گوادر: صوبہ بلوچستان کے ساحلی ضلع گوادر میں نامعلوم مسلح افراد کی فائرنگ تحصیلدار اور لیویز فورس کے پانچ اہلکار جاں بحق ہوگئے.
تفصیلات کےمطابق بلوچستان ضلع گوادر میں یہ واقع ضلع کے ایران سے متصل تحصیل جیوانی کے علاقے کلدان میں پیش آیا.تحصیلدار جیوانی لیویز فورس کے اہلکاروں کے ہمراہ کلدان گئے تھے.
کمشنر مکران بشیر احمد بنگلزئی کا کہنا تھا کہ تحصیلدار لیویز فورس کے ہمراہ اس علاقے میں ایک اراضی کا تنازعہ نمٹانےگئے تھے کہ واپسی پر نامعلوم مسلح افراد نے ان کی گاڑیوں کو روکا اور ان پر اندھا دھند فائرنگ کردی.
اس حملے میں چھ افراد جاں بحق ہوگئے جن میں تحصیلدار اور لیویز فورس کے پانچ اہلکار شامل ہے. واقعے میں لیویز فورس کے ایک نائب رسالدار اور ایک اہلکار زخمی بھی ہوئے ہیں.زخمیوں کو علاج کے لیے ڈسٹرکٹ ہیڈ کوارٹر اسپتال گوادر منتقل کیا گیا.
یاد رہے کہ گوادر بلوچستان کا ایران سے متصل سرحدی ضلع ہے.اس ضلع میں پہلے بھی سکیورٹی فورسز کے اہلکاروں پر حملوں کے واقعات پیش آتے رہے ہیں.
*چمن،پاک افغان بارڈر پرپاک فوج کا کومبنگ آپریشن
واضح رہے کہ گزشتہ روز پاک فوج نے پاک افغان بارڈر پر چمن میں ایک آپریشن کے دوران آٹھ دہشت گردوں کو گرفتار کر کے بھاری مقدار میں گولہ اور بارود بر آمد کیا تھا.
