Tag: لوٹ مار

کراچی: شہر قائد کے علاقے دھوراجی میں مسجد میں شہری کو لوٹنے والے 3 ملزمان کو پولیس نے گرفتار کر لیا ہے۔

تفصیلات کے مطابق دھوراجی کے علاقے کی ایک مسجد میں شہری کو لوٹنے والے ملزمان پولیس کی پکڑ میں آ گئے، 9 نومبر کو شہری سے لوٹ مار کی سی سی ٹی وی فوٹیج اے آر وائی نیوز پر بھی دکھائی گئی تھی۔

ایس ایس پی نعمان صدیقی نے بتایا کہ پکڑے گئے ملزمان نے شہری سے ڈھائی لاکھ روپے لوٹے تھے، شہری رقم بینک میں جمع کرانے گیا تھا لیکن وقت ختم ہونے پر واپس جا رہا تھا، کہ ملزمان نے ان سے مسجد میں رقم لوٹ لی۔

پولیس کے مطابق ملزمان اقبال، رضوان اور محمد منیر بینک سے نکلنے والوں کو لوٹتے تھے۔

دریں اثنا، ایس آئی یو نے ایک اور کارروائی میں بھی 4 ڈاکو گرفتار کر لیے ہیں، ایس ایس پی نعمان صدیقی کا کہنا تھا کہ گرفتار ملزمان سے اسلحہ اور منشیات برآمد کی گئی ہے، ملزمان میں ابراہیم، عجب خان، امیر بخش اور امتیاز شامل ہیں، یہ گروہ اے ٹی ایم سے نکلنے والے شہریوں سے لوٹ مار کرتا تھا۔

آج ایک اور کارروائی میں فیروزآباد پولیس نے بہادرآباد پولیس کا جعلی اے ایس آئی گرفتار کیا ہے، جعلی اہل کار وسیم رضا کے قبضے سے اسلحہ اور لوٹا ہوا سامان برآمد کیا گیا، پولیس کا کہنا ہے کہ جعلی اہل کار چیکنگ کے بہانے شہریوں کو لوٹنے میں ملوث ہے، دوران تفتیش ملزم نے 15 وارداتوں کا اعتراف کر لیا ہے۔

کراچی: ایم اے جناح روڈ پر شہریوں نے ڈاکو کو دھر لیا، بد ترین تشدد کے بعد شہریوں نے ڈاکو کو زندہ جلانے کی کوشش کی۔

تفصیلات کے مطابق کراچی کی مشہور سڑک ایم اے جناح روڈ پر ایک ڈاکو شہریوں کے ہاتھ لگ گیا، جس کے بعد غصے سے بھرے شہریوں نے ڈاکو پر بد ترین تشدد کیا اور اسے جلانے کی کوشش کی۔

تاہم پولیس نے بر وقت پہنچ کر ملزم کو مشتعل ہجوم سے بچا لیا، اور زخمی ڈاکو کو طبی امداد کے لیے اسپتال منتقل کر دیا۔

قبل ازیں ایم اے جناح روڈ پر 3 ڈاکوﺅں نے شہریوں سے لوٹ مار کی اور فرار ہونے لگے اسی دوران متاثرہ شہریوں نے ڈاکوؤں کا تعاقب کیا اور ایک ڈکیت کو پکڑ لیا اور بد ترین تشدد کا نشانہ بنایا۔

یہ بھی پڑھیں:  کراچی کے لیے 77 تھریٹ الرٹس موجود ہیں: آئی جی سندھ

ملزم کے 2 ساتھی فرار ہونے میں کام یاب ہو گئے جب کہ پکڑے جانے والے ملزم کو پولیس نے حراست میں لے کر مقامی اسپتال منتقل کر دیا ہے، پولیس ملزم کا کرائم ریکارڈ چیک کر رہی ہے، دوسری جانب فرار ہونے والے ملزمان کو بھی گرفتار کرنے کے لیے کوششیں جاری ہیں۔

یاد رہے کہ ایم اے جناح روڈ پر لوٹ مار روز کا معمول بنی ہوئی ہے پولیس نے مکمل آنکھیں بند کی ہوئی ہیں یہی وجہ ہے عوام خود ہی سڑکوں پر عدالت لگا رہے ہیں۔

کراچی : عید قرباں کے موقع پر شہر قائد میں لگنے والی مویشی منڈی میں لوٹ مار کرنے والی چار خواتین کو گرفتار کرلیا گیا۔

اے آر وائی نیوز کے نمائندے انور خان کے مطابق آج مویشی منڈی کا آخری دن ہے اور آخری دن ایسے واقعات نظر آتے ہیں، عید الاضحی کے موقع پر کراچی کی مویشی منڈی میں رحیم یار خان سے تعلق رکھنے والے بیوپاری اپنے دیگر عملے کے ساتھ پیسے جمع کر رہے تھے، اس دوران چار خانہ بدوش خواتین نے گائے کی قیمت پوچھتے ہوئے 60 ہزار روپے چوری کرلیے۔

قربانی کے لیے چھری تلے خود لیٹ جانے والا حیرت انگیز جانور

اس دوران وہاں شور مچا تو خواتین وہاں سے بھاگنے لگیں منڈی میں موجود سیکiورٹی عملے نے چار خواتین کو حراست میں لے لیا۔  تفتیش کے دوران گرفتار خواتین کا کہنا تھا کہ وہ منڈی میں چارہ فروخت کرتی ہیں، چوری کا الزام بے بنیاد ہے ۔ دوسری جانب بیوپاری کا کہنا تھا کہ منڈی میں ہونے والے دیگر چوری کے واقعات میں یہ چار خواتین اور ان کا گرہ ملوث ہے۔

منڈی انتظامیہ نے چاروں خواتین کو پولیس کے حوالے کردیا اور اس حوالے سے مزید تفتیش جاری ہے۔