Tag: لڑکی

  • لڑکی کے پیٹ سے آدھا کلو بال اور شیمپو کے پیکٹس برآمد

    لڑکی کے پیٹ سے آدھا کلو بال اور شیمپو کے پیکٹس برآمد

    نئی دہلی: بھارت میں 13 سالہ لڑکی کے پیٹ سے آدھا کلو انسانی بال اور شیمپو کے خالی پیکٹس نکال لیے گئے۔

    بھارتی میڈیا رپورٹس کے مطابق ریاست تامل ناڈو میں ساتویں جماعت کی طالبہ کو پیٹ میں مسلسل تکلیف کے باعث اسپتال لایا گیا تو ابتدائی طور پر ڈاکٹرز نے مختلف ٹیسٹ کے ذریعے کسی ٹھوس شے کی پیٹ میں موجودگی کا انکشاف کیا۔

    ڈاکٹرز نے اینڈو اسکاپی کے ذریعے ٹینس گیند کے برابر ٹھوس شے نکالنے کی کوشش کی تاہم وہ ناکام رہے، اس دوران لڑکی مسلسل درد کے باعث شدید تکلیف میں رہی۔

    بڑھتے درد کے بعد ڈاکٹرز نے فوری سرجری تجویز کی اور والدین کی اجازت سے لڑکی کا آپریشن کیا گیا، ڈاکٹرز نے لڑکی کے پیٹ سے بالوں کا گچھا اور پلاسٹک کے پیکٹس نکال لیے۔

    ڈاکٹرز کا کہنا ہے کہ بالوں اور شیمپوں کے خالی پیکٹس کا وزن آدھا کلو کے برابر تھا، ڈاکٹرز نے میڈیا کو بتایا کہ قریبی رشتہ دار کے موت پر لڑکی نے اشیا کھانا شروع کر دی تھیں، لڑکی نے اپنے بال نوچ کر کھائے اور شیمپو کے خالی پیکٹس بھی نگل لیے۔

  • لڑکی کی جعلی آواز سن کر نوجوان پھنس گیا

    لڑکی کی جعلی آواز سن کر نوجوان پھنس گیا

    کراچی: ڈاکوؤں نے فون پر لڑکی بن کر نوجوان کو دھوکے سے اغوا کر لیا۔

    تفصیلات کے مطابق اورنگی ٹاؤن کا رہائشی اغواکاروں کے ہتھے چڑھ گیا، ڈاکوؤں نےلڑکی کی آواز بناکر دھوکے سےکشمور بلایا اور اغوا کر لیا۔

    اے آئی جی سکھر کا کہنا ہے کہ ڈاکوؤں نے لڑکی بن کر نوجوان کو کال کی اور اس سے دوستی کر لی، ملاقات کے بہانے اسے کشمور بلایا اور پھر اغوا کر کے تاوان طلب کر لیا۔

    ان کا کہنا ہے کہ ڈاکوؤں نے رہائی کے بدلے تاوان کا مطالبہ کیا تھا، اطلاع ملنے پر پولیس نے کارروائی کرتے ہوئے مغوی کو بازیاب کروالیا تاہم کوئی گرفتاری عمل میں نہ آ سکی۔

    پولیس افسر کا کہنا ہے کہ اغوا کاروں کی گرفتاری کے لیے چھاپے مارے جارہے ہیں اور ملزمان کی تلاش کے لیے مختلف ٹیمیں تشکیل دے دی گئی ہیں۔

    دوسری جانب بازیاب کروائے گئے نوجوان کو ضابطے کی کارروائی کے بعد واپس کراچی روانہ کردیا گیا ہے۔

  • لڑکی کو نازیبا پیغامات بھیجنا اماراتی لڑکے کو مہنگا پڑ گیا

    لڑکی کو نازیبا پیغامات بھیجنا اماراتی لڑکے کو مہنگا پڑ گیا

    دبئی: متحدہ عرب امارات میں ہم وطن لڑکی کو نازیبا پیغامات بھیجنے اور بلیک میلنگ کے الزام نے اماراتی لڑکے کو عدالت پہنچا دیا۔

    اماراتی میڈیا کے مطابق 19 سالہ لڑکے کو 20 سالہ لڑکی کو سوشل میڈیا پر نامناسب میسجز بھیجنا مہنگا پڑ گیا، شکایت کنندہ نے پراسیکیوٹر کو بتایا کہ مذکورہ لڑکے نے اس کے سوشل میڈیا اکاؤنٹس پر میسجز بھیجے کہ اگر اس نے ’ان بلاک‘ نہ کیا تو وہ ہمارے تعلقات کے بارے میں اس کے بھائی اور والدین کو بتا دے گا۔

    لڑکی نے تفتیشی افسر کو بتایا کہ ایک رات لڑکے نے اسے دھمکی آمیز پیغامات بھیجے اور وائس میسیج بھیج کر پیغام دیا کہ اگر اس کی بات نہ مانی تو وہ تمام راز فاش کر دے گا۔

    لڑکی کے بقول لڑکا اس لیے بھی افسردہ تھا کہ اس کی شادی کی پیشکش کو اس نے مسترد کردیا تھا جب کہ شکایت کنندہ کی والدہ نے بھی تفتیشی افسر کو بتایا کہ میری بیٹی نے لڑکے کی آفر کو یکسر مسترد کردیا تھا اور اس وقت ہم ساتھ تھے اور یہ باتیں اس نے خود سنی تھیں۔

    شکایت کنندہ نے ملزم کی جانب سے بھیجے گئے پیغامات اور وائس میسج بطور ثبوت پیش کردیے ہیں اور اب عدالت 29 دسمبر کو کیس کا فیصلہ سنائے گی۔

  • یو اے ای میں طالبہ کی ہلاکت معمہ بن گئی

    یو اے ای میں طالبہ کی ہلاکت معمہ بن گئی

    شارجہ: متحدہ عرب امارات کی ریاست شارجہ میں بلندو بالا رہائشی عمارت سے گر کر ہلاک ہوگئی۔

    امارتی میڈیا کے مطابق متوفی کی شناخت ’عین‘ کے نام سے ہوئی ہے جو کہ بھارتی ہے اور انڈین اسکول شارجہ میں زیر تعلیم تھی۔

    15سالہ طالبہ کی موت کا سبب کہیں خود کشی تو نہیں؟ پولیس خودکشی سمیت تمام پہلوؤں سے واقعے کی تحقیقات کررہی ہے۔

    اس ضمن میں لاش کو فرانزک لیبارٹری بھجوادیا گیا ہے اور ماہرین کی رپورٹ کی روشنی میں تحقیقات کی سمت کا تعین کیا جائے گا۔

    پولیس نے جائے وقوعہ سے ابتدائی شواہد اکٹھے کرکے بعض افراد کے بیاناب قلمبند کیے ہیں اور اطراف میں لگے سی سی ٹی وی فوٹیج بھی حاصل کی جارہی ہے۔

    پولیس کا کہنا ہے کہ انہیں واقعے کی اطلاع ملی تو وہ پیرا میڈکس کے ہمراہ جائے وقوعہ پر پہنچے اور لڑکی ایمبولینس کے ذریعے کویتی اسپتال منتقل کیا گیا جہاں زخموں کی تاب نہ لاتے ہوئے طالبہ دم توڑ گئی۔

  • کراچی میں لڑکی اغوا، ویٹر کا بیان سامنے آگیا

    کراچی میں لڑکی اغوا، ویٹر کا بیان سامنے آگیا

    کراچی: شہر قائد کے پوش علاقے میں راہ چلتی لڑکی کو اغوا اور اس کے دوست کو گولی مار کرزخمی کرنے کے افسوسناک واقعے کی تفتیش کا عمل تیز کردیا گیا۔

    تفصیلات کے مطابق گزشتہ شب اغوا ہونے والی 20 سالہ دعامنگی کا تاحال کچھ معلوم نہیں ہوسکا اور پولیس کے ساتھ ساتھ دیگر اداروں کی ٹیمیں مغوی کی بازیابی کے لیے بھرپور کوششیں کررہی ہیں۔

    تفتیشی ٹیم نے ڈی ایچ اے بخاری کمرشل میں جائےوقوعہ کادورہ کیا اور کئی لوگوں کے بیانات قلمبند کیے۔

    یہ بھی پڑھیں: کراچی، ڈیفنس میں کارسواروں نے لڑکی اغوا کرلی، نوجوان زخمی

    تفتیشی ٹیم کو وقوعہ کے مقام سے نائن ایم ایم کا خول کا ملا ہے جب کہ زخمی نوجوان حارث اورمغوی دعا کو آرڈر فراہم کرنےوالےویٹرکابیان ریکارڈ کیا ہے۔

    ویٹر نے انکشاف کیا کہ حارث اوردعاکےساتھ اکثرایک خاتون بھی ہوتی تھی۔ بیان کے مطابق حارث اوردعا 4 ماہ سےمستقل ٹی شاپ آرہےتھے اور عرصے کے دوران کوئی بھی ناخوشگوارواقعہ پیش نہیں آیا ، دعامنگی اورحارث ہمیشہ اچھےاخلاق سےپیش آتےتھے۔

    دوسری جانب واقعے کی 2 سی سی ٹی وی فوٹیج بھی پولیس نے حاصل کر لی ہیں جس میں دیکھا جاسکتا ہے کہ سیاہ رنگ کی کار میں سوار افراد لڑکی کو اغوا کر کے لے جارہے ہیں۔

  • انٹرنیٹ پر جھانسے میں آکر لڑکی نے اپنی سہیلی کو قتل کردیا

    انٹرنیٹ پر جھانسے میں آکر لڑکی نے اپنی سہیلی کو قتل کردیا

    واشنگٹن : پولیس نے انٹرنیٹ کے ذریعے لڑکی کو اکُسا کر واردات کروانے والے نوجوانوں اور بچوں کے ساتھ زیادتی جیسے دیگر جرائم میں ملوث شخص کو گرفتار کرلیا۔

    تفصیلات کے مطابق امریکی ریاست الاسکا میں انٹرنیٹ پر نامعلوم شخص نے نوے لاکھ ڈالر کا جھانسا دیکر کمسن بچی کو ورغلا کر اپنی دوست کو قتل کرنے پر آمادہ کرلیا۔

    میڈیا رپورٹ میں بتایا گیا ہے کہ اٹھارہ سالہ ڈینیلی بریمر نے اپنے چار ساتھیوں سمیت انیس سالہ سنتھیا ہوفن کو ہائکنگ کے دوران منصوبے کے تحت موت کے گھاٹ اتار دیا۔

    غیر ملکی خبر رساں ادارے کا کہنا تھا کہ قاتل نے گھناؤنی کارروائی کی وڈیو بنا کر ہدایات کے مطابق آن لائن خود کو ٹائلر نامی ارب پتی بتانے والے شخص کو بھیجیں۔

    پولیس نے واردات میں ملوث نوجوانوں اور بچوں کے ساتھ زیادتی جیسے دیگر جرائم میں ملوث شخص کو گرفتار کرلیا۔

    خبر رساں ادارے کا کہنا تھا کہ اٹھارہ سالہ بریشمر نے مبینہ طور پر قتل کی ویڈیو سماجی رابطے کی ویب سائٹ اسنیپ چیٹ کے ذریعے 90 لاکھ ڈالر کی پیش کش کرنے والےمبینہ ارب پتی کو دکھائی تھی۔

    پراسیکیوٹر کا کہنا تھا کہ یہ کیس نوجوان بچوں کے والدین کے لیے ایک وارننگ ہے جو اپنے بچوں پر نظر رکھنےکے بجائے انہیں بے جا آزادی دیتے ہیں۔

    ڈسٹرکٹ آلاسکا کے اٹارنی جنرل کا کہنا تھا کہ ’انٹرنیٹ پربے تحاشا اچھا مواد وجود ہےلیکن وہ ایک خراب جگہ بھی ہے لہذا والدین اپنے بچوں کی انٹرنیٹ سرگرمیوں پر نظر رکھےہیں۔

    عدالتی دستاویزات کے مطابق بریشمر نے 2 جون کو اپنی دوست کو دوران ہائکنگ قتل کرنے کا اعتراف کرلیا۔

  • نابینا ہونے کے باوجود ورلڈ ریکارڈ‌ بنانے کے لیے پرعزم ہسپانوی لڑکی

    نابینا ہونے کے باوجود ورلڈ ریکارڈ‌ بنانے کے لیے پرعزم ہسپانوی لڑکی

    میڈرڈ: بینائی سے محرومی کے باوجود ہسپانوی ایتھلیٹ نے ہمت نہیں‌ ہاری، ورلڈ‌ریکارڈ بنانے کا عزم کر لیا.

    تفصیلات کے مطابق 21 سالہ کیرمین لوپیز سمندر کو دیکھنے سے تو قاصر ہے، مگر اس کی بلند و بالا لہروں سے مقابلہ کرنے کے لیے پوری طرح تیار ہے.

    کیرمین نے اپنے لیے سرفنگ کا مشکل میدان چنا ہے، وہ ایک انسٹرکٹر کی رہنمائی میں سرفنگ کرتی ہے اور ہر گزرتے دن کے ساتھ اس مشکل فن میں پختگی حاصل کرتی جارہی ہے.

    اس باہمت لڑکی نے کیلی فورنیا میں ہونے والے ورلڈ اڈپٹیو سرفنگ چیمپین شپ میں‌ حصہ لینے کا اراہ باندھ لیا ہے، کیرمین لوپیز اس مقابلے میں‌ حصہ لینے والی پہلی ہسپانوی نابینا ایتھلیٹ‌ ہوگی، جو ایک ریکارڈ ہے.

    کیرمین نے ایک اپنے ایک بیان میں‌ کہا کہ دیگر جگہوں کے برعکس یہ سمندر ہے، جہاں وہ خود کو آزاد اور پرسکون محسوس کرتی ہے، سرفنگ بورڈ اسے اعتماد دیتا ہے.

    مزید پڑھیں: نیویارک : نابینا مصورہ نے اپنے فن سے احساسات کو رنگوں کی زبان دے دی

    بچپن میں‌ ایک مرض کے باعث بینائی سے محروم ہونے والی کیرمین لوپیز کے مطابق وہ دیگر سرفرز ہی کے مانند ہے اور ان ہی کی طرز پر مقابلے میں اترے گی، اس نے کبھی اپنی معذوری کو رکاوٹ نہیں بننے دیا.

    کیرمین لوپیز کا 2024 کے پیرا اولمپکس میں‌ بھی حصہ لینے کا ارادہ ہے.

  • خود کو ڈریکولا سمجھنے والی لڑکی کو روسی پولیس نے گرفتار کرلیا

    خود کو ڈریکولا سمجھنے والی لڑکی کو روسی پولیس نے گرفتار کرلیا

    ماسکو : روسی پولیس نے خود کو ڈریکولا کہنے والی لڑکی کو گرفتار کرکے عدالت میں پیش کیا تھا، عدالت نے لڑکی کو ایک شخص پر حملے کے جرم میں ڈھائی برس قید کی سزا سنا دی۔

    تفصیلات کے مطابق روس کے شہر نووسی برسک کی رہائشی 22 سالہ الیکٹرینا ٹرسکایا نے دعویٰ کیا تھا کہ وہ ڈریکولا ہے اور اس نے خون پینے کے لیے ایک اپنے دوست پر خاقو سے حملہ کردیا تھا۔

    غیر ملکی خبر رساں ادارے کا کہنا تھا کہ لڑکی ٹیلی ویژن پر دکھایا جانے والا پروگرام ’دی ویمپائر ڈائریز‘ کو انہماک سے دیکھتی تھی بارہا مذکورہ پروگرام دیکھنے کے باعث لڑکی خود کو ڈریکولا تصور کرنے لگی۔

    عدالتی دستاویزات میں بتایا گیا ہے کہ الیکٹرینا ٹرسکایا نے سماجی رابطے کی ویب سائٹ کے ذریعے ایک شخص سے دوستی کی اور کچھ روز بعد ملاقات کا فیصلہ کیا۔

    روسی خبر رساں ادارے کا کہنا تھا کہ 22 سالہ لڑکی ملاقات کے بعد متاثرہ لڑکے کے ساتھ رہنا شروع ہوگئی اور اچانک ایک روز صبح نیند سے بیدار ہونے کے بعد کہا کہ میں ڈریکولا ہوں اور لڑکے سے خون کا تقاضا شروع کردیا۔

    غیر ملکی خبر رساں ادارے کا کہنا تھا کہ 22 سالہ لڑکی نے متاثرہ شخص پر چاقو سے حملہ کردیا لیکن نوجوان نے خود کو ڈریکولا سمجھنے والی لڑکی کا حملہ ناکام بناکر اسے ڈبوچ لیا تاہم لڑکی نے دوسرے ہاتھ سے ایک اور چاقو اٹھایا اور نوجوان کے سینے پر وار کردیا جس کے باعث متاثرہ شخص کو معمولی زخم لگا۔

    غیر ملکی خبر رساں ادارے کا کہنا تھا کہ متاثرہ نوجوان زخمی حالت میں باہر بھاگا اور اہل محلّہ اور پولیس کو اطلاع دی، جس کے بعد پولیس لڑکی کو گرفتار کرکے لے گئی۔

    لڑکی نے دوران تفتیش پولیس کو بیان دیا کہ مذکورہ شخص وروولف یعنی ایک بھڑیا اور میرا دشمن تھا جسے میں قتل کرنا چاہتی تھی، عدالت نے شہری پر چاقو سے حملہ کرنے کے جرم میں لڑکی کو ڈھائی برس قید اور ساڑھے پانچ لاکھ روپے جرمانے کی سزا سناتے ہوئے جیل منتقل کرنے کا حکم دے دیا۔

    روسی میڈیا کا کہنا تھا کہ عدالت نے جرمانے کی رقم متاثرہ شخص کو ادا کرنے کا حکم دیا۔

  • بھارت: دوستی کیوں ختم کی؟ لڑکی نے سہیلی پر تیزاب پھینک دیا

    بھارت: دوستی کیوں ختم کی؟ لڑکی نے سہیلی پر تیزاب پھینک دیا

    نئی دہلی : بھارتی پولیس نے تعلقات ختم کرنے 17 سالہ لڑکی پر تیزاب پھینکنے والی خاتون کو گرفتار کرکے دفعہ 326 اور 452 کے تحت مقدمہ درج کرلیا۔

    تفصیلات کے مطابق بھارت میں درندہ صفت مردوں کی جانب سے خواتین کا جنسی استحصال کرنا اور انکار پر تشدد کا نشانہ معمول کی بات ہے لیکن ریاست اتر پردیش کے علاقے فیروز آباد کی پولیس نے جنسی تعلقات قائم نہ کرنے والی لڑکی پر تیزاب پھینکنے کے جرم میں 19 سالہ لڑکی کو گرفتار کرلیا ہے۔

    بھارتی خبر رساں ادارے کا کہنا تھا کہ ملزمہ نے تیزاب گردی کی شکار 17 سالہ متاثرہ لڑکی پر تین روز قبل ہم جنس پرستی سے انکار پر تیزاب پھینکا تھا۔

    اتر پردیش پولیس کا کہنا ہے کہ تیزاب گردی کے نتیجے میں متاثرہ لڑکی کے جسم کا کافی حصّہ جھلس گیا ہے جسے آگرہ اسپتال میں طبی امداد دی جارہی ہے تاہم ڈاکٹر کا کہنا ہے کہ لڑکی کی حالت نازک ہے۔

    بھارتی خبر رساں ادارے کا کہنا تھا کہ پولیس کو تیزاب گردی کی شکایت متاثرہ لڑکی کے والد نے درج کروائی تھی، جسکے بعد پولیس نے آئی پی سیز کی دفعہ 326 اور 452 کے تحت ملزمہ کے خلاف مقدمہ درج کیا تھا۔

    بھارتی پولیس کا کہنا ہے کہ ابتدائی تحقیقات سے معلوم ہوا ہے کہ لڑکی پر تیزاب پھینکنے والی ملزمہ مکان مالکن کی بیٹی ہے، جس نے پولیس تفتیش کے دوران بتایا کہ ’میں متاثرہ لڑکی کو پسند کرتی تھی اور لڑکی کی جانب سے تعلقات ختم کرنے پر نالا تھی‘۔

    بھارتی پولیس کے سینیئر افسر راجیش کمار کا کہنا ہے کہ ’17 سالہ متاثرہ لڑکی نے ملزمہ سے دو ماہ پہلے ہی بات چیت ختم کردی تھی جس کے باعث 19 سالہ خاتون شدید ناراض تھی اور غصّے میں آخر متاثرہ لڑکی پر تیزاب ڈال دیا‘۔

    بھارتی پولیس کا کہنا ہے کہ ملزمہ نے گرفتاری سے بچنے کے لیے تیزاب گردی کا الزام ایویناش نامی نوجوان پر لگا دیا تھا جس متاثرہ لڑکی کو تعلقات قائم کرنے کے لیے دھمکیاں دی تھیں۔

  • کراچی: گلشن معمار میں لڑکی سے زیادتی، 3 ملزمان گرفتار

    کراچی: گلشن معمار میں لڑکی سے زیادتی، 3 ملزمان گرفتار

    کراچی: صوبہ سندھ کے دارالحکومت کراچی میں لڑکی سے زیادتی کے 3 ملزمان کو حراست میں لے لیا گیا۔ لڑکی کے اہلخانہ کا مؤقف ہے کہ لڑکی کا ذہنی توازن درست نہیں۔

    تفصیلات کے مطابق واقعہ کراچی کے علاقے گلشن معمار میں پیش آیا۔

    پولیس کے مطابق لانڈھی کی رہائشی لڑکی کو فیضان نامی لڑکے نے زیادتی کا نشانہ بنایا۔

    میڈیکل چیک اپ کے بعد لیڈی میڈیکو لیگل آفیسر نے زیادتی کی تصدیق کردی۔

    پولیس کا کہنا ہے کہ متاثرہ لڑکی کو بے ہوشی کی حالت میں عباسی شہید اسپتال لایاگیا۔

    پولیس نے 3 ملزمان کو حراست میں لے لیا ہے۔

    دوسری جانب لڑکی کے اہل خانہ کا کہنا ہے کہ لڑکی کا ذہنی توازن درست نہیں۔ وہ کسی شاہ رخ یا فیضان نامی لڑکے کو نہیں جانتے۔

    آئی جی سندھ نے واقعے کا نوٹس لیتے ہوئے رپورٹ طلب کرلی ہے۔