Tag: لکی مروت

لکی مروت : خیبر پختونخواہ کے ضلع لکی مروت میں پولیس چوکی پر دہشت گردوں کے حملے میں مقامی شہری جاں بحق ہوگیا جبکہ چوکیدار اور پولیس اہلکار زخمی پوگئے۔

تفصیلات کے مطابق خیبر پختونخواہ کے ضلع لکی مروتکی ون فائیو پولیس چوکی گنڈی چوک پر دہشت گردوں نے راکٹ لانچرز سے حملہ کردیا، پولیس کی فوری کارروائی پر دہشت گرد فرار ہوگئے۔

پولیس اور دہشت گردوں کے درمیان فائرنگ کے تبادلے میں شہری احمد خان جاں بحق اورچوکی کےقریب مارکیٹ کا چوکیداراورپولیس اہلکارزخمی ہوگئے۔

یاد رہے صوبہ خیبرپختونخوا کے ضلع لکی مروت میں تھانہ غزنی خیل کی حدود میں دہشت گردوں کی فائرنگ سے فرنٹیئر کانسٹیبلری (ایف سی) کا ایک اہلکار ہلاک ہو گیا تھا۔

مزید پڑھیں : لکی مروت : تھانہ ڈڈیوالہ پر دہشت گروں کا حملہ ناکام

اس سے قبل تھانہ ڈڈیوالہ پر دہشت گروں کا حملہ پسپا کردیا گیا تھا، ڈی پی اور محمد جواد اسحاق نے کہا تھا کہ حملہ آوروں سےکئی گھنٹےتک فائرنگ کا تبادلہ ہوا تاہم دہشت گردوں کےحملےمیں کوئی جانی نقصان نہیں ہوا۔

خیال رہے کہ خیبرپختونخوا کے بعض علاقوں میں حالیہ عرصے کے دوران سیکیورٹی فورسز کو دہشت گرد حملوں کا سامنا رہا ہے، جس کے پیشِ نظر متعلقہ اضلاع میں حفاظتی اقدامات مزید سخت کیے جا رہے ہیں۔

لکی مروت : بااثرشخص نے بکری کھیت میں داخل ہونے پر 10 سالہ طالب علم کو فائرنگ کرکے موت کے گھاٹ اتار دیا، تاہم ملزم واردات کے بعد فرار ہوگیا۔

تفصیلات کے مطابق ضلع لکی مروت کے علاقے خان کلے میں بکری کھیت میں داخل ہونے پر بااثرشخص نے 10 سالہ تیسری جماعت کے ننھے طالب علم کو موت کے گھاٹ اتار دیا۔

پولیس نے بتایا کہ خان کلے میں10سالہ محمد خالد اپنے والد شاہد اللہ کے ہمراہ بکری چرانے قبرستان گیا تھا، جہاں سے یہ ملزم حنیف اللہ کے کھیت کی طرف چلی گئی۔

پولیس کا کہنا تھا کہ محمد خالد بکری واپس لانے گیا تو ملزم نے اس پرکلاشنکوف سے فائرنگ کردی جس سے وہ سر پر گولی لگنے سے شدید زخمی ہوا اور ڈسٹرکٹ ہیڈ کوارٹرز ہسپتال تاجہ زئی منتقل کرتے ہوئے راستے میں دم توڑ گیا۔

تجوڑی پولیس مقدمہ درج کرلیا تاہم ملزم واردات کے بعد فرار ہونے میں کامیاب ہوگیا۔

لکی مروت : پولیس نے تھانہ ڈڈیوالہ پردہشت گروں نے حملہ ناکام بنادیا ، تاہم حملے میں کوئی جانی نقصان نہیں ہوا۔

تفصیلات کے مطابق خیبر پختونخواہ کے ضلع لکی مروت میں تھانہ ڈڈیوالہ پردہشت گروں نے حملہ کردیا تاہم پولیسنے جوابی فائرنگ سے حملہ پسپا کردیا۔

ڈی پی اور محمد جواد اسحاق نے کہا کہ حملہ آوروں سےکئی گھنٹےتک فائرنگ کا تبادلہ ہوا تاہم دہشت گردوں کےحملےمیں کوئی جانی نقصان نہیں ہوا۔

وفاقی وزیر داخلہ نے لکی مروت میں دہشتگردوں کاحملہ ناکام بنانے پر پولیس کو خراج تحسین پیش کرتے ہوئے کہا کہ کے پی پولیس کے دلیر جوانوں نے بہادری سے خوارجی دہشت گردوں کا مقابلہ کیا اور پولیس نے جرات سے دہشت گردوں کو مار بھگایا اور مذموم عزائم خاک میں ملائے۔

محسن نقوی کا کہنا تھا کہ پولیس کی پیشہ وارانہ صلاحیتوں اور جرات پر فخر ہے، دہشت گردوں کیخلاف پولیس جوان سیسہ پلائی دیوار بنے رہے اور حملہ پسپا کیا، حملہ ناکام بنانے والے پولیس جوان شاباشی کے مستحق ہیں۔

وفاقی وزیر نے کہا کہ دہشت گردی کے ناسور کے خاتمے کیلئے کے پی پولیس ہر اول دستے کا کردار ادا کر رہی ہے۔

لکی مروت: پولیس نے تھانہ درہ پیزو پر دہشت گرد فتنہ الخوارخ کا حملہ پسپا کردیا تاہم دہشت گردوں کی فائرنگ سےکوئی جانی نقصان نہیں ہوا۔

تفصیلات کے مطابق ضلع لکی مروت پولیس نے تھانہ درہ پیزو پر دہشت گرد فتنہ الخوارخ کا حملہ ناکام بناتے ہوئے دہشت گردوں کوبھاگنے پرمجبورکردیا۔

ڈی پی او لکی مروت محمد جواد اسحاق کا کہنا ہے کہ دہشت گردوں نے تھانہ درہ پیزو پر بھاری ہتھیاروں سے حملہ کردیا لیکن پولیس جوانوں نے جوان مردی اور بہادری سے مقابلہ کرتے ہوئے دہشت گرد فرار ہوگئے۔

انھوں نے کہا کہ پولیس جوان پہلے سے الرٹ تھے اور بروقت کاروائی سے فتنہ الخوارج کو بھاگنے پر مجبور کردئیے تاہم دہشت گردوں کی فائرنگ سے کوئی جانی نقصان نہیں ہوا۔

ڈی پی او لکی مروت محمد جواد اسحاق نے پولیس جوانون کی بروقت حملہ ناکام بنانے اور بہترین جوابی کاروائی پر شاباش دی۔

یاد رہے چند روز قبل خیبر پختونخوا کے شہر لکی مروت میں پولیس تھانہ ڈڈیوالہ اور تھانہ پیزو پر دہشت گردوں کے حملے ناکام بنا دیئے گئے تھے۔

ڈی پی او محمد جواد نے کہا تھا کہ پولیس کی فوری کارروائی پردہشت گرد تاریکی میں فرار ہوگئے، الرٹ پولیس نے دہشت گردوں کی موجودگی اور نقل و حرکت کو بھانپ لیا تھا۔

محمد جواد کا کہنا تھا کہ پولیس نےدہشت گردوں کومورچہ زن ہونےکاموقع ہی نہیں دیا، دونوں مقامات پردہشت گردوں کی فائرنگ سےکوئی جانی نقصان نہیں ہوا۔

لکی مروت : پولیس موبائل پر آئی ڈی بم دھماکے کے نتیجے میں 6 پولیس اہلکار زخمی ہوگئے جبکہ ایک دہشت گرد ہلاک ہوگیا۔

تفصیلات کے مطابق خیبر پختونخواہ کے ضلع لکی مروت کے علاقے تھانہ ڈڈیوالہ کی حدود میں لنڈیواہ روڈ پر موبائل پر آئی ای ڈی دھماکا ہوا، دھماکے کے نتیجے میں 6 پولیس اہلکار زخمی ہوگئے جبکہ پولیس کی جوابی فائرنگ سے ایک دہشت گرد ہلاک ہوگیا۔

لکی مروت/آئی ڈی بم دھاکہ ایک دہشت گرد ہلاک جبکہ 5 پولیس اہلکار زخمی۔ سٹوری او سی ۔ ضلع لکی مروت کے علاقے تھانہ ڈڈیوالہ کی حدود میں لنڈیواہ روڈ پر پولیس موبائل گاڑی پر آئی ڈی بم دھماکے کے نتیجے میں 6 پولیس اہلکار زخمی ہوگئے جبکہ پولیس کی جوابی فائرنگ سے ایک دہشت گرد ہلاک ہوگیا

پولیس نے بتایا کہ زخمیوں کو ڈسٹرکٹ ہیڈ کواٹر ہسپتال لکی مروت اور نورنگ ہسپتال منتقل کردیا ہے ، جن کی حالت خطرے سے باہر ہے جبکہ کئی پولیس اہکاروں کو معمولی مریم پٹی کے بعد فارغ کردیا گیا ہے۔

حکام کا کہنا تھا کہ ایک پولیس اہلکار کو مزید علاج کیلئے بنوں منتقل کردیا گیا ہے، پولیس نے ہلاک دہشت گرد کے قبضے سے دہشت گردی میں استعمال ہونے والا موٹر سائیکل اور اسحلہ بھی برآمد کیا ہے۔

علاقے میں دہشت گردوں اور لکی مروت پولیس کے درمیان فائرنگ کا تبادلہ جاری ہے جبکہ علاقے میں پولیس کی مزید نفری اور بکتر بند گاڑی طلب کرلی گئی ہے، پولیس کا کہنا ہے کہ دھماکے سے پولیس موبائل گاڑی کو شدید نقصان پہنچا۔