اگلے مہینے ایپل کے آئندہ فلیگ شپ اسمارٹ فونز آئی فون 17 پرو اور آئی فون 17 پرو میکس لانچ ہونے والی ہے، لیکن اس سے قبل ہی ایپل صارفین کیلئے ایک بڑی خبر سامنے آئی ہے، بتایا جا رہا ہے کہ کمپنی نے اپنی آئی فون لائن میں تبدیلی کے لیے بڑا منصوبہ تیار کرلیا ہے۔
ایپل کے نئے منصوبے کیلئے تین سال کا وقت مقرر کیا گیا ہے۔ اسی دوران کمپنی 2026 میں اپنا پہلا فولڈ ایبل آئی فون لانچ کرے گی، ایپل کمپنی آئی فون لائن اَپ کو نئی شکل دینے جا رہی ہے اور اس کی شروعات آئی فون 17-ایئر سے ہوگی۔
رپورٹ کے مطابق یہ کمپنی کا سب سے پتلا آئی فون ہوگا جو کہ اگلے مہینے لانچ کیلئے تیار ہے، اس سے بھی بڑی تبدیلی اگلے سال دیکھنے کو ملے گی، جب کمپنی اپنا پہلا فولڈایبل آئی فون لانچ کرے گی، یہ بک اسٹائل کا فون ہوگا اور گوگل اور سیمسنگ کے فولڈایبل فون کو سخت ٹکر دے گا۔
رپورٹس کے مطابق پہلا فولڈ ایبل آئی فون چار کیمروں پر مشتمل ہوگا اس کے ریئر میں دو، اِنر اسکرین اور کور اسکرین پر ایک-ایک کیمرہ ہوگا، اس کے علاوہ اس فون میں سم کارڈ سلاٹ نہیں ہوگا، کنکٹیویٹی کے لیے اس میں ایپل اپنے اِن ہاؤس ماڈم کو استعمال کرے گا۔
فولد ایبل فون میں فیس آئی ڈی کی جگہ ٹچ آئی دی جائے گی، فولڈ ہونے پر اس آئی فون کی موٹائی 9.5-9 ایم ایم رہ سکتی ہے، جبکہ اس کی قیمت کو لے کر باضابطہ طور پر ابھی کوئی تفصیلات سامنے نہیں آئی ہے لیکن یہ کہا جا رہا ہے کہ اسٹینڈرڈ آئی فون کے مقابلے میں اس کی قیمت زیادہ ہوگی۔
واضح رہے کہ 2027 میں آئی فون کو 20 سال پورے ہو جائیں گے اور کمپنی اس موقع پر آئی فون میں بڑی تبدیلی کرے گی، 2027 میں آئی فون میں اسکوئر کارنر ملنے بند ہو جائیں گے۔
رپورٹ کے مطابق نئے ڈیزائن کو لکوئڈ گلاس انٹرفیس کے حساب سے تیار کیا جائے گا۔ اس کے علاوہ آن اسکرین ایلیمنٹ کو بھی راؤنڈ ایز دیے جا سکتے ہیں، ایسے میں 2027 ایپل کی آئی فون لائن اَپ کے لیے ایک بڑا سال ثابت ہو سکتا ہے۔