Tag: لیبیا کشتی حادثے

اسلام آباد : لیبیا کشتی حادثے میں جاں بحق چھ پاکستانیوں کی میتیں وطن واپس پہنچ گئیں۔

تفصیلات کے مطابق لیبیا کشتی حادثے میں جاں بحق چھ پاکستانیوں کی میتیں وطن واپس پہنچ گئیں، وفاقی وزیر برائے ہاؤسنگ اینڈ ورکس ریاض حسین پیرزادہ نے اسلام آباد ایئرپورٹ پر میتیں وصول کیں۔

اس موقع پر وزیر ہاؤسنگ نے کہا کہ متوفین کے لواحقین سے دلی ہمدردی کا اظہار کرتا ہوں اور اس افسوسناک موقع پر لواحقین کے غم میں شریک ہوں۔

وفاقی وزیر کا کہنا تھا کہ 5 فروری کو پیش آنے والے سانحے نے ملک کے کئی خاندانوں کو سوگ میں ڈال دیا، حکومت متاثرین کے خاندانوں کے ساتھ ہر ممکن سطح پر کھڑی ہے۔

ریاض حسین پیرزادہ نے کہا ہم نے تمام ضروری انتظامات کیے ہیں کہ متوفین کے جسد خاکی ان عزیزوں تک پہنچائے جا سکیں۔

ان کا مزید کہنا تھا کہ لیبیا میں زندہ بچ جانے والے 37 پاکستانیوں کی واپسی کے لیے بھی کوششیں جاری ہیں، باقی جاں بحق افراد کو جلد وطن واپس لائیں گے۔

وفاقی وزیر کا کہنا تھا کہ یہ وقت سبق سکھاتا ہے کہ غیر قانونی ذرائع سے یورپ جانے کی کوشش کتنی خطرناک ہو سکتی ہے۔

انھوں نے نوجوانوں سے اپیل کی کہ وہ ایسے خطرناک راستے اختیار نہ کریں اورقانونی ذرائع کے ذریعے ہی بیرون ملک جانے کی کوشش کریں۔ متوفین کے لواحقین سے دلی ہمدردی کا اظہار کرتا ہوں

اسلام آباد : لیبیا کشتی حادثے میں ملوث 2 انسانی اسمگلر کو گرفتار کرلیا، ملزمان بھاری رقوم وصول کر کے شہریوں کو یورپی ممالک، دبئی، کینیڈا بھجواتے تھے۔

تفصیلات کے مطابق وفاقی تحقیقاتی ادارے ( ایف آئی اے) اسلام آباد نے گجرات اور راولپنڈی میں کارروائیاں کیں۔

کارروائیوں میں لیبیا کشتی حادثے میں ملوث 2 انسانی اسمگلر کوگرفتار کرلیا، ملزمان کی شناخت اظہراقبال اورمحمدافضال کےنام سے ہوئی۔

ایف آئی اے کا کہنا تھا کہ ملزم اظہر اقبال لیبیا کشتی حادثہ میں ملوث پایا گیا، ملزم کو چھاپہ مار کارروائی میں عثمان پورہ گجرات سے گرفتار کیا گیا۔

ترجمان نے کہا کہ ملزم شہریوں کو بیرون ملک ملازمت کا جھانسہ دیکر لاکھوں روپے بٹورنے میں بھی ملوث پایا گیا، ملزم نے شہری کو غیر قانونی طور یورپ براستہ لیبیا بھجوانے کیلئےلاکھوں روپے وصول کیے۔

ترجمان نے مزید بتایا کہ دوسری کارروائی میں ملزم محمد افضال کو راولپنڈی سے گرفتار کیا گیا، ملزم بھاری رقوم وصول کر کے شہریوں کو یورپی ممالک، دبئی، کینیڈا کے جعلی ویزے فراہم کرتا تھا اور گزشتہ 6 سال سے اسلام آباد زون کو مطلوب تھا۔

فیصل آباد : لیبیا کشتی حادثے میں ملوث انسانی اسمگلرز کے اہم سہولت کار کو گرفتار کرلیا گیا، ملزم شہریوں سے رقم وصول کرکے نیٹ ورک کو بھیجتا تھا۔

تفصیلات کے مطابق وفاقی تحقیقاتی ایجنسی (ایف آئی اے) نے لیبیا کشتی حادثے میں ملوث انسانی اسمگلرز کے اہم سہولت کار عادل کو گرفتار کرلیا۔

ایف آئی اے حکام نے بتایا کہ ملزم انسانی اسمگلنگ کےبین الاقوامی نیٹ ورک سے رابطےمیں تھا، ملزم کی بینکنگ تفصیلات لے لی گئیں ہیں اور موبائل فون کا ریکارڈ بھی حاصل کرلیا گیا ہے۔

حکام کا کہنا تھا کہ ملزم عادل شہریوں سے رقم وصول کرکے نیٹ ورک کو بھیجتا تھا، ملزم کے خلاف اینٹی منی لانڈرنگ سرکل میں انکوائری درج تھی۔

خیال رہے رواں سال لیبیا کے ساحل سے بحیرہ روم میں کشتیوں کے ڈوبنے کے دو قابل ذکر واقعات ہو چکے ہیں، جن میں متعدد پاکستانی جان کی بازی ہار چکے ہیں، پہلا واقعہ فروری میں اور دوسرا اپریل میں پیش آیا۔

بعد ازاں اس وقت کے وزیر اعظم شہباز شریف نے تعلقہ حکام کو انسانی سمگلنگ کے گھناؤنے جرم میں ملوث ایجنٹوں کے خلاف فوری کریک ڈاؤن کی ہدایت کی اور انہیں انصاف کے کٹہرے میں لانے پر زور دیا تھا۔

گجرات : ایف آئی اے گجرات نے بڑی کارروائی کرتے ہوئے لیبیا کشتی حادثے میں ملوث انسانی اسمگلر محمد سعید کو گرفتار کرلیا۔

تفصیلات کے مطابق لیبیا کشتی حادثے میں پاکستانیوں کی اموات پر ایف آئی اے گجرات نے بڑی کارروائی کی۔

ڈپٹی ڈائریکٹر ایف آئی اے گجرات کی ٹیم نے کارروائی کرتے ہوئے انسانی اسمگلر محمد سعید کو گرفتار کرلیا۔

ترجمان ایف آئی اے کا کہنا ہے کہ مرکزی ملزم محمد سعید سنار نے پاکستانیوں کو غیر قانونی طور پرلیبیا بھجوایا تھا ، ملزم 12 سے زائد مقدمات میں مطلوب تھا۔

یاد رہے اس سے قبل ایف آئی اے کمپوزیٹ سرکل گجرات نے کشتی حادثہ میں ملوث منظم گینگ کے دو انسانی اسمگلر کو گرفتارکیا تھا۔

گرفتار ملزمان میں راجہ راحیل اور سفیان شامل ہیں جن کا تعلق گجرات سے ہے، انہیں کھاریاں سے گرفتار کیا گیا تھا۔

واضح رہے کہ اٹلی کے ساحل میں تارکین وطن کی کشتی ڈوب جانے سے متعدد پاکستانیوں سمیت 64 افراد جاں بحق ہوگئے تھے، اسی طرح لیبیا میں بھی ایک کشتی حادثے میں 3 پاکستانی جان کی بازی ہار گئے۔