نئی دہلی: ایک ایسے وقت میں جب پورا ملک خواتین کے خلاف جرائم کے سنگین واقعات رپورٹ ہونے پر مشتعل ہے، آندھرا پردیش سے سفاکیت کا ایک اور معاملہ سامنے آیا ہے، جہاں ایک مریض نے (SVIMS) اسپتال میں خاتون ڈاکٹر کو تشدد کا نشانہ بنایا۔
واقعہ سی سی ٹی وی کیمرے میں قید ہو گیا، سامنے آنے والی ویڈیو میں دیکھا جاسکتا ہے کہ ایک شخص لیڈی ڈاکٹر پر حملہ کرنے کے لئے لپکتا ہے اور اسے بال پکڑ کے کھینچتا ہے، حملہ آور نے مبینہ طور پر لیڈی ڈاکٹر کا سر مریض کے بیڈ پر مارا جبکہ وہاں موجود چند افراد نے اسے فوری طور پر پکڑلیا۔
SVIMS #TIRUPATI ANDHRA!
An young intern female Doctor attacked by Patient !!
He tried to grab her nack !!Doctors are on Strike !!
How can any one work in such atmosphere? #MedTwitter @AndhraPradeshCM @JPNadda @PMOIndia pic.twitter.com/lTSSdbDJdi
— Indian Doctor (@Indian__doctor) August 24, 2024
دریں اثنا، لیڈی ڈاکٹر نے دعویٰ کیا کہ اس کی مدد کرنے کے لئے کوئی سیکورٹی اہلکار وہاں موجود نہیں تھا، اس نے ہسپتال کے ڈائریکٹر کو اپنی تحریری شکایت میں حفاظتی خدشات کی جانب بھی توجہ مبذول کروائی۔
اطلاعات کے مطابق، حملہ آور کی شناخت بنگارو راجو کے طور پر کی گئی ہے، جوبوبیلی کا رہنے والا ہے، جسے مرگی کی وجہ سے اسپتال میں داخل کرایا گیا تھا۔
ٹرینی ڈاکٹر زیادتی قتل کیس، ملزم سے متعلق اہم انکشاف
رپورٹس کے مطابق ابھی تک اس بات کا علم نہیں ہوسکا کہ اس شخص نے لیڈی ڈاکٹر حملہ کیوں کیا؟ واقعے کے بعد، طبی اور غیر طبی عملے کے بہت سے ارکان نے احتجاج کیا۔
