Tag: لوڈشیڈنگ

کراچی: کے الیکٹرک کی جانب سے شہرقائد میں لوڈ شیڈنگ کا سلسلہ بدستور جاری ہے، وفاق کی جانب سے 800 میگا واٹ کے باوجود لوڈشیڈنگ ختم نہ ہوسکی۔

تفصیلات کے مطابق لوڈ شیڈنگ سے مستثنیٰ علاقوں میں صارفین کو لوڈ شیڈنگ کے ایس ایم ایس بھیجے جارہے ہیں اور بجلی غائب کی جارہی ہے، شہر میں موسم بہتر اور ڈیمانڈ کم ہونے کے باجود لوڈ شیڈنگ برقرار ہے۔

پی ایس او ایس ایس جی سی کے مطابق مطلوبہ مقدار سے زائد ایندھن فراہم کیا جارہا ہے، شہر کے مختلف علاقوں میں لوڈشیڈنگ کا دورانیہ 12گھنٹے تک پہنچ گیا۔ کےالیکٹرک کے بن قاسم کے 2یونٹ بند اور دیگر یونٹ بھی کم پیداوار دے رہے ہیں، 700 میگاواٹ بجلی کی کمی لوڈ شیڈنگ سے پوری کی جارہی ہے۔

شہریوں نے سوال اٹھایا ہے کہ 8گھنٹے صنعتیں بند ہونے کے بعد کے الیکٹرک کو بجلی کی کمی کیوں ہو رہی ہے؟

کراچی غیراعلانیہ لوڈشیڈنگ، فاروق ستار کا کے الیکٹرک کے دفتر کے باہر دھرنا دینے کا اعلان

کراچی کے جن علاقوں میں لوڈ شیڈنگ جاری ہے ان میں لیاقت آباد، اولڈسٹی ایریا، صدر، کورنگی، لانڈھی، گلشن حدید، نارتھ کراچی، لیاری، کیماڑی، گلشن معمار، ڈیفنس،گلستان جوہر اور گلشن اقبال شامل ہے۔

اسی طرح پی ای سی ایچ ایس سوسائٹی، میٹھا در، کھارادر، بلدیہ، ملیر، شاہ فیصل، سرجانی اور اورنگی ٹاؤن میں بھی لوڈشیڈنگ کا سلسلہ جاری ہے۔ شدید گرمی میں لوڈشیڈنگ کی وجہ سے پانی کا بحران شدت اختیار کرگیا ہے۔

لاہور: پاور ڈویژن نے ملک بھر میں اسمارٹ لاک ڈاؤن والے علاقوں کو لوڈ شیڈنگ سے مستثنیٰ قرار دے دیا۔

تفصیلات کے مطابق پاور ڈویژن کی جانب سے جاری اعلامیے میں کہا گیا ہے کہ ملک بھر میں اسمارٹ لاک ڈاؤن والے علاقوں کو لوڈ شیڈنگ نہیں کی جائے گی اور اس حوالے سے بجلی کی تقسیم کار کمپنیوں کو ہدایات بھی جاری کر دی گئی ہیں۔

اعلامیے میں کہا گیا ہے کہ بجلی چوری،نقصانات سے بچنے کے لیے گزشتہ سالوں میں ٹھوس اقدامات کیےگئے،ان اقدامات سے بجلی چوری اور نقصان کم ہوا،لوڈ مینجمنٹ میں بھی کمی ہوئی۔

پاور ڈویژن اعلامیے کے مطابق ٹرانسمیشن سسٹم18 ہزار میگاواٹ سے زیادہ بجلی کا بوجھ نہیں اٹھاسکتا تھا،آج 26 ہزار میگاواٹ سے زائد بجلی کی ٹرانسمیشن کی صلاحیت ہے،اس وقت22 ہزار میگا واٹ بجلی کامیابی سے فراہم کی جا رہی ہے۔

اعلامیے میں اسمارٹ لاک ڈاؤن کے علاقے لوڈ مینجمنٹ سے مستثنیٰ قرار دیےگئے ہیں،بجلی کی فراہمی اور دیگر امور کی مؤثر نگرانی بھی کی جا رہی ہے۔

اسلام آباد: کراچی سمیت ملک کے مختلف شہروں میں بجلی کی ترسیل کرنے والی کمپنیوں نے من مانی کرتے ہوئے عوام پر لوڈ شیڈنگ کا عذاب مسلط کر رکھا ہے، گیپکو کی جانب سے بھی گوجرانولہ میں شدید لوڈ شیڈنگ اور کنکشن کاٹنے کے واقعات سامنے آئے ہیں۔

اے آر وائی نیوز کے مطابق وزیر اعظم کے معاون خصوصی عثمان ڈار نے اس سلسلے میں وزیر توانائی عمر ایوب سے رابطہ کر کے شکوہ کیا کہ سی ای او گیپکو عوام کے ساتھ نا انصافی کر رہے ہیں، اور سرکاری محکموں کی نا اہلی کا بوجھ عوام پر ڈالا جا رہا ہے۔

عثمان ڈار کا کہنا تھا سرکاری محکمے پیسے ادا نہیں کر رہے تو غریب عوام کا اس میں کیا قصور ہے، بجلی کاٹنی ہے تو نادہندہ سرکاری محکموں کی کاٹی جائے۔ انھوں نے وزیر توانائی سے کہا کہ سخت گرمی میں عوام کو لوڈشیڈنگ کے عذاب سے بچایا جائے، عوام کے ٹیکس کے پیسے سے ہی یہ سرکاری محکمے چل رہے ہیں۔

[bs-quote quote=”25 لاکھ سے زائد صارفین اووربلنگ اور مہنگی بجلی خریدنے پر مجبور ہیں: عتیق میر” style=”style-8″ align=”left”][/bs-quote]

عثمان ڈار کی شکایت پر وفاقی وزیر توانائی عمر ایوب نے فوری ایکشن لیتے ہوئے سی ای او گیپکو کو معاملات فوری بہتر کرنے کی ہدایت کر دی۔

کراچی میں بجلی کی لوڈشیڈنگ کا دورانیہ بڑھانے کا اعلان

واضح رہے کہ گزشتہ روز صوبہ سندھ کے بڑے شہر کراچی میں بھی کے الیکٹرک نے اضافی لوڈ شیڈنگ کا اعلان کیا ہے، جب کہ عوام نے تنگ آمد بجنگ آمد کے مصداق بجلی کی غیر اعلانیہ لوڈ شیڈنگ کے خلاف حب روڈ بند کر کے احتجاج کیا، لیکن کراچی کے شہریوں کو تاحال کسی وزیر کی توجہ حاصل نہیں ہو سکی ہے، کے الیکٹرک کی ظالمانہ من مانی جاری ہے۔

گزشتہ روز ذرایع ایس ایس جی سی نے اے آر وائی نیوز کو بتایا تھا کہ کے الیکٹرک کو معاہدے سے کئی گنا زیادہ گیس دی جا رہی ہے، معاہدہ صرف 10 ایم ایم سی ایف ڈی کا ہے لیکن کے الیکٹرک کو اس وقت بھی 240 ایم ایم سی ایف ڈی گیس دی جا رہی ہے، نیز کے الیکٹرک ایس ایس جی سی کی اربوں روپے کی نادہندہ بھی ہے۔

چیئرمین آل کراچی تاجر اتحاد عتیق میر کا کہنا تھا کہ کے الیکٹرک نے طویل اور غیر اعلانیہ لوڈ شیڈنگ سے کراچی کے شہریوں پر برقی عذاب نازل کر رکھا ہے، شدید گرمی میں لوڈشیڈنگ سے شہر کے بیش تر بازار ویران ہو گئے ہیں، 25 لاکھ سے زائد صارفین اووربلنگ اور مہنگی بجلی خریدنے پر مجبور ہیں۔ انھوں نے کہا کہ چیف جسٹس آف پاکستان کے الیکٹرک کی بدترین کارکردگی اور صارفین کے خلاف زیادتیوں کا نوٹس لیں، عوام اور تاجروں کی موجودہ مالی مشکلات کے پیش نظربجلی کی قیمتیں کم کی جائیں۔

لاہور: وفاقی وزیر پانی و بجلی عمر ایوب نے کہا ہے کہ بجلی چوری اور نقصانات زدہ علاقوں میں ہی لوڈ شیڈنگ کی جارہی ہے۔

تفصیلات کے مطابق لاہور سمیت ملک بھر میں موسمِ گرما کا آغاز ہوتے ہی بجلی کی غیراعلانیہ لوڈشیڈنگ شروع ہوگئی جس کے باعث عوام پریشان ہیں۔

ذرائع کے مطابق بجلی کا شارٹ فال 4 ہزار میگاواٹ سے تجاوز کرگیا، اسی باعث مختلف علاقوں میں چار سے پانچ گھنٹے کی لوڈ شیڈنگ کی جارہی ہے۔

وفاقی وزیر پانی و بجلی عمر ایوب نے سماجی رابطے کی ویب سائٹ پر آگاہ کیا کہ بجلی کی گزشتہ روزپیداوار 17100 میگاواٹ جبکہ طلب 14840 میگاواٹ تھی۔

ملک میں بجلی کی صورتحال بالکل نارمل ہے۔
اس وقت کوئی شارٹ فال نہیں ہے۔
کچھ ذرائع کے حوالے سے غلط خبریں پھیلائیں جا رہیں ہیں
کل بجلی کی پیداوار 17100 میگا واٹ جبکہ ڈیمانڈ 17000 سے کم ہے۔

— Omar Ayub Khan (@OmarAyubKhan) April 7, 2019

اُن کا کہنا تھا کہ ملک کے کسی بھی علاقے میں بجلی کی لوڈ شیڈنگ نہیں ہورہی البتہ چوری ونقصانات والےعلاقوں میں لوڈشیڈنگ کی جارہی ہے، سسٹم میں کوئی شارٹ فال نہیں کیونکہ بجلی کی لوڈشیڈنگ زیروہے۔

آج صبح 8:30 پر ملک میں بجلی کی طلب و رسد کے اعداد و شمار :۔۔ کل سسٹم ڈیمانڈ : 14840 میگاواٹ۔ سسٹم میں دستیاب بجلی کی پیداوار:- 17100 میگاواٹ ، شارٹ فال :زیرو، صرف جن علاقوں میں چوری اور دیگر وجوہات کی وجہ سے نقصانات ہیں ادھر تناسب سے اعلانیہ لوڈ مینجمنٹ ہے۔

— Omar Ayub Khan (@OmarAyubKhan) April 7, 2019

یاد رہے کہ موسمِ گرما کا آغاز ہوتے ہی ملک بھر میں بجلی کی طلب بڑھ جاتی ہے کیونکہ سورج کی گرمی سے محفوظ رہنے کے لیے صارفین گھروں اے سی اور دیگر ٹھنڈے رکھنے والے برقی آلات استعمال کرتے ہیں۔