Tag: لندن

لندن: سسیکس پولیس کے چیف کانسٹیبل نے گیٹ وک ایئرپورٹ پر ڈرونز اڑانے کے الزام میں گرفتار جوڑے سے معذرت کرلی۔

غیرملکی خبررساں ادارے کے مطابق سسیکس پولیس کے چیف کانسٹیبل نے کہا ہے کہ وہ گیٹ وک ایئرپورٹ پر افرا تفری میں ایک جوڑے کو 36 گھنٹے تک حراست میں رکھنے پر معذرت کرتے ہیں۔

پاؤل گئیت اور ایلائنی کرک نے کہا کہ گھر کی تلاشی لینے اور ہماری شناخت ظاہر کیے جانے کے بعد وہ محسوس کرتے ہیں ہمیں نقصان پہنچایا گیا ہے۔

گلس یارک نے کہا کہ انہیں گرفتاری کی معقول وجوہات پر قائل کیا گیا تھا، انہوں نے ایئرپورٹ کے قریب پائے جانے والے دو ڈرونز سے تعلق مسترد کردیا تھا۔

سسیکس پولیس کے چیف کانسٹیبل کا کہنا تھا کہ پاؤل گیئت کو ایک مقررہ وقت تک حراست میں رکھے جانے کا دفاع کیا تھا حالانکہ ان کے ملازم کا کہنا تھا کہ ڈرونز کی پروازوں کے دوران وہ موجود نہیں تھے۔

یہ پڑھیں: گیٹ وک ایئرپورٹ: ڈرون سے ملنے والے فنگر پرنٹ کی مماثلت نہ ہوسکی

گلس یارک نے کہا کہ جوڑے کے ساتھ پیش آنے والے واقعے پر اور ان کے ساتھ ہونے والی زیادتی پر افسوس ہے جس پر معذرت کرتے ہیں۔

انہوں نے کہا کہ ہم نے پہلے مرحلے پر تحقیقات کرنے کے بعد انہیں پولیس حراست سے رہا کردیا تھا اور وہ اب مشتبہ نہیں رہے ہیں۔

مزید پڑھیں: لندن: ڈرون اڑانے کے الزام میں گرفتار جوڑے کو عدم شواہد پر رہا کردیا گیا

واضح رہے کہ برطانوی پولیس نے گیٹ وک ایئرپورٹ پر ڈرونز اڑانے کے الزام میں 47 سالہ پاؤل گیئت اور 57 سالہ ایلائنی کرک کو گرفتار کیا تھا اور بعدازاں عدم شواہد کی بنا پر انہیں رہا کردیا گیا تھا۔

یاد رہے کہ رن وے کے نزدیک ڈرونز دیکھے جانے کے بعد 19 اور 21 دسمبر کے دوران سینکڑوں پروازیں متاثر ہوئی تھیں جبکہ برطانوی پولیس نے ڈرون اڑانے والوں کی گرفتاری میں تعاون پر 50 ہزار پاؤنڈز کا انعام مقرر کیا تھا۔

لندن: برطانوی پولیس نے گیٹ وک ایئرپورٹ کے رن وے پر ڈرون اڑانے کے الزام میں گرفتار جوڑے کو عدم شواہد پر رہا کردیا۔

غیرملکی خبررساں ادارے کے مطابق برطانوی پولیس نے گیٹ وک ایئرپورٹ کے رن وے ڈرون اڑانے کے الزام میں گرفتار جوڑے کو عدم شواہد کی بنا پر رہا کردیا، گیٹ وک ایئرپورٹ پر ڈرون کی وجہ سے 1 ہزار فلائٹ کینسل ہوئی تھیں اور ایک لاکھ 40 ہزار افراد متاثر ہوئے تھے۔

سینتالیس سالہ پاؤل گئیت،57 سالہ ایلائنی کرک کو برطانوی پولیس نے شک کی بنیاد پر گزشتہ رات 10 بجے گرفتار کیا تھا۔

برطانوی پولیس نے گیٹ وک ایئرپورٹ کے قریب سے ایک ناکارہ ڈرون برآمد کرلیا ہے جبکہ ڈرون اڑانے والوں کی گرفتاری میں تعاون پر 50 ہزار پاؤنڈز کا انعام مقرر کیا ہے۔

مزید پڑھیں: گیٹ وک ایئرپورٹ پر مشکوک ڈرونز اڑانے والا جوڑا گرفتار

واضح رہے کہ گیٹ وک ایئرپورٹ پر پروازیں مسلسل 36 گھنٹے تک منسوخ رہی تھیں۔

مقامی خبر رساں ادارے کے مطابق مشکوک ڈرونز کو کنٹرول کرنے پولیس کی ناکامی کے بعد حکومت نے فوج کی خدمات حاصل کی تھیں۔

خیال رہے کہ ایئرپورٹ انتظامیہ نے گیٹ وک آنے والی پروازوں کا رخ ملک کے دوسرے ہوائی اڈوں کی جانب موڑ دیا تھا، جن میں لندن ہیتھرو، لوٹن، برمنگھم، گلاس گلو اور مانچیسٹر بھی شامل ہیں۔

لندن: برطانوی وزیر اعظم تھریسامے نے بریگزٹ معاہدے پر ووٹنگ ملتوی کردی۔

غیرملکی خبررساں ادارے کے مطابق 11 دسمبر کو پارلیمنٹ میں بریگزٹ معاہدے پر ووٹنگ کی جانے تھی جسے برطانوی وزیراعطم تھریسامے نے ملتوی کردیا ہے، تھریسامے کو ایسے خدشات تھے کہ پارلیمانی اراکین کی اکثریت اس معاہدے کی مخالفت میں ووٹ دے گی۔

برطانوی وزیراعظم تھریسامے کا ووٹنگ ملتوی کرنے سے قبل اپنے بیان میں کہنا تھا کہ پارلیمنٹ کی جانب سے بریگزٹ معاہدے کو مسترد کیے جانے پر ان کی حکومت ختم اور اپوزیشن جماعت لیبر پارٹی اقتدار میں آسکتی ہے۔

میڈیا رپورٹس کے مطابق ایڈوائزر اور وزراء کی جانب سے تھریسامے کو مشورہ دیا گیا کہ پارلیمنٹ میں ہونے والی ووٹنگ کو منسوخ کردیا جائے ان میں انہیں شکست کا سامنا کرنا پڑ سکتا ہے۔

بریگزٹ سیکریٹری اسٹیفن بارسلے کا دی میل سے گفتتگو کرتے ہوئے کہنا تھا کہ اس معاہدے کی ناکامی قوم کو غیریقینی صورتحال سے دوچار کردے گی جہاں بریگزٹ نہیں ہونے کا حقیقی خطرہ موجود تھا۔

دوسری جانب آج یورپی عدالت برائے انصاف نے فیصلہ سناتے ہوئے کہا تھا کہ برطانیہ دیگر یورپی ممالک کے اتفاق کے بغیر بھی بریگزٹ معاہدے سے دستبردار ہوسکتا ہے، دریں اثناء یورپی کمیشن نے بریگزٹ معاہدے پر نظرثانی کرنے سے انکار کردیا ہے۔

برطانوی وزیراعظم تھریسامے 2016 میں اقتدار میں آنے کے ایک ماہ بعد سے برطانیہ میں سب سے بڑے بحران کا سامنا کررہی ہیں۔

یاد رہے کہ جون 2016 میں برطانوی قوم نے 46 برس بعد دنیا کی سب سے بڑی سنگل مارکیٹ یورپی یونین سے نکلنے کا فیصلہ کرتے ہوئے بریگزٹ کے حق میں 52 فیصد اور اس کے خلاف 48 فیصد ووٹ دئیے تھے۔