Tag: لمبے بال

ماہرین صحت کہتے ہیں کہ بالوں کو لمبے اور مضبوط بنانے کے لیے ان کو تیل روزانہ لگانا چاہیے، جس کی وجہ سے سر میں خشکی، بال ٹوٹنے اور گرنے کی شکایت نہیں ہوتی۔

اگر آپ بھی مضبوط اور لمبے بال حاصل کرنا چاہتی ہیں تو یہ خبر آپ کی بہت اچھی رہنمائی کرسکتی ہے، آج ہم آپ کو ایسے تیل کے بارے میں مفید معلومات دے رہے ہیں جو بالوں کی صحت کے لیے بہت فائدہ مند ہے۔

اے آر وائی ڈیجیٹل کے پروگرام گڈ مارننگ پاکستان میں ڈاکٹر ام راحیل نے خواتین کو ایسا تیل بنانے کی ترکیب بتائی ہے جس کے استعمال سے آپ کے بال لمبے گھنے سیاہ اور چکمدار ہوجائیں گے۔

مذکورہ تیل گاجر،مولی کے پتوں اور دیگر اجزاء سے تیار کیا گیا ہے، اسے استعمال کرنے کے بعد آپ کو واضح طور پر محسوس ہوگا کہ آپ کے بالوں کی نشونما بہت اچھی اور تیزی کے ساتھ بہتر ہورہی ہے۔

تیل بنانے کا طریقہ :

اجزاء :

سرسوں کا تیل
گاجر ایک عدد
مولی کے پتے
پالک کے پتے
ادرک کا ٹکڑا
آدھی پیاز چھلکے سمیت

ڈاکٹر ام راحیل نے بتایا کہ اس تیل کی تیاری کیلیے ہم نے ایک عدد مٹی کی چھوٹی ہانڈی میں ایک پاؤ سرسوں کا تیل ڈالا ہے اس کے بعد ہانڈی کو چولہے پر رکھ دیا۔ تیل گرم ہونے کے بعد اس میں یہ تمام اشیاء ڈال کر ہلکی آنچ پر دیر تک گرم کرنا ہے۔

جب ان سب چیزوں کا رنگ تبدیل ہوکر کالا ہوجائے تو چولہا بند کرکے ہانڈی کو ڈھک دیں اور اسے ٹھنڈا ہونے کیلئے چھوڑ دیں، تیل ٹھنڈا ہونے کے بعد اسے چاہیں تو ہانڈی میں رہنے دیں یا کسی برتن میں رکھ لیں۔

انہوں نے کہا کہ اس تیل کے اچھے رزلٹ کیلئے رات بھر سر پر لگا رہنے دیں اور صبح اٹھ کر نہالیں۔ اس کے استعمال سے آپ کے بال لمبے گھنے سیاہ اور چکمدار ہوجائیں گے۔

لمبے بال صدیوں سے صنفِ نازک کا خواب رہے ہیں، لمبے بالوں کے لیے قدیم طب میں ہمیشہ سے زود اثر اور بے مثال نسخے موجود رہے ہیں ۔

تحقیق سے ثابت ہے کہ خواتین جتنی نگہداشت اپنے بالوں کی کرتی ہیں ۔ اتنا کسی شے کی نہیں کرتی ، بالوں کی نگہداشت کے لیے صدیوں پرانا ایک ایسا نسخہ ہے جس سے آپ باآسانی اپنے بال ڈیڑھ فٹ تک لمبے کرسکتے ہیں۔

اگرآپ کئی طرح کے شیمپو اور ہیئر کنڈیشنر استعمال کرکے بھی اپنے بالوں کی نشونما سے مطمئن نہیں ہیں تو پھر یہ نسخہ آپ ہی کے لیے ہے۔

سب سے پہلے ایک ناریل لے لیں، جس میں پانی ہو، پھر ناریل میں تیز دار آلہ سے چھوٹا سا سوراخ کریں، اس کے بعد ایک پاؤ میتھی دانہ لیں اور باریک پیس لیں۔

باریک پسا ہوا میتھی دانہ ناریل میں اتنا ڈالیں کہ ناریل پورا بھر جائے، پھر اس کے منہ کو چیوگم یا کس اور شے سے بند کردیں۔

اگر آپ کے گھر میں یا کسی جاننے والے کے گھر میں کوئی درخت ہیں تو اس کی جڑوں کے پاس ایک فٹ گہرا گڑھا کریں اور ناریل کو سیدھا ڈال کر اوپر مٹی ڈال دیں اور سات دن کیلئے بھول جائیں۔

سات دن کے بعد اس ناریل کو نکالے پھر ناریل کے پانی اور میتھی دانہ کے مکسچر کو جوسر میں ڈال کر بلینڈ کریں، آپ کے پاس ایک تیل تیار ہوجائے گا۔

اس تیل کو نہانے سے آدھا گھنٹے پہلے اپنے بالوں میں لگالیں اور اس کے بعد کسی اچھے شیمپو سے بال دھولیں۔بال لمبے کرنے کا یہ انتہائی آزمودہ نسخہ ہے، دو ہفتے کے استعمال سے آپ اپنے بالوں کی لمبائی میں واضح فرق محسوس کریں گے۔

یہ نسخہ صرف خواتین کے لیے ہی نہیں بلکہ ہر وہ شخص جو چاہتا ہے کہ اس کے بال چمکدار ، جاندار اور لمبے ہوں ، وہ اسے آزما سکتا ہے۔ قدرتی اشیا ہونے کے سبب یہ بے ضرور ہے اور کسی کو نقصان بھی نہیں پہنچاتا۔