Tag: لیگ اسپنر

مانچسٹر: انگلینڈ کرکٹ ٹیم کے لیگ اسپنر عادل رشید نے کہا ہے کہ انھیں پاکستان میں کھیلنے کی خواہش ہے، پاکستان میں پی ایس ایل فائیو کے تمام میچز کا انعقاد اس بات کا ثبوت ہے کہ پاکستان ایک محفوظ ملک ہے۔

ان خیالات کا اظہار انھوں نے اے آر وائی نیوز سے خصوصی گفتگو میں کیا، عادل رشید کا کہنا تھا کہ انھیں پی ایس ایل فائیو کے پاکستان میں انعقاد پر خوشی ہے، پاکستان میں انٹرنیشنل کرکٹ کی واپسی خوش آیند ہے، پی ایس ایل فائیو کے پاکستان میں انعقاد سے بین الاقوامی کھلاڑیوں کا اعتماد بڑھے گا۔

انگلش ٹیم کے لیگ اسپنر کا کہنا تھا کہ پاکستانیوں کو کرکٹ کا جنون ہے، اُن کا جوش و جذبہ دیدنی ہے، میں پاکستان جا کر کرکٹ کھیلنے کی خواہش رکھتا ہوں، میرے دوست معین علی پی ایس ایل میں کھیل رہے ہیں، میں اپنی کمی کو محسوس کر رہا ہوں، خواہش ہے کہ اگلے سیزن میں میں بھی کھیلوں۔

محمد عامر سے ڈیل اسٹین نے کیا کہا؟

عادل رشید نے کہا کہ میں ملتان سلطان کو سپورٹ کر رہا ہوں، مجھے بابر اعظم کی بیٹنگ کا انداز بہت پسند ہے، انگلینڈ کی ٹیم سے جوز بٹلر میرے پسندیدہ کھلاڑی ہیں، سعید انور، انضمام الحق اور یونس خان کے کھیلنے کے انداز سے متاثر ہوں، اگر انگلینڈ کے علاوہ کسی ٹیم کی کپتانی کا موقع ملے تو پاکستان کی ٹیم کا کپتان بننا پسند کروں گا، پاکستان میرا اپنا ملک ہے اور اس کے لیے کھیلنا کسی اعزاز سے کم نہیں ہوگا۔

انھوں نے مزید کہا کہ پاکستان جانا بہت پسند کرتا ہوں، خوب صورت اور محفوظ ملک ہے، میرے والدین میرپور آزاد کشمیر میں پیدا ہوئے، آزاد کشمیر بہت خوب صورت علاقہ ہے، بہ طور پاکستانی نژاد انگلینڈ کی ٹیم تک پہنچنا بہت کٹھن تھا لیکن ناممکن نہیں تھا، بہت زیادہ محنت کرنا پڑی، اگر آپ زندگی میں مثبت سوچ رکھ کر محنت کریں تو اللہ آپ کو کامیابی ضرور دیتا ہے۔

لندن: ورلڈ کپ سے قبل پاکستان کرکٹ ٹیم کے لیے اچھی خبر سامنے آگئی، ہیپاٹائٹس کا شکار ہونے والے آل راؤنڈر شاداب خان عالمی کپ سے قبل صحت یاب ہوجائیں گے۔

نمائندہ اے آر وائی نیوز شاہد ہاشمی کے مطابق آل راؤنڈر شاداب خان کو ڈاکٹر نے ابتدائی معائنے کے بعد عالمی کپ تک مکمل صحت یاب ہونے کی نوید سنا دی ہے۔

ڈاکٹر پیٹرک کا کہنا تھا کہ شاداب خان کا ابتدائی طبی معائنہ کیا گیا ہے، عالمی کپ کے لیے شاداب خان مکمل فٹ ہوجائیں گے۔

واضح رہے کہ چند روز قبل شاداب خان کے حوالے سے خبر آئی تھی کہ وہ ہیپاٹائٹس سی کا شکار ہوگئے ہیں اور ان کی ورلڈ کپ میں شرکت مشکوک ہوگئی ہے۔

مزید پڑھیں: ورلڈکپ سے پہلے قومی ٹیم کودھچکا، شاداب خان ہیپاٹائٹس میں مبتلا

چیف سلیکٹر انضمام الحق کا کہنا تھا کہ شاداب اہم کھلاڑی ہے اس کا ورلڈ کپ سے قبل فٹ ہونا ضروری ہے۔

واضح رہے کہ قومی ٹیم ان دنوں لندن میں موجود ہے جہاں انگلینڈ کے خلاف ایک ٹی ٹوینٹی اور 5 ون ڈے میچز کھیلے جانے ہیں تاہم اس سیریز کے لیے شاداب ٹیم کو دستیاب نہیں ہوں گے۔

یاد رہے کہ 5 ٹیسٹ، 34 ون ڈے اور 32 ٹی ٹوئنٹی میچوں میں پاکستان کی نمائندگی کرنے والے لیگ اسپنر شاداب خان ورلڈکپ کے لیے قومی کرکٹ ٹیم کے 15 رکنی اسکواڈ کا حصہ ہیں۔

کراچی: قومی کرکٹ ٹیم کے سابق لیگ اسپنر مشتاق احمد نے کہا ہے کہ بولنگ کے مقابلے میں بیٹنگ میں تجربہ کار کھلاڑی ہیں، بولرز اتنے تجربہ کار نہیں جس کا نقسان ہوسکتا ہے۔

تفصیلات کے مطابق سابق لیگ اسپنر مشتاق احمد نے اسپورٹس روم میں گفتگو کرتے ہوئے کہا کہ جنید خان سب سے سینئر کھلاڑی ہیں انہیں ذمہ داری لینا ہوگی، عامر وکٹ نہیں لیتا لیکن رنز روک کر دباؤ بڑھاتا ہے، عامر انگلینڈ کے خلاف پرفارم کرکے ورلڈ کپ ٹیم میں آئے گا تو فائدہ ہوگا۔

انہوں نے کہا کہ ون ڈے میچ میں بہت منصوبہ بندی کے ساتھ کرکٹ کھیلنا ہوتی ہے، حریف ٹیم عامر کو محتاط ہوکر کھیلنے کا پلان بناتی ہے اس لیے انہیں وکٹ نہیں ملتی، شاداب اپنی مکمل ورائٹی کے ساتھ گیند کرے تو فائدہ ہوگا۔

[bs-quote quote=”حریف ٹیم عامر کو محتاط ہوکر کھیلنے کا پلان بناتی ہے اس لیے انہیں وکٹ نہیں ملتی” style=”style-8″ align=”left” author_name=”مشتاق احمد”][/bs-quote]

سابق لیگ اسپنر نے کہا کہ فخر زمان اور امام الحق کی جوڑی بہت اچھی ہے، دونوں اوپنرز کا رول بہت واضح ہے، جیت کے لیے ڈریسنگ روم کا اچھا ماحول بہت ضروری ہے، ہر کھلاڑی کو اپنا روم کا معلوم ہونا چاہئے۔

ایک سوال کے جواب میں مشتاق احمد نے کہا کہ کرکٹ جنگ نہیں ایک کھیل ہے اور اسے کھیل ہی کی طرح کھیلنا چاہئے، سابق کھلاڑیوں کو پاک بھارت میچ کو جنگ نہیں کہنا چاہئے، قومی ٹیم کو بھارت کے خلاف میچ جیتنے کی کوشش کرنی چاہئے۔

مشتاق احمد نے کہا کہ ورلڈ سے قبل انگلینڈ سے پانچ ون ڈے سے فائدہ ہوگا، انگلینڈ سے سیریز آرگنائز کرنے پر پی سی بی کو کریڈیٹ دینا چاہئے، اسپنرز مڈل اوور میں وکٹ لیں گے تو کامیابی ملے گی، قومی ٹیم میں ورلڈ کپ جیتنے کی مکمل صلاحیت موجود ہے، شعیب ملک کا پرفارم کرنا بہت ضروری ہے۔

انہوں نے کہا کہ 92 ورلڈ کپ جیتنا اعزاز کی بات تھی، عمران خان کی کپتانی میں کھیلنے والوں کا کیریئر بہت زبردست رہا، موجودہ دور میں میچ جیتنے کے لیے جارحانہ کرکٹ کھیلنا ہوگی۔

برمنگھم: پاکستان اور ووسٹر شائر کے درمیان دو روزہ پریکٹس میچ شروع ہوگیا ٹیم منجمنٹ نے بینچ پر بیٹھے کھلاڑیوں کو موقع دیا۔

پاکستان کرکٹ ٹیم نے تیسرے ٹیسٹ کی تیاری شروع کردی، برمنگھم ٹیسٹ سے پہلے کھلاڑیوں کوخامیاں دورکرنے کا آخری موقع مل گیا، ووسٹرشائر کے خلاف دو روزہ پریکٹس میچ میں حیران کن طور پرآؤٹ آف فارم محمد حفیظ، یونس خان اور سرفراز احمد کو موقع نہیں دیا۔

لیگ اسپنر یاسر شاہ کی جگہ ذوالفقاربابر کو جگہ دی گئی، کپتان مصباح الحق اور فاسٹ بولر محمد عامرکو ریسٹ کرایا گیا ہے، ابتدائی دو ٹیسٹ میں بینچ پر بیٹھے کھلاڑیوں کو ووسٹر کے خلاف صلاحتیں نکھارنے کا چانس ملا ہے، سمیع اسلم، افتخار احمد اور محمد رضوان کی پرفارمنس کو جانچا جائے گا، محمد حفیظ اور شان مسعود کی جوڑی تاحال ناکام رہی ہے۔

باؤنسی وکٹوں پر وہاب ریاض اور راحت علی بھی کچھ خاص نہیں کرسکے، سہیل خان اورعمران خان کے پاس پریکٹس میچ میں کپتان اورکوچ کو متاثر کرنے کا سنہری موقع ہے،  پاکستان اورانگلینڈ کے درمیان تیسرا ٹیسٹ تین اگست سے برمنگھم میں کھیلا جائے گا۔