Tag: لندن

پی آئی اے پریمیئر سروس کی پہلی پرواز ہیتھرو ایئرپورٹ پہنچ گئی

لندن : پاکستان انٹرنیشنل ایئر لائنز کی نئی پریمیئر سروس کی پہلی پرواز لندن کے ہیتھرو ائیرپورٹ پہنچ گئی.

تفصیلات کے مطابق پاکستان انٹرنیشنل ایئر لائنز کی نئی پریمیئر سروس کی پہلی پرواز پی کے سیون ایٹ فائیو لندن کے ہیتھرو ایئرپورٹ پہنچ گئی.

لندن کے ہیتھرو ایئروپورٹ پر مسافروں نے پی آئی اے پریمیئر سروس کوشاندار قرار دیا.

یاد رہے لہ گزشتہ روز وزیراعظم نواز شریف نے یوم آزادی کے موقع پر پاکستان انٹر نیشنل ایئر لائنز (پی آئی اے) پریمیئر سروس کا افتتاح کیا تھا.

پی آئی اے پریمیئر سروس کی افتتاحی تقریب میں وزیراعظم نواز شریف کے علاوہ پی آئی اے اور سری لنکن ایئرلائن کے سربراہان بھی شریک تھے.

پریمیئر سروس کی افتتاحی پرواز کے مسافروں کے لیے لیموزین سروس بھی مفت میں فراہم کی گئی.لیموزین سروس ایئرپورٹ سے 25 کلومیٹر تک کے فاصلے کے لیے ہے اور یہ بزنس کلاس کے مسافروں کے لیے تھی.

خیال رہے کہ پریمیئر سروس کے لیے پی آئی اے نے سری لنکن ایئرلائنز سے انتہائی مہنگے داموں کرائے پر3 ایئربس 330 طیارے حاصل کیے گئے ہیں.یہ طیارے ویٹ لیز پر حاصل کیے گئے ہیں،یعنی ان طیاروں کو سری لنکن عملہ ہی آپریٹ کرے گا.

ذرائع کے مطابق ایئر بس 330 طیارہ ایک دن میں 11 گھنٹے فلائنگ کرے گا جبکہ یومیہ فلائنگ پر پی آئی اے کو 88 ہزار ڈالر فی طیارہ کرایہ ادا کرنا پڑے گا،اس طرح 3 طیاروں کا کرایہ یومیہ 2 لاکھ 64 ہزار ڈالر ہوگا.

واضح رہے کہ پی آئی اے پہلے ہی اربوں روپے کے خسارے کا شکار ہے،جبکہ بورڈ آف ڈائریکٹرز کے اجلاس میں بھی طیاروں پر اضافی اخراجات پر تنقید کی گئی تھی.

اگست 15, 2016
لندن،مسلح شخص نے ایک خاتون کو ہلاک اور پانچ کو زخمی کردیا

لندن : رسل اسکوائر میں 19 سالہ مسلح شخص نے چاقو کے حملے کر کے ایک خاتون کو ہلاک جب کہ پانچ افراد کو زخمی کردیا۔

لندن پولیس کے مطابق یہ واقعہ گزشتہ روز لندن کے علاقے رسل سکوائر میں پیش آیا جہاں مسلح شخص نے شہریوں کو چاقو سے نشانہ بنایا،چاقو کے وار سے چھ افراد زخمی ہو گئے جنہیں فوری طبی امداد کے لیے قریبی اسپتال منتقل کر دیا گیا جہاں ایک خاتون زخموں کی تاب نہ لاتے ہوئے دورانِ علاج جاں بحق ہو گئی۔

پولیس نے فوری کارروائی کرتے ہوئے انیس سالہ حملہ آور کو گرفتار کرکے آلہ قتل تحویل میں لے لیا اور ابتدائی شواہد اکھٹے کر لیے ہیں ملزم سے تا حال تھانے میں تفتیش جاری ہے پولیس کا کہنا ہے کہ حملے کی وجہ معلوم کی جا رہی ہے تا ہم ہو سکتا کہ ملزم نفسیاتی مرض میں مبتلا ہو جو اس واقعے کا محرک بنا۔

دوسری جانب میٹرو پولیٹن پولیس کا کہنا ہے کہ واقعے کے بعد لندن میں سیکورٹی بڑھا دی گئی ہے حملے کی وجہ معلوم کی جا رہی ہے تاہم دہشت گردی بھی ایک محرک ہو سکتا ہے جب کہ عینی شاہدین کا کہنا ہے کہ پولیس نے جائے وقوعہ سے قریب ایک فورینسک کیمپ بھی قائم کر لیا ہے۔

اگست 4, 2016
ناچتا گاتا شاہی خاندان

برطانیہ کے لوگ اپنی تہذیب اور رکھ رکھاؤ کے باعث مشہور ہیں۔ خصوصاً اگر بات شاہی خاندان کی ہو تو ان کی تہذیب کا کسی سے کوئی مقابلہ نہیں۔

لیکن اگر آپ سمجھتے ہیں کہ شاہی خاندان روایات اور تہذیب کے دائرے میں اس قدر جکڑا ہوا ہے کہ وہ زندگی سے لطف اندوز نہیں ہوتا، تو آپ غلط ہیں۔ شاہی خاندان کے افراد دنیا کے جس خطے میں بھی جاتے ہیں وہ وہاں کی تہذیب و روایات کا عکس ضرور اپناتے ہیں۔

وہ کہیں جا کر وہاں کے روایتی لباس بھی زیب تن کرتے ہیں، وہاں کا ثقافتی رقص بھی کرتے ہیں، اور وہاں کے مقامی کھانے بھی کھاتے ہیں۔

ہم نے برطانوی شاہی خاندان کی کچھ ایسی ہی تصاویر اکٹھی کی ہیں جن میں وہ ناچتے گاتے اور زندگی سے لطف اٹھاتے نظر آرہے ہیں۔ ان تصاویر میں ہر شخص شاہی آداب کے مطابق اپنے مخصوص لباس میں ہے لیکن یہ لباس بھی انہیں ناچنے سے نہیں روک سکے۔

ملکہ الزبتھ اور شہزادہ فلپ ۔ نومبر 1967، مالٹا

شہزادہ چارلس ۔ نمبر 2012، نیوزی لینڈ

شہزادہ ہیری ۔ جون 2014، چلی

شہزادہ ولیم اور کیٹ مڈلٹن ۔ 2012، براعظم اوشنیا کے ملک توالو میں

ملکہ الزبتھ اور ایئر مارشل سر جان بالدوین ۔ نومبر 1954، لندن

شہزادی ڈیانا اور امریکی اداکار جان ٹروولٹا ۔ نومبر 1985، وائٹ ہاؤس امریکا

شہزادہ چارلس ۔ مارچ 2009، برزایل

ولیم اور ہیری، لیسوتھو کے ولی عہد کے ساتھ ۔ جون 2010

شہزادہ چارلس کی اہلیہ کمیلا پارکر ۔ نومبر 2012، نیوزی لینڈ

شہزادہ چارلس ۔ فروری 2000، گھانا

شہزادہ ولیم ایک تقریب کے دوران، پس منظر میں ان کی اہلیہ خوشگوار موڈ میں ۔ دسمبر 2011، لندن

ملکہ الزبتھ اور گھانا کے صدر ۔ 1961

شہزادہ چارلس اور شہزادی ڈیانا ۔ مارچ 1983، آسٹریلیا

شہزادہ چارلس ۔ نومبر 2014، میکسیکو

اگست 2, 2016
برطانیہ میں پلاسٹک بیگ کا استعمال ختم کرنے کے لیے انوکھا قانون

لندن: برطانیہ میں سپر مارکیٹس میں استعمال ہونے والے پلاسٹک بیگز پر حکومت کی جانب سے قیمت وصول کی جانے لگی جس کے بعد رواں برس پلاسٹک بیگز کے استعمال میں 85 فیصد کمی دیکھی گئی۔

یہ اقدام ماحول کو پلاسٹک سے درپیش خطرات اور اس کے نقصانات کو مدنظر رکھتے ہوئے گزشتہ برس اکتوبر میں اٹھایا گیا۔ ایک پلاسٹک بیگ کی قیمت 5 پاؤنڈ رکھی گئی تھی اور یہ قانون تجرباتی طور پر لندن کی 7 بڑی سپر مارکیٹوں پر نافذ کیا گیا۔

اس سے قبل ان سپر مارکیٹس نے اپنے گاہکوں کے استعمال کے لیے 7 بلین کے قریب پلاسٹک بیگز بنوائے لیکن اس اقدام کے صرف 6 ماہ بعد ان سپر اسٹورز نے صرف 5 ملین بیگز ہی منگوائے جس سے ظاہر ہوتا ہے کہ قیمت کی وصولی کے باعث گاہکوں نے شاپنگ بیگ لینا چھوڑ دیا۔

یہ اعداد و شمار برطانیہ کے شعبہ برائے ماحولیات، غذا اور دیہی امور ڈیفرا کی جانب سے جاری کیے گئے۔

صرف 6 ماہ قبل اٹھایا جانے والا یہ قدم صرف سپر مارکیٹس کے لیے تھا۔ چھوٹی دکانیں اس سے مستشنیٰ تھیں۔

برطانیہ کے وزیر ماحولیات تھریس کوفے نے اس بارے میں گفتگو کرتے ہوئے کہا کہ پلاسٹک بیگز کے استعمال میں 6 بلین کی کمی ایک خوش آئند بات ہے۔ اس سے ہماری سمندری حیات کو نقصان پہنچنے کا خدشہ بھی کم ہوگا، جبکہ ہمیں ایک صاف ستھرا ماحول میسر ہوگا۔

انہوں نے کہا کہ یہ ایک مثال ہے کہ ایک چھوٹے سے قدم سے آپ کتنی بڑی تبدیلی لاسکتے ہیں۔

اس سے قبل برطانیہ میں پلاسٹک بیگز کے استعمال کی شرح 140 فی شخص ماہانہ تھی، جبکہ اس کی کل مقدار 61000 ٹن تھی۔ ایک ہفتہ میں ان 7 سپر اسٹورز سے 3 ملین پلاسٹک بیگز گاہکوں کو دیے جاتے تھے۔

واضح رہے کہ پلاسٹک ایک ایسا مادہ ہے جسے ختم ہونے یا زمین کا حصہ بننے کے لیے ہزاروں سال درکار ہوتے ہیں۔ یہی وجہ ہے کہ یہ ماحول، صفائی اور جنگلی حیات کے لیے ایک بڑا خطرہ تصور کیا جاتا ہے۔

ساحلوں پر پھینکی جانے والی پلاسٹک کی بوتلیں اور تھیلیاں سمندر میں چلی جاتی ہیں جس سے سمندری حیات کی بقا کو سخت خطرات لاحق ہوتے ہیں۔ اکثر سمندری جانور پلاسٹک کے ٹکڑوں میں پھنس جاتے ہیں اور اپنی ساری زندگی نہیں نکل پاتے۔ اس کی وجہ سے ان کی جسمانی ساخت ہی تبدیل ہوجاتی ہے۔

کچھ سمندری حیات پلاسٹک کو کھا بھی لیتی ہیں جس سے فوری طور پر ان کی موت واقع ہوجاتی ہے۔

ماہرین پلاسٹک بیگ کے متبادل کے طور پر کپڑے کے تھیلے استعمال کرنے کی تجویز دیتے ہیں جو کافی عرصہ تک استعمال کیے جاسکتے ہیں۔

جولائی 30, 2016
نسلی تعصب انسانی صحت کے لیے نقصان دہ،تحقیق

لندن : برطانوی ماہرین کا کہنا ہے کہ مسلسل نسلی تعصب کا سامنا کرنے والوں کی جسمانی اور دماغی صحت دونوں کو شدید نقصان پہنچتا ہے،جس سےان کی صلاحیتیں متاثر ہوتی ہیں.

تفصیلات کے مطابق برطانیہ کی مانچسٹر یونیورسٹی میں ہونے والی تحقیق کے دوران ماہرین نے ایسے افراد کا مطالعہ کیا جنہیں ایک طویل عرصے تک نسلی تعصب کے باعث احساسِ عدم تحفظ کا سامنا رہا.

ماہرین کا کہنا تحقیق میں نسلی تعصب کے واقعات سے متعلق پانچ سالہ اعداد و شمار کا جائزہ لیا گیا جس سے معلوم ہوا کہ برطانیہ میں مقیم،اقلیتی نسلوں کے وہ افراد جنہیں کسی نہ کسی صورت میں مسلسل تعصب کا سامنا رہا،ان میں نفسیاتی مسائل کی شرح ان اقلیتی افراد سے کہیں زیادہ تھی جنہیں ایسے تعصبات کا سامنا نہیں کرنا پڑا.

تحقیق میں یہ تشویش ناک پہلو بھی سامنے آیا کہ ایک بار نسلی تعصب کا سامنا ہونے پر اس کے نفسیاتی اثرات ایک طویل عرصے تک برقرار رہتے ہیں اور جسمانی صحت کو بھی متاثر کرتے ہیں.

جولائی 30, 2016
برطانوی شہزادے ہیری کا ایچ آئی وی ٹیسٹ

جوہانسبرگ: ساؤتھ افریقہ کے شہر ڈربن میں ایچ آئی وی ایڈز کے بارے میں معلومات اور آگہی کے لیے ایک بین الاقوامی کانفرنس کا انعقاد کیا گیا۔ کانفرنس میں دنیا بھر سے 18 ہزار سائنسدانوں، سیاستدانوں اور سماجی کارکنان نے شرکت کی۔ اس سے چند روز قبل برطانیہ کے شہزادہ ہیری بھی ایڈز سے آگہی کے لیے اپنا ایچ آئی وی ٹیسٹ کروا چکے ہیں۔

کانفرنس ’ایڈز 2016‘ میں اقوام متحدہ کے عہدیداروں نے بھی شرکت کی۔

یونیسف کے سربراہ انتھونی لیک نے اس موقع پر بتایا کہ افریقہ میں رہنے والے 10 سے 19 سال کے افراد میں موت کی ایک بڑی وجہ ایڈز ہے۔ انہوں نے اعتراف کیا کہ گو کہ عالمی طور پر اس سے بچاؤ کے لیے بے شمار اقدامات کیے جاچکے ہیں لیکن ابھی بھی اس وائرس سے بچوں اور بڑوں کو خطرہ ہے۔

یونیسف کی ایک رپورٹ کے مطابق سن 2000 سے دنیا بھر میں ایڈز سے متاثر ہونے والے 15 سے 19 سال کی عمر کے افراد میں دگنا اضافہ ہوچکا ہے۔ اس میں 65 فیصد تعداد لڑکیوں کی ہے جو اس حوالے سے زیادہ خطرات کا شکار ہیں۔

سال 2015 میں کیے جانے والے ایک سروے کے مطابق افریقہ میں ہر 4 میں سے 3 لڑکیاں ایچ آئی وی وائرس کا شکار نکلیں۔

اسی سال کیے جانے والے ایک اور سروے میں 16 ممالک کے 52 ہزار نوجوانوں کو شامل کیا گیا۔ ان میں سے 68 فیصد نوجوانوں نے ایچ آئی وی ٹیسٹ کروانے سے انکار کردیا کیونکہ یا تو وہ اس کی مثبت رپورٹ آنے سے ڈر رہے تھے یا ایڈز کے حوالے سے پائے جانے والے سماجی رویے سے خوفزدہ تھے۔

دوسری جانب لندن میں شہزادہ ہیری نے بھی اپنا ایچ آئی وی ٹیسٹ کروایا جو منفی نکلا۔ وہ ایچ آئی وی کے خلاف چلائی جانے والی ایک آگاہی مہم کا حصہ ہیں اور یہ ٹیسٹ اسی مہم کی ایک کڑی ہے۔

It’s quick, free and easy! Join Prince Harry and get tested →

Find HIV testing near you: https://t.co/Jguzs2TOFZ https://t.co/SdOSJ9sgKF

— Kensington Palace (@KensingtonRoyal) July 14, 2016

ٹیسٹ کے بعد انہوں نے بتایا کہ رپورٹ آنے سے قبل وہ ہچکچاہٹ کا شکار تھے اور تھوڑے خوفزدہ بھی تھے کہ ان کی کیا رپورٹ آئے گی۔ تاہم ٹیسٹ کی منفی رپورٹ آنے کے بعد انہوں نے سکھ کا سانس لیا۔

شہزادہ ہیری کے ایچ آئی وی ٹیسٹ کروانے کا مقصد دراصل یہ باور کروانا تھا کہ یہ ٹیسٹ نہایت ہی سادہ، آسان اور کم وقت میں بغیر کسی تکلیف کے کیا جاسکتا ہے۔ اس ٹیسٹ کے ذریعہ انہوں نے لوگوں کو ترغیب دی کہ وہ بھی اپنا ایچ آئی وی ٹیسٹ کروائیں تاکہ مستقبل میں کسی بھی قسم کی پیچیدگیوں سے بچا جا سکے۔

ڈربن میں ہونے والی ایڈز کی عالمی کانفرنس 17 سے 22 جولائی تک جاری رہے گی۔

جولائی 18, 2016
لارڈز ٹیسٹ، 20 برس بعد پاکستان کی تاریخی فتح، انگلینڈ کو 75 رن سے شکست

لندن: لارڈز میں ہونے والے پہلے ٹیسٹ میچ میں پاکستانی ٹیم نے میزبان انگلینڈ کو 75 رنز سے شکست دے کر بیس برس بعد تاریخی کامیابی حاصل کرلی۔

تفصیلات کے مطابق انگلینڈ کے گرائونڈ لارڈز میں ہونے والے ٹیسٹ میچ میں پاکستانی بالرز انگلینڈ کے بلے بازوں کو پویلین بھیجنے میں کامیاب ہوگئے ہیں اور تاریخی فتح کو اپنے نام کرلیا۔

پاکستان ٹیم کی جانب سے انگلینڈ کی ٹیم کو جیت کے لیے 283 رن کا ٹارگٹ دیا گیا تھا، انگلینڈ نے ہدف کے تعاقب میں اپنی دوسری اننگ شروع کی تو ابتدا میں ہی اس کے بلے بازوں کو مشکلات کا سامنا کرنا پڑا۔

انگلینڈ کے کپتان کُک سمیت منجھے ہوئے بلے باز روٹ سمیت تین کھلاڑیوں کو پاکستانی فاسٹ بولر نے اپنا نشانہ بناکر پویلین بھیجا، بعد ازاں لیگ اسپینر یاسر شاہ نے دوسری اننگ میں 4کھلاڑیوں جبکہ محمد عامر نے بھی انگلینڈ کے بلے بازوں کو پویلین کی راہ دکھائی۔

اس موقع پر پاکستانی فاسٹ بالر محمد عامر نے شاندار بالنگ کا مظاہرہ کیا جبکہ لیگ اسپینر یاسر شاہ پہلے ٹیسٹ میں 10 وکٹیں لینے میں کامیاب ہوئے، پاکستانی فاسٹ بالر راحت علی نے بھی تباہ کن بالنگ سے پاکستانی ٹیم کو فتح دلائی۔

اس موقع پر پوری پاکستانی ٹیم نے مصباح الحق کے اسٹائل میں ملٹری ٹرینرز کو پش اپس لگا کر سلیوٹ پیش کیا، چار ٹیسٹ میچز کی سیریز میں پاکستان کو ایک کے مقابلے میں صفر کی برتری حاصل ہوگئی۔

Fair play to @TheRealPCB who played some excellent cricket and good celebrations too. #EngvPak https://t.co/czkHg2bFsu

— England Cricket (@englandcricket) July 17, 2016

یاد رہے کہ لارڈز کے ٹیسٹ میں پاکستان کی انگلینڈ کی سرزمین پر یہ بیس سال بعد اور مصباح الحق کی کپتانی میں 21 ویں فتح ہے۔

فتح کے بعد بات کرتے ہوئے کپتان مصباح الحق کا کہنا تھا کہ آج کی فتح میرے کیرئیر کی بہترین فتح ہے، محمد عامر اب اچھا بچہ بن گیا ہے ، اُس نے ثابت کردیا کہ وہ بہت آگے جائے گا،اسپاٹ فکسنگ کے واقعے کے بعد محمد عامر کے لیے بہت مشکلات پیدا ہوگئی تھیں تاہم اب عامر کی کارکردگی کا رخ تبدیل ہوگیا ہے، پاکستانی کرکٹ ٹیم نے کرکٹ کی گرتی ہوئی ساکھ کو بحال کیا، یاسر شاہ نے توقعات کے مطابق کارکردگی دکھائی اور یہ ان کی تاریخی کارکردگی ہے۔

مین آف دی میچ قرار پانے والے یاسر شاہ نے کہا کہ بالنگ کے بعد اب بیٹنگ میں بھی اچھی کارکردگی دکھانے کی کوشش کی، اچھی بیٹنگ کرنے آیا تھا تاہم افسوس ہوا کہ کامیاب نہ ہوا،میں نے صرف بولنگ پر دھیان دیا، مجھے ٹیم کے تمام افراد نے سپورٹ کیا جس کی وجہ سے میری کارکردگی بہتر ہوئی۔ انہوں نے مزید کہا کہ میں بہت خوش قسمت ہوں کہ لارڈز جیسے گراؤنڈ میں ایک بڑا ریکارڈ بنایا، میری خوش نصیبی یہ ہے کہ مجھے مشتاق احمد جیسے ٹرینر ملے۔

دریں اثنا بحریہ ٹائون کے سربراہ ملک ریاض کی جانب سے قومی کرکٹ ٹیم کے لیے پچاس ہزا ر پاونڈ انعام کا اعلان کردیا گیا۔

چیئرمین تحریک انصاف عمران خان نے پاکستانی ٹیم کو فتح کی مبارک باد دیتے ہوئے کہا ہے کہ قومی ٹیم کی فتح کی وجہ میں مصباح الحق کی حکمت عملی شامل ہے، جماعت اسلامی کے سربراہ سراج الحق نے بھی قومی ٹیم کو مبارک باد پیش کی ہے۔

جولائی 17, 2016
لندن : ٹیسٹ کرکٹ کا123 سالہ پرانا ریکارڈ یاسر شاہ کے نام

لندن: پاکستان کے لیگ اسپنر یاسر شاہ نے لارڈز ٹیسٹ میں آسٹریلیا کے سابق باؤلر چارلی ٹرنر کا تیرہ ٹیسٹ میچوں میں سب سے زیادہ وکٹیں لینے کا 123 سالہ پرانا ریکارڈ اپنے نام کرلیا.

تفصیلات کے مطابق انگلینڈ کے خلاف سیریز کے پہلے میچ کی پہلی اننگز میں یاسر شاہ نے چھ وکٹیں حاصل کرکے ٹیسٹ کرکٹ میں 82 وکٹیں حاصل کرلی جو جو کہ چارلی ٹرنر سے ایک وکٹ زیادہ ہے جبکہ اس برتری میں مزید اضافہ کرنےکے لیےان کے پاس ابھی دوسری اننگز باقی ہے.

یاسر شاہ کو ٹیسٹ کرکٹ میں تیزترین 100 وکٹیں حاصل کرنے کے لیے مزید 5 اننگز میں 18 وکٹیں درکار ہیں.

انگلینڈ ٹیم کے سابق باؤلر جارج لوہمین نے 120 سال قبل 16 میچوں میں یہ سنگ میل عبور کیا تھا جو تاحال ایک ریکارڈ ہے.

یاد رہے کہ یاسر شاہ نے اکتوبر 2014 میں آسٹریلیا کے خلاف ٹیسٹ کرکٹ میں ڈیبو کیا تھا جس کے بعد انہوں نے تیز ترین 50 وکٹیں حاصل کرنے کا ریکارڈ بھی بنایا تھا.

لیگ اسپنر نے اپنے 13 میچوں میں 5 دفعہ ایک اننگز میں 5 وکٹیں حاصل کرنے کا اعزاز حاصل کیا، لارڈز ٹیسٹ میں گزشتہ روزن انھوں نے 5 وکٹیں حاصل کر کے اعزازی بورڈ میں اپنا نام درج کرادیا۔

واضح رہے ٹیسٹ کرکٹ میں تیز ترین 100 وکٹیں حاصل کرنے والے باؤلرز میں دوسرے نمبر پر آسٹریلیا کے چارلی ٹرنر، کلیری گریمٹ اور انگلینڈ کے سڈ بیرنس ہیں جنہوں نے 17 میچوں میں یہ ریکارڈ بنایا جبکہ ہندوستان کے روی ایشون 18 میچوں میں 100 وکٹیں لینے والے تیسرے باؤلر ہیں،جبکہ پاکستان ٹیم کے سعید اجمل 19 میچوں میں 100 وکٹیں حاصل کرنے والے چوتھے باؤلر ہیں.

جولائی 17, 2016
لارڈز ٹیسٹ کا تیسرا دن، پاکستان کے 214 رنز، 8 کھلاڑی آؤٹ

لندن : لارڈز ٹیسٹ میں انگلینڈ کی ٹیم مشکلات کا شکار ہوگئی۔ پاکستان کو انگلینڈ کے خلاف دوسو اکیاسی رنز کی برتری حاصل ہوگئی۔ کھیل کے اختتام پر پاکستان نے آٹھ وکٹ پر دو سو چودہ رنز بنالیے اور اس کی دو وکٹیں باقی ہیں۔

تفصیلات کے مطابق پاکستان اورانگلینڈ کی کرکٹ ٹیموں کے درمیان جاری لارڈ ٹیسٹ کے تیسرے دن کے اختتام پر دوسری اننگز میں پاکستان نے آٹھ وکٹوں کے نقصان پر دوسو چودہ رنز بنا لیے۔

پاکستان کو مجموعی طور پر دوسو اکیاسی رنز کی برتری حاصل ہے۔ دوسرےروز انگلینڈ نے پہلی نامکمل اننگز شروع کی تو بلے بازصرف انیس رنز کا اضافہ کرسکے۔

انگلینڈ کی پوری ٹیم دو سو باہتر رنز پر آؤٹ ہوگئی۔ پاکستان کو پہلی اننگز میں سرسٹھ رنزکی برتری ملی، برتری کے باوجود بلےباز دغا دے گئے۔

محمد حفیظ کھاتہ ہی نہ کھول سکے، شان مسعود اوراظہرعلی ایک بارپھرفلاپ رہے۔ پہلی اننگز کےہیرو مصباح الحق دوسری اننگز میں زیرو پر آؤٹ ہوئے۔ مصباح الحق سنچری اورصفر پر آؤٹ ہونےوالے پاکستان کے پہلے کپتان ہیں۔

لڑکھڑاتی بیٹنگ لائن کو یونس اوراسد شفیق نے سہارا دیا۔ یونس پچیس رنز پر معین علی کی گیند پربولڈ ہوگئے۔ پہلی اننگز کے بعد دوسری اننگز میں بھی اسد شفیق ففٹی بنانےوالے تھے لیکن ووکس نے انہیں انچاس رنز پربولڈ کردیا۔

کھیل کےاختتام پرکرس ووکس نے دو اہم وکٹیں دلوا کر دوسری اننگز میں بھی پانچ وکٹیں لیں۔ پاکستان کی برتری دو سو اکیاسی رنزکی ہوگئی ہے۔ پاکستان کے بیس رنز اور بن گئے تو انگلینڈ کے لئے ہدف کا حصول مشکل ہوگا۔

جولائی 17, 2016
لارڈزٹیسٹ: دوسرا دن، انگلینڈ کے 253 رنز، سات کھلاڑی آؤٹ

لندن : لارڈز ٹیسٹ کی پہلی اننگز میں دوسرے روز کے اختتام پر پاکستان کاپلڑا بھاری ہے، انگلینڈ کی ٹیم مشکلات کا شکار ہوگئی۔ پاکستان کی برتری ختم کرنے کیلئے مزید چھیاسی رنز درکارہیں اور اس کی صرف تین وکٹیں باقی ہیں۔

تفصیلات کے مطابق لارڈز ٹیسٹ میں پہلی اننگز کے دوسرے روز کا کھیل ختم ہو گیا ہے ،انگلینڈ نے پہلی اننگز میں پاکستان کے 339 رنز کے جواب میں 253رنز بنا لئے ہیں اور اس کے 7 کھلاڑی آﺅٹ ہو گئے ہیں۔

انگلینڈ کے اوپنر ابتدا میں ہی مشکلات کا شکار رہے۔ ایلکس ہیلز 6 رنز بنا کر پویلین لوٹ گئے، اوپنر ایلکس ہیلز راحت علی کا شکار بنے۔ تاہم کپتان الیسٹر کک اور جو روٹ نے دوسری وکٹ کی شراکت میں 110 رنز جوڑ کر ٹیم کی پوزیشن کو مضبوط کر دیا۔

جوروٹ 48 رنز کے اسکور پر یاسر شاہ کی بال پر کیچ آؤٹ ہوگئے۔ محمد عامر کی گیند پر محمد حفیظ اور وکٹ کیپر سرفراز احمد نے کیچ ڈراپ کئے۔

جیمز ونس 16 ، گیری بیلنس 6، جونی بیرسٹو 29 جبکہ معین علی 23رنز پر پویلین لوٹ گئے۔ محمد عامر نے اپنی وکٹوں کا آغاز اللسٹرکک کی 81 رنز کی وکٹ گراکر دیا۔

دوسرے روز کے کھیل کے اختتام پر کرس ووکس 31 اور اسٹورٹ براڈ 11 رنز کے ساتھ ناٹ آؤٹ رہے۔

جولائی 16, 2016