ARYNews.tv | Urdu – Har Lamha Bakhabar

Tag: لوٹ مار

  • کراچی میں ڈاکوؤں کی دیدہ دلیری ، نوجوان کو لوٹ مار کے بعد مرغا بنا دیا

    کراچی میں ڈاکوؤں کی دیدہ دلیری ، نوجوان کو لوٹ مار کے بعد مرغا بنا دیا

    کراچی: ڈاکوؤں نے لوٹ مار اور تشدد کے بعد نوجوان کو سڑک پر مرغابنا دیا، واقعے کی سی سی ٹی وی فوٹیج سامنے آگئی۔

    تفصیلات کے مطابق کراچی کے علاقے تھانہ رضویہ کی حدود میں ڈاکوؤں کی لوٹ مار کی سی سی ٹی وی فوٹیج سامنے آگئی، جس میں کار سوار 4 ملزمان کو شہریوں کو لوٹتے اور تشدد کا نشانہ بناتے دیکھا جا سکتا ہے۔

    ڈاکوؤں نے موٹر سائیکل سوار دو نوجوانوں کو روکا، موٹر سائیکل پر پیچھے بیٹھا نوجوان بھاگنے میں کامیاب ہوگیا، جبکہ ڈاکوؤں نے دوسرے نوجوان سے موبائل فون، نقدی اور موٹر سائیکل چھین لی۔ ملزمان نے متاثرہ نوجوان کو تشدد کا نشانہ بنانے کے بعد سڑک پر مرغابھی بنا دیا۔

    عینی شاہدین کا کہنا تھا کہ ملزمان نے 15 منٹ تک علاقے میں آزادانہ لوٹ مار کی، 3 سے 4 موٹر سائیکل سواروں کو بھی لوٹا اور تشدد کا نشانہ بنایا جبکہ ایک دکان کو بھی لوٹنے کے بعد فرار ہوگئے۔

    متاثرہ شہری نے بتایا کہ واردات کے بعد آدھے گھنٹے تک پولیس ہیلپ لائن 15 پر کال کرتے رہے لیکن کوئی اہلکار موقع پر نہ پہنچا، شکایت درج کرانے کے لیے تھانہ رضویہ جانے پر بھی پولیس نے مدد فراہم نہیں کی اور نہ ہی ملزمان کی گرفتاری کی کوشش کی گئی۔

  • مینگو فیسٹیول میں آموں کی لوٹ مار، شرکا جھولی اور دوپٹوں میں آم بھرتے رہے، ویڈیو وائرل

    مینگو فیسٹیول میں آموں کی لوٹ مار، شرکا جھولی اور دوپٹوں میں آم بھرتے رہے، ویڈیو وائرل

    آم پھلوں کا بادشاہ اور سب کا ہی پسندیدہ پھل ہے لیکن ایسا بھی کیا کہ اس کو دیکھ کر ایسا بے قابو ہو جائیں جیسا کہ اس ویڈیو میں ہوا۔

    بھارت کے شہر لکھنو میں لگا مینگو فیسٹیول۔ اس میں آموں کی مختلف اقسام رکھی گئی تھیں، آم بھی ایسے کہ جنہیں دیکھ کر منہ میں فوری پانی بھر آئے۔

    بھارتی میڈیا کے مطابق فیسٹیول میں رکھے گئے آم شرکا میں ہی مفت تقسیم کیے جانے تھے۔ پروگرام پرامن طریقے سے جاری تھا کہ اچانک شرکا نے آموں پر دھاوا بول دیا۔ ان میں مرد وخواتین دونوں شامل تھے اور آم ایسے لوٹ رہے تھے کہ جیسے یہ آم نہیں بلکہ سونا یا قیمتی دھات ہو۔

    کسی نے دوپٹے میں آم بھرے، تو کسی نے پرس میں اور کسی نے جھولی کو بھر لیا۔ جس کو یہ موقع بھی نہ ملا تو ایک دو آم لے کر ہی چلتا بنا۔

     

    یہ ویڈیو تیزی سے سوشل میڈیا پر وائرل ہو رہی ہے۔ کچھ صارفین اس سے محظوظ ہو رہے ہیں تو بیشتر لوٹ مار پر افسوس کا اظہار کرتے ہوئے تبصرہ کر رہے ہیں کہ جو لوگ اس فیسٹیول میں شریک دکھائی دے رہے ہیں۔ انہیں بردباری کا مظاہرہ کرنا چاہیے تھا۔

  • تاجروں سے کروڑوں روپے لوٹنے والے 2 پولیس اہلکار ساتھیوں سمیت گرفتار

    تاجروں سے کروڑوں روپے لوٹنے والے 2 پولیس اہلکار ساتھیوں سمیت گرفتار

    کراچی : حساس ادارے اور سی ٹی ڈی نے کارروائی کرکے لوٹ مار کی بڑی وارداتوں میں ملوث 2پولیس اہلکار سمیت 5 ملزمان کو  گرفتار کرلیا۔

    اس حوالے سے پولیس حکام کا کہنا ہے کہ گرفتار ملزمان میں 2 پولیس اہلکار بھی شامل ہیں جو لوٹ مار کی کئی وارداتوں میں ملوث ہیں۔

    پولیس اہلکاروں نے مویشی منڈی کے تاجروں سے 5 کروڑ روپے سے زائد کی لوٹ مار کی، ملزمان پرائیویٹ گاڑی پر پولیس کی لائٹ لگا کر مویشیوں سے بھری گاڑیاں روکتے تھے۔

    ملزمان نے عیدالاضحی پر گڈاپ، سچل اور سائٹ سپرہائی وے میں متعدد وارداتیں کیں، ان کیخلاف تینوں تھانوں میں کئی مقدمات درج ہیں، گرفتارملزمان سے اسلحہ بھی برآمد کیا گیا ہے۔

    پولیس کے مطابق ملزمان نے 30 اپریل کو سپر ہائی وے پر گاڑی میں سوار 20 بیوپاریوں کو لوٹا، تمام بیوپاری مویشیوں کی خریداری کیلئے میرپور خاص جارہے تھے۔

    واردات میں ڈبل کیبن گاڑی استعمال کی گئی ذرائع کا کہنا ہے کہ ملزمان کاگروہ 10 افراد پر مشتمل ہے، 2اہلکاروں سمیت 5مفرور ملزمان کی تلاش جاری ہے۔

    پولیس حکام نے مزید بتایا کہ گرفتار ہونے والے ملزمان نے سچل کے علاقے میں بھی گاڑی کی تلاشی کے بہانے ڈکیتی کی واردات کی تھی۔

  • جامشورو : موٹر وے پر ڈاکوؤں کی مسافرکوچ میں لوٹ مار

    جامشورو : موٹر وے پر ڈاکوؤں کی مسافرکوچ میں لوٹ مار

    جامشورو : کراچی سے سانگھڑ جانے والی مسافر کوچ کو مسلح ڈاکوؤں نے لوٹ لیا، واردات کیخلاف کوچ ڈرائیور اور مسافروں نے دھرنا دے دیا۔

    سندھ میں امن و امان کی خراب صورتِ حال اور گزشتہ کئی برسوں میں جرائم کی شرح میں ہر گزرتے دن کے ساتھ اضافہ دیکھا جارہا ہے۔ صوبے میں چوری، ڈکیتی، لوٹ مار، ہائی وے کرائم ، اغوا برائے تاوان کی وارداتیں بڑھتی ہی جارہی ہیں۔

    نوری آباد کے قریب موٹر وے پر7ڈاکوؤں نے 30سے زائد مسافروں کو لوٹ لیا، مسافر کوچ کراچی سے سانگھڑ جارہی تھی۔

    رپورٹ کے مطابق 7مسلح ڈاکو مسافر بن کر کراچی سے بس میں سوار ہوئے تھے، نوری آباد کراس کرتے ہی مسلح ڈاکوؤں نے مسافروں کو یرغمال بنالیا۔

    ڈاکوؤں نے لونی کوٹ تک خواتین اور بچوں سمیت تمام مسافروں سے لوٹ مار کی، ڈاکو تمام مسافروں سے لاکھوں مالیت کی نقدی، موبائل فون اور دیگر سامان چھین کر باآسانی فرار ہوگئے۔

    کوچ ڈرائیور اور مسافروں نے ڈکیتی کیخلاف ایم نائن موٹر وے پر دھرنا دے دیا، مسافروں کے احتجاج کے باعث کراچی سے حیدرآباد آنے والی ٹریفک معطل ہوگئی، قومی شاہراہ گاڑیوں کی لمبی قطاریں لگ گئیں۔

  • لوٹ مار کے دوران ایک لٹیرا شہریوں کے ہتھے چڑھ گیا، ویڈیو

    لوٹ مار کے دوران ایک لٹیرا شہریوں کے ہتھے چڑھ گیا، ویڈیو

    کراچی: شہر قائد میں لوٹ مار کے دوران ایک لٹیرا شہریوں کے ہتھے چڑھ گیا، خواتین کے منع کرنے پر بھی شہریوں نے لٹیرے کا مار مار کر بھرکس نکال دیا۔

    تفصیلات کے مطابق کراچی کے علاقے بلدیہ ڈی 9 میں مشتعل شہریوں نے ڈاکو کی درگت بنا دی، 4 لٹیرے لوٹ مار کر رہے تھے کہ شہریوں نے ایک کو پکڑ لیا، جب کہ دیگر ساتھی فرار ہو گئے۔

    مشتعل افراد نے پکڑے جانے والے ڈاکو کو بدترین تشدد کا نشانہ بنا ڈالا، شہریوں نے مار مار کر ڈاکو کو لہو لہان کر دیا، موقع پر موجود خواتین مشتعل افراد سے ڈاکو کو چھوڑنے کے لیے کہتی رہیں۔

    ڈاکو موقع دیکھ کر فرار ہو گیا تھا، تاہم کچھ دور موجود پولیس نے ڈاکو کو پکڑ لیا، پولیس حکام کے مطابق زخمی ڈاکو کی شناخت عزیز کے نام سے ہوئی ہے، اور وہ عادی جرائم پیشہ ہے، جیل بھی جا چکا ہے۔

    کراچی میں لٹیروں سے طلبہ بھی محفوظ نہیں، موبائل چھیننے کی ویڈیو سامنے آ گئی

    ایک اور واردات میں کراچی کے علاقے بلدیہ 3 نمبر، پٹنی محلے میں اسکول کے 2 بچوں کو لوٹ لیا گیا ہے، جمعہ کو ہونے والی واردات کی سی سی ٹی وی فوٹیج پولیس کو موصول ہوئی ہے۔ فوٹیج میں دیکھا جا سکتا ہے کہ 2 کم عمر موٹر سائیکل سوار لٹیرے آئے، اور ارد گرد کا جائزہ لیا، پھر انھوں نے طلبہ سے کچھ فاصلے پر موٹر سائیکل روکی، اور اسلحہ دکھا کر اسکول کے بچوں سے موبائل چھین لیا۔

  • کراچی : گلشن معمار میں ملزمان کی گھر کے باہر کھڑے شہری سمیت متعدد افراد سے لوٹ مار، فوٹیج منظرعام پر آگئی

    کراچی : گلشن معمار میں ملزمان کی گھر کے باہر کھڑے شہری سمیت متعدد افراد سے لوٹ مار، فوٹیج منظرعام پر آگئی

    کراچی : گلشن معمار میں ملزمان نے گھر کے باہر کھڑے شہری سمیت متعدد افراد کو لوٹ لیا ، واردات کی فوٹیج منظرعام پر آگئی۔

    تفصیلات کے مطابق کراچی کے علاقے گلشن معمار میں موٹر سائیکل سوار ملزمان نے واردات کی ، جس میں ملزمان نے گھر کے باہر کھڑے شہری سمیت متعدد افراد کو لوٹ لیا۔

    26 فروری کو ہونے والی واردات کی فوٹیج منظرعام پر آگئی ، جس میں دیکھا جاسکتا ہے کہ اسٹریٹ کرمنلز اپنے ہمراہ اسکول بیگ بھی لے کر آئے تھے۔

    فوٹیج میں دیکھا گیا کہ ملزمان پہلے دکان میں داخل ہوئے اور لوٹ مار کی اور واردات کے بعد گھر کے باہر بیٹھے نوجوان سے موبائل فون چھین لیا۔

    متاثرہ نوجوان کے مطابق 7 سے 8 افراد سے موبائل فون چھینے گئے ، ایک ملزم نے شلوار قمیض دوسرے نے پینٹ شرٹ پہن رکھی تھی۔

  • لندن میں موٹر سائیکل سوار لٹیروں نے شہری کو لوٹ لیا، ویڈیو

    لندن میں موٹر سائیکل سوار لٹیروں نے شہری کو لوٹ لیا، ویڈیو

    لندن: برطانوی دارالحکومت لندن کی ایک سڑک پر کراچی جیسا واقعہ دیکھنے کو مل گیا، جس میں دو موٹر سائیکل سوار لٹیروں نے ایک شہری کو دن دہاڑے لوٹ لیا۔

    لندن کے شمال مشرقی پارک میں لاقانونیت کا راج دیکھنے کو مل رہا ہے، دو بائیک سوار چوروں نے دن دہاڑے پارک میں سائیکل سوار کو لوٹ لیا، معروف برطانوی روزنامہ ڈیلی میل نے اس واقعے کی ویڈیو شیئر کر دی ہے۔

    ویڈیو میں دیکھا جا سکتا ہے کہ لٹیرے کس طرح پہلے سائیکل سوار کو آوازیں دیتے اور اس کی سائیکل مانگتے رہے، جب سائیکل سوار نے انکار کیا تو ایک لٹیرے نے ہتھوڑا نکال کر لہرایا۔

    لندن ٹریک ڈومین بائیک
    ٹریک ڈومین بائیک

    اس واقعے میں لٹیروں نے مشرقی لندن کے رہائشی 33 سالہ پیٹرک کونیلی سے 4 ہزار 200 پاؤنڈز کی سائیکل چھینی اور فرار ہو گئے، واقعے کے بعد سائیکل کلبوں نے پولیس سے صبح کے اوقات میں گشت بڑھانے کی درخواست کی ہے۔

    میئر لندن صادق خان نے رمضان لائٹس کا افتتاح کردیا

    ڈیلی میل کے مطابق سائیکل کلب کے ممبران شمال مغربی لندن کے مشہور پارک میں ہر روز سویرے جمع ہوتے ہیں، یہاں انھیں متعدد بار مسلح ’بائیک جیکرز‘ کے ہاتھوں پُر تشدد ڈکیتیوں کا سامنا کرنا پڑا۔

    ماہرین کا خیال ہے کہ لٹیروں نے جس طرح سائیکل سوار کو نشانہ بنانے کا فیصلہ کرنے سے پہلے اس کی ’’ٹریک ڈومین بائیک‘‘ کے برانڈ کا معائنہ کیا تھا، اس سے ظاہر ہوتا ہے کہ وہ جانتے ہیں کہ وہ کیا کر رہے ہیں۔

  • سولجر بازار چھینا جھپٹی کے ہلاکت خیز واقعے کی ہولناک ویڈیو سامنے آ گئی

    سولجر بازار چھینا جھپٹی کے ہلاکت خیز واقعے کی ہولناک ویڈیو سامنے آ گئی

    کراچی: شہر قائد کے علاقے سولجر بازار میں جماعت خانے کے قریب فائرنگ سے ایک ڈاکو کی ہلاکت اور ایک شہری کے جاں بحق ہونے کے واقعے کی ہولناک سی سی ٹی وی فوٹیج سامنے آئی ہے۔

    فائرنگ کے اس واقعے میں طاہر بزنجو نامی شہری گولی لگنے کے بعد اسپتال میں جاں بحق ہوا تھا، جب کہ اس کا دوسرا ساتھی صدام گولی لگنے سے زخمی ہوا۔

    لوٹ مار کرنے والے ڈاکو عبداللہ کو اپنے ہی ساتھی کی گولی لگی تھی، جس سے وہ موقع ہی پر ہلاک ہوا، فوٹیج میں 2 موٹر سائیکلوں پر 4 لٹیروں کو دیکھا جا سکتا ہے، جنھوں نے موٹر سائیکل پر جاتے طاہر اور اس کے ساتھی کو سائیڈ دے کر روکا۔

    تاہم موٹر سائیکل پر پیچھے بیٹھے شہری نے جھپٹ کر مسلح لٹیرے کو اچانک پیچھے سے دبوچ لیا، یہ ماجرہ دیکھ کر دوسرے ڈاکو کی جانب سے گولیاں چلائی گئیں، تاہم لٹیرے کو دبوچنے والے شہری نے ڈاکو کے پستول کا رخ اس کے ساتھی ڈاکو کی جانب کر دیا اور گولیاں چلیں۔

    فوٹیج میں دیکھا جا سکتا ہے کہ ایک ڈاکو نے اپنے ہی ساتھی کو گولی مار دی، تاہم ایک گولی شہری کو بھی لگی، جو بعد میں اس کے لیے جان لیوا ثابت ہو گئی۔

    ویڈیو میں تینوں افراد کو زخمی ہو کر زمین پر گرتے دیکھا جا سکتا ہے، جب کہ باقی 3 لٹیرے موقع سے فرار ہونے میں کامیاب ہو گئے۔ کراچی کی سڑکوں پر آئے دن شہریوں کو اس طرح گھیر گھار کر لوٹ لیا جاتا ہے، اور مزاحمت پر شہریوں کی قیمتی جانیں بھی تلف ہو رہی ہیں، تاہم جرائم پر قابو پانے کے دعوے کرنے والی پولیس انھیں روکنے میں ناکام ہے۔

  • کراچی میں لوٹ مار میں ملوث گرفتار گینگ کے سنسنی خیز انکشافات

    کراچی میں لوٹ مار میں ملوث گرفتار گینگ کے سنسنی خیز انکشافات

    کراچی میں لوٹ مار میں ملوث گروہ کے دو کارندوں کو نارتھ ناظم آباد سے گرفتار کرلیا گیا، ملزمان نے دوران تفتیش سنسنی خیز انکشافات کیے ہیں۔

    تفصیلات کے مطابق کراچی میں لوٹ مار میں ملوث گرفتار گروہ کے سنسنی خیز انکشافات سامنے آئے ہیں، نارتھ ناظم آباد مقابلے میں گرفتار ملزمان نے دوران تفتیش کراچی میں کی جانے والی وارداتوں کا کچا چٹھا کھول دیا۔

    ملزمان نے دوران تفتیش انکشاف کیا کہ ایک دن میں دس سے زائد وارداتیں کرتے تھے، زخمی ملزم ولی محمد وارداتوں کیلئے اسلحہ لاتا تھا، ایک ملزم دوست ولی محمد ضلع مہمند میں روپوشی اختیار کررکھا ہے۔

    پولیس کا کہنا ہے کہ وارداتوں میں ملوث ملزم نے قصبہ کالونی میں گھر کرائے پر لے رکھا تھا، اسلحہ درہ آدم خیل سے 30 ہزار میں آن لائن آرڈر کیا جاتا ہے، جبکہ گولیاں کورئیر کمپنی کے ذریعہ منگوائیں گئیں۔

    پولیس کا کہنا تھا کہ ملزم چھینے گئے موبائل فون گلشن غازی میں فروخت کرتے تھے، ملزم نے بتایا کہ آئی فون 30 ہزار، لوکل فون 5 سے 25 ہزار میں فروخت کیا جاتا ہے۔

    پولیس کا کہنا تھا کہ تین رکنی گروہ کا ایک کارندہ منگھو پیر میں روپوش ہے دوسرےگرفتار ملزم حیدر بنگش جس کا تعلق پارہ چنار سے ہے، اس نے انکشاف کیا کہ ایک دن میں دس سے رہزنی کی وارداتیں کرتے ہیں۔

    گرفتار ملزم نے پولیس کو بتایا کہ زخمی ملزم دوست ولی محمد وارداتوں کیلئے اسلحہ لاتا تھا، وارداتوں کیلئے 2 لاکھ روپے کی موٹر سائیکل اور اسلحہ خریدا گیا، چھینے گئے موبائل فونز کی فروخت جاوید کرتا تھا۔

    ملزم نے پولیس کو بتایا کہ آئی ایم ای آئی تبدیل کے بعد موبائل مہنگے داموں فروخت کیے جاتے تھے، زخمی ملزم سمیت ساتھی کے خلاف مقدمہ تیموریہ تھانے میں درج کیا گیا۔

    https://urdu.arynews.tv/atm-pin-date-of-birth/

  • رکشہ ڈرائیور کی دلیری، موبائل چھین کر فرار ہونے والے ڈاکو کو پکڑلیا

    رکشہ ڈرائیور کی دلیری، موبائل چھین کر فرار ہونے والے ڈاکو کو پکڑلیا

    کراچی: ابوالحسن اصفہانی روڈ پر رکشہ ڈرائیور نے لوٹ مار کے بعد فرار ہونے والے مبینہ ڈاکو کو پکڑ لیا، جس کے بعد ڈاکو کو تشدد کا نشانہ بنایا گیا۔

    تفصیلات کے مطابق کراچی کے ابوالحسن اصفہانی روڈ پر رکشہ ڈرائیور نے ڈکیتی کی کوشش ناکام بنادی، پکڑے گئے مبینہ ڈاکو کا ساتھی فرار ہونے میں کامیاب ہوگیا۔

      دو ملزمان رکشہ ڈرائیور سے موبائل چھیننے آئے تھے، پکڑے گئے مبینہ ڈاکو کا ساتھی فرار ہونے میں کامیاب ہوگیا لیکن رکشہ ڈرائیور اور عوام کی جانب سے پکڑے گئے ڈاکو پر بدترین تشدد کیا گیا۔

    عوام کی بڑی تعداد نے ڈاکو کو مار مار کر بھرکس بنادیا، ملزم کے قبضے سے رکشہ ڈرائیور کا موبائل فون بھی برآمد کیا گیا، فرار ہونے والا ملزم موٹرسائیکل اور ساتھی کو چھوڑ کر پیدل بھاگا۔

    پولیس کو واردات کی اطلاع دے دی گئی ہے جبکہ پکڑا گیا ڈاکو لوگوں سے معافیاں مانگتا رہا۔