Tag: لوڈ شیڈنگ کا دورانیہ.

ڈھاکہ: بنگلادیش میں بھی لوڈ شیڈنگ کا دورانیہ دس سےبارہ گھنٹےتک پہنچ گیا ہے، شدید گرمی کی وجہ سے بجلی کی طلب میں اضافہ ہوا ہے۔

تفصیلات کے مطابق بنگلادیش میں بجلی کا بحران شدت اختیار کر گیا، جس سے ملک میں لوڈ شیڈنگ کا دورانیہ دس سےبارہ گھنٹےتک پہنچ گیا ہے۔

کوئلے سے چلنے والا دوسرا بڑا پلانٹ بھی بند ہوگیا ہے ، بنگلادیش کے وزیرِ توانائی نے کہا ہے کہ جون کے آخر تک درآمدی کوئلہ پہنچنا شروع ہو جائے گا، کوئلے کی ترسیل سے بجلی کی پیداوار تین ہفتوں تک بحال ہو جائے گی۔

واضح رہے بنگلادیش میں زرِ مبادلہ کے ذخائر ایک تہائی گر کر سات سال کی کم ترین سطح پر آگئے ہیں۔

ذخائر گزشتہ سال جنوری میں چھیالیس ارب ڈالر سے کم ہو کررواں سال اپریل کے آخر تک تیس ارب ڈالر پر آ گئے تھے تاہم حالیہ ہفتوں میں شدید گرمی کی وجہ سے بنگلادیش میں بجلی کی طلب میں اضافہ ہوا ہے۔