Tag: لطیف کھوسہ

کراچی : پیپلزپارٹی کے رہنما سردار لطیف کھوسہ کا کہنا ہےن لیگ پر اعتماد نہیں ،قومی مفاد میں کڑوا گھونٹ پی رہے ہیں، ن لیگ چارٹر آف ڈیموکریسی پوری نہیں اتری۔

تفصیلات کے مطابق پیپلزپارٹی کے رہنما سردار لطیف کھوسہ نے سندھ ہائی کورٹ میں میڈیا سے گفتگو ن لیگ پر اعتماد نہیں ،قومی مفاد میں کڑوا گھونٹ پی رہے ہیں، سب سے زیادہ پیپلزپارٹی پنجاب کو ن لیگ پر تحفظات ہیں۔

لطیف کھوسہ کا کہنا تھا پیپلزپارٹی پنجاب قیادت 30،40سال ن لیگ کے تسلط میں رہی، ن لیگ چارٹر آف ڈیموکریسی پوری نہیں اتری، مارشل لا میں آئین میں شامل شقوں کے خاتمے پر ن لیگ نے ساتھ نہیں دیا۔

سابق گورنر پنجاب نے کہا قوانین کےخاتمے پرن لیگ نےتعاون نہیں کیا، ن لیگ خمیازہ بھگت رہی ہے،نواز شریف اسی وجہ سےنا اہل ہوئے، نیب زدہ لوگوں کو نیب زادے بنا دیا گیا۔

تحریک انصاف نے معیشت کا بیڑہ غرق کرکے آئی ایم ایف کے تابع کردیا

پی پی رہنما کا کہنا تھا تحریک انصاف نے معیشت کا بیڑہ غرق کرکے آئی ایم ایف کے تابع کردیا، ملک میں مہنگائی کا طوفان ہے، تنخواہ دار طبقہ فاقوں پر مجبور ہے۔

لطیف کھوسہ نے کہا اختلافات کے باجود ن لیگ کے ساتھ گئے، تحریک شروع ہوتے ہی لوگ خود سڑکوں پر آئیں گے، عنقریب ان کوجیلوں میں دیکھیں گے، وزیر اعلی سندھ گرفتاری سے نہیں ڈرتے، کیسوں کی فکر نہیں، 20 کیسز بھگتے ، زرداری 11 سال قید رہے۔

وزیر اعلی سندھ گرفتاری سے نہیں ڈرتے

ان کا کہنا تھا ملک میں دہرا معیار ہے کہیں سزا سے پہلے تو کہیں بعد میں گرفتاری ہوتی ہے، پہلے بھی سندھ میں گورنر راج لگانے کی باتیں ہورہی تھیں، سپریم کورٹ نےکہا تھا گورنر راج لگایا تو ایک دن میں اڑا دیں گے، سندھ میں گورنر راج لگا کر حکومت کو ختم نہیں کیا جاسکتا۔

سابق گورنر پنجاب نے کہا  تحریک انصاف کی حکومت ڈکٹیٹر شپ کا مزاج رکھتی ہے، چیئرمین نیب کو ویڈیو لیک کرکے وقت کمزور کردیا گیا ہے، پہلے سیف الرحمان زرداری کے پاؤں پڑے تھے، اب بہت سے لوگ آصف زرداری کےپاؤں پڑیں گے۔

لاہور : پیپلزپارٹی کےرہنما سردار لطیف کھوسہ کا کہنا ہے اپوزیشن خطرات کی آڑمیں حکومت کومزیدوقت نہیں دے گی، ملک کوکوئی حقیقی خطرہ در پیش نہیں، کوئی خطرہ ہوا تو عوام اور اپوزیشن افواج کے ساتھ کھڑے ہوں گے۔

تفصیلات کے مطابق پیپلزپارٹی کےرہنما سردارلطیف کھوسہ نے حکومت کو مہلت دینے کے امکانات مسترد کرتے ہوئے کہا ملک میں بڑھتی مہنگائی نے عوام کاجینا محال کردیاہے، خطرات کی آڑمیں اپوزیشن حکومت کو مزید وقت نہیں دےگی۔

لطیف کھوسہ کا کہنا تھا تحریک انصاف کی حکومت سیاسی انتقام میں اندھی ہوچکی ہے، حکومت چادر اور چار دیواری کا تقدس پامال کر رہی ہے، ملک کو کوئی حقیقی خطرہ درپیش نہیں۔

پی پی رہنما نے کہا ایٹمی اورمیزائل پروگرام ملک کومحفوظ بناچکے ہیں، توقع ہے بھارت کوئی حماقت نہیں کرے گا، کوئی خطرہ ہوا تو عوام اوراپوزیشن افواج کے ساتھ کھڑے ہوں گے۔

مزید پڑھیں : حکومت نے وعدے پورے نہ کئے تو پیپلز پارٹی عوام کے ساتھ ہوگی، بلاول بھٹو زرداری

گذشتہ روز چیئرمین پیپلزپارٹی بلاول بھٹو زرداری نے کہا تھا مہنگائی کے سونامی نے عوام کی زندگی اجیرن کردی، عوام ریلیف چاہتے ہیں، انہوں نے کہا کہ عوام چاہتے ہیں کہ ایک کروڑ نوکریوں اور 50 لاکھ گھروں کے وعدے پورے ہوں، اگر عوام سے کیے گئے وعدے پورے نہ کیے گئے تو پھر پیپلزپارٹی عوام کے ساتھ کھڑی ہوگی۔

چیئرمین پیپلزپارٹی کا کہنا تھا میں خوش ہوں کہ عمران خان سندھ کو اتنا وقت دے رہے ہیں اور یہاں آکر جلسے کر رہے ہیں، عمران خان سندھ آئیں اور بار بار آئیں لیکن یہاں آکر عوام کو دھوکا نہ دیں، وزیراعظم یہاں آکر سندھ کے عوام کے حقوق چھیننے کی کوشش نہ کریں۔