لاہور: 7سال بعد طلبا کے لئے بڑی خوشخبری آگئی ، اس اسکیم کے ذریعے لاکھوں طلبا مستفید ہوسکیں گے۔
تفصیلات کے مطابق ایسے طلبا جو مالی مشکلات کا سامنا کر رہے ہیں، اپنے لئے لیپ ٹاپ لینے سے قاصر ہیں، ایسے طلبا کے لئے اچھی خبر آگئی ہیں۔
وزیراعلیٰ پنجاب مریم نوازنے لیپ ٹاپ اسکیم کی منظوری دےدی، جس کے تحت طلبہ کو7سال بعددوبارہ جدیدترین لیپ ٹاپ دئیے جائیں گے۔
وزیراعلیٰ مریم نوازکی زیرصدارت ہائرایجوکیشن سیکٹرریفارمزسےمتعلق اجلاس میں اہم فیصلے کئے گئے۔
ہائرایجوکیشن کےفروغ،لیپ ٹاپ اورطالبات کوٹرانسپورٹ کی سہولت پر بریفنگ دی گئی اور پسماندہ اضلاع میں ترجیحی بنیادوں پر نئی یونیورسٹیاں اور کالجز بنانے پر اتفاق کیا گیا۔
مریم نواز نے کہا کہ ہرضلع میں عالمی معیارکی یونیورسٹی، تحصیل سطح پر کالج ہمارے اہداف میں شامل ہیں۔
ان کا کہنا تھا کہ وزیر اعظم کی’’تعلیمی ایمرجنسی‘‘کا خیر مقدم کرتے ہیں،صوبےبھر میں طلبہ کو20 ہزاور موٹر بائیکس دے رہے ہیں۔
