ویڈیو رپورٹ: عزیز الرحمان کاکڑ
بلوچستان کے ضلع لورالائی کے زیتون کے تیل نے دنیا بھر میں اپنا لوہا منوا لیا۔
عبدالجبار نامی زمیندا ر کے لگائے گئے زیتون کے درختوں سے حاصل کیا جانے والا تیل امریکا میں منعقدہ مقابلے میں نہ صرف عالمی معیار کا قرار دیا گیا، بلکہ لورالائی اولیوز نامی برانڈ نے خاص کیٹگری میں سلور ایوارڈ بھی جیت لیا، زمیندار نے اسے محنت، محکمہ زراعت کے ماہرین کی کڑی نگرانی اور ریسرچ کا نتیجہ قرار دیا۔
ڈپٹی ڈائریکٹر زرعی ریسرچ حبیب اللہ کاکڑ کہتے ہیں کہ عبدالجبار مبارک باد کے مستحق ہیں، صوبے کے دیگر زمینداروں کو بھی ان کے نقش قدم پر چلنا چاہیے۔ دنیا بھر کے 1200 سے زائد برانڈز کی موجودگی میں لورالائی کے فارم سے حاصل کیے جانے والے زیتون برانڈ کی سبقت نے ثابت کیا کہ بلوچستان کی زمین زراعت کے حوالے سے بڑی زرخیز ہے۔