بالی ووڈ کی معروف اداکارہ کیارا ایڈوانی نے نئی لگژری گاڑی خرید لی جس کی قیمت کروڑوں روپے ہے۔
بھارتی میڈیا رپورٹس کے مطابق اداکارہ کیارا ایڈوانی شوہر و اداکار سدھارتھ ملہوترا کے ساتھ جاپان میں چھٹیاں گزارنے کے بعد گزشتہ ہفتے ممبئی پہنچیں ہیں۔
گزشتہ روز اداکارہ کو پاپرازی فوٹو گرافرز نے ممبئی کے ایک ڈبنگ اسٹوڈیو کے باہر دیکھا تو ان کی توجہ فوری طور پر ان کی نئی لگژری کار کی طرف مبذول ہوئی۔
پاپرازی فوٹو گرافرز کی جانب سے سوشل میڈیا پر شیئر کی گئی ویڈیو میں کیارا ایڈوانی کو سیاہ رنگ کی مرسیڈیز میں ڈبنگ اسٹوڈیو پہنچتے ہوئے دیکھا جاسکتا ہے جوکہ اُنہوں نے حال ہی میں اپنے لیے خریدی ہے جس کی قیمت 2 کروڑ بھارتی روپے سے زائد بتائی گئی ہے ہے۔
اداکارہ نے اپنی لگژری کار سے باہر نکلتے ہی فوٹوگرافرز کی طرف دیکھ کر مسکرائیں، ہاتھ ہلایا اور تصاویر بھی بنوائیں۔
واضح رہے کہ کیارا ایڈوانی کارتک آریان کے ساتھ نئی فلم ستیہ پریم کی کتھا کی تیاریوں میں مصروف ہیں، انہوں نے حال ہی میں فلم کا ٹیزر شیئر کیا تھا۔
کیارا ایڈوانی نے اس سے قبل کارتک آریان کے ساتھ فلم بھول بھلیا ٹو میں اداکاری کے جوہر دکھائے تھے جو باکس آفس پر ہٹ ثابت ہوئی تھی۔
