کھوسہ

اسلام آباد : چیئرمین پی ٹی آئی کے وکیل لطیف کھوسہ نے صحافی کے لفٹ کے ذریعے جانے کے سوال پر جواب دیتے ہوئے کہا کہ میں ڈرتا نہیں ہوں لیکن آج سیڑھیوں کے ذریعے عدالت جاؤں گا۔

تفصیلات کے مطابق توشہ خانہ کیس میں چیئرمین پی ٹی آئی کی سزا معطلی کی درخواست پر سماعت کچھ دیربعد ہوگی ، چیئرمین پی ٹی آئی کے وکیل سردار لطیف کھوسہ اسلام آباد ہائیکورٹ پہنچ گئے۔

اس موقع پر صحافی نے لطیف کھوسہ سے سوال کیا آج لفٹ کے ذریعے تو نہیں جائیں گے ؟ جس پر ان کا کہنا تھا کہ میں ڈرتا نہیں ہوں لیکن آج سیڑھیوں کےذریعےعدالت جاؤں گا۔

صحافی نے سوال کیا کہ آپ نے اس دن روسٹرم احتجاجاً چھوڑا اور چلے گئے کیا آج پیش ہوں گے ؟ تو لطیف کھوسہ نے کہا کہ وہ اس دن کی بات تھی ویسے میں نے بائیکاٹ تو نہیں کیا تھا۔

اسلام آباد : لطیف کھوسہ ایڈووکیٹ کا کہنا ہے کہ میں لفٹ میں پھنس کر مر بھی جاتا تو بھی کالاکوٹ زندہ رہتا، عدلیہ آزادفیصلےکرے کسی دباؤ میں نہ آئے۔

تفصیلات کے مطابق لطیف کھوسہ ایڈووکیٹ سمیت دیگر وکلا کو 45 منٹ بعد لفٹ سے نکال لیا گیا ، نعیم حیدر پنجوتھا، علی اعجاز بٹر سمیت 15افراد کو بحفاظت باہر نکالا گیا۔

تمام افراد چیف جسٹس کی عدالت سے نکل کر تھرڈ فلور سے لفٹ میں سوار ہوئے تو لفٹ گراؤنڈ فلور پر آنے کے بجائے سیکنڈ فلور پر پھنس گئی تھی، 12 بجے لفٹ میں سوار 10 سے زائد وکلا کو پونے 1 بجے لفٹ سے نکالاگیا۔

لطیف کھوسہ نے کہا کہ ایک گھنٹے سے زیادہ لفٹ میں بند ہونے سے حبس کی کیفیت تھی، 25 کروڑ عوام 16 ماہ سے یہی حبس دیکھ رہےہیں۔

ان کا کہنا تھا کہ یہ غلط فہمی ہےکہ وکلاکےعزم کومار دیں گے، میں مر بھی جاتا تو بھی کالاکوٹ زندہ رہتا ، عدلیہ آزادفیصلےکرے کسی دباؤ میں نہ آئے، ہم وکلا تحریک چلانے جارہے ہیں۔

اسلام آباد : ماہر قانون سردار لطیف کھوسہ کا کہنا ہے کہ اب نوازشریف کاراستہ بند ہوگیا، چوتھی وزیراعظم بننا تو دور وہ واپس بھی نہیں آئیں گے۔

تفصیلات کے مطابق ماہر قانون سردار لطیف کھوسہ نے اے آر وائی نیوز کے پروگرام ‘ دی رپورٹرز ‘ میں گفتگو کرتے ہوئے کہا کہ اکستان کی پارلیمانی تاریخ کےیہ بدترین16ماہ تھے، پاکستان کےعوام پرجوظلم وجبرکیاگیااس کی مثال نہیں ملتی۔

لطیف کھوسہ کا کہنا تھا کہ یقین ہے نگراں وزیراعظم کیلئے جو نام دیئے جا رہے ہیں اسمیں کوئی نہیں آئے گا، لوگ بریف کیس اورسوٹ کیس لیے پھر رہے ہیں۔

ماہر قانون نے کہا کہ سپریم کورٹ ریویو اینڈ ججمنٹ ایکٹ بدنیتی طورپرقانون سازی تھی، ایکٹ کو ذاتی مفاد کیلئے بنایا گیا تھا، جو آئین سے متصادم تھا، سپریم کورٹ نے آئین کے مطابق اپنے روابط بنا رکھے ہیں۔

ان کا کہنا تھا کہ سپریم کورٹ کے اپنے رولز ہیں جنہیں تبدیل نہیں کیا جاسکتا، سپریم کورٹ کے بنائے گئے رولز کو آئینی تحفظ حاصل ہے، نظرثانی اوراپیل میں فرق ہوتا ہے اور نظرثانی کا دائرہ اختیار محدود ہوتا ہے اور فیصلہ سنانے والے جج ہی دیکھتے ہیں۔

لطیف کھوسہ نے مزید کہا کہ افتخار چوہدری کےدورمیں چیف جسٹس کااعلیٰ عدلیہ پرکنٹرول تھا، افتخار چوہدری کے بعد چیف جسٹس کااعلیٰ عدلیہ پرکنٹرول کم ہوتا گیا اور اب تونوبت یہاں تک آگئی ہےکہ ججز ایک دوسرے کیساتھ بیٹھنے کو تیار نہیں۔

ماہر قانون نے بتایا کہ نوازشریف اورجہانگیرترین کی تاحیات نااہلی برقرار رہے گی، دونوں کی سپریم کورٹ سےاپیل بھی خارج ہوچکی ہے، دونوں کو 62 ون ایف کےتحت نااہل قراردیاگیاتھا۔

انھوں نے مزید بتایا کہ بنیادی طور پر ریویو اینڈ ججمنٹ ایکٹ ان دونوں کو نواز نے کیلئے لایا گیا تھا ، نظرثانی پر نظرثانی کیلئے ایکٹ لایا گیا تھا، جسے اپیل کادرجہ قرار دینے کی کوشش کی گئی۔

لطیف کھوسہ کا کہنا تھا کہ آرٹیکل185 سے متصادم قانون کو لایا گیا تھا، جسے سپریم کورٹ نے مسترد کردیا، ریویو اینڈ ججمنٹ ایکٹ لانے سے پہلے آئینی ترمیم کی ضرورت تھی، اب نوازشریف کا راستہ بند ہوگیا وزیراعظم بننا تو دور وہ واپس بھی نہیں آئیں گے۔

اسلام آباد : سینئر قانون دان لطیف کھوسہ کا کہنا ہے کہ قومی اسمبلی سے حالیہ منظور کیے گئے بلز پر صدر دستخط نہیں کرتے تو ساری محنت رائیگاں جائے گی۔

تفصیلات کے مطابق سینئر قانون دان لطیف کھوسہ نے اے آر وائی نیوز کے پروگرام ‘الیونتھ آور’ میں گفتگو کرتے ہوئے کہا کہ ن لیگ کی تاریخ رہی ہے،جسٹس سجادکیساتھ کیاہواتھاسب کومعلوم ہے، عدلیہ میں تقسیم،دباؤڈالنےکی ن لیگ کی تاریخ رہی ہے۔

لطیف کھوسہ کا کہنا تھا کہ سائل کا وکیل ایمرجنسی کومحسوس کرتاہےتوجج سےملاقات کرتاہے، روایات رہی ہیں کہ فل کورٹ کی تشکیل کیلئے جج سے درخواست کی جاتی ہے، میں ہی نہیں سینئروکلابھی جج سےچیمبرمیں جاکراستدعاکرتے ہیں۔

سینئر قانون دان نے کہا کہ سویلین کا فوجی عدالت میں ٹرائل ہماراکوئی ذاتی کیس نہیں ،عوامی مفادکاکیس تھا، وکیل کافرض ہےجہاں بھی آئین کی خلاف ورزی ہوا سے روکنے کی کوشش کرے، چیف جسٹس سےملاقات کے 4 دن بعد کیس لگا، یہ غلط ہےکہ اگلے دن ہی کیس لگاتھا۔

حکومت کی جانب سے منظور کرائے گئے بلز کے حوالے سے انھوں نے کہا کہ 2 دن میں 54 قوانین کی منظوری دے دی گئی، ملک میں ہو کیا رہا ہے، آفیشل سیکریٹ ایکٹ میں ترمیم کرکےآئین کی خلاف ورزی کی جارہی ہے، خودساختہ جمہوری حکومت میں اداروں کو بے جا اختیارات دیئے جا رہے ہیں۔

ان کا کہنا تھا کہ پیپلزپارٹی کیساتھ ساتھ ن لیگ کے اپنے لوگوں نے بلزکی مخالفت کی، آج ایوان کی صورتحال سےواضح پتہ چلتاہےیہ کتنا آزاد ہے، یہ لوگ آزاد نہیں ہیں توحکومت میں کیوں بیٹھےہیں۔

لطیف کھوسہ نے بتایا کہ قومی اسمبلی سےحالیہ منظور کیے گئے بلز پر صدردستخط نہیں کرتےاوراسمبلی کی تحلیل یامدت پوری ہوجاتی ہے تو کوئی بھی ایکٹ قانون نہیں بنےگا اور ساری محنت رائیگاں جائے گی۔

ماہر قانون کا کہنا تھا کہ صدرکےپاس بل منظورنہ کرنےسےمتعلق کافی دن ہیں، پورایقین ہےصدرایسےڈریکونین بلزکی منظوری نہیں دیں گے تاہم دیکھنا ہوگا کہ صدرعارف علوی اس وقت معاملات کوکس طرح دیکھ رہےہیں۔

حلقہ بندیوں کے حوالے سے انھوں نے کہا کہ حلقہ بندیوں کیلئےآئین میں ترمیم کی ضرورت ہوتی ہے، آئین میں ترمیم کیلئے دو تہائی اکثریت چاہیے جو اس وقت ہے ہی نہیں۔

اسلام آباد : سینئرسیاست دان اور ماہر قانون لطیف کھوسہ کا کہنا ہے کہ نوازشریف تشریف لائیں گے تو اڈیالہ جیل جائیں گے، ان کی نااہلی ایکٹ سے ختم نہیں ہوسکتی، آئین میں ترمیم کرنی پڑے گی۔

تفصیلات کے مطابق سینئر سیاست دان اور ماہر قانون لطیف کھوسہ نے اے آر وائی نیوز کے پروگرام دی رپورٹرز میں گفتگو کرتے ہوئے کہا کہ جمہوریت کی فکر تھی تو14مئی کوالیکشن کیوں نہیں کرایاگیا، سپریم کورٹ کی بھی توہین کی گئی ،آج تک الیکشن نہیں کرائے گئے۔

ماہر قانون کا کہنا تھا کہ سپریم کورٹ کا 14 مئی کا فیصلہ اپنی جگہ موجودہے، الیکشن کمیشن کی نظرثانی درخواست محفوظ کی گئی تواس سےفرق نہیں پڑتا، بات سیدھی ہے کہ حکومت کی جانب سے توہین عدالت کی گئی۔

لطیف کھوسہ نے کہا کہمسپریم کورٹ کے حکم کےمطابق نااہلی تاحیات ہے، نااہلی مدت کے لیے 62 ون ایف میں آئینی ترمیم کرنی پڑے گی، سپریم کورٹ کا حتمی فیصلہ ہے نواز شریف پارٹی صدارت نہیں کرسکتے، نواز شریف آئیں گے تواڈیالہ جیل جائیں گے۔

ان کا کہنا تھا کہ پاکستان کی تاریخ میں موجودہ دورجمہوریت میں بدترین دورہوگا، موجودہ حکومت کا دور تاریخ میں بدترین دور کے طور پر یاد رکھا جائے گا، یہ لوگ کسی کے پیچھے نہیں چھپ سکتے،عوام سب جانتے ہیں۔

سینئر سیاست دان نے کہا کہ اس حکومت نےعدالتوں کی تضحیک کی ہے، ایک ہی پارٹی ہے، جو سب اقدامات کررہی ہے، جس کا نام ن لیگ ہے، ساری وزارتیں مسلم لیگ ن کے پاس ہیں، یہ ایک ہی پارٹی ہے، جس نے 10 کروڑ عوام کو غربت کی لکیر سے نیچے دھکیل دیا۔

لطیف کھوسہ نے ایک سوال پرکہا ن لیگ کی نیت الیکشن کرانے کی نہیں جب تک بیلٹ پیپرپربلا موجود رہے گا یہ الیکشن سے خوف کھاتے رہیں گے

لاہور : سابق گورنر پنجاب لطیف کھوسہ کے گھر پر فائرنگ کرنے والے موٹرسائیکل سوار نامعلوم افراد کی تصاویر سامنے آگئی۔

تفصیلات کے مطابق سابق گورنر پنجاب لطیف کھوسہ کے گھر پر فائرنگ کے معاملے پر پولیس کا کہنا ہے کہ فائرنگ کرنے والے ملزمان موٹرسائیکل پر سوارتھے ، موٹر سائیکل سوار نامعلوم افراد کی تصاویر سامنے آگئی ہیں۔

پولیس نے بتایا کہ موٹرسائیکل سوار ملزم نے نارنجی رنگ کی شرٹ پہن رکھی تھی، ملزمان گھرپر فائرنگ کرنے کے بعد غازی روڑ کی طرف روانہ ہوئیں۔

پولیس کا کہنا تھا کہ سابق گورنرپنجاب لطیف کھوسہ کے گھر پر 4 فائرکیےگئےتھے، ملزمان کی تلاش شروع کردی ہے۔

دوسری جانب سابق گورنر پنجاب لطیف کھوسہ کے گھر پر فائرنگ کا مقدمہ درج کرلیا گیا ہے، مقدمہ تھانہ ڈیفنس اے تھانے میں نامعلوم ملزمان کے خلاف پولیس کی مدعیت درج کیا گیا۔

مقدمہ اےایس آئی نیازاحمدکی مدعت میں درج ہوا، جس کے متن میں کہا گیا کہ فائرنگ سےلطیف کھوسہ کےگھرکامین دروازہ اورگاڑی متاثرہوئی، 4 فائر کیے گئے تھے اور 6 خول بھی برآمدہوئے، لطیف کھوسہ کودرخواست دینےکاکہاگیاانہوں نےکہاوہ مصروف ہیں۔

یاد رہے ملک بھر کی بار کونسلز اور بار ایسوسی ایشن نے واقعے کی مذمت کی تھی، لاہورہائیکورٹ بار کا کہنا تھا کہ چادر اور چاردیواری کا تقدس پامال کیا گیا، لطیف کھوسہ کی گزشتہ روزکی تقریر کٹھ پتلی حکومت پرگراں گزری۔

سپریم کورٹ بار اور سندھ ہائیکورٹ بار نے بھی ملزمان کو گرفتار کرکے کیفر کردار تک پہنچانے کا مطالبہ کیا تھا۔