Tag: لیاری

کراچی (12 اگست 2025): شہر قائد کے علاقے لیاری میں قاتلوں نے تعاقب کر کے ڈاکٹر شمبو لعل کو گولیاں مار دیں۔

تفصیلات کے مطابق گزشتہ روز لیاری میں دن دہاڑے ڈاکٹر کی ٹارگٹ کلنگ کا واقعہ پیش آیا ہے، کلینک سے نکل کر واک پر جانے والے ڈاکٹر شمبو لعل کو فائرنگ کر کے قتل کر دیا گیا۔

فائرنگ کا واقعہ لیاری کے علاقے بکرا پیڑی کے قریب پیش آیا، پولیس کا کہنا ہے کہ واقعہ ذاتی دشمنی اور مالی تنازع کا شاخسانہ لگتا ہے، واقعے کا مقدمہ قتل کی دفعہ کے تحت 3 نامعلوم ملزمان کے خلاف مقتول کے بیٹے دیپک لعل کی مدعیت میں درج کر لیا گیا ہے۔

بتایا جا رہا ہے کہ ابتدائی تحقیقات میں یہ بات سامنے آئی کہ مقتول کو تعاقب میں آنے والے ملزمان نے نشانہ بنایا، وہ حسب معمول لیاری ایکسپریس وے کے ٹریک پر واک کے لیے جا رہے تھے، پولیس رپورٹ کے مطابق قاتلوں نے ڈاکٹر شمبو لعل کو نام سے پکارا تو انھوں نے بھاگنے کی کوشش کی، تاہم ملزمان نے عقب سے ڈاکٹر پر فائرنگ کی اور وہ 2 گولیاں لگنے سے دم توڑ گئے۔

خواتین کے کانوں سے بالیاں نوچنے والا ڈاکو مقابلے میں ساتھی سمیت مارا گیا

پولیس حکام کا کہنا ہے کہ مقتول ڈاکٹر کا کچھ افراد سے رقم کا تنازع چل رہا تھا، انھوں نے کراچی اور بلوچستان میں مختلف مقدمات بھی درج کرائے تھے۔

ایس ایس پی سٹی عارف عزیز کے مطابق مقتول ڈاکٹر شمبو لعل گارڈن کے رہائشی تھے اور عرصہ دراز سے کلا کوٹ پولیس اسٹیشن کے قریب واقع کلینک چلا رہے تھے۔ پولیس کو جائے واردات سے نائن ایم ایم کی گولیوں کے 3 خول ملے ہیں۔

کراچی: شہر قائد کے علاقے لیاری میں کلاکوٹ پولیس نے ایک آپریشن کے دوران رحمان ڈکیت کے بھتیجے کو گرفتار کر لیا۔

تفصیلات کے مطابق کلاکوٹ پولیس نے کہا ہے کہ لیاری میں اس نے آپریشن کر کے شریف نامی منشیات فروش کو گرفتار کیا ہے، جس سے منشیات اور دیگر سامان برآمد ہوا۔

پولیس کا کہنا ہے کہ ملزم بدنام زمانہ دہشتگرد عبدالرحمان عرف رحمان ڈکیت کا بھتیجا ہے، اور وہ منشیات فروشی کے ایک منظم نیٹ ورک کا اہم کارندہ ہے، جس کی حرکات پر خفیہ ادارے کافی عرصے سے نظر رکھے ہوئے تھے۔

کراچی: پارک میں دو بھائیوں پر ایک شخص تیزاب پھینک کر فرار

پولیس حکام کا کہنا ہے کہ ملزم شریف منشیات کی فروخت سے بڑے پیمانے پر رقم کما رہا تھا، ملزم کا تعلق براہِ راست رحمان ڈکیت گینگ سے ہے، جس کے خلاف مقدمہ درج کر لیا گیا ہے۔

واضح رہے کہ عبدالرحمان ایک منشیات فروش کا بیٹا تھا، اس نے لیاری گینگ وار کی بنیاد رکھی، اس کے سر پر سیاسی ہاتھ بھی رہا، 9 اگست 2009 کو ایک پولیس مقابلے میں رحمان ڈکیت ساتھیوں سمیت مارا گیا۔

کراچی: لیاری میں زمین بوس عمارت کے اطراف مزید تین عمارتیں خالی کرالی گئیں، جس میں سے ایک عمارت آج گرائی جائے گی۔

تفصیلات کے مطابق کراچی کےعلاقے لیاری میں زمین بوس عمارت کےاطراف مزید تین عمارتیں خالی کرالی گئیں۔

تین منزلہ عمارت ریسکیوآپریشن کے دوران لرزگئی تھی، جسے آج گرایا جائے گا تاہم دیگر دو عمارتوں کا کمیٹی معائنہ کرے گی۔

مکینوں نے حکومت سے فوری متبادل جگہ دینے کامطالبہ کردیا ہے۔

خیال رہے کراچی میں ایک اور عمارت زمین بوس ہو گئی، لیکن خطرہ اب بھی ٹلا نہیں، لیاری کے علاقے بغدادی اور اطراف میں درجنوں عمارتیں ایسی ہیں جو اس قدر خستہ حال ہو چکی ہیں کہ کسی بھی لمحے ملبے کا ڈھیر بن سکتی ہیں، جس سے شہری خوف و ہراس میں مبتلا ہیں۔

اسسٹنٹ کمشنر شہریار حبیب نے لیاری میں ریسکیو آپریشن مکمل ہونے کے بعد میڈیا سے گفتگو کرتے ہوئے کہا تھا کہ عمارت گرنے سے 27 افراد جاں بحق اور 10 زخمی ہوئے۔

اسسٹنٹ کمشنر کا کہنا تھا کہ ضلع ساؤتھ اورلیاری میں کل سےمخدوش عمارتیں گرانےکاکام شروع ہوگا، متاثرہ عمارت کےاطراف3عمارتوں کاایس بی سی اےکل معائنہ کرےگی، 2عمارتیں مخدوش نظرآرہی ہیں جنہیں فوری گرایاجائےگا تاہم اطراف کی عمارتوں میں رہنے والے فی الحال رشتےداروں کے گھر جا چکے ہیں۔

شہریار حبیب نے کہا کہ ڈسٹرکٹ ساؤتھ میں51عمارتیں انتہائی خطرناک ہےہیں، جن کیخلاف ایکشن ہوگا، متاثرین کومتبادل فراہم کرنےکیلئےحکومت منصوبہ بندی کررہی ہے، غیرقانونی اور ناقص تعمیرات کرنے والوں کیخلاف قانونی کارروائی ہوگی اور اگر ادارے کا کوئی شخص ملوث ہوا تو اس کے خلاف بھی کارروائی ہوگی۔