ARYNews.tv | Urdu – Har Lamha Bakhabar

Tag: لیپ ٹاپ

  • مصطفیٰ عامر قتل کیس: ارمغان کے لیپ ٹاپ سے اہم شواہد مل گئے

    مصطفیٰ عامر قتل کیس: ارمغان کے لیپ ٹاپ سے اہم شواہد مل گئے

    کراچی : مصطفیٰ عامر قتل کیس کے مرکزی ملزم ارمغان کے لیپ ٹاپ سے بین الاقوامی فراڈ گروپ کے شواہد مل گئے۔

    تفصیلات کے مطابق مصطفیٰ عامر قتل کیس کے مرکزی ملزم ارمغان سے ایف آئی اے نے تفتیش کی۔

    ایف آئی اے نے انسداددہشت گردی عدالت میں رپورٹ پیش کردی ، جس میں بتایا کہ ارمغان کےلیپ ٹاپ سےپتہ لگا وہ بین الاقوامی فراڈگروپ کاحصہ ہے، وہ اور اس کے والد کامران قریشی نے فراڈ کیلئے کمپنی بنائی تھی، کمپنی کی سالانہ آمدن 3 سے 4 لاکھ ڈالرز ہے۔

    وفاقی تحقیقاتی ادارے نے کہا کہ فراڈ کیلئے قائم کمپنی کے 25 ایجنٹ ہیں، رمغان نے ملازم افنان اشرف کے ذریعے لگژری گاڑیاں خریدیں، گاڑیوں کی قیمت 15 کروڑ 40 لاکھ روپے ہے۔

    مزید پڑھیں : ایف آئی اے نے ملزم ارمغان کی بیش قیمت ریپٹر گاڑی برآمد کرلی

    ایف آئی اےارمغان کوکل دوبارہ عدالت پیش کرےگی، ملزم منی لانڈرنگ و دیگر4 مقدمات میں ریمانڈ پر ایف آئی اے تحویل میں ہے۔

    ایف آئی اے نے کمپنی کے دوسرے مالک کامران قریشی کو ملزم نہیں بنایا۔

  • لیپ ٹاپ پھٹنے سے گھر میں آگ لگ گئی، 2 بچے جاں بحق

    لیپ ٹاپ پھٹنے سے گھر میں آگ لگ گئی، 2 بچے جاں بحق

    فیصل آباد: شریف پورہ میں گھر میں موجود لیپ ٹاپ پھٹنے سے آگ لگ گئی، جس کے نتیجے میں 2 بچے زندگی کی بازی ہار گئے۔

    اے آر وائی نیوز کے مطابق گھر میں آگ لیپ ٹاپ کے اوور ہیٹ ہوکر پھٹنے کے باعث لگی تھی۔

    اسپتال ذرائع کا کہنا ہے کہ واقعے میں جھلسنے والے 9 افراد کو الائیڈ اسپتال منتقل کیا گیا تھا، 6 سالہ دعا اور 9 سالہ طہٰ زخموں کی تاب نہ جاں بحق ہوگئے۔

    اس سے قبل مردان میں پیش آئے فائرنگ کے واقعے میں بیٹے نے فائرنگ کرکے ماں کو زخمی، والد اور 2 بھائیوں کو قتل کرکے خودکشی کرلی۔

    پولیس کے مطابق لاشوں اور زخمی کو ایم ایم سی اسپتال منتقل کردیا گیا ہے، نہار اللہ نامی نوجوان کا ذہنی توازن درست نہیں تھا۔

    ملک کے مختلف شہروں میں زلزلے کے جھٹکے

    ریسکیو ذرائع کے مطابق واقعہ تھانہ شیخ ملتون کی حدود میں پیش آیا، مقتولین کی شناخت نہار، فیض، نصر اور عابد کے ناموں سے ہوئی ہے۔

  • پختونخواہ کے نوجوانوں کو قرضے اور لیپ ٹاپ دیے جائیں گے: وزیر اعظم

    پختونخواہ کے نوجوانوں کو قرضے اور لیپ ٹاپ دیے جائیں گے: وزیر اعظم

    اسلام آباد: وزیر اعظم شہباز شریف کا کہنا ہے کہ خیبر پختونخواہ کو ترقی اور امن کا گہوارہ بنا کر رہیں گے، کے پی کے باصلاحیت نوجوانوں کو آسان شرائط پر قرض اور لیپ ٹاپس فراہم کریں گے۔

    تفصیلات کے مطابق وزیر اعظم شہباز شریف سے خیبر پختونخواہ سے تعلق رکھنے والی مسلم لیگی قیادت کی ملاقات ہوئی، ملاقات میں موجودہ ملکی سیاسی صورتحال اور صوبے کے آئندہ انتخابات پر مشاورت ہوئی۔

    ملاقات میں وزیر اعظم شہباز شریف کا کہنا تھا کہ خیبر پختونخواہ کو ترقی اور امن کا گہوارہ بنا کر رہیں گے، گزشتہ حکومت نے صوبے کی ترقی کو یکسر نظر انداز کیا۔

    انہوں نے کہا کہ ہم نے بجٹ میں ضم شدہ قبائلی اضلاع کی ترقی کے لیے خصوصی اقدامات شامل کیے، وفاقی حکومت کے صحت و تعلیم کے منصوبوں سے عوام بھرپور مستفید ہو گی۔

    وزیر اعظم کا مزید کہنا تھا کہ کے پی کے باصلاحیت نوجوانوں کو آسان شرائط پر قرض اور لیپ ٹاپس فراہم کریں گے، کسانوں کو معیاری بیج اور بروقت کھاد کی فراہمی کے ساتھ جدید ٹیکنالوجی سے لیس کریں گے۔

    انہوں نے مزید کہا کہ سرحدی اضلاع میں تجارت میں سہولت فراہم کر کے لوگوں کی معاشی مشکلات دور کریں گے۔

  • دبئی ایئرپورٹ: مسافر کے جوتے اور لیپ ٹاپ سے ہیروئن برآمد

    دبئی ایئرپورٹ: مسافر کے جوتے اور لیپ ٹاپ سے ہیروئن برآمد

    ابو ظہبی: متحدہ عرب امارات کے شہر دبئی کے ایئرپورٹ پر مسافر کے جوتے اور لیپ ٹاپ سے ہیروئن برآمد کرلی گئی۔

    اردو نیوز کے مطابق متحدہ عرب امارات میں دبئی انٹرنیشنل ایئرپورٹ بلڈنگ 2 کے کسٹم انسپکٹرز نے 880 گرام ہیروئن کی اسمگلنگ کی کوشش ناکام بنادی۔

    ہیروئن لیپ ٹاپ کے خفیہ خانوں اور جوتے کی ایڑی میں انتہائی مہارت سے چھپا کر اسمگل کی جارہی تھی۔

    پیسنجر آپریشن سیکشن کے انچارج ابراہیم الکمالی کا کہنا تھا کہ دبئی کسٹم اہلکار ممنوعہ اشیا کی اسمگلنگ کی ہر کوشش کو ناکام بنانے کے سلسلے میں پرعزم ہیں، کسٹم اہلکار اعلیٰ تجربہ اور پیشہ ورانہ مہارت رکھتے ہیں۔

    انہوں نے کہا کہ کسٹم انسپکٹرز 100 فیصد مقامی شہری ہیں، انہیں معائنے کے لیے جدید ترقی یافتہ آلات فراہم کیے گئے ہیں۔

    ابراہیم الکمالی کا مزید کہنا تھا کہ دبئی انٹرنیشنل ایئرپورٹ آنے والے ایک مشتبہ مسافر کی تلاشی لی گئی تو اس کے لیپ ٹاپ کے خفیہ حصوں اور جوتے کی ایڑی سے ہیروئن برآمد ہوئی۔

  • طیارے میں مسافر کے لیپ ٹاپ میں آگ بھڑک اٹھی، کئی افراد زخمی

    واشنگٹن: امریکا کے شہر نیویارک کے جان ایف کینیڈی ایئرپورٹ پر ایک طیارے میں مسافر کے لیپ ٹاپ میں آگ بھڑک اٹھی، آگ بجھانے کے بعد طیارے کو خالی کروا لیا گیا، اس دوران 7 مسافر معمولی زخمی ہوئے۔

    بین الاقوامی میڈیا رپورٹ کے مطابق امریکی شہر نیویارک کے جان ایف کینیڈی ایئرپورٹ پر امدادی ٹیم کو اس وقت جیٹ بلیو کے جہاز کو خالی کروانا پڑا جب ایک مسافر کے لیپ ٹاپ میں آگ بھڑک اٹھی۔

    حکام کا کہنا ہے کہ جہاز ٹرمینل 5 کے گیٹ کی جانب جا رہا تھا جب لیپ ٹاپ کی بیٹری میں آگ لگ گئی۔

    بارباڈوس کے شہر برج ٹاؤن سے آنے والی جیٹ بلیو کی اس فلائٹ میں عملے نے فوری طور پر آگ بجھا دی۔

    اس کے بعد امدادی ٹیم نے جہاز کو ایمرجنسی سلائیڈ سسٹم کے ذریعے مسافروں سے خالی کروا لیا، حکام کے مطابق سات مسافر معمولی زخمی ہوئے۔

    جیٹ بلیو نے ایک بیان میں کہا کہ ہماری پہلی ترجیح تحفظ ہے، ایف اے اے اور این ٹی بی ایس کی مدد سے واقعے کی تحقیقات کی جا رہی ہیں۔

  • مائیکروسافٹ نے دو نئے لیپ ٹاپ متعارف کرا دیے

    مائیکروسافٹ نے دو نئے لیپ ٹاپ متعارف کرا دیے

    امریکی ٹیکنالوجی کمپنی مائیکروسافٹ نے دو نئے لیپ ٹاپ متعارف کرا دیے۔

    مائیکروسافٹ نے اپنے صارفین کے لیے منگل کو دو نئے سرفیس پروڈکٹس یعنی سرفیس لیپ ٹاپ 5 اور سرفیس پرو 9 متعارف کرانے کا اعلان کیا ہے۔

    سرفیس لیپ ٹاپ 5 کی قیمت 1 لاکھ 7 ہزار 999 روپے، جب کہ سرفیس پرو 9 کی قیمت 1 لاکھ 5 ہزار 999 روپے ہے۔

    مائیکروسافٹ کمپنی کے مطابق یہ ڈیوائس 12 ویں جنریشن کے انٹیل کور پروسیسرز کے ساتھ بنائے گئے ہیں، جو ناقابل یقین طاقت اور کارکردگی فراہم کرتے ہیں۔

    کمپنی کا کہنا ہے کہ نیا لیپ ٹاپ سرفیس پرو 8 کے مقابلے میں 50 فی صد زیادہ کارکردگی کے ساتھ مکمل ڈیسک ٹاپ پروڈکٹیوٹی فراہم کرتا ہے۔ دوسری طرف سرفیس لیپ ٹاپ 5 جدید ترین Intel Evo پلیٹ فارم سے آراستہ ہے، جو اسے 50 فی صد زیادہ طاقت ور بناتا ہے۔

    واضح رہے کہ مائیکروسافٹ نے اکتوبر میں اپنا نیا سرفیس پرو 9 ٹیبلیٹ اور سرفیس لیپ ٹاپ 5 عالمی سطح پر متعارف کرایا تھا، اب انھیں بھارت میں صارفین کے لیے پیش کر دیا گیا ہے۔

  • دیوالی ڈسکاؤنٹ پر آن لائن لیپ ٹاپ خریدنے والا لٹ گیا

    دیوالی ڈسکاؤنٹ پر آن لائن لیپ ٹاپ خریدنے والا لٹ گیا

    بھارت میں ایک شخص کو آن لائن لیپ ٹاپ منگوانا مہنگا پڑ گیا جب ڈبے میں سے لیپ ٹاپ کی جگہ پتھر اور کچرا نکل آیا، دیوالی کے موقع پر دی جانے والی ڈسکاؤنٹ میں درجنوں شہریوں کے ساتھ ایسے ہی واقعات پیش آئے۔

    بھارتی میڈیا کے مطابق یہ واقعہ ریاست کرناٹک کے شہر منگلور میں پیش آیا جہاں ایک شخص نے آن لائن اسٹور کمپنی فلپ کارٹ سے لیپ ٹاپ منگوایا۔

    بھارت میں دیوالی کے موقع پر مختلف آؤٹ لیٹس نے بڑی رعایت کا اعلان کیا تھا اور اسی کا فائدہ اٹھا کر اس شخص نے لیپ ٹاپ خریدا تھا۔

    تاہم جب ڈیلیوری گھر پہنچی تو ڈبہ کھولنے کے بعد اس شخص پر حیرت اور صدمے کا پہاڑ ٹوٹ پڑا کیونکہ ڈبے میں لیپ ٹاپ کی جگہ ایک بڑا سا پتھر اور کچھ ناکارہ ای کچرا پڑا ہوا تھا۔

    مذکورہ شخص نے سماجی رابطے کی ویب سائٹ ٹویٹر کا سہارا لیا اور مختلف صحافیوں، نیوز چینلز اور فلپ کارٹ کو ٹیگ کرتے ہوئے موصول ہونے والے سامان کی تصاویر پوسٹ کردیں۔

    مذکورہ شخص کے ٹویٹس فوراً ہی وائرل ہوگئے اور لوگوں نے اس پر ردعمل کا اظہار کرتے ہوئے کمپنی کو برا بھلا کہنا شروع کردیا۔

    خوش قسمتی سے جلد ہی فلپ کارٹ نے ان ٹویٹس کا جواب دیا اور مذکورہ شخص سے رابطہ کر کے اسے اس کی رقم واپس بھجوائی جس کے بعد اس کی جان میں جان آئی۔

    آن لائن شاپنگ میں اس طرح دھوکا دہی کے واقعات کوئی نئی بات نہیں، ایک بار ریاست کرناٹک کے ہی ایک رہائشی کو ڈرون کیمرہ آرڈر کرنے پر آلوؤں سے بھرا ہوا بیگ موصول ہوگیا تھا۔

  • ایسا لیپ ٹاپ جو گلاسز کے بغیر 3 ڈی ڈسپلے کرسکے گا

    ایسا لیپ ٹاپ جو گلاسز کے بغیر 3 ڈی ڈسپلے کرسکے گا

    معروف کمپنی ایسر نے گلاسز فری تھری ڈی ٹیکنالوجی پر مبنی پہلا کانسیپٹ لیپ ٹاپ متعارف کروا دیا، اس لیپ ٹاپ کی تیاری کا اعلان سنہ 2021 کے شروع میں کیا گیا تھا۔

    یہ مختلف اقسام کے ہارڈ ویئر اور سافٹ ویئر فیچرز پر مشتمل ہے۔

    ان فیچرز میں ایک خاص اسٹیریو کیمرا قابل ذکر ہے جس میں ایسے 2 سنسرز موجود ہیں جو آپ کی آنکھوں اور سر کو ٹریک کرتے ہیں، ایک آپٹیکل لینس آنکھوں کے سامنے 2 معمولی مختلف تصاویر کو پیش کرتا ہے جبکہ رینڈرنگ سافٹ ویئر آپ کی حرکت کے ساتھ ریئل ٹائم میں تھری ڈی امیجز کو ایڈجسٹ کرتا ہے۔

    کمپنی کے مطابق صارفین اس لیپ ٹاپ پر تھری ڈی پراجیکٹس جیسے تھری ڈی پرنٹنگ، آرکیٹکچر یا اینی میشن کو دیکھ سکیں گے۔

    ایسر کی جانب سے چند ٹول جیسے اسپیٹل لیبز ماڈل ویورز بھی فراہم کیے جائیں گے تاکہ مختلف ایپس سے تھری ڈی فائلز کو امپورٹ کرسکیں گے۔

    اسی طرح ڈویلپرز کے ساتھ مل کر بھی مزید ٹولز کی تیاری پر کام کیا جارہا ہے۔

    کمپنی کی جانب سے ایک اسپیٹل لیبز گو ایپ بھی فراہم کی جائے گی جو 2 ڈی مواد جیسے ویڈیوز، گیمز، سادہ گیمز اور دیگر کو اسٹیریو اسکوپک تھری ڈی میں تبدیل کرے گی۔

    اس سے ہٹ کر لیپ ٹاپ میں انٹیل کور آئی 7 پراسیسر، 32 جی بی ڈی ڈی آر 4 ریم (جس کو 64 جی بی تک بڑھایا جاسکتا ہے) اور 2 ٹی بی اسٹوریج جیسے فیچرز موجود ہوں گے۔ اسی طرح 15.6 انچ کا ایل سی ڈی ڈسپلے لیپ ٹاپ کا حصہ ہوگا۔

    یہ لیپ ٹاپ یورپ، مشرق وسطیٰ اور افریقہ میں دسمبر 2021 میں 3599 یورو (7 لاکھ 13 ہزار پاکستانی روپے سے زائد) میں فروخت کیا جائے گا۔

  • کوئٹہ کے طلبا میں لیپ ٹاپ تقسیم

    کوئٹہ کے طلبا میں لیپ ٹاپ تقسیم

    کوئٹہ: بلوچستان کے دارالحکومت کوئٹہ میں طلبا میں لیپ ٹاپ تقسیم کرنے کی تقریب ہوئی، اس موقع پر وزیر اعلیٰ بلوچستان جام کمال کا کہنا تھا کہ نوجوانوں کے بہتر مستقبل کے لیے اقدامات کر رہے ہیں۔

    تفصیلات کے مطابق صوبائی دارالحکومت کوئٹہ میں لیپ ٹاپ تقسیم کرنے کی تقریب ہوئی، وزیر اعلیٰ بلوچستان جام کمال نے تقریب سے خطاب کیا۔

    وزیر اعلیٰ بلوچستان کا کہنا تھا کہ ہمیں مل کر بلوچستان کی ترقی اور خوشحالی کے لیے کام کرنا ہوگا، نوجوانوں کے بہتر مستقبل کے لیے اقدامات کر رہے ہیں۔ بلوچستان میں دیگر صوبوں کی نسبت یونیورسٹیاں بہت کم ہیں۔

    انہوں نے کہا کہ یونیورسٹیوں میں سہولیات میں اضافہ کرنا وفاقی حکومت کی ذمہ داری ہے، صوبائی حکومت ڈھائی ارب سالانہ یونیورسٹیوں پرخرچ کر رہی ہے۔

    وزیر اعلیٰ کا مزید کہنا تھا کہ ریکوڈک سے 10 ہزار لوگوں کو روزگار ملتا، ماضی کے غلط فیصلوں کی وجہ سے آج ریکوڈک بند ہے۔

  • قطری ائیرلائن نے ٹرمپ کی پابندیوں کا توڑ نکال لیا

    قطری ائیرلائن نے ٹرمپ کی پابندیوں کا توڑ نکال لیا

    دوحہ: قطر ائیرویز نے امریکی صدر کی جانب سے لگائی جانے والی پابندیوں کا توڑ نکالتے ہوئے مسافروں کو مفت لیپ ٹاپ سروس دینے کا اعلان کردیا۔

    فرانسیسی خبررساں ادارے کے مطابق قطر ائیرویز نے بزنس کلاس پر سفر کرنے والے مسافروں کے لیے نئی سروس شروع کرنے کا اعلان کیا ہے، جس کے تحت اب وہ دورانِ پرواز لیپ ٹاپ استعمال کرسکیں گے۔

    قطر ائیرویز کے ترجمان کا کہنا ہے کہ اس سروس کا مقصد مسافروں کو بہتر سہولیات فراہم کرنا ہے کیونکہ بہت سے لوگ دوران پرواز اپنے کاموں کو مکمل کرنا چاہتے ہیں تاہم ائیرلائن انتظامیہ کی جانب سے اعلان کیاگیا ہے کہ بزنس کلاس میں سفر کرنے والے مسافروں سے ائیرپورٹ پر ہی لیپ ٹاپ اور ٹیبلیٹس واپس لے لیے جائیں گے۔

    پڑھیں: امریکہ آنےوالی پروازوں پرالیکٹرانک اشیاءلانےپرپابندی کافیصلہ

    یاد رہے امریکی صدر ٹرمپ نے دہشت گردی کی روک تھام کے لیے مسلم ممالک سے آنے والے مسافروں پر مخصوص الیکٹرانک اشیاء کے ساتھ امریکا میں داخلے پر پابندی کے احکامات جاری کیے تھے۔

    قبل ازیں ایمرٹس ائیرلائن نے بھی مسافروں کو دورانِ پرواز لیپ ٹاپ اور انٹرنیٹ کے استعمال کی سروس پیش کرنے کا اعلان کیا تھا، عرب ائیرلائن نے مسافروں کو جدید سہولت دینے کے لیے پیش کش کی تھی کہ وہ دوران پرواز الیکٹرانک اشیاء استعمال کریں اور ائیرپورٹ پر اترتے ہی منتظمین کے حوالے کردیں تاکہ انہیں ڈبے میں محفوظ کر کے مسافروں کے گھروں تک پہنچایا جاسکے۔