ARYNews.tv | Urdu – Har Lamha Bakhabar

Tag: لکی مروت

  • دہشت گردوں کی فائرنگ سے 2 پولیس اہلکار شہید

    دہشت گردوں کی فائرنگ سے 2 پولیس اہلکار شہید

    لکی مروت: بیگوخیل روڈ میلہ شہاب خیل کے قریب دہشت گردوں نے فائرنگ کرکے 2 پولیس اہلکاروں کو شہید کردیا۔

    اے آر وائی نیوز کے مطابق دونوں پولیس اہلکار ڈیوٹی پر جانے کے لئے نکلے تھے کہ دہشت گردوں کی فائرنگ کا نشانہ بن گئے۔ جبکہ حملہ آور فرار ہونے میں کامیاب ہوگئے۔

    پولیس کا کہنا ہے کہ بیگوخیل روڈ میلہ شہاب خیل کے قریب دہشت گردوں نے حملہ کیا، شہید اہلکار سمیع اللہ اور اسد خان کے جسد خاکی گورنمنٹ سٹی اسپتال منتقل کردیئے گئے ہیں۔

    دونوں شہید اہلکار گاؤں بیگو خیل سے پولیس لائنز جا رہے تھے، افسوسناک واقعے کے بعد علاقے میں پولیس کی بھاری نفری نے سرچ آپریشن شروع کردیا ہے۔

    اس سے قبل بنوں میں تھانہ کینٹ کی حدود میں نامعلوم افراد کی فائرنگ سے ایک پولیس اہلکار شہید ہوگیا تھا۔

    کراچی: 10 سے زائد ڈاکوؤں نے فیکٹری لوٹ لی

    پولیس حکام مطابق شہید اہلکار کی شناخت ریاض شاہ کے نام سے ہوئی، پولیس نے واقعے کا مقدمہ درج کر کے مزید تحقیقات شروع کردی ہے۔

  • لکی مروت میں پولیس کا سرچ آپریشن، متعدد مشتبہ افراد گرفتار

    لکی مروت میں پولیس کا سرچ آپریشن، متعدد مشتبہ افراد گرفتار

    لکی مروت(25 اگست 2025):خیبرپختونخوا کے ضلع لکی مروت میں پولیس نے سرچ اینڈ اسٹرائک آپریشن کے دوران متعدد مشتبہ افراد کو گرفتسر کرلیا۔

    تفصیلات کے مطابق ڈی پی او نذیر خان نے کہا کہ پولیس نے دہشتگردوں کیخلاف ضلع بھر میں سرچ اینڈ اسٹرائیک آپریشن کے دوران مختلف تھانوں کی حدود سے متعدد مشتبہ افراد کو گرفتار کرلیا۔

    ڈی پی او نذیر خان کے مطابق آپریشن دہشتگردوں، سہولت کاروں اور جرائم پیشہ عناصر کیخلاف کیا گیا، مشتبہ افراد کی سی آر وی سی سسٹم سے ویری فکیشن کی گئ۔

    ڈی پی او نذیر خان نے بتایا کہ آپریشن میں سی ٹی ڈی، ایلیٹ فورس، البرق، بی ڈی یو، آر آر ایف، ڈی ایس بی نے حصہ لیا، ضلع بھر میں آپریشنز تسلسل سے جاری رہیں گے۔

    https://urdu.arynews.tv/dir-bala-fitna-al-khawarij-5-terrorist-dead/

    اس سے قبل پولیس اور سی ٹی ڈی نے خیبر پختونخوا کے علاقے دیر بالا میں مشترکہ فتنہ الخوارج کیخلاف آپریشن کیا جس میں مقابلے کے دوران 5 دہشت گردوں کو ہلاک کردیا گیا۔

    اس حوالے سے ڈی پی او دیر بالا کا کہنا تھا کہ دہشت گردوں کی فائرنگ کی زد میں آکر ایک شہری شہید، اور پولیس اہلکار زخمی ہوگئے، زخمیوں کو فوری طبی امداد کیلیے مقامی اسپتال منتقل کیا گیا۔

    انہوں نے بتایا کہ آپریشن سلام کوٹ دوبندو اور ہاتن درہ کے مقام پر کیا گیا، شہید ہونے والے شہری کی نماز جنازہ پولیس لائن میں ادا کردی گئی، مقامی افراد دہشت گردوں کیخلاف پولیس کا بھر پور ساتھ دے رہے ہیں۔

  • لکی مروت: دہشت گردوں کی فائرنگ سے ایف سی اہلکار بیوی سمیت شہید

    لکی مروت: دہشت گردوں کی فائرنگ سے ایف سی اہلکار بیوی سمیت شہید

    لکی مروت(9 اگست 2025): خیبر پختونخوا کے ضلع میں دہشت گردوں کی فائرنگ سے ایف سی اہلکار اپنی بیوی سمیت شہید ہوگئے۔

    تفصیلات کے مطابق خیبر پختونخوا کے ضلع لکی مروت کے علاقے تتہ باشی خیل میں دہشت گردوں نے فائرنگ کرکے ایف سی اہلکار معراج الدین اور ان کی بیوی کو شہید کردیا۔

    پولیس کا کہنا ہے کہ میاں بیوی رکشہ میں تترخیل سے گاؤں تتہ باشی خیل جارہے تھے، شہید ایف سی اہلکار بلوچستان میں بطور کلرک تعینات تھا۔

    اس سے قبل لکی مروت کے علاقے خیروخیل پکہ کے قریب دہشت گردوں کی فائرنگ سے 2 پولیس اہلکار شہید ہوگئے تھے، پولیس کا کہنا تھا کہ شہید اہلکاروں میں حکمت اللہ اور خان بہادر شامل ہیں۔

    پولیس نے اس حوالے سے مزید بتایا کہ دونوں اہلکار ڈاک ڈیوٹی پر تعینات تھے اور موٹرسائیکل پر ڈاک لینے تھانوں میں جا رہے تھے، شہید حکمت اللہ تھانہ پیزو اور شہید خان بہادر تھانہ شہباز خیل میں تعینات تھے، واردات کے بعد دہشت گرد موقع سے فرار ہونے میں کامیاب ہوگئے۔

    https://urdu.arynews.tv/lakki-marwat-gas-pipeline-blast/

  • پاکستان میں پولیو وائرس کے ایک اور کیس کی تصدیق

    پاکستان میں پولیو وائرس کے ایک اور کیس کی تصدیق

    اسلام آباد : پاکستان میں پولیو کا ایک اور کیس سامنے آگیا، لکی مروت میں 5 ماہ کے بچے میں وائرس کی تصدیق ہوئی ہے۔

    اے آر وائی نیوز کی رپورٹ کے مطابق پاکستان میں ویکسینیشن کے ذریعے کی جانے والی مسلسل کوششوں کے باوجود پولیو وائرس کیسز کا سلسلہ رک نہیں سکا ہے اور ملک میں ایک اور کیس سامنے آگیا۔

    نیشنل ایمرجنسی آپریشنز سینٹر کی رپورٹ کے مطابق اس کیس کی تصدیق کے بعد رواں سال کیسز کی تعداد 19 ہوگئی ہے۔

    اس حوالے سے این ای او سی ترجمان کا کہنا ہے کہ جنوبی خیبر پختونخوا میں اس موذی مرض کی موجودہ صورتحال تشویشناک ہے۔

    چیف سیکرٹری خیبر پختونخوا کی قیادت میں جنوبی اضلاع کے لیے انسداد پولیو کا خصوصی منصوبہ تشکیل دیا گیا ہے، اس سلسلے میں ہائی رسک اضلاع میں رسائی کے مسائل کے حل کے لیے مربوط حکمت عملی پر عمل جاری ہے۔

    ترجمان این ای او سی کے مطابق آئندہ ماہ ملک بھر میں خصوصی انسدادِ پولیو مہم کا انعقاد کیا جائے گا،
    انسداد پولیو مہم میں جنوبی خیبرپختونخوا پر خصوصی توجہ دی جائے گی۔

    واضح رہے کہ پولیو ایک سنگین اور ممکنہ طور پر مہلک متعدی بیماری ہے۔ یہ وائرس ایک شخص سے دوسرے شخص میں پھیلتا ہے اور دوسرے شخص کو متاثر کرتا ہے۔

    مزید پڑھیں : "کینسر کا علاج ہے لیکن پولیو کا نہیں”

    یہ خطرناک وائرس متاثرہ شخص کے دماغ اور ریڑھ کی ہڈی پر اثر انداز ہوتا ہے، جس کے نتیجے میں فالج بھی ہو سکتا ہے۔

  • لکی مروت: مارٹر گولہ پھٹنے سے 5 بچے جاں بحق، 12 زخمی

    لکی مروت: مارٹر گولہ پھٹنے سے 5 بچے جاں بحق، 12 زخمی

    لکی مروت(2 اگست 2025): خیبر پختونخوا کے شہر مروت میں مارٹر گولہ پھٹنے سے 5 بچے جاں بحق اور مرد و خواتین سمیت 13 افراد زخمی ہوگئے۔

    تفصیلات کے مطابق لکی مروت میں تھانہ صدر کی حدود سوربند لنگر خیل میں مارٹر گولہ پھٹنے سے 5 بچے جاں بحق ہوگئے ہیں، ریسکیو ذرائع نے بتایا کہ بچوں کو باہر ویرانے سے مارٹر گولہ ملا، جسے وہ گھر لے آئے، کھیل کے دوران گولہ پھٹ گیا۔

    ریسکیو ذرائع کے مطابق جاں بحق افراد میں 4 بچیاں اور ایک بچہ شامل ہیں، دھماکے سے گھر میں موجود مرد و خواتین سمیت 13 افراد زخمی بھی ہوئے ہیں، جنہیں اسپتال منتقل کردیا گیا ہے۔

    واقعے کے بعد پولیس کی بھاری نفری علاقے میں پہنچ گئی، واقعے کی تحقیقات شروع کردی گئی ہیں۔

  • لکی مروت: دہشتگردوں نے پھر پنجاب جانے والی مین گیس پائپ لائن کو دھماکے سے اڑا دیا

    لکی مروت: دہشتگردوں نے پھر پنجاب جانے والی مین گیس پائپ لائن کو دھماکے سے اڑا دیا

    (16 جولائی 2025): خیبرپختونخوا کے ضلع لکی مروت کے علاقے وانڈہ امیر کے قریب پنجاب جانے والی گیس پائپ لائن کو دھماکے سے اڑا دیا۔

    تفصیلات کے مطابق ضلع لکی مروت کے علاقے وانڈہ امیر کے قریب دہشت گردوں نے ایک مرتبہ پھر پنجاب جانے والی مین ٹرانسمشن گیس پائپ لائن کو دھماکہ خیز مواد سے اڑا دیا ہے جس کے باعث پنجاب کو گیس کی سپلائی معطل ہوگئی۔

      ضلع لکی مروت پولیس نے واقعے کی تصدیق کرتے ہوئے بتایا کہ گزشتہ آدھی رات کو وانڈہ امیر اور دبک مندرہ خیل برساتی نالے کے قریب ضلع لکی مروت سے پنجاب جانے والی مین ٹرانسمیشن گیس پائپ لائن کو دہشت گردوں نے دھماکہ خیز مواد سے اڑا دیا ہے۔

    دھماکے کے باعث مزکورہ جگہ پر بڑا گڑا بن گیا گیس پائپ لائن تباہ ہونے سے ضلع لکی مروت سے پنجاب جانے والی گیس کی سپلائی معطل ہوگیا ہے۔

    پولیس کا کہنا ہے کہ اس واقعے سے پہلے بھی دہشت گردوں نے تین مرتبہ مزکورہ مقام پر مین ٹرانسمیشن گیس پائپ لائن اڑا چکے ہیں۔ واقعے کے بعد پولیس کی بڑی نفری اور بم ڈسپوزل سکواڈ جائے وقوعہ پر پہنچ کر علاقے میں سرچ آپریشن شروع کردیا ہے۔

  • برساتی جوہڑ میں نہاتے ہوئے 4 بچے ڈوب کر جاں بحق

    برساتی جوہڑ میں نہاتے ہوئے 4 بچے ڈوب کر جاں بحق

    لکی مروت : برساتی جوہڑ میں نہاتے ہوئے 4 بچے ڈوب کرجاں بحق ہوگئے، واقعےمیں دو مختلف خاندانوں کے 2،2 سگے بھائی جان سے گئے۔

    تفصیلات کے مطابق خیبر پختونخوا کے ضلع لکی مروت میں برساتی جوہڑ میں نہاتے ہوئے 4 بچے ڈوب کرجاں بحق ہوگئے۔

    ریسکیو1122 نے بتایا کہ واقعہ دولت خیل میں پیش آیا، اطلاع ملنے پر عملہ فوری موقع پرپہنچا ، بچوں کو جوہڑ سے نکال کر اسپتال منتقل کیا گیا مگر وہ جانبر نہ ہوسکے۔

    ریسکیو112 کا کہنا تھا کہ واقعےمیں دو مختلف خاندانوں کے 2،2 سگے بھائی جاں بحق ہوئے۔

    خیال رہے آندھی اور موسلادھار بارش سے سیلابی ریلے کے باعث لکی مروت سے پنجاب جانے والازمینی رابطہ منقطع ہوگیا ہے۔

    روڈ بندش سے پنجاب اور اسلام باد جانے اور جانے والے مسافر رستے میں پھنس گئے اور دونوں اطراف گاڑیوں کی لمبی قطاریں لگ گی ہیں۔

    گاڑیاں پانی میں پھنس گئی، جس سے مسافروں کو شدید مشکلات کا سامنا کرنا پڑ رہا ہے۔

    شدید آندھی اور بارش سے ضلع کے مختلف علاقوں میں سڑکیں اور پل پانی میں بہہ گئی ہیں اور انہیں شدید نقصان پہنچا ہے جبکہ نکاس اب نہ ہونے کے باعث جگہ جگہ روڈوں پر پانی کھڑے ہیں۔

  • موسلادھار بارش : لکی مروت سے پنجاب جانے والازمینی رابطہ منقطع

    موسلادھار بارش : لکی مروت سے پنجاب جانے والازمینی رابطہ منقطع

    لکی مروت‌ (14 جولائی 2025) :‌ آندھی اور موسلادھار بارش سے سیلابی ریلے کے باعث لکی مروت سے پنجاب جانے والازمینی رابطہ منقطع ہوگیا۔

    تفصیلات کے مطابق ضلع لکی مروت میں گزشتہ رات شدید آندھی اور بارش سے ضلع کے مختلف علاقوں میں سڑکیں اور پل پانی میں بہہ گئی ہیں اور انہیں شدید نقصان پہنچا ہے جبکہ نکاس اب نہ ہونے کے باعث جگہ جگہ روڈوں پر پانی کھڑے ہیں۔

    موسلادھار بارش سے درہ تنگ روڈ پر سیلابی ریلے اور پل کو پانی میں بہنے کے باعث لکی مروت سے پنجاب جانے والی زمینی رابطہ منقطع ہوگیا ہے۔

    روڈ بندش سے پنجاب اور اسلام باد جانے اور جانے والے مسافر رستے میں پھنس گئے اور دونوں اطراف گاڑیوں کی لمبی قطاریں لگ گی ہیں۔

    گاڑیاں پانی میں پھنس گئی، جس سے مسافروں کو شدید مشکلات کا سامنا کرنا پڑ رہا ہے۔

    مزید پڑھیں : دریائے سندھ میں تونسہ بیراج کے مقام پر فلڈ الرٹ جاری

    اندھی اور بارش سے بجلی کا نظام درہم برہم ہوگیا ہے اور ابھی تک شہر سمیت بیشتر علاقوں کی بجلی بحال نہ ہوسکی۔

    ڈپٹی کمشنر لکی مروت زیشان عبداللہ نے لکی درہ تنگ روڈ بحالی کیلئے لکی مروت نے رستے کو عارضی کھولنے کیلئے مشنیری روانہ کردی ہیں اور روڈ کی بحالی پر کام شروع کردیا

    تاہم ابھی تک روڈ بڑی گاڑیوں کیلیے بند ہے جبکہ ضلعی انتظامیہ روڈ کی بحالی میں مصروف ہے۔

  • خیبرپختونخوا : لکی مروت تھانے پر دہشت گردوں کا حملہ ناکام

    خیبرپختونخوا : لکی مروت تھانے پر دہشت گردوں کا حملہ ناکام

    صوبہ خیبرپختونخوا میں لکی مروت تھانے پر دہشت گردوں کے حملے کی کوشش ناکام بنادی گئی، حملہ آور فرار ہونے میں کامیاب ہوگئے۔

    اے آر وائی نیوز کی رپورٹ کے مطابق خیبرپختونخوا کے ضلع لکی مروت میں تھانہ گمبیلا پر دہشت گردوں نے رات گئے حملہ کیا جو کامیاب نہ ہوسکا، پولیس نے جوابی کارروائی سے حملہ پسپا کردیا۔

    پولیس کے مطابق 10 سے 12 دہشت گردوں نےمورچہ زن ہوکر لکی مروت تھانے پر حملے کی کوشش کی، دہشت گردوں کی نقل وحرکت بھانپ پولیس کے چاق وچوبند دستے نے فوری اور بھرپور جوابی کارروائی کی جس پردہشت گرد فرار ہوگئے۔

    اس موقع پر پولیس کی نفری مکمل طور پر محفوظ رہی، آئی جی خیبر پختونخوا ذوالفقارحمید نے لکی مروت تھانے کے جوانوں کوخراج تحسین پیش کیا۔

    آرپی او بنوں سجاد خان کی جانب سے بھی بروقت اور مؤثرکارروائی پر گمبیلا پولیس کے جوانوں کو شاباش دی گئی۔

    حملے کے وقت دونوں جانب سے فائرنگ کا تبادلہ ہوا، پولیس اہلکار مکمل طور پر الرٹ تھے، ان کی بروقت کارروائی کی وجہ سے فتنہ الخوارج کوئی نقصان کیے بغیر بھاگنے پر مجبور ہوگئے۔

  • لکی مروت: دہشت گردوں نے پنجاب جانیوالی گیس پائپ لائن دھماکے سے اڑا دی

    لکی مروت: دہشت گردوں نے پنجاب جانیوالی گیس پائپ لائن دھماکے سے اڑا دی

    دہشت گردوں نے خیبر پختونخوا کے ضلع لکی مروت میں گیس پائپ لائن کو دھماکے سے اڑا دیا، جو پنجاب کو گیس فراہم کرتی تھی۔

    تفصیلات کے مطابق ضلع لکی مروت تھانہ صدر کی حدود میں تورواہ کے مقام وانڈہ امیر کے قریب دہشت گردوں نے ایک بار پھر پنجاب جانے والی مین ٹرانسمیشن گیس پائپ لائن دھماکہ خیز مواد سے اڑا دیا ہے۔

      لکی مروت پولیس کا کہنا ہے کہ مین گیس پائب لائن پھٹنے سے پنجاب کو گیس کی سپلائی معطل ہوگئی جبکہ پولیس اور گیس کے حکام جائے وقوعہ پر پہنچ کر دوبارہ مرمتی کا کام شروع کردیا ہے۔

    ذرائع کا کہنا ہے کہ ایک ہفتے قبل اسی مقام پر دیشت گردوں نے پنجاب جانی والی پائپ لائن دھماکے سے اڑا دیا تھا جبکہ اس سے قبل بھی مختلف مقامات پر گیس لائن جو دھماکہ خیز مواد سے اڑا چکے ہیں پولیس نے واقعے کی تحقیقات شروع کردی ہے۔

    https://urdu.arynews.tv/lakki-marwat-policeman-kidnapping-news/

    دوسری جانب حملے میں ملوث افراد کی شناخت اور گرفتاری کے لیے تحقیقات جاری ہیں، حکام نے اس حملے کی مذمت کی ہے، جس کا مقصد خطے کو غیر مستحکم کرنا اور توانائی کی فراہمی میں خلل ڈالنا ہے۔

    واضح رہے کہ نومبر 2022 میں کالعدم تحریک طالبان پاکستان (ٹی ٹی پی) کی جانب سے حکومت کے ساتھ جنگ ​​بندی ختم کرنے کے بعد سے پاکستان بالخصوص خیبرپختونخوا اور بلوچستان میں دہشت گردی کی سرگرمیوں میں اضافہ ہوا ہے۔