Tag: لندن

لندن : برطانیہ میں بھی اسٹریٹ کرائمز بڑھ گئے، لندن میں ہر چار منٹ بعد چوری یا پھر موبائل فون چھیننے کی واردات ہونے لگی۔

تفصیلات کے مطابق اسٹریٹ کرائم بڑھنے پر برطانیہ والے بھی پریشان ہیں ، لندن میں ہر چار منٹ بعد چوری یا پھر موبائل فون چھیننے کی واردات رپورٹس ہو رہی ہیں۔

لندن پولیس نے ایک ہفتے میں230 موبائل چور کو گرفتار کر لیا، جن کے قبضے سے ایک ہزار سے زائد موبائل فون برآمد کیے گئے ہیں۔

سوشل میڈیا پر جاری وڈیوز میں دیکھا جا سکتا ہے کہ جرائم پیشہ افراد اسکوٹر پر سوار ہو کر آتے ہیں اور کسی راہ چلتے شخص یا خاتون کو پیچھے سے دھکا مارکر گرا دیتے ہیں اور پھر اس کی چیزیں لیکر فرار ہو جاتے ہیں۔

لندن پولیس کے مطابق لوٹ مار کرنے اور مختلف چیزیں چھیننے کی وجہ سے لوگوں میں خوف وہراس پھیل گیا ہے۔

لندن: پولیس نے چیکنگ کے بعد ریجنٹ اسٹریٹ کومحفوظ قرار دے دیا، مشکوک گاڑی کی موجودگی کی وجہ سے سڑک خالی کرائی گئی تھی۔

برطانوی پولیس نے مشکوک گاڑی کی موجودگی کے سبب ریجنٹ اسٹریٹ خالی کرائی تھی، تاہم اب اسے محفوظ قرار دیا گیا ہے، ترجمان برطانوی پولیس نے بتایا کہ گاڑی سے کوئی مشکوک چیز برآمد نہیں ہوئی۔

ترجمان برطانوی پولیس کا مزید کہنا تھا کہ ریجنٹ اسٹریٹ کو کھول دیا گیا ہے، اس سڑک پر ٹریفک کی روانی بحال ہوگئی ہے۔

لندن میں بم کی اطلاع، پولیس کو متعدد کنٹرولڈ دھماکے کیوں کرنے پڑے؟

خیال رہے کہ برطانوی پولیس کا اس سے قبل کہنا تھا کہ ریجنٹ اسٹریٹ کومشتبہ گاڑی کی وجہ سے بند کردیا گیا ہے، پولیس نے سڑک بند کرکے گاڑی کا گھیراؤ کرلیا جبکہ بم ڈسپوزل اسکواڈ کو بھی طلب کرلیا گیا تھا۔

مشتبہ گاڑی اور بم کی دھمکی کے بعد ہنگامی صورتحال کے پیش نظر ریجنٹ اسٹریٹ پر کاروباری مراکز خالی کرا لیے گئے تھے۔

لندن: مشتبہ گاڑی میں بم کی اطلاع کے بعد حکام کی دوڑیں لگ گئیں، ریجنٹ اسٹریٹ کو عوام کے لیے فوری طور پر بند کردیا گیا۔

اے آر وائی کے مطابق برطانوی پولیس نے بتایا کہ ریجنٹ اسٹریٹ کومشتبہ گاڑی کی وجہ سے بند کردیا گیا ہے، پولیس نے سڑک بند کرکے گاڑی کا گھیراؤ کرلیا جبکہ بم ڈسپوزل اسکواڈ کو بھی طلب کرلیا گیا ہے۔

مشتبہ گاڑی اور بم کی دھمکی کے بعد ہنگامی صورتحال کے پیش نظر ریجنٹ اسٹریٹ پر کاروباری مراکز خالی کرا لیے گئے ہیں،

پولیس نے بتایا کہ ریجنٹ اسٹریٹ پر بم کی دھمکی کے بعد پولیس کی جانب سے متعدد کنٹرولڈ دھماکے کیے گئے، پولیس کے مطابق کنٹرولڈ دھماکے احتیاطی تدبیر کے طور پر کیے گئے ہیں۔