ARYNews.tv | Urdu – Har Lamha Bakhabar

Tag: لندن

  • شہزادہ فلپ نے کار حادثے پر زخمی خاتون سے معذرت کرلی

    شہزادہ فلپ نے کار حادثے پر زخمی خاتون سے معذرت کرلی

    لندن: ملکہ برطانیہ کے شوہر شہزادہ فلپ نے کہا ہے کہ سورج کی تیز کرنیں آنکھوں پر پڑنے کے باعث حادثہ پیش آیا۔

    غیرملکی خبررساں ادارے کے مطابق ملکہ برطانیہ کے شوہر شہزادہ فلپ نے کار حادثے پر خاتون سے معذرت کرلی، انہوں نے حادثے کا سبب آنکھوں پر اچانک پڑنے والی سورج کی تیز کرنوں کو قرار دے دیا۔

    شہزادہ فلپ نے خاتون کو خط لکھا کہ اچھا لگا آپ کو زیادہ چوٹ نہیں آئی، خاتون شہزادے کی جانب سے خط ملنے پر حیران ہوگئیں کہ شہزادہ فلپ نے ان کی خیریت دریافت کی ہے۔

    انہوں نے خط میں لکھا کہ حادثے کے بعد مجمع اکٹھا ہوتا دیکھ کر پولیس نے جانے کا مشورہ دیا جس کے باعث وہ ان کی خیریت معلوم نہیں کرسکے تھے۔

    واضح رہے کہ حادثے میں بال بال محفوظ رہنے والی خاتون ایما نے شہزادے کے فوری معذرت نہ کرنے پر ان پر کڑی تنقید کی تھی۔

    مزید پڑھیں: شہزادہ فلپ ٹریفک حادثے میں بال بال بچ گئے

    یاد رہے کہ 18 جنوری کے دن ملکہ برطانیہ کے شوہر 97 سالہ ششہزاد ہفلپ کی کار کو حادثہ پیش آیا تھا تاہم وہ اس حادثے میں محفوظ رہے تھے لیکن خاتون زخمی ہوگئی تھیں۔

    برطانوی ملکہ الزبتھ کے شوہر اور شاہی خاندان کے سربراہ پرنس فلپ کو ٹریفک پولیس نے سیٹ بیلٹ نہ باندھنے پر وارننگ دے دی، محکمہ پولیس نے خبردار کیا کہ اگر آئندہ قانون کی خلاف ورزی کی گئی تو چالان کیا جائے گا۔

    پولیس نے شاہی محل کو ایک تنبیہ خط ارسال کیا جس میں پرنس فلپ کو آسان الفاظ میں سمجھانے کی کوشش کی گئی کہ دورانِ ڈرائیونگ سیٹ بیلٹ باندھنا بہت ضروری ہے۔

  • ننھی بچی کا حوصلہ بڑھانے کے لیے دنیا بھر کی خواتین فائر فائٹرز کا پیغام

    ننھی بچی کا حوصلہ بڑھانے کے لیے دنیا بھر کی خواتین فائر فائٹرز کا پیغام

    کچھ عرصے قبل تک بعض شعبے اور ملازمتیں صرف مردوں کے لیے مخصوص سمجھے جاتے تھے، تاہم اب رجحان بدل رہا ہے، اب خواتین زندگی کے ہر شعبے میں اپنے قدم جما رہی ہیں۔

    تاہم ایک ننھی سی بچی اس سے بے خبر تھی۔ سماجی رابطوں کی ویب سائٹ ٹویٹر پر اس بچی کا اپنی والدہ سے مکالمہ بہت وائرل ہوا جس کے جواب میں دنیا بھر سے پیغامات بھجوائے گئے۔

    لندن کی رہائشی ہنا سمر نامی خاتون نے ٹویٹر پر لکھا کہ ایک دن ان کی 4 سالہ بیٹی اسکول سے واپس آئی تو اس نے کہا کہ کاش وہ لڑکا ہوتی تاکہ فائر مین بن سکتی۔

    ہنا نے بچی کو بتایا کہ لڑکیاں بھی فائر فائٹر بن سکتی ہیں، تو جواب میں بچی نے کہا کہ اس نے اب تک کتابوں میں مردوں کو ہی آگ سے لڑتے دیکھا ہے، اور وہ دنیا کی واحد لڑکی نہیں بننا چاہتی جو فائر فائٹر ہو۔

    ہنا نے ٹویٹر پر مدد مانگی کہ اسے ایسی کتابوں کے بارے میں بتایا جائے جن میں خواتین کو فائر فائٹر کے طور پر پیش کیا گیا ہو۔

    جلد ہی ہنا کو دنیا بھر سے جواب موصول ہونا شروع ہوگیا۔ مختلف شہروں اور ملکوں کی خواتین فائر فائٹرز نے اپنی تصاویر اور ویڈیوز بچی کے لیے بھیجیں اور اسے بتایا کہ وہ خواتین ہیں اور فائر فائٹرز بھی ہیں۔

    کئی خواتین فائر فائٹرز نے کہا کہ ننھی بچی اس بارے میں بے فکر ہوجائے کہ اس شعبے میں خواتین موجود نہیں، وہ بس وہ بنے جو وہ بننا چاہتی ہے۔

    بچی کو برطانوی فوج کی خواتین نے بھی جواب دیا اور اسے بتایا کہ فوج میں شمولیت کے وقت انہیں آگ بجھانے کی بھی تربیت دی جاتی ہے۔

    دوسری جانب دنیا بھر سے مختلف فائر فائٹنگ ڈپارٹمنٹ کے کئی افسران نے اس بات کا اعتراف بھی کیا کہ اس شعبے میں خواتین کی تعداد بے حد کم ہے۔

    ہنا کے ٹویٹ کے بعد مقامی فائر ڈپارٹمنٹ نے بچی کے اسکول آنے، اس سے ملنے اور اس کی حوصلہ افزائی کرنے کا فیصلہ بھی کیا۔

    دنیا بھر کی خواتین فائر فائٹرز نے ننھی بچی کو پیغام بھجوایا، ’مرد اور عورت کی تفریق کو بھول جاؤ اور صرف وہی کرو جو تمہارا دل چاہتا ہے۔ دنیا کا ہر شعبہ تمہیں خوش آمدید کہے گا‘۔

  • لندن میں مجسٹریٹ کورٹ کے باہر کار بم دھماکا

    لندن میں مجسٹریٹ کورٹ کے باہر کار بم دھماکا

    لندن : برطانوی دارالحکومت میں مجسٹریٹ کورٹ کے باہر کھڑی گاڑی بم دھماکے سے تباہ ہوگئی تاہم کوئی جانی نقصان نہیں ہوا۔

    تفصیلات کے مطابق برطانیہ کے دارالحکومت لندن کی بائیشاپ اسٹریٹ میں واقع مجسٹریٹ عدالت کے باہر دھماکا ہوا ہے، دھماکے سے کچھ دیر قبل ہی پولیس کو دہشت گردانہ حملے سے متعلق خفیہ اطلاعات فراہم کی تھی۔

    مقامی خبر رساں ادارے کا کہنا ہے کہ حادثے میں کسی کے زخمی ہونے اطلاعات موصول نہیں ہوئی ہیں، پولیس نے جائے وقوعہ کو سیل کردیا ہے۔

    برطانوی خبر رساں ادارے کا کہنا ہے کہ پولیس نے جائے وقوعہ کے ارگرد موجود ہوٹلوں سمیت تمام عمارتوں کو خالی کرالیا ہے۔

    غیر ملکی خبر رساں ادارے کے مطابق مقامی سیاست دانوں کو کہنا ہے کہ حملہ آوروں نے دھماکے میں استعمال ہونے والی گاڑی کچھ دیر قبل قبضے میں لے کر اسے آلٹر کیا اور رات آٹھ بجے عدالت کے سامنے دھماکے سے اڑا دی۔

    مزید پڑھیں : لندن : فلیٹ میں گیس کے سبب دھماکا، 1 خاتون ہلاک

    واقعے کے عینی شاہدین کا کہنا ہے کہ دھماکے کی آواز کافی دور تک سنائی دی اور دھماکے کے بعد گاڑی میں آگ بھڑک اٹھی تھی جو ایک گھنٹہ گزرنے کے بعد بھی نہیں بجھائی گئی۔

  • لندن : سیکیورٹی گارڈ کو قتل کرنے والے ملزمان پر فرد جرم عائد

    لندن : سیکیورٹی گارڈ کو قتل کرنے والے ملزمان پر فرد جرم عائد

    لندن : پولیس نے سال نو کے آغاز پر سیکیورٹی گارڈ کو چاقو کے وار سے قتل کرنے والے دو خطرناک ملزمان کو گرفتار کرلیا۔

    تفصیلات کے مطابق برطانیہ کے دارالحکومت کے مغربی علاقے میں جاری سال نو کی تقریب کے دوران 33 سالہ سیکیورٹی گارڈ چاقو زنی کی واردارت میں زخمی ہوا تھا جسے اسپتال منتقل کیا گیا تاہم وہ راستے میں ہی ہلاک ہوگیا تھا۔

    مقامی خبر رساں ادارے کا کہنا ہے کہ مقتول سیکیورٹی گارڈ ملزمان کو فاؤنٹین ہاؤس میں داخل ہونے سے روک رہا تھا۔

    مقامی خبر رساں ادارے کا کہنا ہے کہ گرفتار ملزمان کی شناخت 25 سالہ اسامہ حمید اور 23 سالہ نور ایڈن حمادا کے نام سے ہوئی ہے، جنہیں مجسٹریٹ کورٹ میں پیش کردیا ہے۔

    لندن پولیس کے ترجمان کا کہنا ہے کہ دونوں خطرناک ملزمان ہیں جنہیں ہتھکڑیوں میں ہونا چاہیے۔

    برطانوی میڈیا کا کہنا ہے کہ مقتول گارڈ کے ساتھ اس کے دو ساتھی 37 اور 29 سالہ شخص اور 29 سالہ خاتون زخمی ہوئے تھے جنہیں کچھ روز استپال سے ڈسچارج کردیا گیا تھا۔

    مقامی میڈیا کے مطابق برطانوی عدالت نے فاؤنٹین ہاؤس واقعے میں ملوث ملزمان پر قتل، اقدام قتل اورخطرناک ہتھیار رکھنے کے الزام میں فرد جرم عائد کردی۔

    مزید پڑھیں : لندن: فائرنگ اور چاقو زنی کی واردات، دو افراد قتل 4 زخمی

    مزید پڑھیں : چاقوحملوں نےلندن کومیدان جنگ میں تبدیل کردیا ہے‘ ڈونلڈ ٹرمپ

    یاد رہے کہ امریکی صدر ڈونلڈ ٹرمپ نے گزشتہ برس کا کہا تھا کہ لندن میں بندوقیں نہیں ہوتیں لیکن وہاں چاقو ہوتے ہیں، لندن کا اسپتال چاقو حملوں کے زخمیوں سے بھرگیا اورکسی وارزون میں تبدیل ہوگیا۔

  • برطانوی نوجوانوں میں کینسر کو شکست دینے کی شرح میں اضافہ

    برطانوی نوجوانوں میں کینسر کو شکست دینے کی شرح میں اضافہ

    لندن: ایک طبی رپورٹ میں کہا گیا ہے کہ برطانوی نوجوانوں میں کینسر جیسے موذی اور مہلک مرض کو شکست دینے کی شرح میں اضافہ ہو گیا ہے۔

    تفصیلات کے مطابق پبلک ہیلتھ انگلینڈ کی ایک رپورٹ میں بتایا گیا ہے کہ ہڈیوں اور خون کے کینسر میں مبتلا ہونے والے نوجوان کینسر کو شکست دے کر صحت یاب ہو رہے ہیں۔

    [bs-quote quote=”کینسر سے صحت یابی کی شرح لڑکوں کی نسبت لڑکیوں میں زیادہ ہے۔” style=”style-7″ align=”left” color=”#dd3333″ author_name=”رپورٹ”][/bs-quote]

    رپورٹ کے مطابق طبی تحقیق کے لیے جن نوجوانوں کو چنا گیا تھا ان کی عمریں 13 سے 24 سال کے درمیان تھی، اس ایج گروپ کے بارے میں کہا جاتا ہے کہ اس میں کینسر کی شرح کینسر کے مجموعی مریضوں کی تعداد کا بہ مشکل ایک فی صد بنتی ہے۔

    رپورٹ میں کہا گیا ہے کہ 2001 سے 2015 کے دوران برطانیہ میں ہر سال 2 ہزار 397 نوجوان کینسر میں مبتلا ہوئے اور ان کی زیادہ تعداد 19 سے 24 سال کے ایج گروپ میں تھی۔

    یہ بھی کہا گیا ہے کہ کینسر سے بچنے کی وجوہ میں علاج تک رسائی کی سہولت بھی شامل ہے، چناں چہ کم آمدنی والے علاقوں میں نوجوانوں میں کینسر سے بچنے کی شرح کم ہے۔

    رپورٹ میں یہ بھی انکشاف کیا گیا ہے کہ کینسر سے صحت یابی کی شرح لڑکوں کی نسبت لڑکیوں میں زیادہ ہے۔

    یہ بھی پڑھیں:  روز کھائی جانے والی یہ اشیا کینسر کو جنم دے سکتی ہیں

    اس سلسلے میں ٹین ایج کینسر ٹرسٹ نامی تنظیم کا کہنا ہے کہ علاج میں بہتری اس لیے آئی کیوں کہ نوجوانوں کو باقاعدہ طور پر ایک علیحدہ گروپ تسلیم کیا گیا جس کے بعد ان پر اسی تناظر میں توجہ دی گئی اور نیا علاج دریافت کیا گیا۔

    ٹرسٹ کے سربراہ کا یہ بھی کہنا ہے کہ نوجوانوں میں کینسر کی بڑھتی ہوئی شرح قابلِ تشویش ہے۔

  • برطانوی وزیراعظم تھریسامے کے خلاف تحریک عدم اعتماد ناکام

    برطانوی وزیراعظم تھریسامے کے خلاف تحریک عدم اعتماد ناکام

    لندن: برطانوی وزیراعظم تھریسامے کے خلاف عدم اعتماد ناکام ہوگئی‌، تھریسامے بریگزٹ ڈیل پاس نہ کرواسکیں لیکن حکومت بچانے میں‌ کامیاب ہوگئیں۔

    غیرملکی خبررساں ادارے کے مطابق برطانوی وزیراعظم تھریسامے کے خلاف عدم اعتماد پر پارلیمنٹ میں بحث ہوئی، تحریک عدم اعتماد پر اراکین پارلیمنٹ کی ووٹنگ میں تحریک عدم اعتماد ناکام ہوگئی۔

    برطانوی وزیراعظم تھریسامے کی حمایت میں 325 اور مخالفت میں 306 ووٹ آئے۔

    برطانوی وزیراعظم تھریسامے نے کام جاری رکھنے کا اعلان کردیا اور اراکین پارلیمنٹ کی جانب سے اظہار اعتماد پر ان کا شکریہ ادا کیا۔

    تھریسامے بریگزٹ ڈیل پاس نہ کرواسکیں لیکن حکومت انہوں نے بچالی ہے، تھریسامے نے پارلیمانی جماعتوں کو دعوت دی ہے کہ مل کر مسئلے کا حل نکالتے ہیں۔

    اپوزیشن لیڈر نے کہا کہ حکومت کو گزشتہ رات کے نتائج پر اقتدار سے الگ ہوجانا چاہئے تھا، بریگزٹ پر عوامی خواہشات کو مدنظر رکھا جائے۔

    مزید پڑھیں: بریگزٹ ڈیل مسترد، تھریسامے کو تاریخی شکست

    واضح رہے کہ گزشتہ سال 13 دسمبر کو بھی برطانوی وزیراعظم تھریسامے کے خلاف اپوزیشن کی تحریک عدم اعتماد ناکام ہوئی تھی جس کے بعد تھریسامے یورپی یونین کے سربراہی اجلاس میں شرکت کے لیے برسلز روانہ ہوگئی تھیں۔

    یاد رہے کہ 62 سالہ تھریسا مے نے برطانیہ کی یورپی یونین سے علیحدگی کے لیے ہونے والے ریفرنڈم میں، اس کے خلاف ووٹ دیا تھا۔

    گزشتہ روز برطانوی وزیراعظم تھریسامے نے بریگزٹ کے معاملے پر پارلیمان کا اعتماد کھودیا، ہاؤس آف کامنزنے بریگزٹ ڈیل مسترد کردی۔

    پارلیمنٹ نے یورپی یونین سے کی جانے والی بریگزٹ ڈیل کی مخالفت میں فیصلہ دے دیا، ڈیل کے حق میں 202 جبکہ مخالفت میں 432 ووٹ پڑے، 118 حکومتی ممبران نے بھی ڈیل کے خلاف ووٹ دیا تھا۔

    دوسری جانب تھریسامے کا کہنا تھا کہ غیریقینی میں گزرنے والا ہر دن برطانیہ کو نقصان دے رہا ہے، اب بھی حکومت کو پارلیمنٹ کا اعتماد حاصل ہے۔

  • لندن: ریلوے اسٹیشن پر چاقو بردار شخص کا حملہ ناکام، ملزم گرفتار

    لندن: ریلوے اسٹیشن پر چاقو بردار شخص کا حملہ ناکام، ملزم گرفتار

    لندن : برطانوی دارالحکومت میں واقع ریلوے اسٹیشن پر چاقو بردار شخص نے حملہ کردیا تاہم پولیس نے فوری کارروائی کرتے ہوئے مسلح شخص کو گرفتار کرلیا۔

    تفصیلات کے مطابق برطانیہ کے دارالحکومت لندن کے جنوبی علاقے میں واقع تلسی ریلوے اسٹیشن پر نامعلوم چاقو بردار شخص نے اس وقت حملہ اچانک کردیا جب اسٹیشن پر مسافروں کا رش بہت زیادہ تھا۔

    مقامی ذرائع کا کہنا ہے کہ چاقو زنی کی مذکورہ واردات میں کسی کے زخمی ہونے کی اطلاع موصول نہیں۔

    واقعے کے عینی شاہدین نے خبر رساں اداروں کو بتایا کہ اچانک اسٹیشن پر افراتفری پھیل گئی اور مسافر خود کو مسلح شخص سے بچانے کے لیے ادھر ادھر بھاگ رہے تھے۔

    تلسی ریلوے اسٹیشن پر موجود برطانوی ٹرانسپورٹ پولیس کے اہلکاروں نے بروقت کارروائی کرتے ہوئے 59 سالہ خنجر بردار شخص کو اقدام قتل اور غیر قانونی طور پر خطرناک ہتھیار رکھنے کے الزام میں موقع پر ہی گرفتار کرلیا تھا۔

    واقعے کے ایک عینی شاہد نے سماجی رابطے کی ویب سایٹ پر ٹویٹ کیا کہ ’تلسی ریلوے اسٹیشن پر خطرناک خنجر سے حملہ کرنے والے شخص کو پولیس نے برقی گَن نے کرنٹ لگانے کے بعد حراست میں لیا تھا‘۔

    برطانوی ٹرانسپورٹ پولیس کا خیال ہے کہ چاقو زنی کی یہ واردات دہشت گردانہ حملہ نہیں تھی، خوش قسمتی سے کوئی بھی مسافر کا پولیس اہلکار حملے میں زخمی یا ہلاک نہیں ہوا۔

    مزید پڑھیں : لندن: فائرنگ اور چاقو زنی کی واردات، دو افراد قتل 4 زخمی

    مزید پڑھیں : لندن : چاقو زنی کی واردات، ایک شخص ہلاک، ملزم گرفتار

    پولیس کا کہنا ہے کہ گرفتار ملزم ذہنی مریض لگتا ہے تاہم حتمی رپورٹ طبی معائنے کے بعد تشکیل دی جائے گی۔

    برطانوی خبر رساں ادارے کا کہنا ہے کہ لندن کے میئر صادق خان نے چاقو بردار شخص کی گرفتاری کے کچھ دیر بعد لامبیٹھ کونسل کے سربراہ لیب پیک کو نئے ریڈکشن یونٹ کا سربراہ تعینات کیا ہے۔

  • طلسماتی دنیا جیسے خوبصورت دروازے

    طلسماتی دنیا جیسے خوبصورت دروازے

    ہم میں سے اکثر افراد دروازوں کے پاس سے سرسری سا گزر جاتے ہیں اور انہیں دیکھتے بھی نہیں، بعض دروازے اتنے خوبصورت ہوتے ہیں کہ انہیں رک کر سراہا جانا چاہیئے مگر وہ اکثر نظر انداز ہوجاتے ہیں۔

    ایک برطانوی فوٹوگرافر بیلا فوکس ویل نے ایسے ہی لندن کے گلی کوچوں میں مختلف دروازوں کی تصاویر کھینچی ہیں۔

    یہ دروازے نہایت رنگین اور ان کے آس پاس کا منظر نہایت خوبصورت ہے جس کے باعث یہ دروازے پریوں کی گزرگاہ معلوم ہوتے ہیں۔

    بیلا کا کہنا ہے کہ بعض لوگ اپنے بیرونی دروازے بہت خوبصورت بناتے ہیں تاکہ جب وہ دن بھر کام کرنے کے بعد شام کو گھر پہنچیں تو انہیں خوشگوار احساس ہو۔

    ان کا کہنا ہے کہ دروازہ ایک علامت ہے نئے مواقعوں کا، جو ہماری زندگی میں جذبہ پیدا کرتا ہے۔

    بیلا نے ان دروازوں کی تصاویر کا انسٹا گرام اکاؤنٹ بھی بنا رکھا ہے جہاں لاکھوں لوگ ان تصاویر کو پسند کرتے ہیں۔

    آئیں ہم بھی ان خوبصورت دروازوں کو دیکھتے ہیں۔

     

    View this post on Instagram

     

    The hidden alleyways behind Kensington High Street are some of my favourites ♥️

    A post shared by The Doors of London (@thedoorsofldn) on

     

    View this post on Instagram

     

    That archway is just asking for some climbing roses 🌹🌹🌹

    A post shared by The Doors of London (@thedoorsofldn) on

     

    View this post on Instagram

     

    If you could go on holiday anywhere in the world, right now, where would you go? ✈️🌎

    A post shared by The Doors of London (@thedoorsofldn) on

     

    View this post on Instagram

     

    After the leaves fall away, this is what’s left 🍂🍁

    A post shared by The Doors of London (@thedoorsofldn) on

     

    View this post on Instagram

     

    It’s coming! 🎃👻🧙 #halloweeninlondon

    A post shared by The Doors of London (@thedoorsofldn) on

     

    View this post on Instagram

     

    Who inspires you? ✨

    A post shared by The Doors of London (@thedoorsofldn) on

  • برطانوی پارلیمنٹ میں بریگزٹ معاہدے پر ووٹنگ آج ہوگی

    برطانوی پارلیمنٹ میں بریگزٹ معاہدے پر ووٹنگ آج ہوگی

    لندن: برطانوی پارلیمنٹ میں آج بریگزٹ پر ووٹنگ ہوگی، وزیراعظم تھریسامے آج ایک بار پھر برطانوی پارلیمان کو یورپ سے علیحدگی کے مجوزہ معاہدے کی حمایت کرنے پر قائل کرنے کی کوشش کریں گی۔

    غیرملکی خبررساں ادارے کے مطابق برطانوی پارلیمنٹ میں حکومت کی جانب سے تجویز کردہ بریگزٹ معاہدے پر ووٹنگ آج ہوگی، ووٹنگ کے بعد فیصلہ ہوگا کہ برطانیہ یورپی یونین سے علیحدگی کے وقت مجوزہ معاہدے پر عمل پیرا ہوگا یا نہیں۔

    سیاسی ماہرین کے مطابق پارلیمان میں بریگزٹ پر ووٹنگ کے حوالے سے برطانوی وزیراعظم تھریسامے پر سخت دباؤ ہے اور اگر تھریسامے ہار جاتی ہیں تو وہ یہ راستہ اپنا سکتی ہیں کہ ڈیل دوبارہ پاس کروائی جائے یا نو ڈیل کا راستہ اختیار کیا جائے، بریگزٹ کو روکنا بھی امکانات میں شامل ہے۔

    برطانوی میڈیا کے مطابق حکومت کو تاریخی شکست کا سامنا کرنا پڑ سکتا ہے، 1945ء کے بعد سے یہ برطانیہ کا سب سے بڑا سیاسی بحران ہے۔

    واضح رہے کہ برطانوی ارکان پارلیمان نے رواں ماہ 9 تاریخ کو ہونے والی قرارداد کو 297 کے مقابلے میں 308 ووٹوں کی اکثریت سے مسترد کردیا تھا جس میں بریگزٹ ڈیل پر کل ہونے ہونے والی پارلیمانی ووٹنگ ممکنہ طور پر ناکام رہنے کے بعد پارلیمانی فیصلہ سازی کا طریقہ کار بدلنے کی بات کی گئی تھی۔

    مزید پڑھیں: نوڈیل بریگزٹ: یورپ میں مقیم 13 لاکھ برطانوی شہریوں کا مستقبل کیا ہوگا؟

    یاد رہے کہ چند روز قبل برطانیہ میں پیلی جیکٹ پہنے مظاہرین سڑکوں پر آگئے تھے اور وزیراعظم ہاؤس کے باہر بریگزٹ کے خلاف مظاہرہ کیا گیا تھا۔

    دوسری جانب اپوزیشن رہنما جریمی کوربن کے حامی بھی احتجاج میں شریک ہوئے تھے اور برطانوی وزیراعظم تھریسامے کی پالیسیوں کو سخت تنقید کا نشانہ بنایا تھا۔

    خیال رہے کہ جون 2016 میں برطانوی عوام نے 46 برس بعد دنیا کی سب سے بڑی سنگل مارکیٹ یورپی یونین سے نکلنے کا فیصلہ کرتے ہوئے بریگزٹ کے حق میں 52 فیصد اور اس کے خلاف 48 فیصد ووٹ دیے تھے۔

  • لندن : گیٹ وک کے بعد ہیتھرو ایئرپورٹ پر بھی مشکوک ڈرونز کی پرواز، فوج طلب

    لندن : گیٹ وک کے بعد ہیتھرو ایئرپورٹ پر بھی مشکوک ڈرونز کی پرواز، فوج طلب

    لندن : برطانوی حکام نے ہیتھرو انٹرنیشنل ایئرپورٹ پر مشکوک ڈرون کی پرواز کے بعد تفتیس کے لیے فوج کو طلب کرلیا۔

    تفصیلات کے مطابق برطانیہ کے گیٹ وک ایئرپورٹ کے بعد دارالحکومت لندن کے قریب واقع مصروف ترین عالمی ہوائی اڈے ہیتھرو پر بھی مشکوک ڈرون کو پرواز کرتے دیکھا گیا تھا۔

    ہیتھرو ایئرپورٹ کی انتظامیہ نے مشکوک ڈرونز کی پرواز کے بعد پروازیں منسوخ کردیں تھی جبکہ تحقیقات میں پولیس کی معاونت کےلیے برطانوی فوج کو بھی طلب کرلیا ہے۔

    اسکاٹ لینڈ یارڈ کا کہنا ہے کہ مشکوک ڈرون کی ایئرپورٹ پر پرواز کے خلاف ’مکمل کرمنل انویسٹی گیشن‘ ہوگی۔

    مقامی میڈیا کا کہنا ہے کہ ایئرپورٹ حکام کی جانب سے ایک گھنٹے کے لیے مغربی لندن کے ہوائی اڈے پر پروازیں منسوخ کی گئی تھیں۔

    ہیتھرو ایئرپورٹ کی انتظامیہ میٹروپولیٹن پولیس کے ہمراہ حالات کو دیکھ رہی ہے اور پروازوں کی منسوخی کے باعث متاثر ہونے والے مسافروں سے معذرت کرلی ہے۔

    برطانیہ کی وزارت دفاع کا کہنا ہے کہ ’ہم نے میٹروپولیٹین پولیس کی درخواست پرخصوصی سامان اور فوجی دستے ہیتھرو ایئرپورٹ پر تعینات کردئیے ہیں‘۔

    مقامی میڈیا کا کہنا ہے کہ سیکیورٹی اداروں نے ایئرپورٹ کے ارد گرد کے علاقوں میں واقعے میں ملوث افراد کی تلاش کے لیے سرچ آپریشن شروع کردیا ہے۔

    پولیس کا کہنا ہے کہ ہوائی اڈے پرغیرقانونی طور پر ڈرون اڑانا انتہائی خطرناک ہے، یہ اقدام طیاروں کےلیے شدید نقصان دہ ثابت ہوسکتے ہیں، مشکوک ڈرونز اڑانے میں جو بھی ملوث پایا گیا اسے عمرقید کی سزا کا سامنا کرنا پڑسکتا ہے۔

    مزید پڑھیں : گیٹ وک ایئرپورٹ: ڈرون سے ملنے والے فنگر پرنٹ کی مماثلت نہ ہوسکی

    یاد رہے کہ ایک ماہ قبل لندن کے انٹرنیشنل گیٹ وک ایئرپورٹ پر دو مشکوک ڈرونز کی پروازوں کے باعث مسلسل 36 گھنٹے تک پروازیں منسوخ رہی تھیں، جس کے باعث ڈیڑھ لاکھ مسافر متاثر ہوئے تھے۔

    مقامی خبر رساں ادارے کے مطابق مشکوک ڈرونز کو کنٹرول کرنے پولیس کی ناکامی کے بعد حکومت نے فوج کی خدمات حاصل کی تھیں۔

    خیال رہے کہ ایئرپورٹ انتظامیہ نے گیٹ وک آنے والی پروازوں کا رخ ملک کے دوسرے ہوائی اڈوں کی جانب موڑ دیا تھا، جن میں لندن ہیتھرو، لوٹن، برمنگھم، گلاس گلو اور مانچیسٹر بھی شامل ہیں۔

    مزید پڑھیں : لندن: ڈرون اڑانے کے الزام میں گرفتار جوڑے کو عدم شواہد پر رہا کردیا گیا

    یاد رہے کہ سینتالیس سالہ پاؤل گئیت،57 سالہ ایلائنی کرک کو برطانوی پولیس نے شک کی بنیاد پر جمعے کی شب 10 بجے گرفتار کیا تھا جنہیں ثبوت کی عدم موجودگی کے باعث رہا کردیا گیا تھا۔