لکی مروت: صوبہ کے پی کے ضلع لکی مروت میں پولیس چوکی پر دہشت گردوں کا حملہ ناکام بنادیا گیا ہے۔
تفصیلات کے مطابق لکی مروت کے بخمل احمد زئی پولیس چوکی پر دہشت گردوں نے حملہ کیا جسے جدید آلات کو بروئے کار لاتے ہوئے دہشت گردوں کے مذموم مقاصد کو ناکام بنادیا گیا۔
پولیس کے مطابق پولیس چوکی پر بارہ کے قریب دہشت گردوں نے حملہ کیا تھا۔
ادھر شمالی وزیرستان میں سیکیورٹی فورسز نے کارروائی کرتے ہوئے ایک دہشت گرد کو جہنم واصل جبکہ تین دہشت گردوں کو گرفتار کیا گیا ہے۔
یہ بھی پڑھیں: شمالی وزیرستان میں پولیس اے ایس آئی کے گھر پر حملہ، 8 افراد زخمی
گرفتار دہشت گردوں سے بڑی تعداد میں اسلحہ اور گولہ بارود برآمد کیا گیا، گرفتار دہشت گردوں سے نے دوران تفتیش اہم انکشافات کئے ہیں جن کے تناظر میں مزید گرفتاریاں متوقع ہے۔
واضح رہے کہ گذشتہ روز شمالی وزیرستان میں اے ایس آئی کے گھر پر نامعلوم ملزمان نے حملہ کیا تھا جس کے نتیجے میں آٹھ افراد زخمی ہوئے تھے۔
زخمیوں میں اے ایس آئی امین اللّٰہ سمیت دو خواتین بھی شامل تھیں۔
