Tag: لڑکی خودکشی

مصر کے دارالحکومت قاہرہ کے ایک ہوٹل کی عمارت سے گر کر جان کی بازی ہارنے والی لڑکی سے متعلق اہم انکشاف ہوا ہے۔

بین الاقوامی خبر رساں ادارے کی رپورٹ کے مطابق لڑکی سے متعلق انکشاف ہوا ہے کہ لڑکی ذہنی مریضہ تھی، تاہم تحقیقات میں مزید شواہد بھی سامنے آرہے ہیں۔

رپورٹ کے مطابق یہ افواہیں بھی گردش کررہی تھیں کہ لڑکی نے ہوٹل کی 26 ویں منزل سے چھلانگ لگاتے ہوئے مبینہ طور پر کہا تھا کہ ’وہ اسرائیل کی خاطر موت کو گلے لگا رہی ہے۔

تاہم خودکشی کرنے والی لڑکی کے والد کا اپنے بیان میں کہنا تھا کہ ان کی بیٹی کو حال ہی میں اس کے شوہر نے طلاق دی تھی، وہ صدمے میں تھی اور ذہنی امراض میں بھی مبتلا تھی۔ جبکہ اس کا علاج بھی کرایا جارہا تھا۔

سوشل میڈیا پر گردش کرنے والی ویڈیو میں واضح طور پر دیکھا جاسکتا تھا کہ ایک خاتون ہوٹل کی 26 ویں منزل کی بالکنی کے کنارے بیٹھی ہے اور ہوٹل کے ملازمین اسے بچانے کی کوششوں میں مصروف ہیں مگر لڑکی نیچے گر جاتی ہے۔

وقت ہمارے ہاتھوں سے نکلتا جا رہا ہے، اسرائیلی وزیر نیتن یاہو پر آگ بگولہ

لڑکی کو وائرل وڈیو میں اسے کچھ الفاظ بھی کہتے سنا جا سکتا ہے۔ بتایا گیا ہے کہ لڑکی ہوٹل میں ملازم تھی اور ہوٹلنگ کے شعبے میں گریجویٹ تھی۔ خودکشی کے حوالے سے سوشل میڈیا پر مختلف افواہیں گردش کررہی ہیں۔