لندن: برطانوی شہزادہ ہیری تقریب کے دوران جذبات پر قابو نہ رکھتے ہوئے آبدیدہ ہوگئے۔

غیرملکی خبررساں ادارے کے مطابق برطانوی شہزادہ ہیری ویل چائلڈ ایوارڈ کی تقریب کے دوران بچوں کو خراج تحسین پیش کرتے ہوئے رو دئیے۔

ڈیوک آف سسیکس نے ایوارڈ تقریب سے خطاب کرتے ہوئے کہا کہ والد بننے سے پہلے مجھے نہیں معلوم تھا کہ بچہ بیمار ہوجائے تو والدین کے احساسات کیا ہوتے ہیں۔

شہزادہ ہیری نے کہا کہ جب میں والد بنا تو یہ لمحہ میرے لیے کیسا تھا الفاظ میں بیان کرنا ناممکن ہے، والدین بچوں کی خاطر ہر قربانی دینے کو تیار رہتے ہیں۔

انہوں نے کہا کہ جب میرا بیٹا آرچی پیدا ہونے کے کچھ عرصے بعد بیمار ہوا تو میں بہت پریشان ہوگیا تھا۔

تیس سالہ ہیری کا کہنا تھا کہ والدین کی حیثیت سے یہاں موجود ہوں اور آپ سے بات کرتے ہوئے میرے دل کی تاریں اس طرح چھڑی ہیں کہ اگر میں خود والد نہ بنتا تو کبھی یہ سمجھ نہیں سکتا تھا۔

ہیری نے کچھ دیر بعد سنبھلتے ہوئے قہقہہ لگایا اور کہا کہ معذرت مجھے ایوارڈ تقریب کے دوران میگھن اور اپنے ساتھ بیتا واقعہ یاد آگیا تھا کہ بچہ بیمار ہوجائے تو والدین پر کیا گزرتی ہے۔

واضح رہے کہ شہزادہ ہیری کے بڑے بھائی اور بھابھی 5 روزہ دورے پر پاکستان میں موجود ہیں، شہزادہ ولیم اور شہزادی کیٹ مڈلٹن نے گزشتہ روز صدر، وزیراعظم سے ملاقات کی اور آج چترال کا دورہ کیا تھا۔

لندن: شدت پسندی کے خلاف برطانوی حکومت کی کمیشن کی رپورٹ جاری کر دی گئی، رپورٹ میں کہا گیا ہے کہ بھارت کے اندر خالصتان تحریک کے پیچھے پاکستان کا ہاتھ نہیں ہے۔

برطانوی حکومت کی رپورٹ میں واضح طور پر کہا گیا ہے کہ سکھ بھارتی پالیسیوں سے ناراض ہیں، بھارت نے خالصتان تحریک کو دہشت گرد قرار دیا جس پر سکھ ناراض ہوئے، برطانیہ میں مقیم ہندوؤں اور سکھوں کے درمیان بھی تناؤ موجود ہے۔

کمیشن کی رپورٹ میں کہا گیا ہے کہ اوورسیز سکھ کمیونٹی اپنی شناخت سے متعلق زیادہ حساس ہیں، وہ خالصتان تحریک کے حوالے سے سرگرمیوں میں بڑھ چڑھ کر حصہ لیتے ہیں۔

کمیشن کا یہ بھی کہنا ہے کہ گولڈن ٹیمپل حملے کے بعد سے خالصتان کے مطالبے میں شدت آئی ہے، بھارتی حکومت اور میڈیا کا رویہ بھی سکھ علیحدگی پسندی کو ہوا دے رہا ہے۔

یہ بھی پڑھیں:  کرتارپور راہداری کی تقریب، پاکستان کا من موہن سنگھ کو دعوت دینے کا فیصلہ

کمیشن رپورٹ میں ایک سروے بھی شامل کیا گیا ہے، جس کے مطابق سکھوں کی اکثریت اب الگ ملک کا قیام چاہتی ہے۔

واضح رہے کہ بھارتی حکومت کی جانب سے پاکستان پر الزام لگایا جاتا رہا ہے کہ پاکستان خالصتان علیحدگی پسند تحریک کو ہوا دے رہا ہے۔

دوسری طرف پاکستان کی جانب سے بہترین ڈپلومیسی کے تحت کرتارپور راہداری کھولی گئی تاکہ انڈیا کے سکھ اپنے مقدس مقام کی زیارت کے لیے آسانی سے آ سکیں، اس سلسلے میں سکھوں کے لیے بہترین انتظامات بھی کیے گئے ہیں۔

لندن: برطانوی شہزادہ ہیری کی اہلیہ میگھن مرکل نے برطانوی اخبار کے خلاف مقدمہ دائر کردیا۔

غیرملکی خبررساں ادارے کے مطابق برطانوی شہزادہ ہیری کی اہلیہ میگھن مرکل نے خط شائع کرنے پر برطانوی اخبار میل آن سنڈے کے خلاف کیس دائر کردیا ہے، شہزادہ ہیری بھی اخبار کی اس حرکت پر ناراض ہوگئے۔

میگھن مرکل کی جانب سے دائر کیے گئے کیس میں موقف اپنایا گیا ہے کہ اخبار نے جھوٹی اور من گھڑت کہانی شائع کی۔

دوسری جانب شہزادہ ہیری نے برطانوی اخبار کو کڑی تنقید کا نشانہ بناتے ہوئے کہا کہ ان کی اہلیہ کی کردار کشی کی مہم انتہائی تکلیف دہ ہے۔

مزید پڑھیں: میگھن مرکل کی تصویر لینے پر ہنگامہ

شہزادہ ہیری کا کہنا تھا کہ پہلے انہوں نے اپنی والدہ شہزادی ڈیانا کو کھویا اور اب طاقتور قوتیں ان کی اہلیہ کے پیچھے پڑ گئی ہیں۔

واضح رہے کہ برطانوی اخبار میل آن سنڈے نے میگھن مرکل کی جانب سے اپنے والد کو لکھا گیا خط شائع کیا تھا۔

یاد رہے کہ شہزادی ڈیانا 31 اگست 1997 میں پیرس میں ایک کار حادثے کے نتیجے میں انتقال کرگئی تھیں۔