ARYNews.tv | Urdu – Har Lamha Bakhabar

Tag: لندن

  • وزیراعظم شاہد خاقان عباسی آج نیویارک پہنچیں گے

    وزیراعظم شاہد خاقان عباسی آج نیویارک پہنچیں گے

    نیویارک :وزیراعظم شاہد خاقان عباسی آج نیویارک پہنچیں گے جہاں وہ اکیس ستمبرکو اقوام متحدہ کی جنرل اسمبلی سے خطاب کریں گے۔

    تفصیلات کے مطابق وزیراعظم شاہد خاقان عباسی آج لندن سے نیویارک پہنچیں گے،وزیراعظم 21 ستمبرکو اقوام متحدہ کی جنرل اسمبلی سے خطاب کریں گے۔

    وزیراعظم پاکستان اپنےخطاب میں ناصرف کشمیراو میانمارکے مسئلے کواجاگر کریں گے بلکہ امریکی ڈومور کی پالیسی پربھی اپنے تحفظات کا اظہار کریں گے۔

    اقوام متحدہ میں پاکستانی مندوب ملیحہ لودھی کے مطابق وزیراعظم شاہد خاقان عباسی امریکی نائب صدر مائیک پنس کی خواہش پر ان سے ملاقات بھی کریں گے۔

    ملیحہ لودھی کا کہنا ہے کہ وزیراعظم پاکستان ترکی،ایران سمیت 9 سربراہان مملکت سےملاقات کریں گے، وزیراعظم نیویارک میں اپنے قیام کےدوران امریکی تھنک ٹینک سے بھی خطاب کریں گے۔

    سازشیں ہوتی رہتی ہیں قوموں کو متحد ہو کران کا سامنا کرنا چاہیے، وزیراعظم شاہد خاقان

    یاد رہے کہ گزشتہ روز وزیراعظم شاہد خاقان عباسی نے لندن میں نوازشریف سے ملاقات کے بعد میڈیا سے گفتگو کرتے ہوئے کہا تھا کہ سازشیں ہوتی رہتی ہیں ان سے گھبرایا نہیں جاتا بلکہ ان شازشوں کا مقابلہ کیا جاتا ہے۔

    واضح رہے کہ امریکی دورے پر بات کرتے ہوئے وزیراعظم پاکستان کا کہنا تھا کہ ٹرمپ کے بیان کا قومی سلامتی کمیٹی نےجواب دیا وہی ہماری پالیسی ہے اور ہم نے دہشت گردی کے خلاف مشترکہ کوششیں کی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لندن میٹرو دھماکہ، پولیس نے ایک مشتبہ ملزم کوگرفتارکرلیا

    لندن میٹرو دھماکہ، پولیس نے ایک مشتبہ ملزم کوگرفتارکرلیا

    لندن : گزشتہ دنوں لندن میٹرو میں ہونے والے دھماکے سے تعلق کے شبے میں پولیس نے ڈوور کے علاقے سے اٹھارہ سال کے نوجوان کو دہشت گردی ایکٹ کے تحت گرفتارکرلیا، برطانوی وزیراعظم نے مزیدحملوں کا خدشہ ظاہر کیا ہے۔

    تفصیلات کے مطابق دو روز قبل لندن میٹرو میں ہونے والے دھماکے کی تحقیقات اور ذمہ داران کی تلاش جاری ہے، پولیس نے اس سلسلے میں اٹھارہ سالہ نوجوان کو تعلق کے شبے میں حراست میں لے لیا۔

    مذکورہ نوجوان کو دہشت گردی ایکٹ کے تحت گرفتار کیا گیا ہے، دھماکے کے بعد ملک بھرمیں سیکورٹی ہائی الرٹ ہے۔ اہم مقامات پرفوجی اہلکارتعینات کردیئے گئے ہیں، لندن میں پبلک مقامات پرپولیس کا گشت بھی بڑھا دیا گیا ہے۔

    برطانوی وزیراعظم ٹریزا مے نے مستقبل میں مزید حملوں کا خدشہ ظاہر کیا ہے، ٹریزا مے اوراسکاٹ لینڈ یارڈ نے دھماکے بعد ٹرمپ کے بیان کوتنقید کا نشانہ بنایا جس کے بعد ٹرمپ نے متنازعہ ٹوئٹ واپس لے لیا۔

    مزید پڑھیں: لندن کی زیر زمین ٹرین میں دھماکہ، متعدد زخمی

    ٹرمپ کا کہنا تھا کہ ٹرین حملہ آور پولیس کی نظرمیں تھا، داعش نے لندن ٹرین حملے کی ذمہ داری قبول کرلی ہے، ۔

    واضح رہے کہ دو روز قبل برطانوی دارالحکومت لندن کے جنوبی حصے میں واقع زیر زمین ٹرین اسٹیشن پارسنز گرین انڈر گراؤنڈ میں کھڑی ٹرین میں ایک بالٹی میں رکھا گیا بم دھماکے سے پھٹ گیا جس کے نتیجے میں 20 افراد جھلس کر زخمی ہوگئےتھے۔

    پولیس کے مطابق بم کسی سپر اسٹور کے تھیلے کے اندر سفید رنگ کی بالٹی میں رکھا گیا تھا اور ابتدائی تفتیش کے مطابق بم گھریلو ساختہ تھا۔

    مزید پڑھیں: لندن دہشتگردی: رواں سال چار بڑے واقعات، 13 افراد ہلاک

    برطانوی پولیس نے واقعے کو دہشت گردی قرار دیا ہے، یاد رہے کہ گزشتہ چھ ماہ کے دوران لندن میں دہشتگردی کا یہ پانچواں واقعہ ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • لندن: وزیر اعظم شاہد خاقان عباسی اور نواز شریف کی ملاقات

    لندن: وزیر اعظم شاہد خاقان عباسی اور نواز شریف کی ملاقات

    لندن:وزیر اعظم شاہد خاقان عباسی نے برطانوی دارالحکومت لندن میں سابق وزیر اعظم نواز شریف سے ملاقات کی جس میں ملکی سیاسی صورتحال پر تبادلہ خیال کیا گیا۔

    تفصیلات کے مطابق سابق وزیر اعظم نواز شریف سے ملاقات کے لیے وزیر اعظم شاہد خاقان عباسی، اسپیکر قومی اسمبلی سردار ایاز صادق، وزیر خارجہ خواجہ آصف اور وزیر خزانہ اسحٰق ڈار آج صبح لندن میں حسن نواز کے دفتر پہنچے۔

    ذرائع کے مطابق نواز شریف سے ملاقات میں شریف خاندان کے خلاف نیب ریفرنسز اور ملکی سیاسی صورتحال کے حوالے سے مشاورت کی گئی۔

    سابق وزیر اعظم نواز شریف اور بیگم کلثوم نواز سے ملاقات کے بعد وزیر اعظم اقوام متحدہ کی جنرل اسمبلی کے اجلاس میں شرکت کے لیے وفد کے ہمراہ امریکہ روانہ ہوجائیں گے۔

    وزیر اعظم نے روانگی سے قبل جنرل اسمبلی کے اجلاس میں خطاب کے حوالے سے بھی نواز شریف سے مشاورت کی۔

    دوسری جانب دفتر خارجہ کے مطابق وزیر اعظم شاہد خاقان عباسی 18 ستمبر کو نیویارک میں شروع ہونے والے اقوام متحدہ کی جنرل اسمبلی کے 72 ویں اجلاس میں شرکت کریں گے۔

    اس دوران وزیراعظم مختلف عالمی رہنماؤں اور اقوام متحدہ کے سیکرٹری جنرل سے بھی دو طرفہ ملاقاتیں کریں گے۔

    سابق وزیر اعظم نواز شریف کے صاحبزادے حسن نواز کے دفتر میں ہونے والی اس ملاقات میں اسپیکر قومی اسمبلی سردار ایاز صادق، وزیر خارجہ خواجہ آصف، وزیر خزانہ اسحٰق ڈار بھی وزیر اعظم شاہد خاقان عباسی کے ہمراہ ہیں۔

    وزیر خارجہ خواجہ آصف کی میڈیا سے گفتگو

    سابق وزیر اعظم نواز شریف سے ملاقات کے بعد وزیر خارجہ خواجہ آصف نے میڈیا سے گفتگو کرتے ہوئے ملاقات کے بارے میں بتایا۔

    انہوں نے کہا کہ سیاسی ملاقات تھی اور سیاسی باتیں ہوئیں۔

    خواجہ آصف کا کہنا تھا کہ این اے 120 کے نتائج آنے کے بعد مزید بات کریں گے۔ انتخاب میں فتح سے ہم کنار ہوں گے۔

    ان کا کہنا تھا کہ دھاندلی کی شکایتیں آرہی ہیں، معاملہ الیکشن کمیشن میں اٹھائیں گے۔

    این اے 120 کی امیدوار بیگم کلثوم نواز کی صحت سے متعلق انہوں نے بتایا کہ کلثوم نواز کی مزید سرجری ہوئی ہے۔ وہ صحتیابی کے بعد جلد وطن واپس لوٹ آئیں گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • لندن کی زیر زمین ٹرین میں دھماکہ، متعدد زخمی

    لندن کی زیر زمین ٹرین میں دھماکہ، متعدد زخمی

    لندن: برطانوی دارالحکومت لندن کے جنوبی حصے میں واقع زیر زمین ٹرین اسٹیشن پارسنز گرین انڈر گراؤنڈ میں کھڑی ٹرین میں ایک بالٹی میں رکھا گیا بم دھماکے سے پھٹ گیا جس کے نتیجے میں 20 افراد جھلس کر زخمی ہوئے ہیں۔

    دھماکہ مقامی وقت کے مطابق 8 بج کر 20 منٹ پر پیش آیا۔ برطانوی پولیس نے واقعے کو دہشت گردی قرار دیا ہے۔

    پولیس کی جانب سے فراہم کی گئی مزید معلومات کے مطابق بم کسی سپر اسٹور کے تھیلے کے اندر سفید رنگ کی بالٹی میں رکھا گیا تھا اور ابتدائی تفتیش کے مطابق بم گھریلو ساختہ تھا۔ دھماکے کے بعد بالٹی میں آگ بھڑک اٹھی۔

    دھماکے میں 2 افراد کے شدید جھلسنے کی اطلاع ہے جبکہ مجموعی طور پر اب تک 20 افراد زخمی ہوئے ہیں جنہیں مختلف اسپتالوں کی طرف روانہ کردیا گیا ہے۔ زیادہ تر افراد کے چہروں پر زخم آئے ہیں۔

    ریسیکو ٹیمیں، پولیس اور متعدد ایمبولینسز دھماکے کے مقام پر موجود ہیں اور امدادی کارروائیاں جاری ہیں۔

    واقعے کے بعد ایجوئیر روڈ اور ومبلڈن کے درمیان ٹرین سروس معطل کردی گئی ہے۔

    برطانوی رہنماؤں کا ردعمل

    پارسنز گرین انڈر گراؤنڈ ٹیوب میں دھماکے کے بعد برطانوی وزیر اعظم تھریسا مئے نے سماجی رابطوں کی ویب سائٹ ٹوئٹر پر ٹوئٹ کرتے ہوئے زخمی ہونے والے افراد سے ہمدردی کا اظہار کیا جبکہ امدادی کارروائیوں میں مصروف اداروں کی حوصلہ افزائی بھی کی۔

    برطانوی میڈیا کے مطابق انہوں نے کابینہ کا ہنگامی اجلاس بھی طلب کرلیا ہے۔

    دوسری جانب لندن کے میئر صادق خان نے میٹرو پولیٹن پولیس کا حوالہ دیتے ہوئے اس بات کی تصدیق کی کہ مذکورہ واقعہ دہشت گردی کا شاخسانہ ہے۔

    انہوں نے کہا کہ وہ موقع پر موجود پولیس اور دیگر امدادی اداروں سے رابطے میں ہیں اور ساری صورتحال کا جائزہ لے رہے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعلیٰ پنجاب شہبازشریف لاہور پہنچ گئے

    وزیراعلیٰ پنجاب شہبازشریف لاہور پہنچ گئے

    لاہور : وزیراعلیٰ پنجاب میاں محمد شہبازشریف لندن سے وطن واپس پہنچ گئے ،شہبازشریف کلثوم نواز کی عیادت کے لیے لندن گئے تھے۔

    تفصیلات کے مطابق وزیراعلیٰ پنجاب دورہ لندن کے بعد آج صبح لاہور ایئرپورٹ پہنچے، شہباز شریف نے لندن میں بیگم کلثوم نوازکی عیادت کی۔

    وزیراعلیٰ پنجاب شہباز شریف قومی ایئرلائن کی پروازپی کے758کےذریعےآج صبح 7 بجے لندن سےلاہورپہنچے۔

    خیال رہے کہ گزشتہ ماہ کلثوم نواز کے بعد وزیراعلیٰ پنجاب شہبازشریف کے بیٹے حمزہ شہباز نجی دورے پر لندن روانہ ہوگئے تھے۔

    حمزہ شہبازشریف نجی دورے پرلندن روانہ

    لندن روانگی سے قبل پارٹی عہدیداران سے گفتگو کرتے ہوئے انہوں نے کہا کہ کلثوم نواز میری والدہ ہیں۔

    شہبازشریف کا کہنا تھا کہ الیکشن سے پہلے کلثوم نواز اور میں وطن واپس آجائیں گے اور این اے 120 کا الیکشن ہم سب کا الیکشن ہے اور ہم سب مل اس ضمنی انتخاب میں حصہ لیں گے۔

    شریف خاندان کے افراد اچانک لندن روانہ

    بعدازاں سابق وزیراعظم نوازشریف اور شہبازشریف کے اہل خانہ قومی علامہ اقبال انٹرنیشنل ایئرپورٹ سے قومی ایئرلائن کی پرواز پی کے 757 سے اچانک لندن روانہ ہوگئے تھے۔

    وزیراعلیٰ پنجاب شہبازشریف لندن روانہ

    واضح رہے کہ گزشتہ ہفتے وزیراعلیٰ پنجاب میاں محمد شہبازشریف کلثوم نواز کی عیادت کرنے کے لیے لندن روانہ ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

     

  • فاسٹ باؤلر محمد عامر بیٹی کے باپ بن گئے

    فاسٹ باؤلر محمد عامر بیٹی کے باپ بن گئے

    لندن : قومی کرکٹ ٹیم کے اسٹار کھلاڑی فاسٹ باؤلر محمد عامراور ان کی بیوی نرجس کے ہاں بیٹی کی پیدائش ہوئی ہے۔

    تفصیلات کے مطابق قومی کرکٹ ٹیم کے فاسٹ باؤلر محمد عامر نےبیٹی کی پیدائش پرخوشی کا اظہار کرتے ہوئے سماجی رابطے کی ویب سائٹ ٹویٹر پر اپنےفینز کواس خبر کی اطلاع دی۔

    فاسٹ باؤلرمحمد عامر نے کہا ہے کہ شکر الحمد اللہ، اللہ تعالیٰ نے رحمت سے نوازا ہے اور اس کے ساتھ ہی انہوں نے اپنی بیٹی کی تصویرشیئر کی۔

    ذرائع کےمطابق فاسٹ باؤلر محمد عامر ورلڈا لیون کےخلاف پہلے میچ میں حصہ نہیں لے گے لیکن وہ دوسرے میچ میں ٹیم کاحصہ ہوں گے۔

    واضح رہے کہ ورلڈ الیون اور پاکستان کے درمیان پہلا ٹی ٹوئنٹی میچ 12 ستمبر کو کھیلا جائے گا جبکہ دوسرا اور تیسرا میچ 15،13 کھیلا جائے گا۔ پاکستانی وقت کے مطابق میچز رات 7 بجے شروع ہوں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • شہبازشریف اگلےہفتےلندن سے وطن واپس پہنچیں گے

    شہبازشریف اگلےہفتےلندن سے وطن واپس پہنچیں گے

    لاہور: وزیراعلیٰ پنجاب شہباز شریف 12 ستمبر کو لندن سے وطن واپس پہنچیں گے،شہبازشریف کلثوم نواز کی عیادت کے لیے لندن گئے تھے۔

    تفصیلات کے مطابق وزیراعلیٰ پنجاب 12 ستمبر کو پی آئی اے کی پرواز پی کے 758 سے وطن واپس آئیں گے۔ پی آئی اے کی پرواز پی کے 758منگل کو صبح 8:20 پرلاہورایئرپورٹ لینڈ کرے گی۔

    خیال رہے کہ گزشتہ ماہ کلثوم نواز کے بعد وزیراعلیٰ پنجاب شہبازشریف کے بیٹے حمزہ شہباز نجی دورے پر لندن روانہ ہوگئے تھے۔

    حمزہ شہبازشریف نجی دورے پرلندن روانہ

    لندن روانگی سے قبل پارٹی عہدیداران سے گفتگو کرتے ہوئے انہوں نے کہا کہ کلثوم نواز میری والدہ ہیں۔

    شہبازشریف کا کہنا تھا کہ الیکشن سے پہلے کلثوم نواز اور میں وطن واپس آجائیں گے اور این اے 120 کا الیکشن ہم سب کا الیکشن ہے اور ہم سب مل اس ضمنی انتخاب میں حصہ لیں گے۔

    شریف خاندان کے افراد اچانک لندن روانہ

    بعدازاں سابق وزیراعظم نوازشریف اور شہبازشریف کے اہل خانہ قومی علامہ اقبال انٹرنیشنل ایئرپورٹ سے قومی ایئرلائن کی پرواز پی کے 757 سے اچانک لندن روانہ ہوگئے تھے۔

    وزیراعلیٰ پنجاب شہبازشریف لندن روانہ

    واضح رہے کہ چار روز قبل وزیراعلیٰ پنجاب میاں محمد شہبازشریف کلثوم نواز کی عیادت کرنے کے لیے لندن روانہ ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • تحریک انصاف کےسربراہ عمران خان لندن روانہ

    تحریک انصاف کےسربراہ عمران خان لندن روانہ

    اسلام آباد: پاکستان تحریک انصاف سربراہ عمران خان لندن روانہ ہوگئے،چیئرمین پی ٹی آئی کے ہمراہ عثمان ڈار بھی ہیں۔

    تفصیلات کے مطابق چیئرمین پاکستان تحریک انصاف عمران خان لندن روانہ ہوگئے، عمران خان کے ہمراہ ان کے دونوں صاحبزادے سلمان اور قاسم بھی ہیں۔

    چیئرمین پی ٹی آئی عمران خان لندن میں 4 سے 5 روز قیام کریں گے اور ان کے ہمراہ پارٹی رہنما عثمان ڈار بھی ہیں‌۔

    این اے 120کے ضمنی انتخاب میں ملک کے مستقبل کا فیصلہ ہوگا، عمران خان

    خیال رہے کہ گزشتہ روز پاکستان تحریک انصاف کے سربراہ عمران خان کا کہنا تھا کہ این اے 120 کے ضمنی انتخاب میں پاکستان کا فیصلہ ہوگا۔

    عمران خان کا کہنا تھا کہ لوگ ووٹ دے کر سب سے بڑے چور کا احتساب کرنے پرسپریم کورٹ کا شکریہ ادا کریں گے، نوازشریف کو ووٹ دینے والے پہلے بار بار سوچیں۔

    یاد رہے کہ سابق وزیراعظم نوازشریف اپنی اہلیہ کی بیماری کے باعث لندن میں مقیم ہیں جبکہ وزیراعلیٰ پنجاب شہبازشریف اور ان کے صاحبزادے حمزہ شریف بھی لندن میں ہیں۔

    واضح رہے کہ تحریک انصاف کے رہنما شاہ محمود قریشی، نعیم الحق اور عوامی مسلم لیگ کے سربراہ شیخ رشید بھی لندن میں ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مضبوط افغانستان خوشحال پاکستان کا ضامن ہے‘ جنرل زبیرمحمودحیات

    مضبوط افغانستان خوشحال پاکستان کا ضامن ہے‘ جنرل زبیرمحمودحیات

    لندن : چیئرمین جوائنٹ چیفس آف اسٹاف کمیٹی جنرل زبیر محمود حیات کا کہنا ہے کہ پرامن افغانستان پاکستان کے بہترین مفاد میں ہے۔

    تفصیلات کے مطابق لندن میں ورلڈ کانگریس آف اوورسیزپاکستانیزکے تحت تقریب کا انعقاد ہوا جس میں برطانیہ سمیت مختلف ممالک کے عسکری اور سویلین حکام نے شرکت کی۔

    چیئرمین جوائنٹ چیفس آف اسٹاف کمیٹی جنرل زبیرحیات تقریب کے مہمان خصوصی تھے۔

    چیئرمین جوائنٹ چیفس آف اسٹاف کمیٹی جنرل زبیر محمود حیات نے کہا کہ مضبوط افغانستان خوشحال پاکستان کا ضامن ہے۔

    انہوں نے کہا کہ پاک فوج نے دہشت گردی کے خلاف دنیا کی سب سے بڑی جنگ لڑی ہے۔

    جنرل زبیر محمود حیات کا تقریب سے خطاب کرتے ہوئے کہنا تھا کہ پاک فوج نےعوام کی مدد سے دہشت گردی کو شکست دی ہے۔

    چیئرمین جوائنٹ چیفس آف اسٹاف کمیٹی جنرل زبیر محمود حیات نے کہا کہ بھارت کشمیر سے توجہ ہٹانے کے لیے ایل او سی پر جارحیت کرریا ہے اور عام شہریوں کو نشانہ بنا رہا ہے۔

    پاک چین اقتصادی راہداری منصوبے سے متعلق جنرل زبیرمحمود حیات کا کہنا تھا کہ سی پیک منصوبہ پاکستان کی تاریخ بدل دے گا۔

    بہت ڈو مور کرلیا، اب دنیا ڈو مور کرے، آرمی چیف

    یاد رہے کہ 6 ستمبر کو آرمی چیف جنرل قمر جاوید باجوہ کا کہنا تھا کہ افغانستان کی جنگ پاکستان میں نہیں لڑ سکتے، بہت ڈو مور کرلیا اب دنیا ڈو مور کرے،عالمی طاقتیں اپنی ناکامیوں کا ذمہ دار ہمیں نہ ٹھہرائیں۔

    افغانستان کا امن خطے کی سلامتی کےلیے بہت اہم ہے‘ خواجہ آصف

    واضح رہے کہ گزشتہ روز وزیرخارجہ خواجہ آصف کا کہنا تھا کہ چین اور پاکستان اس بات پر متفق ہیں کہ افغانستان میں امن سے ہی خطے میں امن لایا جا سکتا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شریف خاندان کے افراد اچانک لندن روانہ

    شریف خاندان کے افراد اچانک لندن روانہ

    لاہور: سابق وزیراعظم نوازشریف اور وزیراعلٰٰیٰ پنجاب شہبازشریف کے بچے اچانک لندن روانہ ہوگئے۔

    تفصیلات کے مطابق سابق وزیراعظم نوازشریف اور شہبازشریف کے اہل خانہ قومی علامہ اقبال انٹرنیشنل ایئرپورٹ سے قومی ایئرلائن کی پرواز پی کے 757 سے اچانک لندن روانہ ہوگئے۔

    شریف خاندان کے لندن جانے والے افراد میں نوازشریف کی بیٹی اور اسحاق ڈار کی بہو اسماء علی، شہبازشریف کی بیٹی، حمزہ شہباز کے بیوی بچے اورشہباز شریف کے صاحبزادے سلیمان شہباز شامل ہیں۔

    خیال رہے کہ چار روز قبل وزیراعلیٰ پنجاب شہبازشریف کے صاحبزادے اور رکن اسمبلی حمزہ شہباز نجی دورے پر لندن روانہ ہوگئے تھے۔

    حمزہ شہبازشریف نجی دورے پرلندن روانہ

    لندن روانگی سے قبل پارٹی عہدیداران سے گفتگو کرتے ہوئے رکن قومی اسمبلی شہبازشریف کا کہنا تھا کہ کلثوم نواز میری والدہ ہیں۔

    حمزہ شہبازشریف کا کہنا تھا کہ الیکشن سے پہلے کلثوم نواز اور میں وطن واپس آجائیں گے اور این اے 120 کا الیکشن ہم سب کا الیکشن ہے اور ہم سب مل اس ضمنی انتخاب میں حصہ لیں گے۔

    کلثوم نواز گلے کے کینسر میں مبتلا

    یاد رہے کہ گزشتہ دنوں سابق وزیراعظم نواز شریف کی اہلیہ اور این اے 120 سے امیدوار برائے قومی اسمبلی کلثوم نواز کی برطانیہ میں ہونے والے طبی جانچ پڑتال میں گلے کے کینسرکی تشخیص ہوئی تھی۔

    وزیراعلیٰ پنجاب کا کلثوم نوازکےلیے نیک تمناؤں کا اظہار

    واضح رہے کہ تین روزقبل وزیراعلیٰ پنجاب شہبازشریف نے کلثوم نواز کے لیے نیک تمناؤں کا اظہارکرتے ہوئے کہا تھا کہ کلثوم بھابھی کی صحت یابی کے لیے دعاگو ہوں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔