Tag: لیاری

کراچی : وزیر بلدیات سعید غنی نے شہریوں سے اپیل کی کہ غیر قانونی تعمیرات میں فلیٹ نہ خریدیں، باقاعدہ منظورشدہ عمارتوں میں فلیٹ خریدے جائیں۔

تفصیلات کے مطابق وزیر بلدیات سعید غنی نے لیاری میں میڈیا سے گفتگو کرتے ہوئے کہا کراچی میں بہت ساری عمارتوں کو خطرناک ڈکلیئر کیا گیا ہے، مخدوش عمارتوں کے مکینوں کو نوٹسز بھی جاری کیے جا چکے ہیں، نوٹسز کو مدنظر رکھتے ہوئے مکینوں کو بلڈنگ خالی کردینی چاہیے۔

وزیر بلدیات سندھ کا کہنا تھا کہ معاملے میں ایس بی سی اے افسران کی بھی ذمہ داری بنتی ہے، ڈائریکٹر اور ڈپٹی ڈائریکٹر ایس بی سی اے کو معطل کردیا ہے اور عمارت گرنے کے واقعے پر انکوائری کمیٹی بھی بنا دی گئی ہے۔

انھوں نے کہا کہ اس شہر میں غیرقانونی تعمیرات کا عذاب ہے، غیر قانونی تعمیرات میں ملوث بلڈرز کیخلاف کارروائیاں کررہے ہیں، یہ عمارت 1976 کے آس پاس تعمیر کی گئی تھی ، ، مکینوں کو نوٹسز جاری ہوئے تھے۔

مزید پڑھیں : کراچی : لیاری میں عمارت گرنے کی تحقیقات کیلئے اعلیٰ سطح کمیٹی قائم

صوبائی وزیر کا کہنا تھا کہ جبری طورپرخالی کرائیں گے تو ہمیں برا بھلا کہا جاتا ہے، اس حوالے سے ہمیں میڈیا کے تعاون کی بھی ضرورت ہے۔

انھوں نے شہریوں سے اپیل کی غیر قانونی تعمیرات میں فلیٹ نہ خریدیں، باقاعدہ منظور شدہ عمارتوں میں فلیٹ خریدے جائیں۔

کراچی : لیاری میں 6 منزلہ رہائشی عمارت گرنے کے افسوسناک واقعے کے بعد سندھ حکومت نے تحقیقات کے لیے اعلیٰ سطحی کمیٹی قائم کر دی اور متعلقہ ایس بی سی اے افسران کو معطل کردیا۔

تفصیلات کے مطابق وزیر بلدیات سعیدغنی نے عمارت گرنے کی تحقیقات کیلئے اعلیٰ سطح کمیٹی قائم کردی،ترجمان نے بتایا کہ کمیٹی 3دن میں ذمہ دارافسران کی نشاندہی کرکے رپورٹ وزیر بلدیات کوپیش کرے گی۔

وزیر بلدیات سندھ سعید غنی نے واقعے کا فوری نوٹس لیتے ہوئے ڈائریکٹر ایس بی سی اے، ڈپٹی ڈائریکٹر اور بلڈنگ انسپکٹر کو معطل کردیا۔

وزیربلدیات نے تمام متعلقہ محکموں کو امدادی کام تیز کرنے کی ہدایت بھی کی ہے اور کہا ایس بی سی اےاوردیگراداروں کےافسران اپنی نگرانی میں ریسکیو کام سرانجام دیں ساتھ ہی عمارت گرنے کی وجوہات اور اس کے تمام اسباب کی فوری رپورٹ پیش کی جائے۔

مزید پڑھیں : کراچی میں 6 منزلہ رہائشی عمارت گرگئی ، 7 افراد جاں بحق ، متعدد زخمی 

یاد رہے کراچی کے علاقے لیاری بغدادی میں چھے منزلہ رہائشی عمارت گرگئی تھی ، جس کے نتیجے میں سات افراد دب کر جاں بحق اور چار خواتین سمیت آٹھ افراد زخمی ہوگئے تھے۔

ملبے سے تین ماہ کی بچی کو زندہ نکالا گیا تاہم ملبے میں دبے دیگر افراد کو نکالنے کیلئے امدادی کارروائیاں جاری ہیں۔

پولیس کا کہنا ہے کہ تیس سے زائد افراد کی ملبے میں دبے ہونے کی اطلاعات ہیں تاہم ریسکیو ٹیمیں مشینری کے ساتھ امدادی کارروائیوں میں مصروف ہیں۔

حکام کے مطابق خستہ حال عمارت گرنے کے باعث اطراف کی عمارتوں کو بھی نقصان پہنچا اور دیواروں میں دراڑیں پڑگئیں، جس کے بعد عمارت کو خالی کرالیا گیا ہے۔

کراچی : ڈی جی ایس بی سی اے ڈائریکٹر جنرل اسحاق کھوڑو نے انکشاف کیا کہ گرنے والی رہائشی عمارت 50 سال پرانی ہے۔

تفصیلات کے مطابق سندھ بلڈنگ کنٹرول اتھارٹی کی ٹیکنیکل کمیٹی اور ڈیمولش ٹیم جائےوقوع پر پہنچ گئی، سندھ بلڈنگ کنٹرول اتھارٹی کے ڈائریکٹر جنرل اسحاق کھوڑو نے لیاری میں رہائشی عمارت کرنے کے واقعے کے حوالے سے بتایا کہ متاثرہ عمارت خستہ حال تھی واقعے پر رپورٹ بنائی جارہی ہے۔

اسحاق کھوڑو کا کہنا تھا کہ یہ عمارت 1979 سے بھی پرانی عمارت تھی ، دیکھ رہےہیں کراچی کی خستہ حال 526عمارتوں میں یہ شامل تھی یا نہیں، خستہ حال عمارتوں کو خطرناک قراردے کر اخبارمیں اشتہار دیتےہیں۔

انھوں نے بتایا کہ گرنےوالی عمارت اور اسکے اطراف سروے کررہےہیں ، لیاری میں مزید 50کےقریب عمارتیں خستہ حال ہیں ، 50 سال پرانی عمارت کیسے گری ٹیکنیکل کمیٹی تعین کرے گی۔

ڈی جی ایس بی سی اے کا کہنا تھا کہ کراچی سمیت حیدرآباد کی عمارتوں کا بھی سروے کراچکے ہیں اور لیاری کی کئی خستہ حال عمارتوں کو خالی کراچکےہیں

مزید پڑھیں : کراچی میں 6 منزلہ رہائشی عمارت گرگئی ، 5 افراد جاں بحق ، متعدد زخمی

خیال رہے کراچی کے علاقے لیاری بغدادی میں چھے منزلہ رہائشی عمارت گرگئی تھی ، جس کے نتیجے میں اب تک پانچ افراد دب کر جاں بحق اور تین خواتین سمیت آٹھ افراد زخمی ہوگئے۔

زخمیوں کو اسپتال منتقل کردیا گیا اور ملبے میں دبے دیگر افراد کو نکالنے کیلئے امدادی کارروائیاں جاری ہیں۔

خستہ حال عمارت گرنے کے باعث اطراف کی عمارتوں کو بھی نقصان پہنچا، دیواروں میں دراڑیں پڑگئیں، جس کے باعث عمارت کو خالی کرالیا گیا ہے۔

کراچی: وزیراعلیٰ سندھ مراد علی شاہ کا لیاری میں رہائشی عمارت گرنے کا نوٹس لیتے ہوئے خستہ حال عمارتوں کی فوری تفصیلات مانگ لیں۔

تفصیلات کے مطابق وزیراعلیٰ سندھ مراد علی شاہ نے لیاری میں عمارت گرنے کے واقعے کا نوٹس لے لیا۔

مراد علی شاہ نے کہا کہ یہ انتہائی افسوسناک واقعہ ہےمتعلقہ حکام فوری رپورٹ پیش کریں اور ریسکیو ٹیمیں ملبے سےمتاثرین کوفوری نکالنے یلئےاقدامات کریں ساتھ ہی زخمیوں کو فوری طبی امداد فراہم کی جائے۔

وزیراعلیٰ سندھ کو بریفنگ میں بتایا گیا کہ لیاری میں عمارت گرنے کے بعد ریسکیو آپریشن جاری ہے اور ملبے سے اب تک 6زخمی افراد کو نکالا گیا ہے۔

وزیراعلیٰ سندھ نے ایس بی سی اے سے شہری کی خستہ حال عمارتوں کی فوری تفصیلات مانگ لیں اور کہا کہ خطرناک عمارتوں کی فوری نشاندہی اور شہریوں کی حفاظت کیلئےاقدامات کریں، غفلت یاکوتاہی برداشت نہیں ہوگی، انسانی جانوں کا تحفظ اولین ترجیح ہے۔

مزید پڑھیں : کراچی میں 6 منزلہ رہائشی عمارت گرگئی ، 5 افراد جاں بحق ، متعدد زخمی

خیال رہے کراچی کے علاقے لیاری بغدادی میں چھے منزلہ رہائشی عمارت گرگئی تھی ، جس کے نتیجے میں اب تک پانچ افراد دب کر جاں بحق اور تین خواتین سمیت آٹھ افراد زخمی ہوگئے۔

زخمیوں کو اسپتال منتقل کردیا گیا اور ملبے میں دبے دیگر افراد کو نکالنے کیلئے امدادی کارروائیاں جاری ہیں۔

خستہ حال عمارت گرنے کے باعث اطراف کی عمارتوں کو بھی نقصان پہنچا، دیواروں میں دراڑیں پڑگئیں، جس کے باعث عمارت کو خالی کرالیا گیا ہے۔

کراچی: چیئرمین پیپلزپارٹی بلاول بھٹو زرداری کا کہنا ہے کہ کچھ لوگ پاکستان کو انتہاپسندی کی جانب دھکیلنا چاہتے ہیں۔

اے آر وائی نیوز کے مطابق کراچی کے علاقے لیاری میں خطاب کرتے ہوئے چیئرمین پیپلزپارٹی بلاول بھٹو نے کہا کہ کچھ لوگ ملک کو انتہاپسندی کی جانب سے دھکیلنا چاہتے ہیں اور وہ ہمارے نوجوانوں کا مستقبل تباہ کرنا چاہتے ہیں لیکن میں اپنے نوجوانوں کو ترقی کرتا دیکھنا چاہتا ہوں۔

انہوں نے کہا کہ آج بھی کچھ ایسی سوچ رکھنے والے موجود ہیں جو خواتین کو پیچھے کھینچنا چاہتے ہیں، سندھ کی خواتین ناصرف پاکستان بلکہ دنیا میں کردار ادا کریں گی۔

چیئرمین پیپلزپارٹی نے کہا کہ آج لیاری میں بین الاقوامی طرز کے فٹبال گراؤنڈ موجود ہیں، صوبے بھر سے خواتین اسپورٹس کے لیے موجود ہیں یہ بڑی کامیابی ہے، سندھ حکومت نے کراچی کے عوام کے لیے یہ منصوبہ شروع کیا، قائد اعظم نے کہا تھا جب تک خواتین کا کردارنہ ہو کوئی ملک ترقی نہیں کرسکتا۔

بلاول بھٹو نے کہا کہ بینظیر بھٹو نے ثابت کیا تھا کہ پاکستان کی خواتین جو کرنا چاہیں کرسکتی ہیں، اپنے نوجوانوں کو کھیلتے، پڑھتے اور روزگار کرتے دیکھنا چاہتا ہوں، میں اور آپ مل کر ملک کے نوجوانوں کی ترقی کا بندوبست کریں گے۔

انہوں نے کہا کہ شہید بینظیر بھٹو نے اس علاقے سے محنت کی شروعات کی، صدر زرداری نے اس شہر اور اس علاقے کے لیے کام کیا، ناصرف مسائل ہیں بہتری کی گنجائش بھی ہے۔

چیئرمین پی پی نے کہا کہ نوجوان محںت کررہے ہیں لیاری انہیں اصل نمائندگی دے رہا ہے، آپ کی محنت اور جدوجہد سے تاریخ میں پہلی بار جیالا میئر کھڑا ہے، یہ پوری جماعت کی کامیابی ہے لیکن صف اول کا کردار لیاری کا ہے، وزیر اعلیٰ آپ اور کے ایم سی لیاری میں سب سے زیادہ کام کریں، وزیر اعلیٰ یہاں لائٹ کا بندوبست کریں تاکہ دن رات میچ کھیل سکیں۔

بلاول بھٹو نے مزید کہا کہ بہت سے شعبوں میں بہتری کی گنجائش ہے، اپنے وزیر اعلیٰ سے کراچی سمیت پورے سندھ پر توجہ لیں گے۔