Tag: لیونل میسی

فرانس کے سابق لیجنڈ فٹبالر زین الدین زیڈان نے کرسٹیانو رونالڈو اور لیونل میسی میں سے کون بہتر ہے، اس حوالے سے اظہار خیال کیا ہے۔

زیڈان کا ایک انٹرویو پھر سے وائرل ہورہا ہے، ایڈیڈاس کے لیے 2022 کی یوٹیوب ویڈیو میں زیڈان اور میسی نے ایک ساتھ اپنے کیریئر کی عکاسی کرتے ہوئے گفتگو کی تھی، رونالڈو کے ساتھ زیڈان کے قریبی تعلقات کے باوجود انھوں نے اس ویڈیو میں میسی کی تعریف کی۔

فرانسیسی فٹبالر نے کہا کہ ان کے لیے صرف ایک لفظ ہے جادوگر، میسی اور میں ہر روز ساتھ نہیں ہوتے، اس لیے آج کا دن میرے لیے بہت اہم ہے کیونکہ میں اسے بتا سکتا ہوں کہ میں اسے کتنا سراہتا ہوں۔

زیڈان نے کہا کہ وہ تمام لوگ جو فٹ بال کے کھیل کو پسند کرتے ہیں، اور یہ تمام کھلاڑی جو ایک دوسرے سے مختلف ہیں، مجھے لگتا ہے کہ ان میں میسی جادوگر ہے۔

سابق فٹبالر نے کہا کہ میسی کو میں اس لحاظ سے جادوگر کہوں گا کہ گیند حاصل کرنے سے پہلے ہی وہ اس بات کو جانتے ہیں کہ کھیل میں کیا کرنے کی ضرورت ہے۔

زیڈان نے کہا کہ جب میں اسے وہ کرتے ہوئے دیکھتا ہوں جو وہ کرتا ہے تو میں کہتا ہوں اوہ کیا بات ہے،یہی ہے جو لوگ فٹ بال میں دیکھنا چاہتے ہیں۔

انٹرمیامی کلب کے اسٹار فٹبالر لیونل میسی نے اعلیٰ ظرفی کا مظاہرہ کرتے ہوئے اپنا آٹھواں بیلن ڈی آر ایورارڈ عطیہ کردیا۔

عالمی شہرت یافتہ سوکر پلیئر نے اپنی قیمتی ٹرافی سابقہ کلب بارسلونا کے میوزیم کو عطیہ کی ہے۔ دلچسپ بات یہ ہ کہ اجنٹائنی اسٹار دنیا کے واحد کھلاڑی ہیں جو 8 بیلن ڈی آر ایوارڈ جیتنے کا اعزاز رکھتے ہیں ہیں۔

پرتگال سے تعلق رکھنے والے دور حاضر کے ایک اور بہترین فٹبالر کرسٹیانو رونالڈو اس دوڑ میں ان سے پیچھے ہیں، وہ 6 بیلن ڈی آر ٹرافیز اپنے شوکیس میں سجا چکے ہیں۔

میسی نے تقریباً تین سال قبل 2021 میں مالی بحران کے باعث بارسلونا کو خیرباد کہتے ہوئے پیرس سینٹ جرمن کو جوائن کیا تھا۔ بعدازاں وہ اپنے موجودہ کلب انٹرمیامی کا حصہ بن گئے۔

37 سالہ معروف سوکر پلیئر کا کہنا تھا کہ آٹھواں بیلن ڈی آر ایواڈ اس لیے اپنے سابق کلب بارسلونا کو عطیہ کیا ہے تاکہ اس ٹرافی کے ذریعے فٹبالرز میں جذبہ بیدار ہو اور وہ کلب کیلئے بہترین کھیل پیش کریں۔

سپراسٹار کرسٹیانو رونالڈو کے فٹبال کلب النصر نے فیفا پلیئر آف دی ایئر میسی کے کلب انٹر میامی کو عبرتناک شکست دیدی۔

سعودی کلب نے دوستانہ میچ میں امریکی حریف کو 0-6 سے مات دی، النصر کی جانب سے برازیلین فٹبالر ٹیلسکا نے ہیٹ ٹرک کی، اسٹار فٹبالر کرسٹیانو رونالڈو اپنی انجری کے سبب النصر کی جانب سے میچ میں حصہ لینے سے قاصر رہے۔

دلچسپ بات یہ ہے کہ اس میچ میں لیونل مسی بھی موجود تھے جو صرف 7 منٹ کیلئے میدان میں اُترے تاہم کوئی کمال دکھانے میں ناکام رہے۔

دوستانہ میچ میں ریاض میں کھیلا گیا، ہوم گراؤنڈ پر سعودی کلب النصر کے پلیئرز بھرپور فارم میں نظر آئے اور انٹرمیامی کو ایک بھی گول نہ کرنے دیا۔

کھیل شروع ہونے کے محض 12 منٹ میں النصر کی جانب سے 3 گول داغے گئے۔ اس دوران ایمرک لیپورٹے نے شاندار گول کیا، انھوں نے اپنے ہاف سے لگائی جانے والی فری کک پر گول کیا۔ بینچ پر بیٹھے کرسٹیانو رونالڈو نے بھی انھیں داد دی۔

اسی دوران کوچ کی جانب سے لیونل میسی کو بھی صرف سات منٹ کے لیے میدان میں اتارا گیا مگر وہ کوئی جادو جگانے میں ناکام رہے۔

النصر نے دوسرے ہاف میں بھی تین گول اسکور کرتے ہوئے 6 گولز کی برتری حاصل کرلی جبکہ اتنے بڑے خسارے میں جانے کے بعد میامی کے فٹبالرز کوئی گول نہ کرسکے اور اسی اسکور پر میچ کا اختتام ہوا۔

سپراسٹار فٹبالر لیونل میسی کہیں بھی موجود ہوں مداح ان کا پیچھا نہیں چھوڑتھے، ٹریفک جام میں بھی ایسا ہی کچھ دیکھنے میں آیا۔

سوشل میڈیا پلیٹ فارم ایکس پر ایک ویڈیو وائرل ہورہی ہے جس میں مداح نے ٹریفک جام کے دوران اپنی گاڑی سے میسی کی گاڑی میں ٹی شرٹ پھینک دی اور اس پر فٹبالر سے آٹو گراف دینے کی فرمائش کی۔

اس دوران کار میں بیٹھے میسی بھی مسکراتے رہے اور مداح کی خواہش کا احترام کرتے ہوئے اس کی ٹی شرٹ پر آٹو گراف بھی دیا جس کی ویڈیو وائرل ہوگئی۔

اس دوران مداح اپنی کار سے اتر کر ان سے شرٹ لینے آیا جس سے میسی نے ہاتھ بھی ملایا اور پھر تیزی سے گاڑی وہاں سے نکال کر لے گئے۔

https://twitter.com/M10GOAT/status/1750296881631055915?ref_src=twsrc%5Etfw%7Ctwcamp%5Etweetembed%7Ctwterm%5E1750296881631055915%7Ctwgr%5E26303c378e7110704fff7d1ef7d416f027052ef6%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1314250

مذکورہ ویڈیو سامنے آنے اور ارجنٹائنی سپراسٹار کی جانب سے مداح کے ساتھ خوش مزاجی کا مظاہرہ کرنے کے واقعے کو صارفین سراہ رہے ہیں۔

فٹبال ورلڈکپ کوالیفائر میچ میں برازیل ارجنٹینا کے فینز آپس میں لڑ پڑے جس کے بعد کپتان لیونل میسی احتیجاجاً گراؤنڈ سے باہر چلے گئے۔

برازیل اور ارجنٹائن کے درمیان منگل کی رات ہونے والے ورلڈ کپ کوالیفائر کا آغاز اسٹینڈز میں ہونے والی تشدد کی وجہ سے تقریباً آدھے گھنٹے کی تاخیر سے ہوا۔

ہوا کچھ یوں کہ میچ سے قبل برازیل اور ارجنٹائن کے فینز کی آپس میں جھڑپ ہوگئی، یرازیل گراؤنڈ میں تعینات پولیس نے ارجنٹائن کے حامی پر لاٹھی چارج کردی جس سے فینز بُری طرح زخمی ہوگئے۔

ویڈیو فوٹیج میں کچھ مداحوں کو آپس میں لڑتے بھی دکھایا گیا ہے، تماشائیوں کے درمیان جھگڑا اس قدر بڑھ گیا کہ ارجنٹائن کے کپتان لیونل میسی اور ان کی ٹیم میدان چھوڑ کر اپنے حامیوں کی مدد کے لیے اسٹینڈ میں جاپہنچے۔

ارجنٹائن کے لیونل میسی اور ٹیم نے پولیس سے ٹکر لینے کی بھی کوشش کی لیکن اسٹینڈ میں لگی رکاوٹیں بیچ میں آگئیں بعد ازاں کچھ دیر بعد ارجنٹائن کی ٹیم میدان چھوڑ کر چلی گئی۔

دوسری جانب برازیل تاریخ میں پہلی بار ہوم کوالیفائر ہار گیا اور ارجنٹائن نے ایک صفر سے میچ جیت لیا۔