Tag: لوڈشیڈنگ

ملک میں سردی کی شدت میں اضافہ کے باوجود لوڈشیڈنگ پر قابو نہیں پایا جاسکا، ملک میں بجلی کا شارٹ فال دو ہزار میگا واٹ ہوگیا ہے۔

سردی کی شدت میں اضافہ کے بعد بھی ملک میں لوڈ شیڈنگ کا جن بے قابو ہے، شہری علاقوں میں دس گھنٹے اور دیہی علاقوں میں لوڈشیڈنگ کا دورانیہ سولہ گھنٹے سے تجاوز کرگیا ہے۔ 

این ٹی ڈی سی کے مطابق بجلی کی پیدوار نو ہزار دوسو میگاواٹ اور طلب گیارہ ہزار دوسو میگاواٹ ہے، جس میں ایک ہزار تین سو نوے میگاواٹ بجلی ہائیڈل پیداوار سے، دوہزار دو سو ستر تھرمل پاور کے ذریعے جبکہ آئی پی پیز سے پانچ ہزار پانچ سو چالیس میگاواٹ بجلی پیدا کی جارہی ہے۔

ادھر بلوچستان میں نصیرآباد کے قریب دو سو بیس کے وی کے بجلی ٹاورز کی تباہی کے بعد صوبے بھرمیں بجلی کا بحران سنگین صورتحال اختیار کر گیا ہے، دہشتگردوں نے ٹاور کو دو روز قبل دھماکا خیز مواد لگا کر اڑا دیا تھا۔

شدید سردی میں مختلف شہروں میں گیس کےکم پریشراورلوڈشیڈنگ سےگھریوصارفین کو شدید مشکلات کا سامنا ہے۔ایک جانب تو ملک میں شدیدسردی کی لہرجاری ہے تو دوسری جانب ٹھنڈ کی شدت میں اضافے کے بعد مختلف شہروں میں گیس نایاب ہو کر رہ گئی۔

کہیں گیس پریشر میں کمی کہیں گھنٹوں کی بندش نے شہریوں کاجینامحال کردیا۔ فیصل آباد ، ساہیوال سمیت پنجاب کے مختلف علاقوں میں گیس لوڈشیڈنگ کا دورانیہ پندرہ گھنٹے سے تجاوز کرگیا ہے، گھروں میں گیس نہ آنے کےباعث شہری باہر ہوٹلوں سے مہنگا کھانا لینے پر مجبور ہیں۔

کوئٹہ سمیت بلوچستان کے کئی شہروں میں بھی صورتحال مختلف نہیں جہاں خون جما دینے والی سردی میں گیس پریشر میں کمی نے شہریوں کو دہری اذیت میں مبتلا کر رکھا ہے۔حکومتی یقین دہانیوں کے باوجود گیس فراہمی کی صورتحال میں بہتری نہیں آسکی ۔

شہریوں نے مطالبہ کیا ہے کہ اس مسئلے سے نجات دلائی جائے تاکہ شدید سرد موسم میں ان کی پریشانیوں میں کمی آسکے۔