Tag: لفٹ

بھارتی شہر لکھنؤ میں ایک افسوسناک واقعہ رونما ہوا جب ایک معصوم بچی 20 منٹ تک لفٹ میں پھنسی رہی اور مدد کے لئے پکارتی رہی۔

بین الاقوامی خبر رساں ادارے کی رپورٹ کے مطابق اتر پردیش کے لکھنؤ میں ایک اپارٹمنٹ کی عمارت کے اندر لفٹ میں پھنس جانے کی وجہ سے ایک معصوم بچی کو دردناک تجربے سے گزرنا پڑا۔ لڑکی مبینہ طور پر لفٹ کے اندر تقریباً 20 منٹ تک پھنسی رہی، اس دوران اس کی مدد کے لئے کوئی نہیں پہنچا۔

چھوٹی بچی کی خوفناک آزمائش کی ویڈیو لفٹ کے سی سی ٹی وی کیمروں میں قید ہوگئی اور ویڈیو سوشل میڈیا پلیٹ فارمز پر وائرل ہوگئی۔

ویڈیو میں، معصوم بچی جس نے اسکول کا یونیفارم پہن رکھا ہے، چیختے ہوئے اور مدد کی التجا کرتے ہوئے دیکھا جا سکتا ہے، یہاں تک کہ جب وہ لفٹ کا دروازہ خود کھولنے کی کوشش کرتی ہے، اس دوران لفٹ میں گر بھی جاتی ہے۔

That kid is not going to use lift for the rest of her life.

She was apparently stuck in Janeshwar enclave apartment lift for 20 mins in #Lucknow pic.twitter.com/qGD7bj2E6e

— Arvind Chauhan ️ (@Arv_Ind_Chauhan) October 4, 2023

بچی کو لفٹ کے دروازوں کو پیٹتے اور لات مارتے ہوئے دیکھا جا سکتا ہے یہاں تک کہ وہ کسی سے دروازہ کھولنے کے لئے التجا کرتی ہے۔ ایک موقع پر، بچی کو خوفزدہ دکھایا گیا ہے، ہاتھ جوڑ کر کیمرہ کی طرف منہ کرکے کسی سے بچانے کے لئے اپیل کررہی ہے۔

یہ ویڈیو سوشل میڈیا پر وائرل ہو گئی ہے جسے دیکھنے کے بعد سوشل میڈیا صارفین اس طرح کے حادثات سے بچنے کے لیے لفٹس کی بروقت دیکھ بھال کی ضرورت پر روشنی ڈال رہے ہیں۔ بعض افراد کا کہنا تھا کہ لفٹ کی سواری کے دوران بچوں کے ہمراہ کسی بڑے شخص بھی ہونا چاہئے۔

اطلاعات کے مطابق خوش قسمتی سے، ایک ممکنہ سانحہ ٹل گیا کیونکہ معصوم بچی کو بعد میں خراب لفٹ سے بچا لیا گیا، اگرچہ اس عمل میں کافی دیگر لگی تھی۔

بھارت میں ایک کمپنی کا ملازم اپنے دفتر کی لفٹ میں 3 گھنٹے تک پھنسا رہا، کمپنی نے لیٹ آنے پر ملازم کی تنخواہ کاٹ لی۔

غیر ملکی ذرائع ابلاغ کے مطابق کمپنی کے ملازم نے ہیومن ریسورس ڈپارٹمنٹ کی جانب سے اپنے ساتھ ہونے والی ناانصافی سے متعلق سوشل میڈیا پر تحریری نوٹ لکھ دیا، جبکہ صارفین کمپنی کی جانب سے کمپنی کے اس فیصلے پر تنقید کی جارہی ہے۔

ملازم کی جانب سے اپنے تحریر کردہ نوٹ میں لکھا گیا کہ میرا دفتر 7 ویں منزل پر ہے، اس لیے مجھے لفٹ کا استعمال کرنا پڑتا ہے، لفٹ پچھلے ہفتوں سے گڑ بڑ پیدا کررہی تھی۔

لفٹ بعض اوقات چلتے چلتے رک جاتی ہے، اور اس کے دروازے بھی نہیں کھلتے تھے، ہم نے متعدد بار متعلقہ شعبے میں شکایت کی تاہم ان کی جانب سے نظر انداز کیا گیا۔

ملازم نے مزید تحریر کیا کہ کل جب میں لفٹ سے اوپر دفتر آرہا تھے، لفٹ میں داخل ہوتے ہیں لائٹ چلی گئی، میں نے اپنے دفتر میں رابطہ کرنے کی کوشش کی مگر اس میں کامیاب نہیں ہوسکا، تاہم تھوڑی اور کوشش کے بعد ایچ آر ڈپارٹمنٹ سے رابطہ کرنے میں کامیاب ہوا تو انہوں نے مینٹیننس کا عملہ بھیج دیا، 3 گھنٹے کی جدوجہد کے بعد مجھے لفٹ سے آزادی نصیب ہوئی۔

دفتر پہنچنے پر ایچ آر نے کہا کہ آپ لیٹ ہوگئے ہیں جس کی وجہ سے آپ کی غیر حاضری لگا دی گئی لہٰذا آپ کی تنخواہ میں سے کٹوتی کی جائے گی، جس پر میں نے انہیں کہا کہ اگر ایسا ہے تو پھر میں چھٹی کرکے گھر چلا جاتا ہوں، مگر میرے منیجر نے مجھ سے کہا کہ آپ کو کام کرنا پڑے گا کیونکہ ہمارے پاس عملہ بہت کم ہے۔

کمپنی کی جانب سے ملازم کو نوکری سے نکالنے کی دھمکی بھی دی گئی، ملازم نے مزید کہا کہ میں لفٹ کی خرابی کو ریکارڈ کرکے ایچ آر اور منیجر کے ساتھ ہونے والی گفتگو کو تحریری شکل میں لے آیا ہوں اور اب میں کمپنی کی ہائر منیجمنٹ کو اس معاملے سے متعلق آگاہ کروں گا۔