مٹیاری : لیکچرار بیوی کو قتل کرنے والے شوہر کو گرفتار کرلیا گیا، تاہم ابھی تک ملزم کچھ بھی بتانے سے قاصر ہے۔
تفصیلات کے مطابق مٹیاری کی تحصیل نیو سعید آباد کے نواحی علاقے بکھر جمالی میں لیکچرار بیوی رابعہ افشا کو قتل کرنے والے شوہر امداد جمالی کو پولیس نے گرفتار کرلیا۔
پولیس نے بتایا کہ ملزم امداد جمالی کو گرفتار کر لیا ہے تاہم ابھی تک ملزم کچھ بھی بتانے سے قاصر ہے۔
مقتولہ نوجوان خاتون کی پوری فیملی دبئی میں رہائش پذیر ہے، جو حال ہی میں وہاں سے سعودی عرب گئے ہیں جہاں پر عمرہ کے فرائض ادا کر رہے تھے۔
پولیس کا کہنا ہے کہ ورثاء کو آگاہ کردیا ہے، ان کے آنے کے بعد ہی کیس درج کیا جائے گا، مقتولہ نوجوان خاتون تین بچوں کی ماں تھیں۔
مزید پڑھیں :بے روزگار شوہر نے اپنی لیکچرار بیوی کو گولیاں مار کر قتل کردیا
جو دو ماہ قبل سندھ پبلک سروس کمیشن کے ذریعے امتحان پاس کرکے لیکچرار ہوئی تھیں اور بکھر جمالی ہائر سیکنڈری اسکول میں ڈیوٹی کے فرائض انجام دے رہی تھی۔
یاد رہے مٹیاری کی تحصیل نیوسعید آباد کے نواحی علاقے بکھر جمالی میں شوہر کی فائرنگ سے اہلیہ جاں بحق ہوگئی تھی، پولیس نے بتایا تھا شوہر نے اپنی لیکچرار بیوی کو گولیاں ماریں، جس سے رابعہ افشاں نامی خاتون موقع پر دم توڑ گئی۔
