ARYNews.tv | Urdu – Har Lamha Bakhabar

Tag: لوڈشیڈنگ

  • شدید گرمی نے شہریوں کو بے حال کردیا, مزید گرمی کی پیش گوئی

    شدید گرمی نے شہریوں کو بے حال کردیا, مزید گرمی کی پیش گوئی

    کراچی / لاہور : ملک بھر میں شدید گرمی سے شہری بلبلا اٹھے۔ کراچی میں درجہ حرارت حرارت بیالیس اعشاریہ پانچ ڈگری سینٹی گریڈ تک جا پہنچا۔ گرمی بھگانے کیلئے لوگ ساحل پہنچ گئے۔

    چھٹی کے دن سورج کی تپیش اور لو نےشہرقائد کی سڑکیں سنسان کردیں  کراچی میں مئی کا آغاز سال کے گرم ترین دن سے ہوا۔اوردرجہ حرارت بیالیس اعشاریہ پانچ ڈگری سینٹی گریڈ تک جا پہنچا۔

    گرمی بڑھی تو بجلی کی لوڈشیڈنگ اور پانی کے بحران نے شہریوں کی چھٹی برباد کردی۔ ایسے میں بے حال شہریوں نے تنگ آکر ساحل کا رخ کیا۔

    گرمی کے ستائے شہری سمندری لہروں سے لطف اندوز ہونے کے ساتھ آئسکریم اور ٹھنڈے مشروبات کے مزے لیتے نظر آئے۔ لاہوری بھی گرمی بھگانے نہروں پرپہنچے۔ایسے میں بچے کیا بوڑھے کیا جوان سب دن بھرغوطہ خوری کرتے رہے۔

    محکمہ موسمیات کی پیش گوئی کےمطابق گرمی کی شدت کل تک برقرار رہے گی۔

  • کراچی کو بجلی کی فراہمی : بحریہ ٹاؤن اورکے الیکٹرک کے درمیان معاہدہ

    کراچی کو بجلی کی فراہمی : بحریہ ٹاؤن اورکے الیکٹرک کے درمیان معاہدہ

    کراچی : بحریہ ٹاؤن نے کراچی کو بجلی کی بلا تعلطل فراہمی کیلئے کے الیکٹرک کے ساتھ تاریخی معاہدہ کیا ہے،بجلی کی یقینی فراہمی کیلئے اسٹیٹ آف دی آرٹ تقسیم کا نظام متعارف کرایا جائے گا۔

    بحریہ ٹاؤن نے کراچی کو بلا رکاوٹ بجلی کی فراہمی اور لوڈشیڈنگ سے نجات کیلئے کے الیکٹرک سے مختلف معاہدے کئے ہیں جن کے تحت بحریہ ٹاؤن کے الیکٹرک کے ساتھ اربوں روپے کی سرمایہ کاری کرے گا۔

    گزشتہ روز بحریہ ٹاؤن اور کے الیکٹرک کے درمیان شراکت کے معاہدوں پر دستخط کئے گئے ، بحریہ ٹاؤن پرائیوٹ لمیٹڈ کی جانب سے وائس چیف ایگزیکیٹو زین ملک جبکہ کے الیکٹرک اوبراج گروپ کمپنی کی جانب سے چیئرمین طیب ترین نےمعاہدے پر دستحط کئے۔

    معاہدے کے تحت بحریہ ٹاؤن اور کے الیکٹرک آئندہ تین سے چار سال میں اربوں کی سرمایہ کاری سے کوئلے یا ایل این جی سے بجلی بنانے کے منصوبوں پر کام کریں گے۔

    ان منصوبوں کی تکمیل سے کراچی کے شہریوں کو بجلی کی لوڈ شیڈنگ سے چھٹکارا مل جائیگا ، بجلی کی تقسیم اور اس کا زیاں روکنے کیلئے اسٹیٹ آف دی آرٹ ٹیکنالوجی متعارف کرائی جائیگی۔

    اس موقع پر چیئرمین بحریہ ٹاؤن ملک ریاض حسین ، چیئرمین کے الیکٹرک تابش گوہر اور چیف ایگزیکیٹو بحریہ ٹاؤن احمد علی ریاض ملک بھی موجود تھے۔

  • پاک بھارت میچ کےدوران ملک بھر میں لوڈشیڈنگ نہ کرنے کا فیصلہ

    پاک بھارت میچ کےدوران ملک بھر میں لوڈشیڈنگ نہ کرنے کا فیصلہ

    اسلام آباد: اےآروائی نیوز کی کوششیں رنگ لے آئیں پاک بھارت میچ کےدوران اتوارکوملک بھر میں لوڈشیڈنگ نہیں ہوگی۔

    وزیراعظم میاں محمد نواز شریف نے واپڈا کو ہدایت  جاری کی ہیں کہ پاک بھارت میچ کے دوران لوڈ شیڈنگ نہ کی جائے ۔

    اس سے قبل کے الیکٹرک کی جانب سے بیان سامنے آیا تھا پاکستان اور بھارت کے میچ کے دن لوڈ شیڈنگ نہیں کی جائے گی۔

    ورلڈ کپ 2015 میں پاکستان کا پہلہ ٹاکرا روایتی حریف بھارت سے ساتھ 15 فروری اتوار کے روز ہوگا۔پاک بھارت میچ پاکستان کے وقت کے مطابق صبح 8 بجے شروع ہوگا۔

    دوسری جانب بھارتی وزیراعظم نرنیدرمودی نے لیا ہے سہارا کرکٹ ڈپلومیسی کا اور ٹیلی فون کر کے وزیراعظم نواز شریف سے پاک بھارت میچ کے حوالے سے نیک خواہشات کا اظہار کیا۔

  • وزیراعظم سے وفاقی وزیر پانی و بجلی خواجہ آصف کی ملاقات

    وزیراعظم سے وفاقی وزیر پانی و بجلی خواجہ آصف کی ملاقات

    اسلام آباد: وزیراعظم محمد نواز شریف سے وفاقی وزیر پانی و بجلی خواجہ آصف کی ملاقات ہوئی، ملک میں پاور سپلائی کی صورتحال کے بارے میں آگاہ کیا۔

    وزیراعظم محمد نواز شریف سے وفاقی وزیر پانی و بجلی خواجہ آصف نے اتوار کی شب یہاں ملاقات کی اور انہیں گزشتہ رات ہونے والے بجلی کے بریک ڈاﺅن کے تناظر میں ملک میں پاور سپلائی کی صورتحال کے بارے میں آگاہ کیا۔

    وفاقی وزیر بتایا کہ سسٹم کو بتدریج معمول کی طرف واپس لایا جارہا ہے، تین پلانٹس کو قومی گریڈ سے منسلک کر دیا گیا اور چند گھنٹوں میں بڑے پیمانے پر سسٹم بحال ہو جائے گا۔

    وفاقی وزیر نے بتایا کہ بجلی کی فراہمی میں تعطل گزشتہ 10روز میں ہونے والے تخریب کاری کے واقعات کی وجہ سے ہوئی ہے جن میں سے 2واقعات گزشتہ دو راتوں میں ہوئے اور جعمہ کی رات ہونے والا حملہ گیس پائپ لائن پر ہوا جسے اوگرا نے 13گھنٹوں بعد بحال کیا۔

  • بلوچستان میں بجلی کا بحران، کاروبار زندگی مفلوج، زراعت تباہ

    بلوچستان میں بجلی کا بحران، کاروبار زندگی مفلوج، زراعت تباہ

    کوئٹہ : ملک میں بجلی کی لوڈشیڈنگ سے سب سے زیادہ متاثرہ صوبہ بلوچستان کو قرار دیا جائے تو بے جا نہ ہوگا،ہفتہ اور اتوار کی درمیانی شب طویل بریک ڈاﺅن کے باعث ملک بھر میں بجلی معطل رہی تاہم گزشتہ کئی ماہ سے بلوچستان کے دیہی اضلاع میں لوگ رات اور دن اسی طرح بغیر بجلی کے ہی گزارتے ہیں۔

    جس سے زراعت کا شعبہ تباہی کے دہانے پہنچ گیا ہے ،صوبے کے ضلعی ہیڈ کوارٹرز میں بجلی کی اعلانیہ لوڈشیڈنگ کا دورانیہ14سے 18گھنٹے جبکہ صوبائی دارالحکومت میں 4سے 8گھنٹے بجلی بند رہتی ہے تاہم بجلی کے ٹاورز گرائے جانے اور دیگر وجوہات کے باعث غیر اعلانیہ لوڈشیڈنگ نے لوگوں کو اذیت میں مبتلا کردیا ہے۔

    بریک ڈاﺅن کے بعد بلوچستان میں بجلی بحال تو ہوگئی تاہم چھتر میں تباہ شدہ ٹاورز کی مرمت کا کام مکمل ہوا ہی نہیں تھا کہ گزشتہ رات ضلع نصیر آباد کے علاقے نوتال میں بھی 220کے وی کے مزید دو ٹاوزر دھماکہ خیز مواد سے اڑا دئیے، جس سے کوئٹہ سمیت بلوچستان کے بیشتر اضلاع میں بجلی کی لوڈشیڈنگ میں مزید اضافہ ہوگیا ہے جو عوام کیلئے کسی اذیت سے کم نہیں۔‘

  • آئندہ موسم گرما میں لوڈ شیدنگ کم ہوگی، خواجہ آصف

    آئندہ موسم گرما میں لوڈ شیدنگ کم ہوگی، خواجہ آصف

    وزیر پانی و بجلی خواجہ آصف نے کہا ہے کہ سرکلر قرضے 304ارب روپے تک پہنچ گئے ہیں ، مستقبل کی منصوبہ بندی کے تحت سستی ہائیڈل بجلی کی پیداوار کیلئے ترجیحی اقدامات کئے جارہے ہیں۔

    اسلام آباد میں داسو واپڈا آفس کے افتتاح کے موقع پر میڈیا سے بات چیت کرتے ہوئے انہوں نے کہا کہ سستی بجلی کیلئے شمال میں ہائیڈل منصوبوں اور جنوب میں تھر کے کوئلے سے بجلی کی طرف توجہ ہے ، انہوں نے بتایا کہ سرکلر قرضے 304ارب روپے تک پہنچ گئے ہیں ، جس کی بنیادی وجہ مہنگے فیول سے بجلی پیدا کرنا ہے ، اگر مختلف سرکاری اداروں سے بجلی کے واجبات مل جائیں تو سرکلر قرضے کم ہو جائیں گے۔

    انہوں نے اعلان کیا کہ موجودہ حکومت کے دوسرے سال میں موسم گرما کی لوڈشیڈنگ پہلے سال سے کم تھی اور آئندہ سال صورتحال مزید بہتر ہوگی ، ایک سوال پر انہوں نے بتایا کہ تربیلا کے چوتھے توسیعی منصوبے سے 1400میگاواٹ بجلی پیدا ہوگی ، جبکہ دیامر بھاشا ، تھاہ کوت اور دیگر منصوبوں کیلئے امدادی اداروں نے مثبت ردعمل کا اظہار کیا ہے ، خواجہ آصف کا کہنا تھا کہ داسو ڈیم کی تعمیر کیلئے کچھ رقم مل گئی ہے ، جلد کام شروع ہو جائے گا ۔

  • لوڈشیڈنگ دوہزارسترہ میں ختم ہوجائیگی، خواجہ آصف

    لوڈشیڈنگ دوہزارسترہ میں ختم ہوجائیگی، خواجہ آصف

    سیالکوٹ : وفاقی وزیردفاع پانی و بجلی خواجہ محمد آصف نے کہا ہے دو ہزار سترہ میں لوڈشیڈنگ ماضی کا قصہ بن جائے گی ۔سیالکوٹ ڈرائی پورٹ ٹرسٹ میں اپنے دورہ کے دوران برآمدکنندگان سے خطاب کے دوران ان کا کہنا تھا کہ چائنہ کی مدد سے شمالی علاقوں میں پانی اور جنوبی علاقوں میں کوئلے سے بجلی پیدا کرنے کے منصوبوں پر کام کررہے ہیں۔

    جبکہ آئندہ مئی ایک ہزار میگا واٹ بجلی سسٹم میں شامل کر دی جائے گی۔وفاقی وزیر خواجہ محمد آصف نے بتایا کہ چند بڑی بیرونی طاقتیں پاکستان کو سیاسی اور معاشی طور پر کمزور دیکھنا چاہ رہی ہیں۔

    انہوں نے کہا کہ وزیر اعظم میاں محمد نواز شریف کی حکومت پاکستان کو مظبوط اور خود مختار بنانے کیلئے دن رات کوششوں میں مصروف ہیں۔

  • کسی نادہندہ ادارے کوبجلی نہیں ملے گی،عابد شیرعلی

    کسی نادہندہ ادارے کوبجلی نہیں ملے گی،عابد شیرعلی

    اسلام آباد : وزیر مملکت عابد شیرعلی نے کہا ہے کہ بل ادا نہ کرنے والے کسی ادارے کوبجلی نہیں دیں گے، وزیر مملکت عابد شیرعلی نے انکشاف کیا کہ ماضی میں لوڈشیڈنگ کی وجہ سے بل کم آتے تھے۔

    پہلے اٹھارہ گھنٹے کی لوڈشیڈنگ کی جاتی تھی، نون لیگ کی حکومت نے لوڈشیڈنگ میں کمی کی ہے۔ان کا کہنا تھا کہ بجلی سے متعلق منصوبوں پر چوبیس گھنٹے کام کیاجارہا ہے، جن کے اضافی بلز آئے انہیں وزیر اعظم کی ہدایت پرتین اقساط میں بل ادا کر نے کی ہدایت کردی گئی ہے۔

    انہوں  نے کہا کہ بل ادا نہ کرنے والے کسی ادارے کوبجلی نہیں دیں گے،ہرڈسٹرکٹ میں میڑچیک کئے جائیں گے،جن فیڈرز میں نقصانات زیادہ ہے ان کو نجی شعبہ کے حوالے کردیا جائے ۔

    عابد شیر علی نے کہا کہ عمران خان پر ایک لاکھ اڑتیس ہزار روپے واجب الادا ہے۔دھر نے کی سیاست کرنے والے ملک میں نواز شریف کےترقیاتی کاموں میں خلل ڈالنا چاہتے ہے۔

  • کراچی:مختلف علاقوں میں لوڈشیڈنگ اور پانی کے بحران کی شدت برقرار

    کراچی:مختلف علاقوں میں لوڈشیڈنگ اور پانی کے بحران کی شدت برقرار

    کراچی:  مختلف علاقوں میں لوڈشیڈنگ اور پانی کے بحران کی شدت برقرار ہے،  دھابیجی ، گھارو اور پپری پمپنگ اسٹیشن پر بجلی کی طویل لوڈشیڈنگ سےکراچی شہر کو دس کروڑ گیلن سے زائد پانی کی فراہمی معطل ہوگئی ہے۔

    کراچی کے مختلف علاقوں میں لوڈشیڈنگ اور پانی کا بحران شدت اختیار کرگیا، کراچی کے علاقے شادمان ٹائون، ناظم آباد، نارتھ کراچی اور نارتھ ناظم آباد سمیت کئی علاقے طویل غیر اعلانیہ لوڈ شیڈنگ کے سبب شدید متاثر ہیں۔

    لسبیلہ روڈ اور لیاقت آباد میں بجلی کی بندش کے خلاف مکینوں نےاحتجاج کرتے ہوئے ٹائر نذر آتش کئے، رنچھوڑ لائن اور اطراف کے علاقے میں بجلی کی لوڈ شیڈنگ کے باعث شدید متاثر ہیں، دھابجی گھارو اور پپری پمپنگ اسٹیشن پر بجلی کی طویل لوڈشیڈنگ سے کراچی شہر کو دس کروڑ گیلن سے زائد پانی کی فراہمی معطل ہوگئی۔

    بلدیہ اتحاد ٹاون ، قائم خانی کالونی، نواب کالونی، شادمان ٹاؤن، قلندریہ چوک، سخی حسن میں واٹر بورڈ ، ٹینکر مافیا اورپولیس کی ملی بھگت سے پانی کی چوری کا سلسلہ جاری ہے، ٹینکر مافیا تین سے چار ہزار روپے فی ٹینکر پانی فروخت کررہی ہے۔

  • کراچی :کے الیکٹرک کے دعوے بھی بارش کے ساتھ بہہ گئے

    کراچی :کے الیکٹرک کے دعوے بھی بارش کے ساتھ بہہ گئے

    کراچی : افطار سے کچھ دیر قبل بجلی کی آمد پر کراچی کے عوام نےسکون کا سانس لیا ہی تھا کہ رم جھم میگھا پڑتے ہی شہر پھر اندھیروں میں ڈوب گیا۔
    کراچی میں جمعے کی سحری کے اوقات میں بند ی جانے والی بجلی افطار کے وقت آئی تو لوگوں نے سکون کا سانس لیا، لیکن افطار ختم ہوتے ھی  بجلی پھر غائب ہوگئی ۔

    دس سے بارہ گھنٹے کے بجلی کے تعطل کے بعد لوگوں کو چین نصیب ہوا تھا کہ روزہ کھولتے ہی ابر کرم برسنے لگا، ابھی بارش کی بوندیں زمین تک بھی نہ پہنچیں تھیں  کہ بجلی پھر چلی گئی  اور کیوں نہ جاتی ،بجلی کے کھمبے زمین سے اوپر جو ہوتے ہیں،

    اس طرح کراچی کے شہریوں کو ایک دن میں بجلی کے دو بڑے بریک ڈائونز کا سامنا کرناپڑا،پہلا سحری سے افطار تک اور دوسرا افطار سے شب قدر کی عبادات تک ، پہلا بریک ڈائون جامشورو میں پانچ سو کلو واٹ کا ٹرانسفارمر جلنے سے ہوا تھا ۔ دوسرا شاید کسی کا دل جلنے سے ہو گیا۔

    اور رہ گئے وہ لوگ جو رات کو شاپنگ کیلئے نکلنا چاہتے تھے۔ ان کے نئے کپڑوں اور جوتوں کے خواب ادھورے رہ گئے ،بجلی چلی گئی  یہ تو سب جانتےہیں۔۔ لیکن آئے گی کب،کسی کو نہیں معلوم  شاید بجلی والوں کو بھی نہیں۔