Tag: لکی مروت

لکی مروت : پولیس نے دہشت گردوں کے دو تھانوں پر حملے ناکام بنا دیے اور فوری جوابی کارروائی پر دہشتگرد بھاگنے پر مجبور ہوگئے۔

تفصیلات کے مطابق خیبر پختونخوا کے شہر لکی مروت میں پولیس تھانہ ڈڈیوالہ اور تھانہ پیزو پر دہشت گردوں کے حملے ناکام بنا دیئے گئے۔

ڈی پی او محمد جواد نے کہا کہ پولیس کی فوری کارروائی پردہشت گرد تاریکی میں فرار ہوگئے، الرٹ پولیس نے دہشت گردوں کی موجودگی اور نقل و حرکت کو بھانپ لیا تھا۔

محمد جواد کا کہنا تھا کہ پولیس نےدہشت گردوں کومورچہ زن ہونےکاموقع ہی نہیں دیا، دونوں مقامات پردہشت گردوں کی فائرنگ سےکوئی جانی نقصان نہیں ہوا۔

ڈی پی او نے بتایا پولیس کے جوان پہلےسےالرٹ تھے، فوری جوابی کارروائی پر دہشت گرد بھاگنے پر مجبور ہوگئے۔

ڈی پی او محمد جواد اسحاق نے پولیس جوانوں کو دونوں حملے ناکام بنانے پر شاباش دیتے ہوئے خیبرپختونخوا پولیس ہر قسم کے حالات کیلئے ہمہ وقت تیار ہے۔

یاد رہے گذشتہ سال دسمبر میں بھی تھانہ پیزو پر رات گئے دہشت گردوں نے حملہ کیا تھا ، جس کے نتیجے میں اہلکار کرامت اللّٰہ شہید ہو گئے تھے۔

بعد ازاں جنوری میں ابو خیل میں موٹر سائیکل سوار دہشت گردوں کی فائرنگ سے دو پولیس اہلکار شہید ہوگئے تھے ، اہلکار ڈیوٹی پر جارہے تھے۔

لکی مروت: گھریلو رنجش پر ماں اور بیٹی نے فائرنگ کرکے اپنی زندگی کاخاتمہ کرلیا، پولیس نے واقعے کا مقدمہ درج کرکے تفتیش شروع کردی ہے۔

تفصیلات کے مطابق ضلع لکی مروت کے علاقے اعضر خیل میں ماں اور بیٹی نے گھر کے اندر خود پر فائرنگ کرکے زندگی کا چراغ گل کر دیا۔

محمد نواز نے پولیس کو بتایا کہ وہ کھیتوں میں ٹریکٹر چلا رہا تھا کہ گھر پہنچنے کی اطلاع ملی جونہی گھر پہنچے تو خواتین ماتم کر رہی تھیں جبکہ کمرے کے اندر ان کی 14 سالہ بھتیجی زینب آخری سانسیں لے رہی تھی، جس نے ریپیٹر بندوق سے اپنے اوپر فائرنگ کی تھی۔

انہوں نے کہا کہ انہوں نے بھتیجی کو سنبھالا اور اس کی ماں رضیہ بی بی کو گھر پہنچنے کی اطلاع کی رضیہ نے بیٹی کو خون میں لت پت دیکھا تو غم برداشت نہ کرسکی اور اسی ریپیٹر بندوق سے فائر کرکے زندگی کا خاتمہ کردیا۔

پولیس کا کہنا تھا کہ گھریلورنجش پر 14 سالہ بیٹی نے رپیٹر سے خودپر فائرنگ کی تاہم لاشیں ڈسٹرکٹ ہیڈ کوارٹرز ہسپتال میں ضروری کارروائی کے بعد تدفین کے لئے ورثاء کے حوالے کر دیں۔

پولیس نے واقعے کا مقدمہ درج کرلیا اور وقوعہ کی تفتیش شروع کردی گئی ہے۔

راولپنڈی: سیکیورٹی ذرائع کا کہنا ہے کہ لکی مروت میں فتنہ الخوارج کے دہشت گردوں نے 17 سویلین ورکرز کو اغوا کرلیا۔

اے آر وائی نیوز کے مطابق سیکیورٹی ذرائع کا کہنا ہے کہ لکی مروت کے علاقے قبول خیل میں ملازمین کو بھتہ خوری کے لیے اغوا کیا گیا جن میں سے 8 مغوی ورکرز کو بازیاب کروالیا گیا ہے۔

ذرائع کا کہنا ہے کہ دہشت گردوں نے اغوا کے بعد مقامی ٹھیکیدار کی گاڑی کو بھی آگ لگائی۔

سیکیورٹی ذرائع کے مطابق فورسز اور قانون نافذ کرنے والے اداروں نے 8 مغویوں کو بحفاظت کروایا، آپریشن جاری ہے دیگر نہتے ورکرز کو بھی جلد بازیاب کراولیا جائے گا۔

فتنہ الخوارج کی پاکستان، عوام دشمن کارروائیوں کا دین، اسلامی اقدار سے تعلق نہیں، بہیمانہ اقدام کرنے والے عناصر کو کیفر کردار تک پہنچایا جائے گا۔

لکی مروت : بم ڈسپوزل سکواڈ نے تخریب کاری کا بڑا منصوبہ ناکام بناتے ہوئے پل کے نتیجے رکھے گئے 15 کلو آئی ڈی بم کو ناکارہ بنادیا۔

تفصیلات کے مطابق ضلع لکی مروت تھانہ تجوڑی کی حدود خان کلے میں تخریب کاری کا بڑا منصوبہ ناکام بنادیا گیا۔

بم ڈسپوزل سکواڈ نے پل کے نصب پندرہ کلو آئی ڈی بم کو ناکارہ بنادیا ہے، ڈی پی اولکی مروت محمد جواد اسحاق نے بتایا نصب کئے آئی ڈی بم کی بی ڈی ایس اہلکاروں نے انتہائی حکمت عملی سے ناکارہ کرکے علاقے کو بڑے نقصانات سے بچا لیا ہے۔

ان کا کہنا تھا کہ شرپسندوں کا مقصد سیکیورٹی فورسز کو ٹارگٹ کرنا تھا جبکہ پولیس کے بی ڈی ایس سکواڈ نے شرپسندوں کی اس بزدلانہ حرکت اور منصوبے کو کامیاب نہیں ہونے دیں گے۔

مزید پڑھیں : لکی مروت : دہشت گردوں کی فائرنگ، 2 پولیس اہلکار شہید

گذشتہ روز خیبر پختون خوا کے شہر لکی مروت کےعلاقےجابو خیل میں دہشت گردوں نے فائرنگ کرکے دو پولیس اہلکاروں کو شہید کردیا تھا۔

ذرائع نے بتایا تھا کہ پولیس اہلکاروں کو دہشت گردوں نے نواب خان زیات کے قریب نشانہ بنایا، شہید پولیس اہلکاروں کی شناخت خان بہادر اور حکمت اللہ کے نام سے ہوئی ہے۔

ذرائع کا کہنا تھا کہ دونوں اہلکاروں کا تعلق ایک ہی گاؤں خیروخیل پکہ سے ہے اور وہ موٹر سائیکل پر اپنے گھر سے ڈیوٹی پر جارہے تھے

لکی مروت : ابو خیل میں موٹر سائیکل سوار دہشت گردوں کی فائرنگ سے دو پولیس اہلکار شہید ہوگئے، اہلکار ڈیوٹی پر جارہے تھے۔

خیبر پختون خوا کے شہر لکی مروت کےعلاقےجابو خیل میں دہشت گردوں نے فائرنگ کرکے دو پولیس اہلکاروں کو شہید کردیا۔

ذرائع نے بتایا کہ پولیس اہلکاروں کو دہشت گردوں نے نواب خان زیات کے قریب نشانہ بنایا، شہید پولیس اہلکاروں کی شناخت خان بہادر اور حکمت اللہ کے نام سے ہوئی ہے۔

ذرائع کا کہنا تھا کہ دونوں اہلکاروں کا تعلق ایک ہی گاؤں خیروخیل پکہ سے ہے اور وہ موٹر سائیکل پر اپنے گھر سے ڈیوٹی پر جارہے تھے تاہم شہید پولیس اہلکاروں کی لاشیں ڈی ایچ کیو اسپتال منتقل کردی گئی ہیں۔

ڈی پی او لکی مروت جائے وقوعہ پر پہنچ گئے اور علاقے میں سرچ آپریشن جاری ہے ۔

مزید پڑھیں : لکی مروت میں تھانے پر دہشت گردوں کا حملہ، اہلکار شہید

ویرداخلہ محسن نقوی نے لکی مروت میں پولیس اہلکاروں پر فائرنگ کی مذمت کرتے ہوئے شہید ہونے والے 2 پولیس اہلکاروں کو خراج عقیدت پیش کیا اور ساتھ لواحقین سے ہمدردی و تعزیت کا اظہار کیا۔

وزیرداخلہ کا کہنا تھا کہ شہیدپولیس اہلکاروں کی قربانی کو سلام پیش کرتے ہیں، دکھ کی گھڑی میں شہدا کے خاندانوں کیساتھ کھڑے ہیں، دہشت گردی کیخلاف جنگ میں کےپی پولیس نےقربانی دیکرتاریخ رقم کی ، کے پی پولیس کی قربانیوں کو قدر کی نگاہ سے دیکھتے ہیں۔

لکی مروت : پولیس اورمحکمہ سی ٹی ڈی کے مشترکہ انٹیلی جنس بیسڈ آپریشن میں فتنہ الخوارج کے مقامی کمانڈر اور انتہائی مطلوب خوارج انعام عرف سرہ لمبہ ہلاک ہوگیا۔

تفصیلات کے مطابق ضلع لکی مروت میں پولیس اور سی ٹی ڈی پولیس نے طور لونگ خیل کے قریب مشترکہ انٹیلی جنس بیسڈ آپریشن کرکے فتنہ الخوارج کے مقامی کمانڈر اور انتہائی مطلوب خوارج انعام عرف سرہ لمبہ ہلاک کردیا۔

پولیس ذرائع نے بتایا پولیس اور انسداد دہشت گردی فورس نے طور لونگ خیل کے قریب دہشتگردوں کی موجودگی پر چھاپہ مارا تو فتنہ الخورج کے کارندوں نے پولیس پر خودکار ہتھیاروں سے فائرنگ کردی۔

فائرنگ کے تبادلے میں ایک خوارج انعام عرف سرہ لمبہ ہلاک ہوگیا، دوسرا خوارج ولایت عرف گل بالا ایک اور ساتھی کے ہمراہ فرار ہوگیا تاہم مفرور خوارج کی گرفتاری کیلئے علاقے میں سرچ اپریشن جاری ہے۔

پولیس کا کہنا ہے ہلاک دہشت گرد ٹارگٹ کلنگ، بھتہ خوری، بم دھماکوں اور پولیس پر حملوں میں بھی مقامی پولیس اور سی ٹی ڈی بنوں کو مطلوب تھا تاہم ہلاک خوارج سے خودکار اسلحہ بھی برامد کرلیا ہے۔

لکی مروت : سی ٹی ڈی بنوں اور پولیس نے مشترکہ کامیاب کارروائی کرتے ہوئے خطرناک دہشت گرد مولوی غلام کو ہلاک کردیا۔

تفصیلات کے مطابق لکی مروت میں دہشت گردوں کے خلاف سی ٹی ڈی بنوں اورپولیس کی مشترکہ کامیاب کارروائی میں خطرناک دہشت گرد مولوی غلام مارا گیا، جس کےسرکی قیمت پچاس لاکھ روپے مقرر تھی۔

مشترکہ کارروائی ناڑ سلطان محمود گاؤں تحصیل نورنگ میں خفیہ اطلاع پر کی گئی، لگ بھگ نوے منٹ تک شدید فائرنگ کا تبادلہ ہوا۔

پولیس کا کہنا تھا کہ مولوی غلام دہشت گردی، ٹارگٹ کلنگ، اور بھتہ خوری کے متعدد مقدمات میں مطلوب تھا۔

پولیس نے بتایا کہ محکمہ داخلہ خیبرپختونخوا نے اس کی گرفتاری کے لیے پچاس لاکھ روپے انعام کا اعلان کررکھا تھا۔

پولیس کے مطابق ہلاک دہشتگرد کے قبضہ سےسب مشین گن،میگزین،دستی بم اور دیگر اشیا برآمد ہوئیں۔