Tag: لوڈشیڈنگ

کراچی : وزیربلدیات سندھ سعید غنی نے لوڈشیڈنگ پر احتجاج کرنے والے شہریوں کو انوکھا مشورہ دے دیا۔

تفصیلات کے مطابق وزیر بلدیات سندھ سعید غنی نے پریس کانفرنس کرتے ہوئے لوڈشیڈنگ کے حوالے سے کہا کہ بجلی کا مسئلہ ہمارے کنٹرول سے باہرہیں، کےالیکٹرک کی پالیسیز سمجھ میں نہ آنےوالی پالیسی ہے، کوئی ادارہ جیب سے پیسے خرچ کرکے بجلی نہیں دےسکتا۔

سعید غنی کا کہنا تھا کہ جو لوگ بجلی کا بل دیتے ہیں وہ لوڈشیڈنگ کاسامنا کیوں کرتے ہیں، کراچی میں الیکٹرک سزا کا نظام کے الیکٹرک نے نافذ کردیا، جو لوگ بل نہیں دیتے ان کیخلاف ایف آئی آر ہونی چاہیے۔

انھوں نے مشورہ دیتے ہوئے کہا کہ بجلی کی لوڈشیڈنگ ہو تو احتجاج کے بجائے کے الیکٹرک کے دفتر جا کر ان کے اے سی اور پنکھے بند کردیں۔

وزیر بلدیات سندھ نے کہا کہ ایک محلے میں کچھ گھر بل نہیں دیتے توکیا آپ پورے علاقے کی بجلی کاٹ دیں گے ، جوبہترآپشن موجودہیں ان کی طرف کیوں نہیں کیاجاتا، احتجاج کرنےوالےوالوں پر ہی مقدمہ درج کردیا جاتا ہے۔

صوبائی وزیر کا کہنا تھا کہ اگر سسٹم نہیں تواس کو بناؤ دنیا کہاں سے کہاں پہنچ گئی ہم کہاں ہیں؟ بجلی چوری کی وجہ سے بجلی کی قیمت میں اضافہ ہوتا ہے لیکن جو ایمانداری کیساتھ بل دیتے ہیں ان کو بجلی کی فراہمی ہونی چاہیے۔

انھوں نے سوال کیا لوگوں کو پانی کا بل بھی دیناچاہیے لیکن وہ نہیں دیتے، اگرلوگ پانی کا بل نہیں دیتے تو کیا ہم پانی بند کردیں گے؟

وزیر بلدیات نے مزید کہا کہ بجلی کو فراہم کرنااور مشکلات کو ٹھیک کرناہماری ذمہ داری نہیں، کے الیکٹرک کےپاس مسائل کاحل ہیں وہ لوڈشیڈنگ میں کمی کرسکتےہیں۔

کراچی : طویل لوڈشیڈنگ پر ملک بھر کے شہریوں نے غم وغصے کا اظہار کرتے ہوئے کہا کہ بجلی ایک گھنٹہ آتی ہے چارگھنٹے جاتی ہے بل پھر بھی بھاری بھرکم آتے ہیں۔

تفصیلات کے مطابق بجلی کی اعلانیہ اور غیراعلانیہ لوڈشیڈنگ نے ملک بھر کے عوام کی زندگی اجیرن کردی ہے، ملک کے شہریوں نے شدید ردعمل دیتے ہوئے کہا کہ بجلی ایک گھنٹہ آتی ہے چارگھنٹے جاتی ہے بل پھر بھی بھاری بھرکم آتے ہیں۔

کراچی والے بجلی کی طویل اورغیراعلانیہ بندش سے بلبلا اٹھے، شہری کا کہنا ہے کہ بجلی مہنگی تو ہورہی ہے لیکن مل نہیں رہی، دن میں بجلی ہوتی ہے نہ رات میں، لائٹ نہیں آتی صرف بل آتا ہے۔

گھریلو صارفین کے ساتھ کاروباری حضرات بھی پریشان ہے، صنعتی شہر فیصل آباد میں بھی چار سےآٹھ گھنٹے لوڈ شیڈنگ کی جارہی ہے ، ملک میں بجلی کا شارٹ فال ساڑھے پانچ ہزار میگاواٹ سےبڑھ گیا ہے۔

بجلی عدم فراہمی سے پریشان شہریوں کا کہنا ہے کہ کاروبارتباہ ہوگئے، بجلی صبح ہوتی ہےنہ رات ، اندھیروں میں بیٹھے ہیں۔۔

حویلی لکھا کے شہری حویلی کا کہنا تھا کہ صبح ہویا شام بجلی تو ہوگئی ہے نایاب، ملتی نہیں، واپڈا والوں جانے دو، تھوڑی بجلی آنے دو، موبائل کی بیٹری مک گئی،پانی کی ٹنکی سوکھ گئی ہے۔

کراچی : گرمی بڑھتے ہی ملک بھر میں لوڈشیڈنگ کا دورانیہ بڑھا دیا گیا اور کئی علاقوں میں بارہ سے سولہ گھنٹے لوڈشیڈنگ ہونے لگی، جس سے شہری بلبلا اٹھے۔

تفصیلات کے مطابق کراچی سے خیبرتک بجلی کی لوڈشیڈنگ نے شہریوں کا جینا حرام کردیا ، کئی شہروں میں لوڈشیڈنگ کا دورانیہ سولہ گھنٹے سے تجاوز کرگیا۔

لوڈشیڈنگ کے باعث ضعیف اور بیمار پریشان ہے ، شہریوں کو پانی کی قلت کا سامنا ہے اور کاروبار متاثر ہوچکا ہے جبکہ اسپتالوں میں مریض اور ان کے لواحقین رل گئے، آپریشن ملتوی کرنا پڑ گئے۔

لوڈشیڈنگ کے خلاف مختلف شہروں میں عوام سڑکوں پر نکل آئے اور شدید احتجاج کیا، شہریوں کا کہنا ہے کہ بجلی گھنٹوں غائب ہے لیکن بل ہزاروں کے آرہے ، ٹیکنیکل فالٹ کے نام پر بدترین لوڈشیڈنگ فوری بند کی جائے۔

کراچی میں بھی شدید گرمی کے دوران بجلی کی بدترین لوڈشیڈنگ کا سلسلہ جاری ہے ، ملیر ، لانڈھی ، کورنگی ، گلستان جوہر، گارڈن ، سمیت دیگر علاقوں میں بارہ سے چودہ گھنٹے بجلی کی بندش معمول بن گئی ہے، جس کے باعث شہریوں کو شدید مشکلات کا سامنا ہے۔

لاہور کے شہری بھی طویل لوڈشیڈنگ سے پریشان ہے جبکہ ملک بھرمیں بجلی کا شارٹ فال پانچ ہزار آٹھ سو چھپن میگاواٹ تک پہنچ گیا۔

لاہور : ملک بھر میں گرمی کے ساتھ بجلی کی طلب بڑھ گئی ، جس کے باعث آئندہ دنوں میں لوڈشیڈنگ کی صورتحال مزید ابتر ہونے کا امکان ہے۔

تفصیلات کے مطابق ملک بھر میں گرمی کےساتھ بجلی کی طلب بڑھ گئی، جس کے بعد لسیکو سمیت تمام پاؤرڈسٹری بیوشن کمپنیوں میں غیراعلانیہ لوڈشیڈنگ شروع کردی گئی۔

شہری حدود میں تین گھنٹے جبکہ دیہات میں اضافی لوڈشیڈنگ ہورہی ہیں تاہم لسیکو کی جانب سے لوڈشیڈنگ کا دورانیہ بھی نہیں دیا گیا، جس کی وجہ سے شہریوں کو شدید مشکلات کا سامنا کرنا پڑرہا ہے۔

ذرائع کا کہنا ہے کہ آئندہ آنے والے دنوں میں صورتحال مزید ابتر ہونےکا امکان ہے جبکہ اس کے ساتھ گیس لوڈشیڈنگ بھی کئی گنا بڑھ گئی ہے۔

سوئی گیس حکام کا کہنا ہے کہ ملک میں 19 سو ملیں کیوبک فٹ گیس روزانہ دستیاب ہے تاہم ضرورت کہیں زیادہ ہے۔

حکام نے بتایا کہ نو سو ملین کیوبک فٹ پاؤر ہاؤسز کو گیس دی جارہی ہے تاکہ سستی بجلی بنے اورلوڈشیڈنگ بھی کم واقع ہوسکے، جس کی وجہ سےلاہورسمیت تمام شہروں میں گیس پریشرکم ہوگیا۔

صارفین کوکھانے پکانےکے اوقات میں گیس دی جارہی ہے اور رات 10 بجےسے صبح 6 بجے تک گیس لوڈشیڈنگ کی جارہی ہے، آئندہ دنوں میں گیس،بجلی اور آئل کا بحران پیسوں کی کمی کی وجہ سے مزید بڑھ سکتا ہے۔