اسلام آباد : وزیراعظم شہباز شریف کا کہنا ہے کہ رواں سال میرٹ پرایک لاکھ لیپ ٹاپ تقسیم کریں گے ، میرا بس چلے تو ایک لاکھ نہیں قوم کے بچوں کو ایک کروڑ لیپ ٹاپ دوں۔
تفصیلات کے مطابق اسلام آباد کے جناح کنونشن سینٹر میں لیپ ٹاپ تقسیم کرنے کی تقریب کا انعقاد کیا گیا ، وزیراعظم شہبازشریف طلبا میں لیپ ٹاپ تقسیم کئے۔
تفریب سے خطاب کرتے ہوئے وزیراعظم شہباز شریف نے کہا کہ آج جب ڈاکیو منٹری دیکھ رہا تھا تو ماضی میں کھوگیا وہ دن یاد آگیا جب لاکھوں کی تعداد میں لیپ ٹاپ تقسیم کیے تھے، جب میں وزیراعلیٰ پنجاب تھا تو لاکھوں بچوں کو وظیفہ ملتا تھا۔
شہباز شریف کا کہنا تھا کہ آج کئی بچےڈاکٹر،انجینئرزبن کرپاکستان کی خدمت کررہےہیں ، ایک بیٹی سےپوچھاکہ آپ کاتعلق کہاں سے ہے جواب ملاچکوال سےہوں، بچی نےبتایاوالد،والدہ کاانتقال ہوگیامیرے4بہن بھائی ہیں، میں نےپوچھابیٹی کیاارادہ ہےاس نے کہا بڑی ہوکرڈاکٹربنوں گی، یقین ہےآج وہ بچی ضرور ڈاکٹربن کردکھی انسانیت کی خدمت کررہی ہوگی۔
وزیراعظم نے کہا کہ قوم کی ترقی اور خوشحالی کی کنجی آپ کے ہاتھوں میں ہے، آپ ہمارے درخشندہ مستقبل کی ضمانت ہیں، میں نوجوانوں کو لیپ ٹاپ دے رہا تھا کلاشنکوف نہیں ، لوگوں کے لیے لیپ ٹاپ مشین ہوگی میرے لیے مشن ہے، اپنا پیٹ کاٹے کچھ بھی کریں قوم کے کروڑوں بچوں کو لیپ ٹاپ دینا ہوگا۔
ان کا کہنا تھا کہ میر ابس چلے تو ایک لاکھ نہیں قوم کے بچوں کو 1 کروڑ لیپ ٹاپ دوں، کورونا کے دوران یہی لیپ ٹاپ طالبعلم کے کام آئے تھے۔
شہباز شریف نے کہا کہ بغیر سفارش ایک لاکھ نئے لیپ ٹاپ رواں سال تقسیم ہوں گے ، ایک لاکھ لیپ ٹاپ میرٹ پر دیئے جائیہں گے ، نئے مالی بجٹ میں مزید 1لاکھ لیپ ٹاپ رکھوائے ہیں، وہ لیپ ٹاپ صرف اور صرف میرٹ پر ملے گا کوئی سفارش نہیں چلےگی۔
وزیراعظم نے بتایا کہ لیپ ٹاپ کیلئے ہم نے اربوں روپے مختص کیے ہیں، نوجوان بچوں اور بچیوں کو زرعی قرضے دیں گے، جس کیلئے 5 ارب رکھے ہیں جبکہ ووکیشنل ٹریننگ کیلئے بھی 5 ارب روپے رکھے ہیں۔
انھوں نے نواجوانوں سے کہا کہ آپ کی محنت سے ہمسایہ ملک کوہم بہت پیچھے چھوڑیں گے اور پاکستان کو اس کا کھویا ہوا مقام دلوائیں گے۔
